影片
電話號碼
26832922
特色
適合駕駛人士
營業時間
今日營業
12:00 - 15:00
18:00 - 23:15
星期一至日
12:00 - 15:00
18:00 - 23:15
以上資料只供參考, 請與餐廳確認詳情
突然好想食泰國菜，諗起價錢親民又正宗既 「金枕頭泰國餐廳」，於是就即刻同朋友約埋一齊再黎食，過下口癮。.蒜蓉包 $32一坐低就點左蒜蓉包，長法包外脆內軟，表面係滿滿既牛油香同蒜蓉香，趁熱食真係香到停吾到口，超岩做開胃小食。.薄餅 $32薄餅酥脆香口，單食已經好味，配埋咖哩更加一流，薄餅既脆口同咖哩既濃味夾到岩岩好。.黃咖哩牛腩 $78主菜食左黃咖哩牛腩，份量好足，咖哩真心正，啖啖椰香，咖哩味好濃厚。入面有薯仔、牛腩、洋蔥同蕃茄，材料好實淨，無論送飯定配燒薄餅都好正，食完好滿足。,香芋春卷 $60小食仲點左香芋春卷，外層薄脆，內裡用料好足，有芋頭絲、木耳、甘荀絲同粉絲，咬落去口感豐富，芋頭既香味好突出，幾好味。.椰汁西米糕 $38椰汁西米糕真係超推薦，椰汁味濃郁到不得了，係我食過最香既一款，西米軟糯，甜度又岩岩好，食完仲不斷回味.泰式奶茶 $22飲品點左泰式奶茶，味道好濃郁，甜同茶味平衡得好好，飲落真係同係泰國飲既差吾多，超正。.馬拉盞炒通菜 $69炒得又惹味，通菜爽脆有水份，馬拉盞既鹹香味好開胃，配飯食一流。.辣肉碎飯 $65揀左雞肉，配上豆角粒、辣椒、肉碎、香葉同菇片等一齊炒，香口又帶辣，仲有一個燶邊流心蛋，撈埋飯食真係好過癮。
繼續閱讀
過開嚟呢邊行街買嘢，順便附近搵食，呢間泰國餐廳開業左好耐，見到d野食又幾吸引，一於試下先。平日夜晚都幾受歡迎，一家大小的，晚飯套餐好抵食，乜都有d 岩哂我地倆小口子！自選二人套餐⭐泰式蝦餅2件 ： 爽口彈牙 見到有粒粒蝦肉係入面 真材實料！ ⭐串燒沙嗲 豬2串：燒至微焦好香 豬肉保持嫩滑 沙嗲醬甜甜地好惹味⭐蜜糖燒雞翼2隻 ： 大推！ 食落去就好似真係出去BBQ燒出來雞翼咁有炭燒味道 香甜又好食⭐黃咖喱(牛腩) ：我地揀左牛腩 肉既份量好多 牛筋好食！ 呢個咖哩係帶甜味的 少少辣 椰奶濃郁！配料都好豐富，青紅椒 洋蔥乾蔥薯仔等等 令到個咖哩味道更加有層次感 配搭白飯 蒜蓉包或者薄餅都非常夾！！⭐蒜茸包(4件)：認真焗製 非常香脆 ！ 單吃已經好好味⭐椰汁西米糕2件⭐椰汁紅豆冰⭐青檸梳打⭐泰式柚子沙律另外叫左一碟沙律 好多柚子肉 香香甜甜的 好新鮮又開胃！總括而言,呢間泰國餐廳真係唔錯，下次再嚟試過其他嘢先！
繼續閱讀
農曆年假前，約朋友下班來吃泰菜，有住粉嶺區的同事介紹來金枕頭，味道好價錢又經濟，即管試試。這裏的飲品價錢十分經濟，比一般泰式餐廳便宜。泰式珍多冰$25，這裏的珍多冰味道很香甜，除了椰子香，甜度也很適中，吃完辣，再喝一口很舒服，而且紫色的粒粒很有咬口呢！椰汁紅豆冰$28，同樣是香甜椰汁底，配紅豆永遠好味！吃泰菜，喝最經典的椰汁紅豆冰一定不會踩雷。泰式無骨鳳爪$68，酸辣味道屬於小辣，醬汁拌得均勻又入味，而且份量很大碟，吃完爽口的鳳爪，還有泰式沙律酸香辣味迴盪，很開胃。牛肉船粉$45，可加$10轉冬陰功湯底，這個價錢非常抵食，份量也多，點了粉絲做麵底，吸收湯味超夾。冬陰功湯真材實料，有蕃茄煮湯，味道偏酸小辣，紅湯配牛肉味道很好味，牛肉熟度剛好不韌。生菜肉碎包$88，可選雞肉豬肉，我們選了豬肉。泰式香料炒過揮發香味，但不鹹也不辣，屬於偏酸的口味，包著生菜吃超開胃，又清新，份量很多，可以當一個主菜吃。串燒豬頸肉4串$65，燒得金黃，帶蜜糖味，豬頸肉爽口多汁，好惹味！馬拉盞炒通菜$69，有很多蝦乾炒，超香口！炒完上桌已經聞到蝦香，通菜鮮嫩無渣，喜歡炒完的醬汁，除了香口又濕潤，好好味！整頓晚飯吃得豐富又美味，價錢合理，而且喜歡這裏人氣旺盛，氣氛好好！
繼續閱讀
今日近近地，收工搵埋情人係屋企附近食個飯 。呢間仲要係以前食宵夜都黎既泰國餐廳，水準依然係度 👍🏻活蝦刺身🦐 $108先黎整個大蝦刺身，好大隻， 厚肉爽口，越咬越Creamy，食得辣連辣椒一齊食， 好刺激過癮，個泰式酸辣醬係靈魂，沾左更凸顯蝦嘅甜味 。好耐都無食過🥹勁回味另外再叫左個2人餐 $198蝦春卷🍤 即叫即炸，好夠熱，春卷皮香脆，咬落連隻蝦都爽口彈牙燒全翼雞翼，落足蜜糖去燒， 大大隻又好香甜，連隻尖都好多肉，識食一定要咬埋啲脆骨 ，勁正沙嗲牛肉串，沙嗲醬香甜唔辣，肉分量好多，牛肉咬落香口生菜包🥬豬肉碎分量十足，滿滿一大兜 ，食落仲帶點檸酸味，連埋清爽既生菜包住一齊食，清新開胃 。碗麵份量勁多，無論麵底定啲餸都好多，牛丸大大粒，有牛味，+$10 冬陰功湯底，抵俾，多左啲蕃茄粒配料，湯頭好濃唔咸，當湯飲都得😂另外，都叫多左一碗牛肉粉絲，牛肉湯頭一樣清甜，食每一啖都掛晒湯汁飲品🍹分別叫左泰式凍奶茶同椰汁紅豆冰 。紅豆冰椰汁味香濃，紅豆大大粒，浸到軟硬適中，耐糯香甜 。泰式凍奶茶絕對有泰國風味，夠晒甜😆唔甜就唔係泰式奶茶啦，你懂的😏甜品仲有椰汁西米糕2件 。椰汁品重，而不會太甜，西米糕軟淋都仲食到西米一粒粒既口感 。📍 金枕頭泰國餐廳 粉嶺一鳴路23號牽晴間購物廣場地下G2號舖#hkfoodie #foodiehk #foodie #hkfoodstagram #hkfoodblogger #food #foodstagram #foodblogger #instafoodie #foodporn #香港美食 #香港必食 #香港探店 #香港打卡 #香港旅遊 #香港 #香港好去處 #假日好去處 #粉嶺搵食 #粉嶺美食 #泰國菜 #枕頭泰國餐廳
繼續閱讀
聽啲街坊講，呢間泰國嘢嘅水準非常唔錯，今日終於都有機會去探店😬睇返餐牌，價錢合理，選擇都有好多~泰式柚子沙律~食泰國餐廳都鍾意食柚子沙律，感覺自己碌柚子係非常困難，而家絕對可以解放雙手🤭就可以食到，重點係香辣嘅汁料混和柚子，絕對令口味升上另一個層次，當中加埋爽口新鮮嘅大蝦，香脆惹味嘅魚仔,絕對係一個好好嘅開胃菜！牛肉串燒~牛肉燒得恰到好處，唔會太乾！配埋沙嗲汁，可以講得上係畫龍點睛。馬拉盞炒通菜~通菜份量非常多，而且依然係青綠色，賣相同口味都一流😋😋泰式火車炒飯~有好多雞塊，夠曬足料，蕃茄口味帶酸甜，可以解除炒飯嘅油膩感，亦都落咗原條菜心，好有口感👍🏻椰汁大菜糕~甜品一嚟到有啲嚇親，以38蚊呢個價錢，我一直以為得兩至三件，仲要細細件，點知足足有八件，每件都兩隻手指咁大！好彩佢嘅口感非常清爽，椰汁味亦夠哂香濃，慢慢食都可以食曬，唔會浪費！黑糯米椰汁冰~比較少見呢個飲品，糯米控必點！龍眼冰~夏天飲，清爽解膩，可以突出到龍眼本身嘅清甜。食到捧住個肚連加一都唔使400蚊，真係非常抵食👍🏻
繼續閱讀