金滿洞 (已結業)

一年前黎食lunch ，人都唔多，到今日黎爆曬人。皆因真係好抵食，又大份，lunch 叫餐無加一， 仲要送湯同一人兩份前菜，位又夠大 座得舒服，石門黎講真係好抵食。 大約$ 45-60 一個lunch ,不包飲品。中午都有buffet，但無試過，不過之前都見到多人韓燒放題！！！之前試過鐵板同定食，價錢前錢貴$5, 但肉一樣味同煮法，比大家參考番，亦都食過鍋湯類配飯， 啲湯個味本人覺得唔夠，有點淡水，但勝在夠多蔬菜不過，衛生環境一時一半半，但無食到肚痛過既。即使好忙，個姐姐同叔叔都落力去做，又有禮貌，有甩溜都唔會怪佢地，值得讚同得試下啦

夜晚係石門決定放棄漢和 去食金滿洞有得選擇的話 都盡量唔揀連鎖😂🤤嗰日去到21:00 只係$158加一 入到去人唔多 但食物就夠哂多✨肉類有唔同款嘅豬牛雞 仲有魷魚鴨胸多春魚等蔬菜有茄子 南瓜等等 一應俱全 👍🏻側邊仲有生菜任拎 可以包肉食最推薦係牛肋骨😆牛肋骨醃完入哂味 夠哂Juicy 豬雞嘅話就正常發揮 不過豬五花就一般啦冷盤就有壽司 中華沙律 螺肉 三文魚刺身等等 😎算唔上係好新鮮好好食 但都ok嘅 (去食韓燒呢啲冷盤食少少 過下口癮就算啦😂)熟食嘅話有炒飯 豬腳薑 炒粉絲 燒三文魚等等😍😍甜品除左雪糕 豆腐花 泡芙同埋啫喱款式夠晒多 真係諗到到流哂口水🤤不過臨走嘅時候就有啲小插曲 因為去食嗰陣臨近收工 食到最尾嘅時候啲員工就因為想執枱叫我哋去第二張枱食雪糕🍦 除咗嗰陣有少少無語之外 整體黎講都幾好👍🏻

去左石門食平價韓燒喔🔥🥓🥩🦐🦑🍆🎃好耐之前嚟食過午餐 今晚就過嚟食下晚餐啦😊☺️好彩有book位 因為夜晚都幾full下的蔬菜類 有生菜🥬燒左啲肉肉仲可以夾埋啲泡菜芽菜一齊食 真係好正架啵 仲可以減低油膩感的喔😉☺️除此之外 仲有翠玉瓜 茄子🍆冬菇🍄南瓜🎃同埋其他菜菜菇菇等肉肉方面 有超級多嘅選擇 有雞肉豬肉牛肉哩啲基本野🐔🐷🐮同埋有牛舌👅雞翼 鴨腎 金菇牛肉卷 牛仔骨🦴等等 食材都算係咁 以平價哩講都算唔錯 食物都refill得好快啵👍🏽👍🏽特別要講的是 牛舌同埋魷魚鬚都好正 整得幾入😋🤪甜品嚟講 都好多選擇的喔😉😉有啫喱 椰汁糕 泡芙 雪糕 豆腐花🤩😍🤪小妹最欣賞的雪糕 有六款口味 包括抹茶🍵豬古力🍫曲奇🍪芒果🥭士多啤梨🍓同埋雲哩嗱 啲雪糕真係高質真係好好食 又唔會太甜啵😋🤤至於豆腐花 真係好得下啵👍🏽👍🏽熱辣辣嘅豆腐花好滑好香豆味‼️‼️同埋夠熱呀🤩😍🤤🤤值得一食 因為小妹太飽 所以食得一碗😂😆另外 熟食方面有薯餅 泡菜餅 炸鰻頭 等等 味道一般🤪😛

第一次來這店，以為晚上9:00所以沒有人，点知食食下，枱面有小曱甴，再出去攞食物食物枱上有4~5隻中曱甴，即刻冇哂胃口，同店員投訴，他們即刻毀屍滅跡，他們還說沒有辨法，因為疫情關係，所以關門了多天，所以有曱甴，我同店員講，依嗰唔喺藉口，明知這嗰疫情，應該開鋪之前清潔加消毒，如果做唔到不如唔好開舖而家疫情底下出去食嘢已經少，仲要衛生咁差食物真的麻麻地，以後都唔會再嚟！已經通知食環署，你們要好好檢討一下

先奉勸各位如肚底不好，千其唔好試E度既壽司...一家六口星期日晚黎韓燒，位位198+，選澤都算齊全，味道中規中矩有驚：自己都知黎燒野食乜鬼壽司，但點會古到壽司飯入面會有隻小朋友走岀來😨😨 粒昆蟲係芝蔴咁大既"穀牛/曱甴"，已經拍左片見佢喺舊飯度鑽岀鑽入，唔po相廢事令大家反胃喇😟😟 叫餐廳付責人黎睇，佢只係話唔好意思打個九折比你，我再同佢講係咪應該處理左啲壽司佢唔好令其他食客有同類事情發生令人唔舒服，佢先去攞走盤野，但轉頭又攞第二盤岀黎... 真心希望其他人冇事... 有喜：甜品有豆腐花，雪糕，糖水，一口size既cake，都唔錯，其中豆腐花係最岀眾haha冇諗過黎韓燒會食到好食豆腐花☺️☺️今次故事教訓我唔好亂打大佬😂😂😂 希望下次黎食野只有喜冇驚啦

今時今日的石門工業區，已經是沙田區的一個美食小天地。有心去找，整個石門的確是美食處處。沒心去找，也不愁沒有好東西食。因為，總有一間好的食店在左近嘛。而這一天，我同同事本來心儀了一間咖啡店。可是沒有位子啊，我們就轉過彎，試一試這一間未來過的韓國食店《金滿洞》。中午時段，每人一個午餐，且看看好不好食。牛肉石窩飯，看起來很平民。沒有太多裝潢的石窩飯，令人覺得這似是韓國本土小店的出品一樣。飯不華麗，但味道卻是很好的。牛肉香，石窩飯的熱力夠，直接令窩內的配菜全熟，冬菇出了香味，蘿蔔出了甜味，感覺唔錯。豬扒雞肉定食，是鐵板燒的炒雞肉啊。所以成份肉連洋蔥都充滿了醬油香味。雞肉夠嫩，味道夠濃，加埋個醬，就成為一個伴飯吃的好伴侶。就這小小的一碟仔炒雞肉，就可以令我食晒成碗飯啦。午餐定食的味道不錯。唔想等位，又要坐得舒服兼唔想食太貴，人在沙田石門，《金滿洞》算是一個好選擇。

今晚同屋企人去左石門揾食 當做節食團年飯 吾想食傳統餐廳 試左金滿洞 由於下午book左位先 所以都吾洗等由於係星期日晚 大人198/位 小朋友同長者168/位 再加一 平日係再平啲 但以食物種數 呢個價係好抵食除左有多種豬牛雞之外 仲有瓜類同菇類 除此之外 又多種韓式配菜 真係幾多選擇另外 仲有多款炸物 佢地都不停refill 如果啱啱好新鮮拿岀黎 仲熱辣辣添吾想剩係食肉 有幾款熱食 咸菜豬肚 炒飯等甜品方面 有芋頭蕃薯糖水 湯圓 豆腐花 雪糕等最特別係豬腳薑都有 真係乜都有你食 今次體驗吾錯 staff都好有禮貌 不過4大1小安排左卡位有少少窄 吾可以一次拿太多野食放喺枱

迎月夜，同學們相約在「金滿洞」齊齊韓燒慶祝中秋佳節！我的習慣自然是先來大巡禮......有推介......豬腳薑挺不錯，豬腳腍滑，醋味不太甜也不太酸。雞翼中間位置切割開，令雞翼容易燒得快熟，真的頗細心。鴨腎、薄牛扒和牛舌都是我喜歡的燒烤食物，炸饅頭涼了，我順便在爐上加熱才吃！蜜瓜十分清甜，豆沙煎堆仔又暖又脆。芝麻與曲奇餅雪糕合我心意。嘗過這幾款小甜品......還有很吸引的豆腐花未試，可是已經很飽了！

包羅萬有，又平又抵食。我已經帶好多朋友黎食過好多次，位位朋友都滿意。今次閒日黎食，1800時就入場，一切仍然保持水準。地點方便，一出馬鐵行三分鐘內就到。雖然鋪頭地方不大，但勝在食物種類好多，除左自助燒既食物外仲有好多熟食任你食，Refil 得好快，而且大部分食物味道都很好。服務員會主動行黎換爐。雪櫃內除左可樂雪碧仲有韓國汽水同韓國牌啤酒都係任你飲，埋單價錢依舊經濟，除開每人連加一後都係只須$207。平日去食不用訂位。

去石門揾朋友食午飯，朋友話想食韓菜，就呢間囉！其實選擇真係唔會太多，呢度既商業大樓始終唔會太多，餐廳相對旺區係少d架啦！海鮮鍋定食 $45有前菜、湯、白飯既基本食物，而海鮮鍋就好足料，蝦都有3隻，青口兩隻，海鮮都ok，唔會有鯹味，又有一大舊豆腐都好滑喎，多瓜菜，湯底唔算辣，都幾好味！$45 加一（無飲品），價錢都係咁上下，坐得ok 舒服既。不過，發現石門區食lunch 唔會比油尖旺平，仲要加一，唔包飲品。

因射波所以食到平日7：30前離席的價錢，只要$158加一的價錢。可以燒食物種類應該廿幾款(豬牛雞外仲有雞腎，牛脷)，凍頭盤小食如泡菜，中菜沙律等有十款，仲有幾款壽司同三文魚刺身(當然無咩味，但算新鮮，超市質數)。當然有薯條煎餅粉粉絲等熟食。而亦有雪糕，甜點，任飲罐裝飲品。說實在，食得自助韓燒都知質數一般，以量取勝，但呢間D肉味道同口感都可以，魷魚同牛肋骨都幾好食，味道唔會太咸，而且都好乾淨企理，其中豆腐花好滑，雖然豆味唔重，但比外面的甜品店好食。地下好乾淨，坐得又闊又舒服，服務仲好好，我只係食左個半鐘，竟然會主動幫我地換鐵板。今時今日，食個什扒飯加杯珍奶都成$100,咁食個韓燒減下壓都唔錯，會回頭再食。

幾個月前食過幾好, 今日上open rice 突然醒起呢間金滿洞, 印象好深刻因為間真係唔錯, 地方算乾淨, 服務態度真係好好, 食物都多選擇又ok, 但最好要book枱, 值得支持, 一定會再去

食完成個月先得閒寫食評，哈哈哈。呢間韓燒係真心想推薦嘅一間，試過對面商場另一間韓燒，但個人口味真係鍾意呢間多d。呢間舖頭唔大，坐位唔算多，所以假日或者平日夜晚想食最好提前book位。上次帶屋企人去食，連做過凍肉生意好了解牛肉類嘅爸爸都話呢個價錢有咁嘅質素嘅肉都算良心小店，雖然肯定唔係咩AA級嘅肉，呢個價錢食到已經好好了。所以，全家人都覺得有下次，希望佢地生意可以長做長有，食物保持質素，唔會加價太多，咁我地呢d吃貨就有口福了！

石門有兩間韓燒，一間連鎖嘅，另一間就係金滿洞，呢間個老闆伯伯好勤力，之前見佢係港鐵站派傳單，反正食嘅嘢差不多，決定入去試吓星期日嘅晚上，價錢係198再加一，兩個人限食個半鐘，但最後都無人趕我地走，好好彩燒烤區最正係牛仔骨，幾淋，醃得夠味牛肉粒亦好有牛味大蝦燒完啲肉都唔會梅熟食區相裏面嘅時熱食都普普通通最正係影唔到嘅酒店式凍蝦，夠鮮甜夠彈牙壽司及配菜區壽司🍣刺身當然不抱期望，醃菜比較出色醃蘿蔔絲酸甜醒胃之選甜品區啫哩，奶凍，蛋糕同布甸都只有甜味，沒有其他味道層次。亦提供6種雪榚口味西米榚有椰香奶香，甜品之中最好味熱食區食咗舊豬腳薑，夠淋但未入味鐵盤係最傳統個種，好易燒燶，但勝在侍應換盤勤快，食咗兩個鐘，換咗4次盤總結嚟講，服務算好，但食物普通，食韓燒都係旨在開心啫

而家食韓燒再唔係只係食燒肉咁單調， 除咗必食嘅人參雞湯 ，豬牛羊雞魚嘅燒肉外， 一般都會包埋日式韓式嘅前菜中華沙律，泡菜等。 呢度仲有日式嘅刺身喇，壽司。 而中式方面有什菜，炒飯， 豬腳薑， 迷你豆沙煎堆， 蛋散。 飲品除咗一般嘅罐裝和韓式飲品外， 仲有鮮榨果汁同埋涼茶。 甜品亦有好多選擇， 豆腐花， 湯圓， 番薯芋頭糖水， 涼粉，雪糕，奶凍，泡芙，啫喱，任君選擇。 食物味道方面， 中規中矩， 沒有特別好食也沒有特別難食的食物。 勝在一定搵到啱自己食嘅嘢。