48
7
8
港鐵奧運站 C4 出口, 步行約7分鐘 繼續閱讀
電話號碼
2396 5567
其他資料
外賣服務
食評 (70)
等級4 2017-04-07
271 瀏覽
特早工作先食個早餐,呢間餐廳門口可泊車,店面又大,人多都即刻有位!茶餐廳格局,座位唔迫,早餐嘅選擇幾多,有啲特色!叉燒湯通粉($32)估唔到個叉燒好味,份量多又半肥瘦,淋身唔嚡,有肉汁唔乾,通粉彈牙,啲湯肉金寶雞湯,好香濃!好味!火腿煎蛋餐包:餐包軟熟,蛋煎得脆邊好味,火腿無煎過,味道正常!熱檸茶:茶底濃唔澀,茶餐廳水準,不過玻璃杯唔及瓷杯方便!同事食:雞翼米線:熱檸水:北菇肉碎銀針粉:賣相幾靚!中式湯粉同事話好味!沙嗲牛肉麵:雪菜肉絲米粉:熱咖啡:食物幾好味,店員哥哥好豪爽,中間有漏食物同佢講,好快補上!唔廢話好爽手!早餐有啲特色! 繼續閱讀
(以上食評乃用戶個人意見 , 並不代表OpenRice之觀點。)
等級2 2016-08-11
1332 瀏覽
呢間茶餐廳已開業多年,吃過一次就總想再吃,每次過來也滿座,眼見大多都是做熟客和街坊生意,很有親切感。今晚點了一碟咸魚雞粒炒飯,咸魚粒很多,一點也不吝嗇,很大的一碟,炒得非常入味,難怪客人駱驛不絕。 繼續閱讀
(以上食評乃用戶個人意見 , 並不代表OpenRice之觀點。)
等級2 2015-07-22
1665 瀏覽
來到金家樂食下午茶,真心覺得好扺食,去其他餐廳食都要三至四十蚊,但金家樂食兩個下午茶都只係四十幾,仲要又有雞翼薯條,兩杯涷檸茶,仲有個碗仔翅,試問邊度可以有咁平嘅下午茶?雞翼真係唔差,仲要d薯條係熱,吅埋係大條版。碗仔翅足料。真係大角咀下午茶首選 繼續閱讀
(以上食評乃用戶個人意見 , 並不代表OpenRice之觀點。)
等級4 2015-05-17
1281 瀏覽
金家樂真系一個for食團年飯的好地方, 地方嘈系嘈d, 但反而有熱鬧,大家慶祝既感覺!  而且食物味道一流, 同自己煮既一定完全唔同, 所以一個菜七十幾蚊, 都系有佢既原因, 而且佢好在咩稔得出既住家菜都有,你想咩炒咩 都可以, 任你配搭。今次叫左 沙拉骨,西芹炒蝦仁,貴妃雞,咕嚕肉, 4碗白飯, 十分滿意。 沙拉骨, 其實系啖啖肉, 沙拉醬份量加得唔會太膩, 又沾到每一塊肉。 西芹炒蝦仁,  蝦仁夠大隻, 唔會搵人笨, 又炒得好乾身, 好爽口, 真系比自己屋企 炒既好好多。 貴妃雞, 可能系我唔識野, 不過我會話好似一般豉油雞, 講真, 真系細碟左d, 4個人好快ko 左, 不過明既, 現家世道系咁架啦, 而味道 醬油都剛好, 幾滑。 咕嚕肉 既肉大細有d唔系咁均稱, 不過甜酸度適中! (試過系其他鋪 試過好酸既咕嚕肉(( )  最後仲有紅豆沙做糖水, 免費架   系一個幾好既ENDING!   最後埋單好似4百幾蚊,還可接受! 繼續閱讀
(以上食評乃用戶個人意見 , 並不代表OpenRice之觀點。)
等級3 2015-02-05
1078 瀏覽
自從第一次跟同事們來這到間{金家樂}, 便愛上這裡又抵又好吃的午餐! 最初, 每次來都是選它的「是日午餐」。這裡的「是日午餐」每天都會不同, 但必定維持最少五款供客人選擇。 套餐的平均質素都蠻高的, 尤其喜歡它的京都骨、燒味和扒餐, 因為都很惹味!而通常主菜是經炸、燒或炒的套餐, 都不會讓客人失望! 今天, 考慮後決定選擇這裡全日供應的招牌「家樂餐」($42)! 「家樂餐」包括了叉燒湯通粉、炸雞翼(可+$3轉雞脾)、牛油多士或炸薯餅及熱飲一杯(可+$2轉凍飲)。平常的我是會選擇+$3轉雞脾的, 不過因為昨晚跟朋友吃飯吃得太飽, 所以今天選擇雞翼就好。首先出場的是叉燒湯通粉: 真的很大一碗, 這個碗口比我的臉還大, 滿滿的一碗呀! 其實對於女孩子, 吃完這一碗已經夠飽了。剛才提及過這裡的燒味好吃, 所以這叉燒不錯, 稍稍的軟稔又不失咬口, 不過如果想吃最好吃的, 當然還是選以燒味為主的燒味飯最惹味! 通粉煙煙韌韌不會過硬或過稔。不喜歡通粉的朋友可免費轉米粉或意粉等其他麵類。接著是主菜: 平常會選擇雞脾的我, 今次是第一次轉吃雞翼。雞脾的大小是雞翼的三倍吧, 雞脾的體積有四分之三個碟子大喔! 無論是雞脾或是雞翼外皮都很香脆, 雞脾的脆更是咬一口會聽到聲音的那種酥脆!  而內裡的雞肉則能保持嫩滑又有雞味。 雖然大雞脾大雞翼會讓人產生肥胖罪惡感, 不過它們是會讓人一口接一口的美味呀! 兩塊三角型薯餅鬆鬆軟軟的, 吃進口裡可以感覺到薯仔的顆粒, 很香口, 配上茄汁更滋味。最後點了一杯熱檸蜜滋潤一下:  總括來說, 每次離開{金家樂}時都會肚子鼓鼓又滿足。這裡的食物好吃又抵食, 會繼續光顧, 也推介給大家! 繼續閱讀
(以上食評乃用戶個人意見 , 並不代表OpenRice之觀點。)