金枕頭泰國餐廳

營業中

休息中

今日往粉嶺出席講座,晚上往金枕頭泰國餐廳食晚餐,我點了咖喱蝦球,燒朱頸肉,辣椒雞肉碎炒飯和泰式奶茶,咖哩蝦球的香料味道穿透整道菜,不會只有辣味,各樣材料恰到好處,相輔相成,咖哩吃起來滑順潤口,不會過濃,很適合配上飯之類一起吃,蝦球亦有一般的高水準 ,燒朱頸肉疊了約三層,而且碟子底部不會有油囤積,肉身也乾爽不油膩,外層煎得很脆,提升了口感,內層保持豬頸肉的特質，不會粗糙,配上微酸微甜的醬汁非常開胃,肉碎炒飯的份量大致能供給2-3人吃,飯粒彈牙,分明,油亮的擺盤相當吸引人,同樣地,辣香和雞肉粒的鋪陳下,令味道十分豐富,食材的細緻入味,反映這道菜上的心機,泰式奶茶我選了凍飲,茶味比例剛剛好,味蕾上不會只充滿甜,能夠感受奶茶不會淡而無味,不會格格不入,味道可口,餐廳食物美味,座位闊落,我食了一頓惹味泰國晚餐

今日想推介一間起碼開咗20年的泰菜！我細個係呢頭讀書，無論平日定周末都排隊等食，怎至我仲有朋友係英國返嚟，專登過嚟食飯！嘅到無論你想吃$45的船粉，還是超豐富的二人餐、四人餐，還是八人餐，這裏都一定滿足到你！今次我點了二人套餐，有三個自選小食、一款自選主菜、一款選主食，仲有自選甜品揀。無錯，所有野都可以揀，等大家Mix & Match！小食 (選三項 詳情請睇Menu)我揀了炸蝦餅及兩款串燒。🦐炸蝦餅：佢唔只彈牙，我仲見到一隻隻蝦係入面，有料有料！🍢沙嗲雞串燒2串+沙嗲豬串燒2串：全部食落都夠香，肉質唔會柴。最重要係佢的沙律汁，花生味勁濃，真係好正！主菜 (選一項 詳情請睇Menu)🍛黃咖喱牛腩：如果你同我一樣唔點食辣，或者帶住小朋友來，都建議你點呢到的咖喱！首先咖喱上菜時夠晒熱(冒煙中)，另外餐廳的咖喱係重椰汁味，味道香而不辣，而牛腩質地軟熟。無論跟白飯還是蒜蓉飽都好食！🥥甜品 (選一項 詳情請睇Menu)我重點推介棷汁大菜糕！佢有大菜糕的清甜，加埋椰汁糕的香甜，Mix埋就啱啱好。🧉飲品呢到有多款飲品選擇，泰式特飲都只係+$15。呢間街坊小店真係我的私心推介！各位你係街坊不坊平日夜晚

每一道菜都可以自選辣度和鹹度的泰式餐廳！冬陰功 每一口充滿正宗泰國味(#`O′) 巨足料，微微的辣度讓整個身子暖起來了！以前吃泰國菜都是吃菠蘿海鮮炒飯，這次試試椰皇海鮮炒飯~ 吃起來有淡淡的椰汁清香，但菠蘿炒飯先係世一！仲叫左馬拉盞炒通菜，揀左少鹹少辣，但可能有蝦醬原因，都仲係好鹹，如果餸白飯應該唔錯，可惜我叫左椰皇飯，一d都唔夾～甜品叫左椰汁糕，唔知點解唔係用斑蘭葉包住，不過咁樣仲方便d🤣📍金枕頭泰國餐廳 - 粉嶺牽晴間

今日同老公北區一日遊之後，隨意搵咗間方便泊車嘅泰國菜解決晚飯先返屋企，估唔到咁有驚喜！🤩❤️酸辣無骨鳳爪餐牌寫住三隻辣椒，但同時列明可以分汁上，好貼心🫶鳳爪彈牙，個汁酸酸辣辣非常開胃😋❤️菠蘿炒飯呢度嘅菠蘿炒飯咖喱香味夠突出👏🏻 飯粒分明均勻菠蘿酸甜味自然，多汁魷魚彈牙，泰式臘腸香口，出色👍⭐️馬拉盞炒芥蘭可以自由組合配搭用咩方法炒同炒咩菜👍呢間嘅馬拉盞幾濃郁，個人覺得有少少蝦醬香，唔辣但幾惹味⭐️串燒拼盤豬同雞都好滑，牛肉幾香不過有少少乾沙嗲醬偏稀，我同老公呢啲重口味人士覺得如果花生味濃郁啲同稠啲會再好食啲😂呢度可能係做街坊生意為主，店員們服務都非常好，又好好笑容🫶🫶如果經過開呢頭都會再過嚟食☺️

天氣冷吃泰菜最好金枕頭區內屹立多年可見實力一至四二人晚市套戲只是$198包三前菜，一主菜，兩飯/麵，一甜品二人夠吃了飽飽大食的加一道小炒也很經濟前菜我們要了豬牛雞串燒各兩串烤得恰到好處，有焦香亦有脂香配沙嗲醬風味十足，必食之選燒豬頸肉份量十分多肉片特別多切幾刀，外型像刺蝟比坊間再薄一點原來這樣烤更添脆口口感！香辣肉碎炒河看色水就知功架十足香辣肉碎調味不錯，有九層塔香對我來說可以再辣一點晚餐的飯麵類可選燒薄餅包豬頸肉包串燒吃一流附甜品椰汁西米糕非常滿足😌飲品跟餐加購，冷熱特飲一律$15泰式奶茶茶特別香！有特色黑糯米椰汁冰椰香米糯不過甜👍值得推薦！

我今日去左住在粉嶺的好友拜年，好友帶我去位於粉嶺一嗚路23號牽晴間購物廣場地下G2號舖的《金枕頭泰國餐廳》食泰菜，環境舒適，富有泰式風情。我地點左：🥢泰式海南雞（半隻）$95，🥢酸甜蝦球 $88，🥢菠蘿炒飯$78，🥢蒜茸炒什菜$70，🥢椰汁紅豆涼粉冰$30，🥢椰汁紅豆冰 $28。泰式海南雞的雞肉嫩滑好味；酸甜蝦球的蝦肉啖啖都好好味，酸甜汁伴菜令食慾大增；菠蘿炒飯份量不少，伴炒的食料（蝦球、針魚、.. 等）豐富又好味；蒜茸炒什菜係清清地，唔錯；兩款椰汁紅豆冰都好飲。

粉嶺牽晴間地下有間門面好搶眼嘅泰國菜，食物選擇都幾多～～泰式蝦餅，即炸熱辣辣上枱，蝦肉彈牙厚實飽滿，啖啖蝦肉，外皮幾酥脆～燒豬頸肉呢個份量幾抵食，燒得好靚，切到一塊塊薄切，肉質粉嫩，幾爽口，配醬汁辣辣地幾過癮～串燒沙嗲6串，豬、牛、雞各兩串，一次過可以食晒三款肉，各有特色，沙嗲醬幾香濃惹味～菠蘿炒飯口味清淡啲，唔會過鹹，配上海鮮，蝦同魷魚，材料幾豐富呀～芒果椰汁冰同泰式珍多冰充滿椰香，解渴之選～～

雖然新正頭係應該食d新年應節食品，但我已經由年三十冬菇花膠鮑魚，食到今日年初五lunch都仲係食緊蘿蔔糕。。。我同男朋友講我頂唔順喇唔想再食乜糕物糕或者做節嘅餸喇XD佢問我食咩，我話不如是但喺屋企附近睇下有咩餐廳先再決定啦！結果見到呢間金枕頭勁多人，雖然未食過但感覺可以一試！爆曬場都等左兩三個字先可以入座（但同時間隔離餐廳係得少少客人）今日勁full但人手緊缺，好彩呢到有得QR code落單，所以又唔算等好耐就上菜又冇出錯！黃咖哩雞 （$78）好香口同埋夠入味，如果唔食肉可以叫黃咖哩豆腐！飛天炒通菜 （$65）通菜炒完仲係好嫩。菠蘿炒飯 （$78）用半個菠蘿殻上好香，而且夠乾身粒粒分明。串燒沙嗲牛4串 （$64）唔會好老，加埋沙嗲汁更惹味！泰式珍多冰 （$25）同青檸冰 （$25）都係解渴之選，但我更偏好青檸冰酸maymay幫我解曬新年應節食品嘅膩感！整體CP值高唔怪得咁多人食啦！

農曆年假前，約朋友下班來吃泰菜，有住粉嶺區的同事介紹來金枕頭，味道好價錢又經濟，即管試試。這裏的飲品價錢十分經濟，比一般泰式餐廳便宜。泰式珍多冰$25，這裏的珍多冰味道很香甜，除了椰子香，甜度也很適中，吃完辣，再喝一口很舒服，而且紫色的粒粒很有咬口呢！椰汁紅豆冰$28，同樣是香甜椰汁底，配紅豆永遠好味！吃泰菜，喝最經典的椰汁紅豆冰一定不會踩雷。泰式無骨鳳爪$68，酸辣味道屬於小辣，醬汁拌得均勻又入味，而且份量很大碟，吃完爽口的鳳爪，還有泰式沙律酸香辣味迴盪，很開胃。牛肉船粉$45，可加$10轉冬陰功湯底，這個價錢非常抵食，份量也多，點了粉絲做麵底，吸收湯味超夾。冬陰功湯真材實料，有蕃茄煮湯，味道偏酸小辣，紅湯配牛肉味道很好味，牛肉熟度剛好不韌。生菜肉碎包$88，可選雞肉豬肉，我們選了豬肉。泰式香料炒過揮發香味，但不鹹也不辣，屬於偏酸的口味，包著生菜吃超開胃，又清新，份量很多，可以當一個主菜吃。串燒豬頸肉4串$65，燒得金黃，帶蜜糖味，豬頸肉爽口多汁，好惹味！馬拉盞炒通菜$69，有很多蝦乾炒，超香口！炒完上桌已經聞到蝦香，通菜鮮嫩無渣，喜歡炒完的醬汁，除了香口又濕潤，好好味！整頓晚飯吃得

今日去粉嶺探朋友，附近有間泰國餐廳朋友帶咗我去食，餐廳好有泰國特色，見到Menu價錢都比較大眾化，而且晚市去到餐廳已經坐滿晒人！.燒豬頸肉泰式燒豬頸肉香口又惹味外層燒得焦香內裏非常Juicy，完全唔乾身肉質爽口彈牙，再加上泰式辣汁非常配合！.泰式金邊粉一上到枱原來都好大碟，份量十足而賣相非常唔錯好夠鑊氣！麵質柔軟 口感一流！旁邊亦有花生碎伴碟可自由配搭青咖喱雞青咖哩散發着濃濃嘅椰香，微辣惹味雞肉非常滑嫩 配上白飯一齊食，非常開胃.燒薄餅薄餅即叫即整熱辣辣，充滿油香口感酥脆又帶點煙韌舀將薄餅用嚟點咖哩一齊食，簡直係絕配😋😋

呢一日來到粉嶺踢足球，踢完波梗係附近找東西吃，行到牽晴間購物商場，地下有一間名叫金枕頭的泰國餐廳，睇到個名幾特別，於是同朋友入去呢間餐廳一試。一坐低餐廳職員已即時遙上暖水及餐牌，今時今日香港吾係好多食肆做足，有時要舉手呼叫侍應，可能人手吾夠未必即時招呼客人，我覺得此餐廳人手足夠，而且掃碼落單夠方便直接。我望左菜單就叫左半隻海南雞，細份量既冬陰功湯，泰式酸辣鳳爪，冰鎮活蝦刺身，然後叫了椰汁紅豆冰同椰青。食完我覺得印象最深刻的是冬陰功湯，我可以話泰國當地餐廳都食吾到呢隻味道，我真係俾好高評價，原因係湯既味道好濃，主要係呢個湯落足料，細份量都要5-6大蝦，番茄，冬菇，加上廚師獨家煮法，我第一次飲到咁正宗冬陰功湯，細份量2個人平均都飲到3碗。另外要讚個活蝦刺身，好辛鮮，加上香蒜涼瓜配料，點埋泰式酸辣獎，令人食完一隻又想食另一隻🤭🤭另外泰式海南雞，份量出奇地多，上到黎時已去骨，點泰式酸辣獎，雞肉好滑好香，熟既程度剛好，太熟會好粗，到食泰式鳳爪時已經飽肚，鳳爪又係份量超多，飽到吾想食落去，試左少少味便放棄了，整體食物質素有一定水准，可以廚師是泰國人吧，煮出黎就係地道食物。總結：一定會再返黎幫襯，雖

朋友介紹呢間泰菜味道非常驚喜！作為泰菜愛好者，當然立即去探店！睇返餐牌價錢合理，更加設有抵食二人餐！！最終都係選擇咗單點，揀曬自己最鍾意嘅嘢食係最開心嘅！而內部裝修非常有泰國氛圍，氣氛異常地好，同時坐得非常舒適。泰式柚子沙律~柚子非常多汁開胃，配上脆脆嘅魚仔、新鮮彈牙嘅大蝦，口感異常豐富！串燒沙爹牛肉串~牛唔會燒到乾柴柴，配上較為甜口、花生味香濃嘅醬汁，簡直係絕配！豉椒青口~青口非常新鮮！份量亦都頗多，用上豉椒去炒，非常惹味！粉絲雜菜煲~一餐裏面總要有菜！雜菜煲係我嘅不二之選，可以食到唔同嘅蔬菜！而且粉絲吸滿炒菜嘅精華！

今日近近地，收工搵埋情人係屋企附近食個飯 。呢間仲要係以前食宵夜都黎既泰國餐廳，水準依然係度 👍🏻活蝦刺身🦐 $108先黎整個大蝦刺身，好大隻， 厚肉爽口，越咬越Creamy，食得辣連辣椒一齊食， 好刺激過癮，個泰式酸辣醬係靈魂，沾左更凸顯蝦嘅甜味 。好耐都無食過🥹勁回味另外再叫左個2人餐 $198蝦春卷🍤 即叫即炸，好夠熱，春卷皮香脆，咬落連隻蝦都爽口彈牙燒全翼雞翼，落足蜜糖去燒， 大大隻又好香甜，連隻尖都好多肉，識食一定要咬埋啲脆骨 ，勁正沙嗲牛肉串，沙嗲醬香甜唔辣，肉分量好多，牛肉咬落香口生菜包🥬豬肉碎分量十足，滿滿一大兜 ，食落仲帶點檸酸味，連埋清爽既生菜包住一齊食，清新開胃 。碗麵份量勁多，無論麵底定啲餸都好多，牛丸大大粒，有牛味，+$10 冬陰功湯底，抵俾，多左啲蕃茄粒配料，湯頭好濃唔咸，當湯飲都得😂另外，都叫多左一碗牛肉粉絲，牛肉湯頭一樣清甜，食每一啖都掛晒湯汁飲品🍹分別叫左泰式凍奶茶同椰汁紅豆冰 。紅豆冰椰汁味香濃，紅豆大大粒，浸到軟硬適中，耐糯香甜 。泰式凍奶茶絕對有泰國風味，夠晒甜😆唔甜就唔係泰式奶茶啦，你懂的😏甜品仲有椰汁西米糕2件 。椰汁品重，而不會太甜，西米糕

發現呢間由泰國人主理嘅餐廳！星期五晚座無虛席！而且價錢唔貴，食物選擇好多已經幾正宗。係到食嘅少不了都係點個幾款招牌菜，燒雞翼，海南雞，菠蘿炒飯，炒菜～蜜糖燒雞翼4隻，生燒方式等候時間耐啲，等咗45分鐘先有，雞翼燒到外皮焦焦脆脆，內裏肉汁鮮嫩，好邪惡👿半隻海南雞飯，嫩滑的雞肉和香噴噴的米飯，雞肉肉質鮮嫩多汁，外皮光滑，味道清新，米飯充滿雞油香味，搭配的醬料包括辣椒醬，令整個飯增添了豐富的層次感👍🏻菠蘿炒飯，菠蘿的天然甜味與炒飯中的鹹香味形成鮮明對比，口感豐富，配料有蝦仁、雞肉、魷魚，不僅增添了色彩，還增加了口感的層次，使整道菜更加豐富😍最後仲點了飛天炒芥蘭，鹹度剛好，唔會太重口味，芥蘭爽脆，煮得剛剛好😍

臨近聖誕節嘅平日去到 餐廳只係坐左一半人都冇一入門口 個員工已經愛理不理 隨手指一指 示意我隨便坐 於是我揀咗張四人枱坐低左，點知過咗陣個員工又好不滿咁過嚟叫我轉去二人枱，嗰陣其實成間餐廳都大把位，不過咁食飯時間驚一陣多人都明白。轉左二人枱冇幾耐 又見到有一個人坐咗佢嗰張枱 點知個員工竟然又照serve佢😂 好正嘢食方面 叫咗個雞翼船河 湯同雞翼嘅味道都算OK，但啲粉淋到冇牙都食到，如果唔係粉嶺冇嘢食都唔會再考慮嚟食呢間