金滬庭京川滬菜館 (已結業)

想食上海野~即時諗起呢間野~有新款食物!!蘭州擔擔麵~$18~抵食到爛!!叫返d傳統食物:砂鍋魚頭煲~有魚頭+粉皮~少少spicy~唔錯!~小籠包~細細隻又多汁~個皮唔厚~清炒蝦仁~每次黎到必叫~蝦爽口彈牙~好味!油豆腐粉絲~依舊水準~冇特別~清炒西蘭花~一直都係酒樓最賺錢o既送..但係唔食又唔得....俾佢賺啦!!!蔥油海蜇頭~好多海蜇頭~而且蔥油好好味!good!油炆荀~呢個mama地...唔夠爽口...~太林!係咁多~埋單$450..食咁多野...抵啦~下次再黎過!!曖笠笠行返出門口...~

食過幾次, 每次都好滿意無論係砂窩雲吞雞, 芥末鮑片, 銀絲卷, 雞絲粉皮, 高力雪糕都好好食~最好味當然係蘿蔔絲酥卷!! 絕對冇得彈, 非試不可, 好少食肆做到呢個質素~至於茶, 龍井和人蔘烏龍都有得揀~ 真係唔錯不過一d都唔平~

黎呢到食dinner~由於肚餓...先點左一個瑤柱扒豆苗+豆漿豆漿好快就黎左...但係碟豆苗等左差唔多半個鐘都未黎!!!於是叫落單位waiter黎追下碟送~點知換來o既係怒啤!!唔知係我語氣唔好令佢誤會啦...不過都唔駛咁樣怒啤住個客呀ma...而家係你唔o岩冇落到單wor...碟送再等多成10分鐘先黎到...又係落單o個位waiter上菜呢位waiter再次用不友善o既眼光望住我囉...都唔知係咩服務..作為聯邦集團的旗下食肆...好希望佢可以改善下....食物好都冇用啦..嚇親客人...趕客!

今日再次黎到金滬庭食晚飯糟香小黃魚、砂窩雲吞雞、碧綠炒雜菌、蔥油海蜇頭、椒鹽排骨碟碟都做得唔錯糟香小黃魚好香口...咬落口脆脆地而且好酒香味雲吞雞...隻雞好入味~但係有d「林」碧綠炒雜菌...好抵讚~味道好~份量多~o岩哂我!!最鐘意呢碟送!!蔥油海蜇頭...份量夠多~好爽口~椒鹽排骨係唔錯~但係太大舊...如果切細舊d會更好~埋單都係$400~抵食!

樓下帶位o個位阿姐應該拎去獲到炒炒佢!!!好冇禮貌囉!!!!今次去食左:1. 燻魚:好入味~甜得黎又有少少酸~唔油~而且凍冰冰~做前菜一流!2. 蔥油淋雞:次次黎都有叫...雖然比較熱氣同油~但係就係鐘意食層皮~因為好脆~而且d雞肉好滑~正!3. 清炒蝦仁蝦仁好爽口彈牙~而且好有鮮味!值得一試!4. 油豆腐粉絲湯:呢個湯比較多油...但係好好味!d湯飲埋都仲得!油豆腐d口感都好好!5. 素菜餃:好抵食...30幾蚊有5隻食飽你~而且好足料~隻隻都漲卜卜~層皮o岩o岩好~唔會太厚~即叫即整~新鮮!總括黎講~野食very good~service負哂分!

2007年9月16日因為同媽咪生慶祝生日，所以去左西環間度食飯，聽講呢度成日都好多人，未必訂到位，好彩當日都仲訂到位。個度有好多梳化位，有幾間房仲有電視係入面，地方都幾寬敞。我地一行五人，坐梳化圓，都幾舒服，我覺得食飯最緊要係坐得舒服。我地開左壺人參烏龍茶同，好清香同甜甜地!幾特別。睇左個餐牌有好多野食，都唔知跟楝邊樣好，之後見到佢有個4人餐都唔錯，所以就點左呢個餐，再加左個小籠包、蘿蔔絲酥餅、銀絲卷同賽螃蟹。點左菜都唔夠十分鐘，就有野食，ｄ野食好快就黎齊，成都係，都唔知食邊樣先。ｄ野食味道唔錯，因為太多，我都唔記得食過ｄ咩，我覺得個蘿蔔絲酥餅好好食，之前係其他地方都食唔到，可以一試。仲有個甜品係個餐包埋叫杏汁豆腐，好特別，以前未見過，都好好味架！yummy yummy~~個餐全包五百幾加埋ｄ點心同賽螃蟹，全單七百蚊到。我一定會再去試下其他菜。

男朋友請客,選擇到這裡吃東西.環境唔錯,坐位是長梳化,坐位跟坐位之間很闊,很有空間感.我選了龍井茶,茶葉很清香,是靚茶葉.我們3人點了8個菜.蘿蔔絲酥餅~外脆內軟,蘿蔔絲好淋,好熱騰騰,好香.外皮又鬆脆.麻醬擔擔面~麻醬好香好濃,不辣,面質軟滑.彊蔥炒飯~普通一個炒飯,不太吃得出有彊味,而且飯太乾身.鴨舌~熱盤鴨舌,好好味,鴨舌多肉好淋.小籠包~1籠5件幾抵食,皮幾薄,肉都鮮味,但肉汁少,口感唔夠.芋頭南瓜~很好吃,芋頭略煎,很香芋頭香味,南瓜整得好淋,放在中間,不過如果放其他材料會好一點,因為芋頭搶哂南瓜的味道.雲吞:味道幾淡,雲吞其實不俗,但湯抵太淡.牛肉:冷盤,牛肉色澤通透,味道很好.

前排因為夜左收工，所以同一個都係住呢頭既同事黎呢度食飯兩個人叫左個二人餐，我地揀左酸辣湯、蔥爆羊肉、回鍋肉同小籠飽，另外有兩杯豆漿酸辣湯好多料，唔算太辣，不過飲完都飽左一截蔥爆羊肉、回鍋肉同小籠飽就普普通通啦，唔知係大家唔肚餓定份量太多，竟然食剩一半!!!三個人share都得二人餐$138免加一，如果諗唔到食咩都可以黎試下既

和家人一早就book左兩圍枱0係度食飯,自己有一間房,幾好,又有私家電視,環境不錯,好新正,一間房有兩個侍應,都算幾好,好友善,還同我地開玩笑,工作幾認真,每味餸都作介紹,第一味係兩個冷盤,名字忘記,一清一濃,我喜歡吃濃那個,跟住就清酒蝦,幾好味呀,其他人話吃到酒味,但我就完全吃唔到,但聞落去都有小小,不過都幾好味,跟住一連來了三個餸,蛋黃炒蟹(但因為我唔食蛋黃,所以冇食,但家人話超好味),xxx鴨(又因為我唔食鴨,又冇吃到,賣相幾好),一個有豬皮又有青菜的,普通菜式,另外還有手撕雞,好味,雲吞雞,0的湯好正,我湯了三碗,腐皮條白菜,最後還有菜肉包,酒釀丸子,同埋生果盤,吃了足足兩小時,因為我本身對這些菜式都冇咩研究,所以都不知算好定差,但第一次吃,算是印象不懷呀。

Taste very bad, noodles are cold! The restaurant is too cold already. The staff are unfriendly.

唔知係咪西環比較少人，所以呢度好易搵位。試過荃灣，那裏真的勁多人，要等成個鐘．．．我會推介這裏的五十八元砂窩雲吞雞，湯勁濃味，熬得夠時間，料夠多，雲吞質素一般，三個人喝最好，因為兩個人喝太多，三個人一人剛好三碗！我覺得應該是沒有味精，因為喝了也不覺得口喝。片皮鴨就賣六十八元，不可以攞個鴨殼走，因為佢話特價就不可以帶走。這個鴨很靭皮，而且比較肥膩，唔叫都得。另一個推介就係好好味十五元擔擔面，叫的是汁另上，麻醬勁香滑，但都幾辣，令人一面叫辣、一面狂吃，不能擺休。排骨炒年糕同上海粗炒，味道唔錯，不過都係落得太多油，食第一啖已經唔多想食，肥膩得交關！！！最後一個推介是薫魚，薫魚味夠香濃，肉地juicy，唔鞋口，做得仲要好過好多上海鋪仔，幾得。

今晚同屋企人0係度食dinner,叫0左好多菜食,不過冇叫餐.我地7個人,食0左六百五十几蚊,都唔算平...而且食物一般,服務唔得....先講食0左d咩先,我地叫0左醉雞,雞絲粉皮,2個小籠包,一個狗不理,2碗擔擔麵(一個辣一個唔辣),一個香芹牛肉手拉麵,仲有叫0左條滬式薑蔥煮桂魚,煮原隻豬手,砂鍋雜錦,2條銀絲卷(一蒸一炸),仲有金翡翠酥,南瓜芋絲餅同高力雪糕.醉雞麻麻地,d酒唔夠香.小籠包好食,個皮煙煙韌韌好咬口,汁又多肉都鮮.狗不理話係招牌菜但就一般,餡好少冇咩特別.辣擔擔麵同牛肉麵個湯都極鹹,有d鹹到入唔到口0既感覺.....極失敗....薑蔥煮魚都麻麻地,可能食唔慣呢種煮法,好似少少腥.隻原碲就几好食,煮到好淋,但又唔會散哂,係肥肉多0左少少,不過唔係大問題.關於砂鍋雜錦,有d0野耍先講...我地原本係叫砂鍋津白,但黎0左砂鍋雜錦,我地問點解錯,個waiter冇理我地,走去同部長講...但因為我d姨甥唔識0野食0左個錯0既菜,部長黎到進下我地食乜,咩都冇解釋就走0左....唔知咩態度....所以變0左食雜錦.但雜錦麻麻地,唔知似乜...又冬菇又蝦,又有肉丸....銀絲卷几好食

今日lunch一行四人去呢度飲茶. 間鋪前身係聯邦酒樓,依家就變身成新派上海菜館. 地方幾寬敞, 裝潢格局有d似潮樓. 我地坐sofa位,幾舒服. 開左壺人參烏龍茶, 好清香! 先o黎一碟贈送的海蜇, 跟住叫左以下食物:1. 酒醉雞: 用燒酒淹左d雞,似白切雞的煮法. 幾香,可以食到d酒味. 隻雞唔肥, 雞肉鮮嫩.2. 小籠飽: 有五件, 都幾大件. 咬落去d肉汁漏o西出o黎, 正!3. 紅油抄手: 張點心紙列出兩個辣椒在旁,點知食落口一d都唔覺辣.4. 美味燻魚: 酸甜魚, 都有d細骨, d魚肉已經風乾左. 始終覺得廣東蒸魚係最好味的食法.5. 時菜肉雲吞: 有d雞湯浸住, 味道一般.6. 辣蘭州擔擔麵: 都幾辣, 好在d花生醬味唔太濃烈.7. 香芹牛肉手拉麵: 牛肉係牛肉碎, 手拉麵同擔擔麵口感差唔多.8. 鮑魚絲手拉冷麵: 有d冬菇絲,鮑魚絲食左都唔覺,可能俾d冬菇絲搶o西味. 個麵都乾, 朋友要落d湯一齊食.9. 京川灼餃子: 有d甜辣的汁點, d汁幾特別.食完飯每人有碗雪耳木瓜紅棗糖水送, 我嫌佢略甜.

你有冇試過在此吃過晚飯呢?...可有音樂陪襯嗎?

之前見呢度裝修緊，兩個星期後再來已經開始營業。聽同事講另外的金滬庭係好旺場的，可能因為屬新開，所以不算很多人。今日十二點零來到，見唔使等位，就同個同事試試。裝修幾靚，地方亦幾大，除了十二人的大檯，亦有幾多二人及四人檯，亦有六人卡位，所以幾多人來都無問題。茶都有幾款選擇，我們要了龍井，都算唔錯。三個人，唔叫得太多食物，只叫了蔥油海蜇、小籠包、鱔糊、椒鹽排骨、上海粗炒同豆沙窩餅。菜色幾的骰，碟頭不算大。蔥油海蜇尤其少，兩個人還可以，三個人的話真係一人都係得少少。味道是OK，幾香麻油味，海蜇都幾爽脆；小籠包有頗多的湯汁，但肉餡實實的，味道是一般。一籠有五個，25蚊又幾抵食；鱔糊色水唔錯，幾油，但鱔糊不油相信唔太好食。味道夠，但鱔不很有味，另叫了兩件燒餅來伴吃；椒鹽排骨幾夠味，豬扒入味又唔韌。但吃過莉宛的平平炸排骨後，硬是覺得五十幾蚊一碟炸排骨其實幾貴；上海粗炒就幾大碟，味道亦佳，亦係幾油，怕油膩建議叫湯麵好了；豆沙窩餅幾好，熱辣辣，皮脆豆沙餡亦甜美，唔錯。埋單三百多，一人一百零幾蚊，算係幾貴。個人覺得除了賣相較好，坐得舒服外，食物只是大路水準，有少少懷疑在這環頭地區可否做得住。