金滿洞 (已結業)

平時都有食開牛角、牛太等等既燒肉。最近覺得燒肉越食越貴，想搵返間平價又體現到自助燒既餐廳，就揀左呢間。肉類都係腌製平價肉，預左，牛仔骨我最鍾意。其他一般般。有壽司，正文魚刺身，食左幾件壽司，比爭鮮略差。有少量熟食、炸物、水果、甜品，種類少。其中西瓜、豬腳薑都唔錯。至於其他，就唔比評價野飲都ok齊既，韓式黎講。200蚊一個人唔可以要求太多。

BBQ食物款式不算太多，但勝在想食的都有，推介熱食：芝士年糕、豬腳薑；BBQ食材：牛仔骨、雞腎，很欣賞甜品豆腐花，既熱且滑😋。樓面人手不多，勝在一眼關七，照顧到顧客的需要，一次晚餐就換了兩次燒烤爐盤，又密密清走桌上的用碟，服務不錯，相信會再光顧

5月時女同事C同SL已經話要約上個月出去食lunch,終於約咗20-6-2023(Tue),加埋男同事PH一齊食,由於時間尚早,我哋4個到嚟時仍有好多位,想坐窗邊,但侍應問燒唔燒?我哋答唔燒,佢就話嗰啲位係燒肉,我哋唔坐得,要我哋坐中間嗰啲位.咁睇完menu後,C,SL,PH同我,分別要$55.00嘅三文魚石鍋飯,$46.00嘅豬肉燒肉定食,$55.00嘅鰻魚石鍋飯同$48.00嘅雞肉石鍋飯.未上飯餐前,先食八碟前菜,我冇食泡菜,大豆芽菜同螺肉唔辣,蘿蔔絲酸甜度啱啱好,另外嗰3個包括中華沙律,白菜仔同唔知係咪莧菜都正常好味.落完單就上咗4碗海帶湯,飲落,有啲辣味,係胡椒嘅辣.味道:2.8分之後啲飯陸續到嚟,所有石鍋飯都有一碟辣醬,我試一啲唔太鍾意個味,所以唔撈落個飯喥食,我哋撈勻晒嚟食,見到有飯焦,雞肉嫩滑仍juicy,成個味道好夠,OK 嘅.味道:3.5分而呢喥有茶之外,都有酸梅湯俾客人自己無限出去斟嚟飲,我就飲一啲,覺得味道麻麻.味道:1分

我今日特意到沙田石門京瑞廣場試試呢間韓燒，整體來說食物質素算是一般般，但價錢親民且食物份量十足，加上店員服務態度不錯，讓我吃得心滿意足。我到達餐廳時是中午十二點左右，客人不算多，很快就入座了。餐廳不算大，但簡約的裝飾和充足的光線讓整個氛圍都感到舒適愉悅。午餐韓燒套餐只需 $125，其中包括前菜、熟食、燒烤區和甜品，價錢實在。由於今天是假日，加多$10，即$135，加上服務費和稅款後，總共埋單$149。前菜包括冷盤和熟食，質素一般，但也還算可以。燒烤區的食物類型不算豐富，但份量足夠，包括牛肉、牛舌、牛仔骨、雞翼、豬扒、魷魚等食物，以及蔬菜類如洋蔥、翠玉瓜、茄子、粟米、金菇等。甜品款式不算多，但有西瓜、哈密瓜、蕃薯芋頭糖水、湯丸和多款口味雪糕任食，還有奶凍、啫喱和其他甜品，不過吃得太飽就吃不下了。

今日嚟到石門一期，試下呢間韓燒。一行五人晚上嚟到呢間韓燒，好快就入座放題時間為晚上七點至九點，見到燒烤肉類種類都很多，我揀咗雞翼，牛舌，魷魚當然唔少得牛肉。雞翼醃得不錯味道都很好，魷魚就相當易入口而且有少少辣味，牛舌吃了兩轉其中一轉的牛舌比較韌，牛肉亦有多種口味都算不錯，牛仔骨是必點的。另外還有很多熱食，有炒粉麵，炸雞翼，三文魚當然還有我至愛的豬腳薑，豬腳薑炆得非常之入味豬腳亦都很堅韌而且入口即溶的感覺。最後吃了甜品有豆腐花加紅豆糖水做一個紅白作結尾，都尚算抵食回頭率70%。

食物真係選擇不多，價格一般，留意唔好超時7:30，唔會有人提你，過咗7:30，價錢會貴少少，不過，基本上平民韓燒就係咁上下，餐具乾淨程度有待改善，但自助吧夠寛闊，整體都係舒服，唔會有壓迫感。熟食都有啲選擇，任飲任食有提供啤酒，都算係咁。。啲肉類都係正常發揮，唔係特別好食，但又不過不失，都乎合價格比例。海鮮有蝦，有尤魚，都可以啦。甜品有泡芙，啫喱等等。如果住附近，都係一個選擇，但要吸納外來客就未必得了。

好耐冇食韓燒啦,今日心郁郁想食韓燒,特意黎到沙田石門京瑞廣場食呢間韓燒,中午十二點左右去到,客人唔多,好快入到座,餐廰唔算大,裝飾簡約,光線尚充足,午餐韓燒都幾抵食,平日只需$125加一,今日係假期,就加多$10,即係$135加一,埋單$149,食物質素如下:前菜有冷盤同熟食,冷盤有泡菜, 大豆芽,中華沙律,銀魚仔乾,凍螺肉,質素一般,熟食有炸三文魚骨,咸菜豬肚,豬腳薑,炒飯同炒粉絲,同算ok,仲有個人參雞湯,d料都幾足燒烤區食物唔算豐富,主要係食左牛肉,牛舌,牛仔骨,雞翼,豬扒,魷魚,魷魚鬚等食物,仲有蔬菜類如洋蔥,翠玉瓜,茄子,粟米,金菇等,食物質素唔算突出但夠飽肚甜品款式唔多,有西瓜,哈密瓜,蕃薯芋頭糖水,湯丸,仲有多款口味雪糕任食,加上仲有奶凍,啫喱其他甜品,但己飽肚食唔落今餐整體食物質素唔高,但價錢親民同夠飽肚,加上職員工作態度唔錯,平平地食個韓燒幾好

一入到去就是的包了場的樣子，食物算是多款式及大眾化，🥩肉類來說算是不錯，又可以整生菜包🥬又有豆腐花食，仲有壽司食添呀，大致上食物都好味道，最喜愛有很多不同款式的甜品，有中式有西式不過我非常欣賞其實這店是有點韓國風味，他的配菜是不錯，雖然食物真的是比不上當地，但只起碼係疫情底下，如果大家都想食得舒服啲，想要空間感大啲，又想有多啲食物選擇，都不妨可以試一試這一間店，店員工服務不錯喔，大家都可以支持支持一下喔

我去食嗰日冇網上食評咁多食物。本身想去食蝦同三文魚刺身但係去到發現完全冇呢兩樣野，生果得兩款，其他可以選擇嘅食物都好少。食物質素都覺得唔掂，首先個人覺得最難食係壽司，啲飯好硬仲要好酸。牛肉食落去都冇乜肉味。咁樣價錢不如去食校長燒肉。我去食嗰日冇網上食評咁多食物。本身想去食蝦同三文魚刺身但係去到發現完全冇呢兩樣野，生果得兩款，其他可以選擇嘅食物都好少。食物質素都覺得唔掂，首先個人覺得最難食係壽司，啲飯好硬仲要好酸。牛肉食落去都冇乜肉味。咁樣價錢不如去食校長燒肉。

垃圾金滿洞，買個牛肉炒粉絲等左成30分鐘以上，得2張外賣單，另一個女士又係等足半個鐘！全場得2個阿姐侍應，我見有幾張枱埋左單走左都無人執。本身石門都少去，係咁啱去拎新身分證先話買埋外賣，正一垃圾餐廳點解咁耐先整到個炒粉絲？我見佢同時出左一碟堂食，原來係要等埋另一張一樣嘅單先一次過炒！！下次話我知邊樣野有人叫嘛，我一齊叫咪一齊出囉。哦，不過唔會有下次。就返去食睇下你碟炒粉絲有乜咁巴閉要炒足半個鐘！！

呢間餐廳比較輸蝕就係佢唔夠車站附近個間韓燒咁香！因為每次一去到石門站，當你好肚餓你就會聞到一陣韓燒味令你更肚餓，不過都係對面商場之隔~ 真係想食韓燒咪行多幾步！不過咁近兩間真係好容易會比較的~我覺得今次食嘅感覺係overall肉感都係好新鮮！佢有三文魚食，都不停refill，非常好！出面有冷盤小食、熱食、熱小食、甜品，如果講韓燒都算足夠的，最緊要係肉都好入味~不過蝦就睇彩數，有少少煤...我特別推介kimchi，非常好食~建議鍾意食芝士年糕嘅朋友仔，記住拎返去之後烘熱佢食，超正！飲品不算太多種類，不過有啤酒！甜品就麻麻地，豆腐花好硬，亦沒有標籤很多甜品都不知道是什麼，味道也一般。雪糕好味！職員都好好服務態度，都好勤力幫你換鐵板~

今次試吓呢間韓燒！我一向食韓燒多數食牛，因為好味又快熟，呢度我試哂啲牛肉，最好味係牛仔骨，其他豬肉，雞肉都一般！其他真係冇乜想試嘅意欲。熟食我試咗豬腳薑，但啲雞蛋好似啱啱放落去，冇乜味豬腳都幾入味，三文魚腩都幾肥美，其他炸物無試，凍蝦🦐蝦頭有啲腥味，身就無味，三文魚生淡味！韓式配菜試晒，最好味就係醃蘿蔔！甜品食咗啫喱同埋豆腐花！其他都係冇乜意欲想試！飲品最欣賞佢有無糖嘅解茶，多個選擇比我呢個唔想飲甜野嘅人！總結就係標題上面！星期六、兩位$438.

呢間野我印象中幾年前食過一次，當時覺得伏左，食物選擇少又唔新鮮!但尋日睇OpenRice搵野食，竟然有人推介，今日膽粗粗去試多次，叮噹😍😍！的確要出post為佢平反一下😂好彩幾年前我仲未識寫食評，唔係真係對佢唔住🤫😅😅1）前菜種類都幾多，當然特別推介酸蘿蔔2）熟食種類都有七八款，炸物OK，炸完出嚟唔係乾爭爭嘅，亦都唔會油淋淋，薄撐真心好味必食👍🏻👍🏻3）燒物生嘢，種類都好多，推介牛仔骨夠入味，魷魚鬚好大條！4）甜品有雪糕自己（拔），木糠布甸，啫喱，泡芙，紅豆菓子，朱古力布朗尼等，重有豆腐花，不過我食唔到😭是次食後感：$188/位+10%價錢合理，唔算貴，食物，環境同衛生都ok, 絕對有下次，平反完畢😆🤣

囡囡話早一晚同爸爸預祝父親節，加上又考完試，所以點都要慶祝一下。佢哋話慶祝當然要揀任食自助餐啦。所以我哋就決定過石門去食韓燒。金滿洞並非連鎖式集團，價錢唔算貴，食物種類選擇都算多，所以都有一定的支持客。佢嘅任選烤肉每盤嘅份量都唔多，一冇就即刻換，確保食物新鮮同衛生。而我哋今次都係選擇食牛仔骨牛肉為主，佢醃肉醃得唔錯，牛仔骨落咗少許黑胡椒去調味，所以當燒完之後係特別好味。牛肉也好嫩囗又多肉汁。燒烤材料有海蝦，我哋都食咗唔少，食海鮮最怕係楣，好咗佢哋既海蝦也質數也不過不失。甜品種類選擇都有十幾款，阿囡話食豆腐花，我開頭都覺得唔抵食，不過她盛咗一大碗，我就試吓兩囗。嘩！好耐無試過咁重豆味既豆腐花，仲要入口即溶，十分正！其他甜品如和果子、奶凍、涼粉、蕃薯糖水，味道都算唔錯，可以一試。罐裝飲品亦多選擇。另外，亦值得一提的是員工既服務態度十分好，亦勤換烤盤及主動收碟，食既過程一樂也。

交通便利就在石門地鐵旁的韓燒店。地方寬敞乾淨企理，服務到位友善，招呼周到，有禮貌。兼員工十分勤力，一見燒鑊有燶便馬上替我們換，有用完之碗碟立刻收走，2小時內共換了5次！燒烤肉類選擇非常豐富，猪牛羊雞鴨質素頗高。也有小量海鮮如：魚蝦魷魚供應。熱暈包括猪腳薑，咸菜楜椒猪肚，韓式海鮮煎餅等等。甜品都有很多款式：啫喱，番薯糖，涼粉，雪糕，布甸，雪米糍，等等。啤酒、汽水、五花茶、豆漿任飲！絕對可以一試！值得推介。