金寶小廚 (已結業)

係大角咀富多來既金寶小廚。店面沒有特別裝潢，但見地下係乾乾淨淨行路地面唔會油淋淋。簡單幾張圓枱做既係街坊小炒。生炒骨好掂，肉係新鮮貨，帶點肥不過唔會食到成口肥油。炸粉夠薄炸得香酥。個汁唔會過酸。輕易清碟。隔離枱5個人叫左2碟生炒骨，一碟辣，一碟大辣。我嗰份係唔辣，唔知有得點帶辣既生炒骨。幾特別，下次再試。煎鹹魚肉餅煎得乾身，可惜肉餅口感有點過實。今晚冇蓮藕煎肉餅，相信有蓮藕粒口感會更佳。魚鬆炒四季豆中規中矩。小店標榜堅持不加味精。食完的確唔覺有味精。食得過既。

慕名去摷呢間舖仔,因為聽位老人家話,佢淨係會食陸羽嘅生炒排骨.居然讚到手勢有番咁上下,窮L就梗係嗱嗱聲衝落去搵嚟試吓.  事實好難至搵到間舖,就係咁就出事.因為成9點先坐低,立即點咗生炒排骨,再望吓人哋食緊乜.但係老板娘淡然回答,賣晒!有D火滾,俾人咁KO唔咁心.要再去搵第二間,又唔熟大角咀.餓到發癲,唯有問吓仲有乜招牌菜.佢話不如試吓乳香骨,唔知乜東東,總之祭咗五內臟廟先算.因為都幾夜,客唔多.突然望到廚房好猛火,原來廚師玩到火光熊熊.話咁快碟餸就到面前,賣相幾好,表面金黃乾身,碟面無話成灘油,聞到陣陣咸香.夾到去唇邊,發覺仲好興, 唯有放返低.老細過嚟,牙擦擦咁問啱唔啱口味.嗰陣先講最好等多陣先至好食,不如飲支啤酒,話餸酒好味過生炒排骨.不過聽唔入耳,敷衍就算,食咗眼前碟餸至講喇.第一個啖就肯定係鮮豬肉,唔係雪藏凍肉咁又乾又硬.因為半肥瘦,肉汁 豬油 加埋白飯,細味到日捱夜捱都係為咗呢種滿足感.食吓一嚿又一嚿,咁就一佪人清晒成碟.嗱嗱聲埋單,衝返屋企沖涼睇波.

夏日炎炎無乜野想食，不如揾返間有水準嘅小炒試吓，朋友話大角咀有隱世廚神出現，咪出發去會一會佢先。鋪面無甚特别茶記一間，見佢哋出名招牌"生炒骨"試一試佢先，點知因為夏天嘅關係特別推出加辣牌，嘩辣喎正!啱我!然後，點咗個"金寶小炒皇"及豉汁蒸倉魚。生炒骨好冶味，個汁嘅甜酸道剛剛好，排骨夠脆、唔會太乾身,加埋辣簡直醒胃~正!原來個汁係老闆自己調較，唔怪得知啦!跟住個小炒皇一出場已經香噴噴，香味來源自韭菜及魷魚，因為老闆話小炒皇要按照時令以及配合當日新鮮食材，所以配搭並非次次一樣，今日我就有:芹菜、韭菜、腰果、蝦球及魷魚，正👍，真係好冶味。最後個豉汁蒸倉魚，唔洗講啦~你睇吓我機乎清晒碟就知有幾鮮啦!今次尋找隱世廚神之旅無白行，真係知味行，食材又新鮮，老闆又nice, 抵你咁多熟客，下次一定再嚟!

會踏入尼間小店，全因我位對味精敏感兼對食物有要求嘅街坊好友，第一次嚐到朋友成日提起嘅無味精例湯，雖然佢只係隨餐附送，但係老闆一D都唔嘛呼，好有屋企 feel, 依家唔落味精嘅茶記真係少之又少。佢哋嘅熟客首選招牌生炒骨，更是一流，除咗甜酸度適中之外，絕唔會好似坊間果啲咁;比醋味嗆到喉，據老闆所講啲汁係佢自己調配，唔怪得知同出面嘅味唔同啦~正~開胃!上次食過佢哋嘅煎鹹魚肉餅已經覺得甘香之餘又多肉汁，今次因為阿仔唔食鹹魚，改為煎蓮藕餅，依然都係香脆多肉汁，不過仲多咗一重口感，就係蓮藉粒嗱!由於今次係朋友們幫我慶祝生日，於是特別預訂咗兩個新鮮菜式: 梅菜蒸鯇魚腩、花膠雲吞雞，靚嘅梅菜+上新鮮鯇魚腩，除咗老公喜歡之外，連怕腥嘅我都食咗唔少;然後主菜花膠雲吞雞，啖湯一流，雲吞同雞係老闆娘當日係街市新鮮買，唔怪得知雲吞咁爽同彈牙啦~至於雞嘅嫩滑程道，真係無得頂呀!大家都食到停唔到口!嚟過幾次之後，你都爱上佢哋嘅小菜，淨係次次都見到佢哋啲街坊熟客，你就會感受到。如果唔係遇到老闆忙到一頭煙, 佢仲會同你呗吓水添!P.S. 因為佢哋每一碟都係即叫即炒，所以老闆都幾忙架!上上次有幸遇到嘅豬手，嘩~正呀!

一次媽媽嘅同事聚會也是金寶這兒吃的，她想跟我說非常好吃非常好吃😋所以第二次聚會我就請她預埋我！果然令我感到驚喜！這些廚功我大多數都是在酒店酒家才吃到⋯⋯想不到民間也有高手！豉油雞和白切雞，肉質嫩滑！筋骨非常鮮甜！絕對是活雞！兩碟也一掃而空！生炒骨有辣和非辣兩種，兩種都外脆內嫩，醬汁既不酸，我個人喜歡微辣，絕不功高蓋主，反而畫龍點睛平時不吃生炒骨的我也吃了三四件至於蟶子，我的大愛！又大件又清甜又爽口，邊咬邊出汁，好像吃帶子裙邊，吃不停口其實我自己可以食晒一大碟最後兩條清蒸青斑，相信大家都知道青斑並不是貴價魚！就是這一碟餸一顯師傅的功力，蒸魚剛剛到喉，微微地痴骨，沒有一個位置是HAI SAP SAP 真是讓我大大敬佩！期待下次來再試新野！一大班朋友有傾有講真係好開心店舖雖然非常細，但係十分講究衛生，希望可以繼續keep住！

吹神私家菜--金寶小廚 : 惹味~"生炒骨",佢哋嘅生炒骨香脆得嚟鬆化，秘方酸甜汁唔會比嗆喉，而要預早訂D既~"豉油雞", 因為係老闆親自買新鮮雞，雞肉鮮味嫩滑、 "煎咸魚肉餅"夠咸香多肉汁。是日例湯~南瓜湯，無味精得嚟好有住家味道，整體~好味、好有趣~唔怪得知無聊朋友經常幫襯啦👍😋😋!

日日出街食, 有時一丁友食都想清淡D, 食下住家飯, 少D味精.金寶小廚屬於家庭式小店, 標榜無味精, 而且交通方便, 近奧運站, 隔離新九龍廣場亦巴士小巴站林立, 放工搭車來食飽之後就可以行路回家.今日又來到金寶小廚, 點了個小菜西蘭花炒豬頸肉+白飯 +例湯 $52先上木瓜粟米雞腳湯, 清甜滋潤, 不會太咸或太水, 亦有適量湯渣再來西蘭花炒豬頸肉+白飯, 先吃一口白飯, 飯軟綿夠熱, 西蘭花炒豬頸肉份量都大碟, 西蘭花夠爽, 豬頸肉軟嫩, 落左蒜片增添蒜香度, 調味不會太濃郁, 所以吃到菜同肉本身應有鮮味, 非常有有住家菜風味.

金寶小廚主打家庭式小菜，是典型大角嘴區內的街坊食肆，店外貼有公告指堅持不加味精。店舖地方細細，食物選擇出奇多，午巿蒸飯系列梅菜鯇魚、肉餅及蒜蓉豆豉排骨最搶手。今日有運行，搶到最後一碟蒸排骨。見到蒸排骨上枱，即時笑不攏嘴，因為它以不鏽鋼執碼碟盛載，風格跟自己在家煮食一模一樣，差點以為回到家。排骨給斬成一口骨的大小，極方便食用，肥瘦適中有肉味，部份帶爽骨，肉身沒有黏附多餘生粉。看得見碟底的汁頭屬清澈級別，並非酒樓常見的混濁漿糊版，用以撈飯時，完全沒有丁點增肥罪惡感。排骨汁的出色，全靠豆豉及蒜蓉配合。出街食飯從不對豆豉有期望，食過的絕大部份都是無豆味、硬身，金寶小廚的卻有豆香，拍得住自己食開的東莞豆豉，加上蒜蓉份量足，大大提升排骨汁的鮮香。更精彩是豆卜混排骨同蒸，得以盡收味道精華，入口後肉汁自豆卜澎湃湧出，醬爆感超爽。邊食蒸飯，邊聽到廚師開動猛火進行快炒，心裡在想好有鑊氣喔，決定加多碟星洲炒米。炒米大大碟、賣相靚、鑊氣勁、香噴噴兼料多，有蝦、蛋絲、中國芹菜、洋蔥、叉燒、椰菜、紅蘿蔔及芽菜，嚴重豐富。蛋皮經煎香後切絲，洋蔥炒至全熟呈金黃色，都是看得出的花心機製作；蝦以碎身入饌，無損整碟米粉的色

其實已幫襯了這間小店已成年了，之前已想寫食評，但寫了一次不知何固沒有登出，可能是第一次操作，可能出了錯，過了整年，忍不住再寫一次試下寫，因為真的值得介紹一下，當初幫襯是被他門口貼上＂本店小菜絕不加味精＂給引入去，入到去感覺舒服，裝修簡單但很乾淨，入到去店員有善地讓我和老婆坐下，我問她有什麼好介紹，她便介紹了生炒骨給我們，我自己也叫菜舖肉鬆前蛋，加多個上湯浸菜.點菜後店員送上兩碗燙，一喝十分舒服，一些都不像普通茶記的味精或清水湯，雖然不是名貴湯料，但十分好味，之後上的生炒骨真的與象不同，無論色，香，味都與別不同，入口鬆化，味道超正！菜舖煎蛋，外觀冇乜特別，但食落十分好味，菜舖與我平時食不同，好有口感，最正是他們加上自加撈製的豉油，超好味，浸菜其實冇乜難度，但他們很細心的問我好不加些肉片，豆撲吊味，結果出來的效果真不錯！最鍋心就是入面的廚師走出來問我哋啱唔啱食，也很細心的講解餸菜特別的做法.吃完整餐後最重要一點口喝也沒有，冇味精的舒服！就這樣，我便幫襯了這小店到現在！差D唔吃得，他們的咸魚煎肉餅，蒸魚、蒸水蛋也有一手由於我不是住在這店附近，所以每次也是週末晚專程揸車來的，有時平日也會帶朋友

早前已聽聞過呢間餐廳既生炒骨好正!!!!!!所以琴晚特登同朋友去試下,大概8點半左右去到,第一時間點生炒骨同點款炒菜老闆話最近推一款叫「水東介」既菜我地食係大棵既介菜, 見未食過就試下啦😂睇上黎普通既舖頭但老闆同員工都會關心每位客人對食品既需求整齊睇黎可以再來因為今次得2個人，下次叫多d人黎試多d唔同既菜先

上星期六來晩飯，不用等位，一到就有位。雖然環境一般，但老闆招呼好。老闆極力推介生炒骨，就試一試。果然味道好好，豬肉外脆內香，紅綠椒仍脆身，甜酸汁亦收得好，水準絶對比得上酒店的中菜廳！另外，我們點了香煎咸魚肉餅，十分難得找到哩種家常菜。肉餅咸香，煎到剛剛好，看得到廚師的心機，送飯一絶。我們食食下，估唔到廚師出來和我們傾計，聽下我們的對食物意見 。廚師對自己出品的認真，實是難得。今次忘了影相，下次再來試試其他食品，影相與大家分享。

星期三屋企唔煮飯就同屋企人去左間新開幾個月的小菜館食晚飯~入到去坐低,餸都未叫 ！　老闆娘就先黎每人一碗例湯~ 抵讚啊 例湯無味精好好飲~繼而我地就慢慢睇下有咩好食啦~老闆推介我地食生炒骨!講真~好正啊喂～～～個醬汁好好食，仲要係岩岩炸好，份量亦多!又脆又熱．．．．回味中　老闆仲話生炒骨個醬出面好少食到喇，係用梅汁自己整架，自家醬真係好好味我地仲嗌多個o者o者雞煲,好野味,上檯係辣咀既~~ 話說仲有個隱藏菜單,老闆娘話見同我地岩傾,仲整個個咸魚煎肉餅好香口,我同媽咪都食到lumlum脷 !~我地3個人嗌左3個餸,捧住個肚走~耶