金滿洞 (已結業)

沙田如果想食任食真係好小選擇通常都要行遠小小去大圍或者石門所以就去試試呢間金滿洞韓式燒烤自助餐專門店洞呢間離馬鐵好近 基本上就係馬鐵旁邊既商場呢邊既商場人流都唔多 好多死舖所以呢到通常一黎到就有位呢日一點半黎到冇咩人 我地2個人都有卡位食物種類方面 同旺角韓燒差別唔大 牛雞豬羊 咩都有咁有呢間有咩特別位 同重點第一 比較小人 同乾淨第二 野飲有罐裝汽水 同韓國飲品第三 比其他韓燒貴小小 星期六日要大概150第四 呢間大概2點開始收野 準備晚市 所以好多熱盤都軟哂 因為放左好耐（早d黎應該會好好多）

星期五最貴時段去， 冇訂位直接入座， 地方都算闊落。 七點幾開始食到十點幾， 冇人趕， 個個服務員都好有禮貌， 好親切同好有效率熟食方面款式都算多， refill 速度好快好新鮮。飲品種類除左尼個櫃仲有豆漿同五花茶燒烤食物大同小異，不過佢雪櫃真係好勁，有的食物未完全解凍不過值得一讚係佢既雞腎全部都係大片，唔會好似其他咁細細舊甜品櫃，木糠布甸變左cream+餅底果凍全部都偏甜，中式糖水仲有湯圓同蕃薯糖水。甜品係有的令人失望總結，星期五加最貴時段去，埋單每位220左右一個人，勝在服務好同唔會趕你走，不過食物方面有代進步，另外，雖然個佢個爐本身已經查左一層油先上，但都太易燶底，未算係物有所值，但員工會令你順氣既

午市來吃牛肉石鍋飯，一來到就上海帶湯，海帶和白蘿白也挺多，蘿白很好吃！小菜方面也有數款，當中最喜愛薯仔和酸蘿蔔！牛肉石鍋飯$45一來到就聽到石鍋中的渣渣聲，不喜歡吃太多飯蕉的就要馬上搞拌，醬會另上，可以按個人口味加，不加醬味道稍為有點淡。份量很多，女生都不太吃得完一整個，牛肉味道偏甜，配料足夠，最喜歡有香菇的口感。這個價錢來說是這附近的平令之選，不過除了石鍋飯其他也不太吸引！如有多一點菜色選擇會更好！

平時間唔時見到老闆好力甘係石門站口派傳單，之前已經幫襯過韓燒熟食自助餐，今次試下晚市餐。自己叫左個豆腐海鮮湯飯，個湯飯未黎，就黎左4碟配菜同人蔘雞湯，個湯一啲都唔求奇，好有雞味。個湯飯都好有料。一黎到見到上面鋪滿左翠肉瓜同洋蔥，食落撈一撈發現海鮮好多，有四隻蝦同兩隻青口，幾驚喜。雖然蝦鮮味唔大，但青口唔錯，而成鍋湯既整體味道幾好，豆腐好滑亦有豆味。同行另一碟泡菜豬肉炒飯都好香，唔係好辣。另外服務都幾好，侍應好勤力黎收碟。甘豐富一餐兩人夾埋$130， 下次會再黎😃

第二次黎食燒肉放題 覺得款式多左 有驚喜百幾蚊有放題 燒肉 甜品 刺身 飲品 熟食 任食環境好新 乾淨 唔會話燒肉地方就好油 服務態度好好 最深刻係一餐晚飯 已經幫我張4人枱換左3-4次板 同埋出面野食補得都好快食物種類算多個人最愛牛仔骨 魷魚 覺得環境好整潔壽司刺身都唔錯 仲有kimchi 中華沙津熟食無影到記得有春燒 饅頭 仲有個燒芝士餅 野飲 好似多左好多款 有成2個櫃我試左呢兩款 唔錯甜品 有豆腐花！薑汁 好好味聽老闆介紹係自家制埋單每人二百蚊唔洗 好抵

價錢平宜而滿足想吃韓燒的慾望，想一去再去！我和孩子一同入場吃，金滿洞安排近窗及食物的位置，職員也很友善親切，孩子把地方弄得屍橫遍野，但職員都很包容亦主動換燒板，整體感覺不錯，會再去！

今日lunch喺石門食飯，喺兩個新開嘅商場入面多咗好多唔同嘅鋪頭。嘩!間間都咁多人。 普普通通食餐lunch, 使唔使咁多人等咁耐呀? 所以我同啲朋友就打算搵一間冇咩人嘅餐廳，求求其其食咗就算啦。呢間金滿洞韓國菜餐廳喺商場一邊，不大起眼嘅地方。當然有冇咁多人啦好一於就佢。韓國餐廳當然唔少得泡菜啦! 泡菜係韓國食物之中嘅代表一。坐低就擺低啲碟前菜喺枱面，但係除咗泡菜味之外仲有啲伏味羅! 所講嘅伏味，係啲泡菜有辣味都遮唔到嘅雪櫃味!叫自己左牛肉麵，麵底食樂感覺有d似辛辣麵，食落牛肉中規中矩叫做「熟」啦！反而求其跟餐加五蚊嘅呢杯咖啡會有驚喜喎! 餐廳係採用即磨咖啡機做嘅咖啡。真係估你唔到!

侍應 殷勤服務，自動換燒烤板，勤收碗碟，見你經常去倒茶飲，索性成壺茶比你，飲品選擇多，酒精非酒精都有，冷盤有3文魚刺身壽司各式泡菜，中華海帶，日式螺頭，凍蝦等，熟盤選擇多泡菜煎餅，天婦羅蝦，芝士年糕，炸薯餅薯條沙爹串燒炒飯，韓式炒粉絲，燒烤有各樣肉，蝦，魚，魷魚，八爪魚，姑瓜，腸等，湯有人蔘雞湯，胡椒豬肚湯，豬腳薑，甜品番薯糖水，湯丸，豆腐花，啫喱，布丁，多款口味雪糕，椰汁西米糕，涼粉等，雖然限時又有人等位都冇催走，坐位闊落，輪椅都可自如出入攞食物，食完都冇油煙味，空氣清新。

我地一行8人，入到去，比一張8人枱，除了座位好窄之外，8個大人個張枱，梳化中間個2位，基本上唔駛行出黎，之後轉咗2張4人枱，但攪笑既，4人枱兩側都係板，坐靠板的人都出入唔方便。但呢間係自助式放題，唔行唔駛食。食物方面，生既食物同一黎韓燒相近，都是濕濕碎碎，熱食都有，但味道一般，仲有魚生同壽司，新鮮程度⋯最低要求啦。甜品都有，但反而味道可以。佢有三個特式熱盤-時菜、咸菜豬肚、薑醋，呢三個都可以，起碼夠熱。呢間真係朋友唔限時吹水好，對食物無要求的更佳。

公司開年飯，黎左呢度食韓燒，一入黎就見到有好多唔同款嘅食物可供選擇。咁呢度唔單止有自己燒野食可以揀，仲有d熟食揀，唔錯咼。呢度服務都好好，主動會問下洗唔洗換鐵盤，值得黎食。

上次在金滿洞用餐的經驗很是愉快，這天放假就再來一趟。這次來依然有著各位叔伯阿姨的熱情招待，這並不是每一家餐廳都有感受，難得的是這餐廳一直能保持對客人的熱情。先說說烤肉，依然是常見的豬、牛、雞，味道也保持了水準。不過由於這次比較早到，在烤肉前，夾了炒粉絲、炸薯餅來吃，岀奇的美味，也許是因為肚餓了。不同於上次的是，這次用餐我吃得最多的是這裡的涼菜，涼拌青瓜和醃蘿蔔都深得我心，在吃了一肚子燒烤後，還有時間讓我慢慢一邊看著樓下的眾生相，一邊夾上幾筷醃蘿蔔，當下有一種，這才是人生的感覺～

朋友食過金滿洞韓燒放題大力推介，當然要搵埋大食成員去食個回本一腳踏入舖內已有侍應叔叔熱情招呼，言談間知道佢地老闆喺廣場大門口派街招，有親力親為嘅老闆，就會有好伙計啦。食物應該有嘅都有齊，而且經常添加，唔怕你食得多，只怕你食唔晒。最鍾意係佢地嘅牛全部都好有牛味，尤其是牛柳粒，肉嫩唔會有雪味。仲有多春魚都係我必食之選。有前菜, 壽司, 生果及炸物任食。飲品選擇都不少，而且有hite啤酒任飲，同侍應叔叔講佢就會攞俾你。仲有人參雞湯，豆腐花，涼粉，及其他甜品，全部質數都唔錯。

爸爸生日想食餐好嘅，於是搵間近近地嘅有韓燒嘅餐廳食晚飯，嚟左位於石門嘅金滿洞韓式餐廳，價錢係$188再加一，假期會再貴啲。食物質素正常，豬牛雞魚羊任均選擇，亦有少量壽司及三文魚刺身及人蔘雞湯，肉類都算新鮮，壽司就一般，亦有其他熟食如炒飯、天婦羅、豬腳薑及冷麵等。食物種類唔算話好多，但呢個價錢有呢啲選擇都合理，而甜品就有布甸、雪糕、泡芙等，味道不錯，但略嫌太甜。呢間韓燒最值得讚嘅係服務態度同時間，侍應笑面迎人，間唔中會主動問你洗唔洗換鐵板，而且時常refill食物。呢個間韓燒嘅特別之處就係冇時講明有冇時間限制(可能根據客量同時間)，但我屋企人之前食都冇限時間，食飽又可以坐下再慢慢食，鋪頭12點先關門，間鋪都算大同多位，好少任食係唔限時間，所以雖然呢間野食物唔係最頂級，亦冇出名嘅韓式餐廳咁多種類，但係勝在價錢親民，冇人催你走，我都食左差唔多2.5 hours，一定會再幫襯！

今日屋企人突然話要去石門食韓燒，又話好好食，真係O晒咀🤦🏿‍♂️，但由於聖誕節小弟夜晚有野做，唯有lunch特登揸車去食。間韓燒叫金滿洞，裝修幾靚，員工好快手 服務態度超級好，lunch 黎講野食都算幾多，有壽司，前菜，熟食，炸物，甜品，野飲任飲而且選擇多，收費每人$128黎講真係掂食，性價比一流。野食方面就牛雞豬同蔬菜類都有，衛生亦都幾好，lunch黎計選擇真係幾多下，但係無牛仔骨，咁岩老闆（應該係）埋黎吹水就R左佢一碟（佢話夜晚先有）🤤，試完發覺係幾好食，再同老闆吹水佢話係同出面唔同因爲無用粉黎醃（因為d肉夠靚）所以先咁好食

以前細個係馬鞍山新港城有間韓燒，成日會同屋企人去食。星期六咁岩見到張傳單，即慶同屋企人去食中午。未去過石門，原來石門多左好多食肆，以後假日唔洗淨係食麥當勞同大家樂了。餐廳環境新裝修企理，安排我地坐窗口卡位。大量燒肉，韓式汽水，飲品，熟食，壽司，甜品，雪糕燒肉除左牛肉之外，其他都好好味侍應話晚上有大蝦。飲品有韓式汽水，罐裝飲品，(我冇飲)豆漿， 紅棗水，西瓜汁。熟食有豬腳薑韓式前菜炸野就麻麻，炸饅頭好似石頭。 人參雞湯冇人參味。壽司(我冇試)甜品有幾款，都正正常常，啫喱都好濃味，不過有好多塵？好難先搵到一個冇塵。雪糕有4款，應該係阿波羅雪糕，都幾好。另外有指天椒等等醬汁區。侍應服務態度都好好中午韓燒自助餐由1130至1530，用餐時間2個鐘，但侍應話冇人等可以繼續食。順帶一提：食左2個幾鐘，塊板都係換左一次，冇燶同痴底，証明用小醬汁醃最後，依種舊式韓燒自助餐都唔錯，搭2個站就可以食，食再食。假日午餐$128/位+10%=$140/位