金滿家日式放題專門店 (已結業)

最近我經常開夜班,無九點都收唔到工,或者班同事今日又要o.t,途經黃埔新村的金滿家日式放題店,店內的設施都企理下,我地九點半入坐送埋任飲啤酒及汽水,我地九個人都慳返佰幾蚊飲野錢,我地又可以暢飲一番啵,真係一舉兩得了!食物又唔錯喎,三文魚(非常新鮮,但係有d唔夠凍囉!)至於其刺身都無問題,有十多種刺身,軍艦都新鮮及齊整.熟食都幾多炸物架!有天婦羅(其中天婦羅蝦隻隻都幾大隻,每碟都有羅白容跟碟)!~海鮮鍋物有(三文魚,鯛魚,雜菇一大鍋,非常美味!)鍋物都有.串燒都可以食得出即叫即做.以後我地班同事又多個地食宵夜啦!

日式放題似乎在香港太泛濫,有好多掛名日式放題,其實食物選擇並不多,好多時刺身就只有最普通的三文魚&甜蝦提供,連北寄貝,赤貝都要加收費.放題意思就是多元化,金滿家是我吃過日式放題中最切合主題的餐廳.早在兩個星期前已經book位,很期待的一餐,是為慶祝股票升??★我跟男朋友先在黃埔新天地遊街,再行路過德民街.我地選最早,17:30果場,比起繁忙時段再平多10蚊雞.未到5點半,外面已經有幾個family等入場,我地又無無聊聊起出面映相~一到5點半,就逐個叫名埋位.我地被編坐最貼近收銀櫃的一張,4人位兩個人位剛剛好.大家都爭取時間落單,食物都好快送上!如果4個人坐4人位,d食物真係唔知點放好~ 刺身沙律>> encore了一次,不馬虎,刺身蠻多.不過嫌個醬過咸,唔可以食到底. 蟹子沙律>> 又encore了一次,沙律醬太多,青瓜超級多.不過得中意食菜,都ok既~不過冇刺身沙律咁好. 刺身拼盤>> 乜魚都點左幾片,仲有鮑片.成碟個味超級奇怪,有一陣陣咸味.連三文魚都有咸味.本來以為得我地一碟有問題,但我聽到隔離位都投訴唔同味.可惜侍應堅持冇事,我地

星期2係我同男友既2周年紀念日d同事好耐之前講過話e間d野幾好味,價錢又合理所以同男友黎e道試下,去左紅磡,因為唔係好識路所以搵左好耐一入去d待應就比位我地坐,同埋比茶我地飲服務態度真係唔錯,幾親切1叫就叫左壽司/刺身,3文魚真係唔錯,其它就有d腥......之後叫左炸物/串燒果d,真係要讚一讚超好味,有水準不過我同男友坐果個位真係好熱,我見到d待應都流曬汗之後叫左個女待應黎,問佢個冷氣可唔可以開大d之後佢幾有善咁同我講話:唔駛1分鐘,佢就跑反黎同我講:我同男友仲覺得佢細細粒,幾得意tim真係超好禮貌......差唔多食完,咁我同男友就傾下計,果個女仔就幫我地tim水總括黎講,e間野真係唔差囉

某日!經過黃埔區.剛剛想食日本野,經朋友介紹下.到這間日式放題店試下.品賞過後發覺質素唔錯喎!回家再睇返d食評,本人就覺得人地收咁架價錢平均($118)一位,唔通有象拔蚌同和牛食咩,基本上十幾款剌身,已經叫樣樣有了.其他和食同串燒(例如:天婦羅有脆啵,剌身都ok新鮮!都唔會差得去邊啦!加上串燒又串得幾入味啵)賣相同誠意!比起其他放題真的不錯.好似我咁想食豪d,只加多$50一板海膽,$50 3隻牡丹蝦.埋單$360 2位炸,勁食2粒鍾.勁低

今天是星期日,中午時份在紅磡打算和母親大人搵野食,剛好經過這間"金滿家日本料理",眼見外面也有poster介紹中午定食.原來星期日也有中午定食,也有我最愛的魚生飯,加上職員又出來介紹,所以今天我們的午飯便來這間-"金滿家".每款定食有前菜,麵鼓湯,飯及汽水,所以今天我便order了1)角切魚生飯-$48本人真是一個日本刺身fans,每次到日本料理選擇定食,本人一定會order什麼魚生飯,今天也不例外. 這個魚生飯,也很大碟而且也有不同種類的魚生.不過,這隻"蝦"一看便知道不太新鮮,大家可以看看"蝦"頭,是黑色的. 本人很喜歡吃"蝦頭",特別喜歡吸蝦頭的海水味,現在眼見是這樣便不敢吸了,只好吃蝦身. 除了這隻蝦頭不太新鮮,其他的魚生也是不錯.2) 海膽拼蔥吞拿魚腩片-$55主要是海膽為主角.這個價錢,可以吃到不算太少的海膽也算不錯.而且海膽也是很新鮮的.前菜只有中華沙律,中華沙律粉量給我相像中多. 整體來說也是不錯的,就算這個魚生飯的蝦頭黑了一點,但其他食物的質素不錯,可以cover到唯一的弱點.相信,我會在不久的將來會來"金滿家"吃吃晚上的日式放題.

其實一直也想寫係『爸爸』走左之後，我們去了那兒吃午飯。已吃完的男同事先回去，我們4個女仔原本打算去意蠔屋。但意蠔屋門外亦有2—3人在等位，看到對面的日本餐廳有空位便立即進內。點了2個雜錦魚生飯定食，2個浦燒鰻魚飯定食。等了一會魚生飯先上，份量也頗多，2位同事最後也吃不完。她們說鮮度一般，魚肉偏淋, 總括而言味道尚可接受。再等了一會浦燒鰻魚飯才上菜，由於空間較狹窄店員試圖在我與另一位同事身後上菜。見他有點困難，便轉身跟他說: "你俾我!"。接過餐盤時，那男店員說: "小心，睇熱!" 。雖然只時簡單一句話，但對飽受欺凌的我們倍感貼心。燒鰻魚份量頗大與飯的份量亦合比例。燒鰻魚不算太肥美，但頗香軟亦夠熱。鰻魚汁甜美但太少，只是鰻魚肉上有少許。飯無飯香亦無飯味，而且較黏。因為剛才的事件x 燒了很多能量,太肚餓所以全都吃掉。麵鼓湯頗咸，只有少量豆腐及海帶。隨餐還附送1杯汽水，各人都選了凍忌廉。忌廉味道很淡，可能成本關係溝淡了。但很奇怪，忌廉好像有些微酒味，所以我們都只喝了半杯。大慨$38-50左右一個午餐，論食物質素及服務算是合格了。我們一致認同雖然食物質素及師傅手藝是重要，但服務亦佔非常重要的

百多元的放題其實去前已沒多大的期望，但無諗過會真的咁失望。環境方面:首先入到去個位已經好熱，問個waiter 有沒風扇，她一句, "沒" 就算, 完全沒進一步的行動，之後叫個manager 開大d 冷氣，但好似沒開過, 隔了一個鐘再叫佢開, 但我估都係較大一度，我就食到身水身汗，我見個男waiter 仲成頭大汗，唔明點解要慳電費慳到咁的地步。]另外, 由於我地個位可望到廚房, 我們見到有人在內食煙, 好唔合衞生囉d waiter 又成日向個廚房前的一張送餸枱前面食野, 點解唔好好坐低食? 食物方面:刺身: 稍薄質素不太好但尚算可接受。炸物: 粉漿超厚，而且非常之咸，累得我回家後不斷飲水。其中一樣炸豆腐仲係硬的添; 炸蟹鉗=炸麵粉. omg 前菜: 中華沙律, 芝麻八爪魚等上枱時係 熱的... 成間餐廳都唔知有沒雪櫃 =.=鍋物: 湯底用水溝淡咗, 淡而無味，一兩塊牛肉成煲菜都叫牛肉鍋由坐低到走一刻都有好多位，唔明點解唔可以安排個涼少少的位俾我，訂枱時又話好full!!! 基本上我見到走人的枱都有人食剩野, 可想而知食物的質素 .....呢間野已經black list 咗, 下次都係不要

之前聽我個fd 講話而家間幾抵食,但我fd又未食過,佢見食評都唔錯我就同我女友去食了地點好難搵到,好偏僻環境都ok,不過d 野真係好難食魚生唔新鮮,好大食的我,都食得唔多.其他炸物又超咸服務好麻麻,叫好耐先來倒茶

到黃埔行街, 一時想食日本野,上OPENRICE睇下有咩好食,見到有14個笑笑口,就走去試下.我地食5:30至7:30 個節,只係百零蚊.以為好抵,飛身去試.一開始叫左D SASHIMI, 唔係太新鮮,好淋,無質感.又叫左SUSHI, 一般LA,但係無咩款選擇,叫左個手巻,但係D 肉好少,D飯勁多, 好想食串燒,叫左幾串雞軟骨,雞翼同其它野..但係全部乾珍珍,一滴汁都唔比,叫人點乾"近",其實都食得落口,但係我一定唔會再去..平又唔係叫勁平,但係比多少少錢食過D好嘅仲好.

屋企人生日, 想食放題. 之前試過碗屋, 一生, 郎田, 金田. 全部都係ok 之上 or 叫好o既餐廳. 但間間o係 openrice o既食評都有 "喊".... o依 ~~ 呢間竟然無喊, 仲咁平, 一於試下..............地方都算偏僻, 如果唔係熟紅磡 or 黃埔, 好難搵到呢間, 因為佢o係d橫街最入果間.....食物方面: 選擇真係少, 刺身又唔新鮮, 壽司d 紫菜又 "林", 天婦羅d 粉好厚, 其他食物就普普通通, 唯一好處加 $10 可任飲汽水同啤酒.咁講真, 呢間似係家庭式作業, 唔似其他集團式經營, 水準一定普通, 水準普通又要吸引客人, 唯有價錢平, 每人只係 $128..... 又一定食得飽你o既 ~~唯有下次搵過第二間啦 ~~

如果失望有分level的話，今次應該好高我係因為看見之前的食評，加上無人認為唔好食，而且價格十分便宜，所以選擇這間店慶祝入大學的結果，大失所望首先去到間店，等到佢叫我入坐之後先話原來未拾好桌，又呆站左十幾分鐘，手腳慢又冇效率(明明大把空位)還環擠迫，我定五個人位，佢竟然係四人位旁隨便加張椅叫我坐走廊！這算什麼！？叫左野食要等是沒問題，其他來得也算快，唯獨壽司落左單之後成九個字都未有，而且成日錯單，上左好多冇叫o既野食物方面是最大的問題，特別係呢幾樣刺身：一入店就見佢將好多切好o既放係凍櫃，都估佢唔會新鮮得去邊，點知比想像中更差，特別係三文魚，不但冇左佢獨特香氣同魚脂少，更有很強烈的魚腥味，其他差唔多全部又腥又"鞋"天婦羅：算係我食過最難食o既一次，粉漿炸到硬成咁我真係第一次見，而且炸到好老，完全冇香味可言炸物：個薯餅爛到似糊，蟹鉗、帶子同超市貸冇分別壽司：飯明顯係機整，個個size一樣，而且飯同輝比例差好遠，飯超大但料很少，魚同刺身一樣又又腥又"鞋"，飯個個都酸到痴線，都唔知點食作為一間日式壽司店，最常見的全都不行，失格！唔好以為我冇講嗰D冇問題，其他o既只要有調味料，全部都好似唔洗錢

同老朋友黎黃埔,都未諗到食乜野,行行下巷仔,見都都幾多野食喎,但都仲未諗食咩好,咁o岩我個朋友想食日本菜,但要食好味既日本菜都幾貴架喎,對於我地呢d平民化的小市民黎講唔係好化算,知道呢頭都有幾多日本餐廳,咪去搵下囉!朋友留意左呢間野都幾耐,不過衰在果間冇任食,今晚我地入黎望下個牌啦,有得食buffet喎,價錢都ok喎 (118加一).又可以食兩個鐘,咁就去試下啦~我地入去果間都係6點半,可能d人未放工,所以好少人,但坐坐下越黎越多人,幾乎坐滿哂,呢度原來都幾旺架喎,加十蚊可以任飲,不過我地都覺得飲水已經足夠啦~朋友勁鍾意食刺身,叫左八爪魚(好正),三文魚(都好新鮮),鯛魚(其實我唔知係咩樣,條條魚都差唔多食得就算),吞拿魚(呢個ok咋喎),魷魚(fresh),白豚肉(應該都係魚既一種,好肥美),鮑魚片(都幾有味),玉子(乜玉子都算係刺身黎既咩?)我就種意食炸物,叫左蝦同冬菇天婦羅(好熱好脆好鮮),仲有吉烈豬(凍既!!!),薯餅(太大啦,食唔落),燒多春魚(都ok大條),炸帶子(同急凍果d差不多),炸雞(哇,好鬼salty!!!),豚肉餃子(冇乜特別,唔食都罷),炸crab鉗(似炸魚蛋多

果日去咗金滿家食日式放題前幾次去都幾好咁又平,有刺身小食壽司,渺麵等但食得多又好似冇咩野食,都有少少厭,打開點餐紙睇睇有咩未食過''''''''拉麵類?太飽了!見到有冷麵喎,試吓先個樣又幾特別第一次食!!!!!竹片上放了一份冷麵.上面灑了少訐紫菜,冷麵的旁邊一隻小小的蛋打穿了的小蛋伴住青芥醬,蘿蔔蓉及附有冷麵汁,真係有新鮮感又幾得意!睇吓相就知了!

話說新工作的人和事總算適應過來, 總算是今年的一個好開始吧是晚慶幸有機會跟同事們進行聚餐活動, 一大夥人來此店食放題...相信沒有任何事情比任食更愉快呢說回正題...當晚有11人出席, 十分齊人, 由於是驅車前往, 碰巧又是週末, 加上位置難找...同事找車位都花了點時間; 由於我們是分兩批出發, 另一批同事比我們早到一步並先行入座, 總算是沒有遲到吧...甫一坐下, 大夥人都立刻落單點選食物!此店供應的食品總類尚算多元化, 但始終比較少見到一些高價食材, 相信都是一般"便宜抵食放題"的通病來吧! 話雖如此, 不過都有例外的事吧小弟一如以往, order了大量的三文魚刺身,同時亦都order了一些燒物及揚物, 但不知為何刺身會比熟食遲了端上來首先說說燒物, 這裡的鹽燒/七味雞翼算是不俗, 但是肉身偏瘦, 有點驚喜的是沒有食到雪藏味, 證明解凍功夫做足, 有點誠意吧~ 同場亦有點選炸雞軟骨、豬軟骨、刺身沙律、天婦羅等等...雞軟骨炸得乾身, 不油膩~ 豬軟骨入味, 味道不錯~ 刺身沙律其實做得不錯, 可惜的是下的沙律醋重手了點吧 天婦羅, 其實感覺上炸粉多於食材, 最瘋刺的是那個紫心番薯

早幾日同朋友黎金滿家食放題...由於未黎過所以都搵左一陣先搵到...原來唔係係出面..係係巷入面...好彩有book 位...因為8點去已經爆左....望望meau 都叫有得你揀下但唔多...1. salad ok, 麻油夠多, sashimi salad 最好味,d 魚同麻油撈埋比點豉油好味,夠酸開胃,suggest 先叫當前菜, 除左麻油仲有一隻係青瓜做底的2. 刺身都有10幾款揀, 三文魚唔夠甘香,無乜三文魚味,吞拿魚ok, 8爪魚又大塊又切得厚,有咬感又夠魚味, 魷魚鮑魚爽口,其他d 魚唔記得叫咩名,總之全部叫晒就無走雞3. 一品窩好清, 海鮮窩有好多三文魚係入面,湯好鮮4. 燒物只係一般, 雞腎同好硬, 豚肉餃子炸得太乾好硬而且無特別,但炸豆腐唔錯,皮脆入面好滑,燒三文魚/魚頭係燒物入面最好,好多肉5. Tampura 炸蝦炸粉太多, 但炸蕃薯係最好味,因為佢用紫心蕃薯,比炸pumpkin 還要好食左2round 已經好飽, 但係佢食魚係最好,任何魚任何做法都係,其他只係一般,如果你好鐘意食刺身/壽司都幾好,但如果覺得金田貴五月花唔好食o既話依間一定係好選擇...$110 交