金家樂茶餐廳

營業中

休息中

金家樂 呢間茶餐廳我去咗好多年 至少20年以上 睇住佢又細到大鋪 食物算唔錯 就算依家搬走咗成日揸車返嚟食不嬲都冇要求啲咩服務 今晚揸車嚟坐低問吓例湯係咪魚湯因餐牌寫住 個男服務員話呢個湯冇啦 態度好似我欠佢咁 咁我話係咪有其他瘦肉湯呢 因餐牌上搵到 換來係佢態度惡劣 大聲咁話 你問我個魚湯我咪答左你囉 凶神惡煞 再繼續向我訓話其實我問一個好簡單嘅問題 希望食完就走 冇要求啲乜 換來好似我得罪佢咁俾人鬧我即場起身走 臨走前向櫃檯嘅老闆家人 同佢講我食咗幾十年 來食係因為感情 唔係俾人鬧 我地有緣再唔見啦有時一間餐廳經營嘅上落 因為好多原因 而我亦無謂用感情去掩飾食飯重要受污辱 可能失去我一個咁渺小嘅長期客戶唔重要 但同一間餐廳緣盡好可惜

今日落雨唔想周圍去，就近近地去左食茶餐廳，咁我就叫左個常餐，$40幾，以佢的份量尼講都抵食沙嗲汁迷你豬扒，煎蛋，時菜公仔麵配蜆介鯪魚球，白汁吞拿魚法式多士雖然寫迷你，但碗野係正常size，都幾有份量。豬扒好夠味，唔韌，份量都好多，大約有四件沙爹汁好惹味，唔會太鹹；公仔麵鐘意佢唔係煮得好林，係岩岩熟，有D彈牙果種口感鯪魚球一般，炸得唔係幾脆白汁吞拿魚法式多士，好有份量好足料，入面的吞拿魚同醬都有好多，每一啖都食到白汁吞拿魚熱朱古力好濃朱古力味，唔係沖淡晒果D

今日去試新野，朋友帶左我尼E間茶餐廳，入到去都幾大幾闊落，都係比較傳統我茶餐廳，唔係好dirty但又唔係特別乾淨，不過感覺都唔錯午市餐牌諗唔到叫咩所以最後叫左個常餐沙嗲汁迷你豬扒，煎蛋，時菜公仔麵配蜆介鯪魚球，白汁吞拿魚法式多士尼到有驚喜，因為碗野係正常size，但係佢餐牌就係寫迷你，所以就諗住會好細兜 豬扒好夠味，唔韌，份量都好多，大約有四件；沙爹汁都好惹味；公仔麵鐘意佢唔係煮得好林，係岩岩熟，有啲彈牙果種口感；鯪魚球一般，炸得唔係幾脆白汁吞拿魚法式多士，好有份量好足料，個包好脆，入面的吞拿魚同醬都有好多，每一啖都食到熱朱古力，好濃朱古力味，唔係沖淡晒果D整體尼講都唔錯，午餐$40幾有咁多野食都幾抵

今天在此遇到一個身形高瘦、十分奇怪的侍應：無禮貌、扮做嘢、無心招呼客人、態度有問題，食物已到在他前面，還叫人出㚈等。請問等什麼？等其他侍應做埋佢果份？最後客人取外賣給櫃枱入袋！劣評！

伙記好唔掂，錯單又試過，唔落單行咗去又試過。有幾個無咁精叻最多漏單，但自己以為自己好醒果啲，特別係個人稱高佬嘅，咁寸咁掛住同啲熟客講波認叻，錯咗對唔住都唔識講，一係寸你幾句又笠水扮熟。講真茶記由細食大，落單食飯已經無乜需要交流，又唔係要你介紹吓個餐牌每個菜點煮，唔知點解要俾你寸。晚市食物質素無問題，可以話係有水準，性價比高，午市普通，早餐唔使試。睇波係好抵，但要忍到班伙記寸爆同不知所謂嘅服務，另外場內大量煙民包括個老闆，熟客可能唔介意，我幫襯咗好多年依家都決定唔再幫襯

我係鐘意食茶餐廳既人羣✋✋✋✋由期係下午茶三點三哩間金家樂係我幫襯開既鍾意佢下午茶多選擇，價錢又抵喎今日揀咗佢個A+B+C下午茶餐A:炸雞翼 B:火腿奄列 C:生菜魚肉 +熱檸水只係$31真心抵！！而且份量都好大份，睇下佢碗生菜魚肉好大碗架，炸雞翼都好大隻，只係嗰火腿奄列有啲失色！

話時話，應該都有2年以上冇嚟過食早餐！返到嚟食當然食我最鍾意嘅沙嗲牛肉麵啦！餐牌，環境，伙記，都冇乜點變😂依舊咁熱鬧🤣 茶餐廳經常出現嘅嘈到一個點！🤣 不過接受唔到😂早餐：好好味嘅沙嗲牛肉麵火腿煎蛋

好耐無食過茶餐廳，個日經過見到午餐例牌好似幾正就入咗去。環境同一般茶餐廳差唔多，不過入座率就明顯高過同一條街既其他茶餐廳。坐低無耐啲伙記就會過黎落單。因為日日都食飯所以就嗌咗個燒汁菠蘿火腿扒意粉同凍奶茶。等左幾分鐘就先上咗杯凍奶茶，再等多陣就上埋個意粉。個意粉煮得啱啱好，唔會淋曬，份扒都大大舊，男人食都夠曬飽。雖然啲汁比較多，同埋有少少鹹，但唔撈曬黎食都ok。杯奶茶都好正！唔會好似其他普遍既茶餐廳勁甜或者無茶味。黎緊得閒都再會去幫襯！

之前經過的時候，都看到餐牌上面只有燒味飯以及其他午市頹飯，這天看到時鐘，即使過了5分鐘，職員亦表示「還有早餐，請到內裏坐下」，於是第一次一試。早餐的選擇也不少，但是要沙嗲牛肉麵竟然要加$3 ，原來連沙嗲牛肉麵也算是矜貴的早餐嗎🤔。沙嗲牛肉麵，湯底都算是濃郁，味道不算很咸又很濃味味精，麵條也都不算煮到完全軟林，保持少許彈力；又不會是冷凍了的沙嗲醬放在熱麵上邊，算是挺有誠意的除了有煎蛋之外，可以選擇要多士、麵包、還有蘿蔔糕。的確，大部份餐廳的早餐或常餐，不是給你多士，便是方包，有蘿蔔糕選擇的應該寥寥可數，因此便豁然一試。蘿蔔糕輕煎，還算大大塊，最少比起吃麵包來得更特別。煎蛋的質素也不錯，內裏保持流心狀態。友人的茶走，味道不夠濃郁，奶茶亦都欠奉，相比起咖啡還要遜色。我的咖啡走，反而味道比較香濃，早晨提神的不錯飲料。

今日返老家大角咀探媽媽，化身成外賣仔，買幾味孝母親大人。由於金家樂外賣份量十足，預左三樣粉麵飯加兩個菜就夠一家大細六個人食，相當抵食。時蔬有白菜、菜心、菠菜，就叫左蒜蓉炒菜心同埋金銀蛋浸菠菜。十一點左右落柯打，正值係週日早餐的繁忙時段，只見老闆娘忙著包裹源源不絕的早餐外賣，又要忙於應對響個不停的電話，還要時不時處理客人找數埋單，同時不忘吆喝激勵在場樓面事氣，可謂忙得不可開交，做茶記老闆娘真係唔簡單！結果都係等左十五分鐘就有處理好我的午餐柯打，真的不得不佩服金家樂的高效率！入返正題，金銀蛋浸菠菜真係有水準，菠菜含豐富鐵質，最岩女仕們食用，而菠菜浸得相當淋，配合咸蛋黃的咸香和皮蛋獨特的香味，口感十分豐富！最愛佢炒至金黃的蒜粒浸淫响上湯入面，超好味！而蒜蓉炒菜心大路野又點會難到功夫紮實的廚師呢。至於午餐A咕嚕龍鳯球炒飯底，「龍」者蝦也，「鳯」者雞也，兩球用油爆至脆身再用咕嚕汁噲兩噲上碟，蝦肉同雞肉的火候分別掌握得好，心思夠之餘仲好考功夫。用平民價錢食到咁多味小菜，外賣自取又可以安坐家中慢慢品嘗茶餐廳風味，難怪金家樂一直得到大角咀街坊鼎力支持！

2018ㄧ9ㄧ24 /17:00入門，塲內清閒，冇人接待，自己揾位座，遞手示意寫嘢，侍應態度欠佳，落單有碟頭飯及凍飲，全屬正價，廚房出品時間正常，上枱食物仲熱，埋單到櫃位比錢，收銀冇友善態度，也沒有客氣用語.(欠奉)

大角咀係朕長大的地方，大同新邨一帶的食肆林立，尤如少林木人巷，能夠响呢樹屹立超過三十年的金家樂一定有返咁上下。朕最喜歡港式茶餐廳的靈活多變，周身刀張張利，而金家樂除左小炒出色外，燒味都係佢強項。黎得茶餐廳，環境嘈吵就預左，重點係食物味道同埋錢買唔到嘅回憶！難得餐牌上有燒味雙拼粉麵，一於叫個叉雞米。待應覆單要切雞或油雞，睇得出呢度燒味幾咁講究，抵讚！一黎到呢碗叉雞米睇落平平無奇，啜啖靚湯便知底蘊！有別於一般湯底，呢個粉麵湯好飲，加上叉燒整齊排列於米粉之上，切雞部份亦係朕最喜歡的雞翅膀！米粉用上廣東米粉，火候控制得宜，唔會浸過龍一夾就散，而且非常掛湯，要做到以上各點經已唔簡單！食完成碗米粉有種感覺叫「和暖」，既似春日下沉睡未醒的海棠，又似初戀令人如沐春風！黎到茶記當然唔少得嘆返杯港式奶茶，我鍾意佢個茶膽沒有暗戀的苦澀味，茶葉夠香奶夠滑，茶味淳厚得黎仲有少少回甘，第二樹真係飲唔返！

尋日太懶，唔想岀街買宵夜，但又好肚餓，所以就叫咗男朋友去買外賣，想食中菜又想有鍋氣既就揀左金家樂了😍 金家樂喺大角咀超級岀名～✌🏻✌🏻 好多街坊都返去幫襯，以前住大角咀嘅時候已經晚晚滿座，連我男朋友都好鍾意去打躉🤣🤣 服務好好，見你入嚟就好熱情咁樣照顧你，有時仲要記得你幾耐嚟過🤣🤣🤣 好誇張，我男朋友就叫左排骨河，佢食左一半，之後就打包返黎俾我做宵夜😂 呢間係開到12點架👍🏻👍🏻 好正！返到黎都係熱既～ 排骨好大舊😍 好正，唔會太硬好難咬，河粉好好味👍🏻 真係傳統好闊既河粉，軟身，配汁，正

好鍾意食小炒，不過唔係好多地方好食！如果係又平又正又方便，一定係去金家樂！服務好有街坊感覺，會記得您黎過，好好招呼👍🏻 雖然衛生就有待改善，環境因為太多人幫襯，會有時趕唔切執枱～ 但係上菜快，味道都唔錯！上星期啱啱食完，最鍾意就係魚香茄子煲！好難搵到一間茄子整得林身，唔會太硬～ 肉碎俾得好多，啲汁入晒去，一咬就熱辣辣既汁咇岀黎，好好味！另外，鍾意既又有葺葱覇王雞佢真係俾足料你，肉好嫩，一咬就入口，好滑！皮唔多肥膏，好好味👍🏻菜都好食，不過都係小炒好食啲👍🏻

晚餐既好選擇之一，有大家咀呢間老字號茶餐廳係食極都唔厭 最近又去左一次，同住附近朋友聚聚，金家樂選擇好多，叫得岀既都有得食就算menu冇都叫到，好勁！可能師傅做太多年，有反咁上下我叫左金銀蛋莧菜同豉椒排骨炒麵！ 好細心，因為服務員會拎一盆滾水，被客人洗碗！等左大概10分鐘左右，菜就已經到啦！金銀蛋莧菜味道比期望既好味！ 皮蛋肉碎都好多~ 好足料！莧菜好入味，夠鹹度，唔淡口至於豉椒排骨炒麵，汁整得好好，排骨好大舊，又唔難咬，好入味～ 炒麵好特別，炒到脆口，脆脆地好好味😍❤️好推介！環境好闊落，只係衛生有待進步