金滿象正宗泰國菜

營業中

休息中

同娘親食飯要食環境，同老竇食飯當然係惹味先行，廣華街呢間由泰國人經營嘅泰菜就最啱口味。已經唔係第一次同老豆嚟食，不過今次先醒起要寫食評（仲要食到一半先醒起），但都有啲參考價值嘅，所以照寫一寫。餐廳環境都算係咁，係枱同枱之間有少少迫，但嚟呢度食飯一啲都唔失禮。我同老公其實係呢間餐廳常客，有時中午嚟食個50蚊左右嘅雙拼湯河，同老竇食當然要認真點菜。上次同佢嚟食過泰式鳳爪、泰式烏頭等，都非常唔錯，今次就試下其他嘢。前菜係最常見嘅豬頸肉，烤得啱啱好，邊邊微微地焦更加香口，配上佢哋嘅醬料，又再惹味啲。（不過我食到一半先醒起要影）泰皇咖喱軟殼蟹。食親呢個都好驚炸得太過火，又驚炸粉好厚，但感覺呢間餐廳煮得用心，所以試一試，果然冇令我失望。炸粉唔會太厚，但又包得住隻軟殼蟹鎖住佢嘅精華，我第一下夾咗蟹箝食，啖啖肉，轉眼就俾我哋掃咗大半。本身擔心泰皇咖喱會好辣，但結果一啲都唔會，反而充滿椰香，啱晒我呢啲唔食辣又鍾意食泰菜嘅人食（人就係不停想滿足矛盾願望嘅生物）。（又係食到一半先記得影，其實啱啱上菜係好好睇嘅，都好足料）我哋仲叫咗個酥餅去點咖喱食。冬陰功海鮮椰青焗飯。食落少少甜辣，飯本身正正常常幾開胃，食落

行經呢頭心血來潮想食泰菜，就撞岩呢間，係門口望下餐牌無論價錢/食物選擇都岩心水，亦都無限你用餐時間，就拉門入去食泰國菜，呢客酸辣無骨鳯爪應該都無走鷄，無骨鳯爪爽脆，配上酸辣汁加芹菜，食中辣椒位都真係幾辣，但係辣得又幾過癮喎，。除咗沙律外另一開胃之選!呢度嘅生菜包出鏡率都幾高，肉類有豬肉/鴨肉，標示選用鮮肉，豬肉就食得多，今晚試下鴨肉生菜包 鴨肉加埋檸檬葉一齊炒，多一份香味，切得幾碎，仲見到有大塊少少嘅鴨皮用生菜包住食，味道岩岩好，一啖有兩種口感，唔錯唔錯。呢客泰式燒鷄 (半隻)，份量都頗對眼，上枱後未食已聞到燒香味道，有點酸辣鷄醬比你點黎食個別鷄件皮燒至焦香，鷄肉咬落都仲有汁，唔會燒到又嚡又乾，空口食都好好味。店員不繼主動加水，唔會"迫"你叫嘢飲。呢度唔收信用咭，接受現金/咩PAY!

假期夜晚喺旺角行街行到肚餓，但要搵食真係唔容易，周圍都人山人海，唯有行多兩步入去廣華街，見到不用排隊便入左呢間餐廳，點知發現都非常唔錯。泰式馬拉盞炒椰菜苗 : 椰菜苗幼嫩爽脆，馬拉盞炒好入味。皇牌咖喱大虎蝦 : 真係用大虎蝦，並不是用大蝦當虎蝦，2隻開邊啖啖肉，必定要點蒜蓉飽沾咖喱汁一齊食。原隻椰青青咖喱海鮮炒飯 : 用料十足既海鮮炒飯，魷魚、青口、蝦，仲有一片片既椰青肉，青咖喱汁同椰漿令到個飯又香又惹味，忍唔住大啖大啖咁食。

幫襯咗晚餐，我哋點咗一個泰式拚盤，講真除咗蝦餅⋯其他完全唔得魚餅好腥仲有骨又貴，唔值得！泰式柚子蝦沙律，呢個真係好食蝦同沙律夠晒味！仲有椰子油炒椰菜苗真心推介！好夠味椰菜苗好爽口真心好食！仲有泰式串燒半打，分別係牛同豬，無乜特別⋯可以試下嘅

夜晚八點半先到旺角，唔知食乜好所以求其入咗間泰國菜食飯🧐可惜我覺得真係麻麻地嘅一餐🥲🥲-🍤泰式生蝦刺身 ($119)生蝦刺身嘅醬汁酸辣比例幾好，而且蝦都幾爽口，蝦腸都處理得幾乾淨🍤不過呢個價錢得6隻，個人覺得CP值唔太高😅-🐂泰式青檸燒牛肉 ($125)呢碟係平時去食泰國菜必叫嘅菜式!!🥰🥰牛肉嘅牛味幾重，調味鹹淡啱啱好，份量都足而且唔算好辣🤩食落都幾開胃!!可惜有少少韌，食到最尾咬到有啲攰🥺-🥬泰式飛天炒通菜 ($75)呢個都係泰國菜必食!!但係呢間嘅炒通菜味道有啲淡，略嫌唔太夠味😕不過通菜都爽口，唔會煮得太淋，可能會比較啱口味清淡啲嘅朋友仔🤪🤪🦑泰式冬蔭功清湯(細) ($95)個冬蔭功湯就咁飲嘅話酸辣味都夠，飲落順口而且都幾足料，有齊晒蝦呀青口等等🦐但係啲海鮮食落冇乜味😢似係用清水煮完再係咁易用冬蔭功湯煮幾下，少少失望😢😢🦀泰皇咖喱軟殼蟹 ($145) 同行朋友勁期待呢個餸，但係都係冇預期中咁好味🤨首先真係幾油，炸粉同油味都真係有啲重😅咖喱汁幾濃但份量唔係好夠，同埋偏’杰‘身，而且椰奶味重但咖喱香味俾椰奶味蓋住，所以唔太出😓當然嗌咖喱都唔少得酥餅，所以我地都唔例外咁加咗個嚟食，好彩

中秋嘅泰式盤菜🇹🇭！覺得幾特別又好好味！盤菜附送2款湯底一個係冬陰公（可揀辣度🌶）、一個係泰式滷水我哋落咗冬陰公湯食 啲材料吸哂湯汁好好味！講返個盤菜材料有厚厚花膠、鮑魚、勁吸湯嘅沙爆魚肚、海蝦泰式🇹🇭海南雞、泰式豬手、白魚蛋、魚片頭、炸魚蛋、鴨………全部都好入味 愈煮愈好食！海南雞好滑、豬手好香入味冇毛同埋冬陰公湯煮過嘅泰式魚蛋、蔬菜都好夾，好好味😋。

🇭🇰 < <金滿象正宗泰國菜 > > 泰式夏日之選🤩💰 [ ~$200］👯 [ ~15-20mins ]📍 [ 旺角廣華街2-20號翠園大樓2期地下4號舖 ]______________________________ 見到之前試過嘅泰國餐廳新出左泰式下午茶價錢唔貴 $198就有二人份而且仲有鹹點同埋甜點所以就趁住早幾日咁熱就試左啦😁1️⃣ [ 鹹點篇 🍱 ］✍🏻 你哋一定估唔到咁多個鹹點 最正係邊個🤓🤓🤓係青咖喱呀！🤩濃郁嘅椰香 配上香茅獨特香氣加上少少辛辣味真係好想加碗白飯撈汁食🤤不過店家都好貼心 有兩件蒜茸多士可以點尼食另外柚子沙律同酸辣鳳爪都好清新對於唔食得辣嘅朋友可能會有啲辣炸物都好正 點埋酸甜醬正好中和返🌟推薦指數：9/102️⃣ [ 甜點篇 🍰］✍🏻呢間泰式下午茶好有誠意，一共有六款甜點🍮 芒果糯米飯，芒果甜汁多果肉香，椰漿甜度控制啱啱好，再配上黏得黎又唔漏糯米飯😍 食完一件仲想再食 ；椰汁西米糕，果凍不過不失好適合夏天做飯後甜品。最令小編驚喜嘅係斑蘭椰汁糕，鹹鹹甜甜，充滿斑斕葉嘅味道😍😍正🌟推薦指數：8.5/103️⃣ [ 椰子冰 🍧 ] ʜᴋᴅ58

好耐無食金滿象，對上一次黎仲係有兩個舖位，有平民版粉麵餐牌同正價版兩款餐牌…今晚再次幫襯已經得返本舖一間同埋得返正價餐牌。酸辣鳳爪係泰國菜必叫，份量好足，非常入味，唔記得叫少辣食到個嘴有啲麻。青咖喱炒米，上面蟹肉唔少，不過唔係同個米粉一齊炒，所以啲蟹肉係原味黎，即係好清淡。但個米粉一樣好入味，而且係條條米粉都掛到汁，乾爽，好好食，食得好舒服。牛油大虎蝦係呢餐既亮點！真係好正好香好爽口！雖然百幾蚊只係得兩隻蝦，但係食完之後真係覺得值呢個價！蝦身有一隻女士手掌咁長既，蝦頭同蝦身差不多係1：1。唔係好大隻但都有啖啖肉既口感，加埋上面果層牛油麵包碎，食落好豐富，不過我唔食蝦頭，評唔到個頭有幾正…。雖然當下有少少唔夠喉，但一人一隻係幾fit ，我估食多隻會有啲膩，重牛油嘛。食完呢餐之後對金滿象有重新既印象，打算再試下餐牌上面其他食品，期待有更多驚喜。當晚星期六都好爆，見唔少人walkin 要係門外乾等，大家可以多善用open rice 訂位功能。

旺角好味泰國菜💁‍♀️地點方便，店員有禮貌、好客💁‍♀️必試特色App魚、椰子沙冰🥥 柚子蝦沙律🦐$93非常清新，柚子肉好多🥰蝦肉爽口，唔會太濃味，用嚟開胃啱啱好💁‍♀️ 金滿象招牌Apps魚🐟$209通常食泰國菜嘅魚都好驚佢好霉或者好鞋💁‍♀️呢個魚烤得好香，面頭佈滿泰或香料配菜，肉質唔韌唔霉，軟淋淋好juicy好入味😂😂 泰皇咖哩軟殼蟹🦀$145咖哩色澤靚、蛋味香😋軟殼蟹炸得脆卜卜熱辣辣，好香口🤓 金滿象特色甜酸Mak Ame虎蝦🦐$139虎蝦好大隻，蝦肉爽口，加埋酸甜汁都幾開胃😂下面仲有洋蔥圈添🧅。 泰式椰汁雞湯（細）🐔 $89細都咁大鍋真係正😂雞肉夠滑，湯底酸酸地，加埋好重椰汁味真係好香🥥湯嘅質地濃厚幼滑🥰好味。 椰子油炒雜菜🥬$85椰香味濃🥥啲菜好入味，保持結構完整但唔會好硬😋好味。 泰式烤酥餅$28個酥餅好香口，熱辣辣，有8塊咁多😋用嚟點咖哩食一流。 龍眼冰🍹$36好冰涼好好飲🥰龍眼味濃、好清甜🤓仲有好多粒龍眼肉😋，令人好滿足。 椰子沙冰🥥$59呢個沙冰超抵飲🥥大大個椰殼，入面表層佈滿椰肉，入面係大量沙冰、椰汁味超香濃🥥仲有啲椰青水嘅味道💁‍♀️，兩個人都夠飲🥰好消暑解渴呀😋

合適不辣的人，大碟，埋單有甜品送，芒果甜，芒果沙冰大杯，合適不辣的人，大碟，埋單有甜品送，算好座。這條街可能無咩選擇，因為見到食評及星星來試，感覺失望，有幾可信。

位於旺角的金滿象正宗泰國菜，是一間由有20年經驗的泰籍星级名廚主理的餐廳。大廚曾在電視台比賽中獲獎，廚藝高超，經驗豐富。店舖主打泰國地道風味，當天平日光顧，全院滿座，頗受歡迎哦～ 餐廳地方不大，裝潢設計甚有當地特色，以木和金色為主調，帶出東南亞地區的獨有韻味。店員大部份是泰籍人士，即時有致身於異地的感覺呀~ 星級大廚以地道正宗泰國菜打響名堂，款式超多，招牌菜也有很多，令人眼花撩亂呢。 泰式柚子蝦沙律 $75 酸酸辣辣的泰式柚子蝦沙律，非常開胃! 柚子肉又大大飽滿，酸甜多汁，蝦隻份量十足，很不錯呀。 泰式生蝦刺身 $119 泰式拼盤 $185 大大盆泰式拼盤，有4款不同的小食，包括: 雞丸、春卷、蝦餅和魚餅。雞丸帶有豐富肉汁，一咬汁水四溢，很有驚喜! 當中我最愛炸蝦餅，外層香脆，蝦肉超彈牙，很美味呢~ 泰式沙爹串燒 $85/半打 半打串燒可選牛、豬、雞肉各兩串，沙爹味道香濃，味道不錯。來到泰國餐廳，不能不點串燒呀~ 泰式秘製牛油焗大虎蝦 $139泰式冰鎮鮑魚 $119/6隻獨門秘製無骨燒雞釀香茅黄薑飯 $229 氣派十足的無骨燒雞，雞皮燒得又薄又脆，更藏有大量香茅黄薑飯，非常飽肚。不過調

今次食咁嘅哩間泰國 真心好味😋我哋2個人叫咁多嘢食 就知佢咩料啦～每樣都好食！連飲品、甜品都係！所以最後就算好飽 都忍唔住外賣個芒果糯米飯返去做宵夜好痴線😂.🥥椰子沙冰 $59 （❤️）先嚟就講飲品，係因為好好飲！原個椰青加椰奶去打成沙冰，飲落成口都係椰味，而且啲冰打到好滑，入面仲有啲椰子肉，超好味！.🔸皇牌咖喱炒蟹 $369（❤️）、蒜蓉包勁正，個咖哩好香，食落我覺得有少少似係泰式咖哩加咗啲印度香料咁，好惹味！蟹好肥美，好大隻蟹鉗！香噴噴嘅咖哩汁配脆蒜蓉包，一流！.🔸 清邁酸辣飛天羅非魚 $209（❤️）出奇地好味，同埋好多肉！佢似係咕嚕魚咁，外皮炸脆咗，再用泰式醬去煮，甜甜酸酸辣辣，仲有啲香茅味👍🏻。魚肉幾大舊，肉質唔會鬆散，好好食！.🔸 泰式青檸燒牛肉 $125（❤️）哩款嘅牛肉比串燒嘅靚，肉質鬆軟，燒完特別香口，再配泰式酸辣醬，超惹味！.🔸泰式椰汁雞湯 $89（❤️）好滑好香濃，飲落好舒服！入面有唔少嘅雞肉、菇類、洋蔥、番茄、香茅，好足料！味道少少似唔辣嘅冬陰公。.🔸泰式拼盤S $138（👍🏻）有雞卷、蝦餅、魚餅、春卷，熱辣辣炸起好好食！我最鍾意春卷同蝦餅，春卷粗身餡了多，蝦餅入面有啲蝦

一直以黎都係Openrice既CD-rom，睇openrice靜係睇邊到有咩食甚少睇評價，因為我覺得一間餐廳，難食都係一次，無左下一次機會但同鋪頭老闆價計先知，原來好多食客都真係睇食評而決定餐廳正正係呢個原因，再加上之前經常都會去到泰國做野，食慣正索泰國菜但疫情之後，再食唔到正宗泰國既泰國菜，或者要食，都要去到九龍城，一黎交通唔方便，二黎果邊已經好似有小小變質。所以想寫呢篇文比會睇openric 既食評既食家睇睇唔知有無用，但食完真係值得我真心推薦！-後記： 因為我地7點半去，8點半已經食完，但係一直係到慢慢飲酒，食串燒（唔記得影相），食到佢地收工，霸左張枱，佢地都無出聲，當然我地都有消費。後來忍唔住問佢地，點解咁正宗，原來因為除左樓面，廚房大部分都係泰國師傅，唔怪得味道可以咁泰國

今日是佛誕，全家人放假，行了成日街，想找一間泰國菜館食晚飯。由於女兒要在晚上8:30前要回到家中上堂，又說想吃泰國菜，所以我們在晚上6:30走入旺角的金滿象正宗泰國菜。進入泰國菜館，只見全館只有兩枱客，心想真好，我們趕時間，客人少正合我意。我們想立即點菜，但沒侍應理會，過了約5分鐘，他們才施施然走過來。我們點了4個菜，便開始各自玩手機。過了20分鐘，女兒開始等得不耐煩，問我們為什麼等了這麼久仍沒有上菜。我們問侍應何時上菜，他檢查了一會兒，才告訴我們沒有入單，還說現在幫我們入單，一句對不起也沒有，令我們生氣得立即離開，只好到另一間飯店吃飯。

朋友生日, 見疫情好啲所以就出嚟食晏當係同佢慶祝, 揀咗呢一間, 諗住泰國菜都係食返啲基本小菜, 應該無問題冬陰功湯, 椰汁味同蕃茄味都好濃, 食唔到辣味有啲失望。蝦餅比較出色, 食到蝦肉同彈牙最失望係呢個柚子沙律, 賣相已經同相片好大出入, 蝦係雪藏蝦完全冇味, 我情願佢唔落, 抽仔唔甜....唔建議食串燒叫咗雞同牛, 雞串燒係ok嘅牛肉就一般都係嗰句啦, 不過不失但係唔會再食多次。