金子半之助 (新都會廣場) (已結業)

日本橋人氣天婦羅店"金子半之助"響葵芳新都會開左。朋友仔好想試。所以今日我地放半日假黎左Lunch。一點到排左接近40分鐘。好彩兩個人傾下吾多覺。店內只得3款天婦羅飯138蚊穴子。118喜魚。98蚊舞茸。每款飯都有海老。帆立貝魷魚天婦羅餅。溫泉蛋。海苔。豌豆。非常大堆頭。我食穴子。朋友仔要左喜魚。兩款其實樣差吾多。所以影一幅相就算。穴子上面有d柚子絲幾fresh。我覺得穴子味道吾算特別。我始終覺得鰻魚有汁好味好多。朋友仔的喜魚反而幾鮮味。隻海老有少少硬。反而我覺得溫泉蛋同海苔好好味。碗飯吾算大我食完吾太飽。而且仲有好多餸剩埋單282蚊。店內侍應服務幾殷勤。起初覺得天婦羅飯好oily。但食落沒想像中油膩。試一次ok good。成日食真係飲多幾杯羅漢果先掂

位於葵芳的 金子半之助，是一間鼎鼎大名的日本東京天丼過江龍。金子半之助，為譽為「日本第一天丼」，曾獲得連續五屆的日本全國天丼金賞，實力非凡，令我非常期待今晩的晩餐呀。餐廳在日本極具人氣，在當地有12間分店，在台灣，北京和美國都有分店，曾經也在澳門設店，每間店舖勻大排長龍，人氣高企!香港分店的地方不太大，走日式簡約木材風格，開放式廚師佔餐廳一半的位置，客人能邊吃邊看廚師製作料理哦。最令我驚訝的事是，我竟然看到廚師用量重計計算前菜: 牛蒡和酸薑的份量，日本的用心製作，也在香港呈現出來呢。天丼只有三款，分別是: 江戶前天丼，上天丼和天丼，想吃豐勝一點的朋友仔，更可追加天婦羅炸物唷。江戶前天丼 $138這一碗 江戶前天丼 ，是餐廳的招牌推介。包括: 穴子魚，鳳尾蝦，海鮮炸餅，溫泉蛋，海苔，莢豌豆，配餸超級豐盛，令人大大滿足。率先吸引我目光的天婦羅，非這條長達30cm的超大條穴子鰻莫屬啦。長過筷子的穴子鰻，被日本進口炸漿包裏，然後淋上具有超過100歷史的創始人袓父秘製醬汁和日本進口胡麻油，肉質軟而實在。不過天婦羅炸得不算超酥脆，是偏向軟綿的那一種，但味道還是很不錯的!上天丼 $118上天丼則包括

之前幾次去日本都因為行程好趕所以冇機會嚟呢間食，今次喺香港開分店，又順道經過葵芳，所以就立即試吓！黎都葵芳大概三點左右，都有10 𡃁人排緊隊，相信若果係晚飯時間應該仲多人。其實抱住試吓，實際上一啲都唔肚餓！排左大概20分鐘，就已經入到餐廳喇！lucky!全間鋪只有三種丼，初頭以為會有烏冬蕎麥面，可惜係冇嘅！見到碗碗都咁大兜，同老公唯有叫一個飯share！不過我發現自己勁白痴！當個飯嚟到嘅時候，發現原來係個碗大，個碗飯係唔滿嘅！早知叫多另一個飯試吓😕鋪頭整體侍應都做到好似去咗日本咁！唯獨抽油煙機力度唔大，食完全身油煙味！不過整體個飯都好好味！我鍾意佢個炸紫菜！其他嘅都唔錯，即叫即做，好味好味！下次一定會嚟過！正！

日本好出名既金子半之助終於係香港開業啦🔺醬汁仲係用秘方調製架🤟🏻所以開業就去左試下啦.食物方面:⚪️「江戶前天丼」入面包括有: 穴子魚.鳳尾蝦.帆立貝魷魚天婦羅餅.溫泉蛋.海苔.莢豌豆⚪️「上天丼」入面包括有: 鱚魚.鳳尾蝦.帆立貝魷魚天婦羅餅.溫泉蛋.海苔.莢豌豆.整體方面:二碗最大既分別係天丼配既魚吾同,分別係穴子魚同鱚魚,2款都好大件,而且好嫩滑,醬汁岩岩好,足夠撈哂成碗飯👅建議食法,食到一半將溫泉蛋整爛撈埋個飯食👍🏻天婦羅全部即叫即炸座近d仲可以睇住師傅整,食材都好新鮮💕而每款套餐都會有味噌湯和漬物!

今日行開葵芳，見到呢間新開既日本餐廳，原來係日本出名天婦羅丼飯店黎既～好期待。餐廳裝潢好日系，好舒適！　食物款式唔算太多，主要有三款天婦羅飯，但全部都有好多配料！好正！仲可以自己再額外追加配料添。三款飯都有齊兩隻海老、帆立貝魷魚天婦羅餅、溫泉蛋、海苔及莢豌豆，只係每款飯都有一款特別配菜，我地兩個鐘意食魚，特意點左有穴子魚既江戶前天丼同埋有鱚魚既上天丼。江戶前天丼一上枱就聞到濃濃麻油香，滿滿一大片既配料放在飯上，真係好surprise，大滿足～天婦羅即叫即炸，熱辣辣，好有水準。聽店員講，師傳都有去過日本接受訓練，而且香港店亦採用左日本既食材，保持到日本既水準！穴子魚大大條，差唔多30cm長！好吸引！穴子鰻魚好特別，肉質比較緊實，同平時食既肥美鰻魚有小小唔同，但同樣好好味～海老、帆立貝魷魚同樣鮮味濃，又彈牙，好味！海苔天婦羅同樣唔錯，好鐘意硬硬地既脆海苔～而溫泉蛋就要食到一半既時候先可以戮穿 撈埋啲飯一齊食戮穿隻蛋，撈埋本身已經調左味既飯一齊食，蛋味十分濃。上天丼鱚魚天婦羅同樣好好食，魚既鮮味好出，口感較為嫩滑，而且仲有豐富蛋白質！而每份飯都有漬物、味噌湯，好豐富。餐廳供應免費飲品黑豆茶，

之前去日本試過呢間天婦羅店 #金子半之助 一試難忘🥰 今日終於係香港開左分店啦🥳 #江户前天丼 🍤 ($138)餐廳只提供3款天丼🍱 當然試最豐富嗰款😎 有穴子、海老、帆立貝魷魚天婦羅餅、温泉蛋、海苔、莢豌豆🍤 天婦羅即叫即炸👍🏻 要耐心等候☺️ 天婦羅非常脆身又唔會好油膩😋 記住要襯熱食😏食材方面意外地新鮮🤤 海老蝦同帆立貝魷魚都十分彈牙👏🏻 隻温泉蛋仲要係流心的🥚 穴子即係星鰻🐠 同鰻魚相比脂肪較少😛 有成30公分長好吸睛😍另外兩款係 #上天丼 ($118) 同 #天丼 ($98)

喺新都會廣場地下入口附近開咗一間新嘅天婦羅食店，餐廳原址係一間西式餅店，現格局同餅店差不多，一進來便看到開放式廚房，廚師不停地炮製天婦羅。呢間天婦羅喺日本橋有總店，終於就嚟到香港啦。餐牌選擇和日本店的一樣，只提供三種丼飯。餐桌上提供了七味粉，可以因應個人需要自行加配，黑豆麥茶亦都可以解肥膩，相當細心。江戶前天丼$138穴子、海老、魷魚天婦羅餅餐牌有介紹食天丼嘅小秘訣首先食一半，將炸到半熟嘅溫泉蛋戳破，然後再撈飯一齊食。餐廳嘅天婦羅係用小米粉同埋日本雞蛋炸成，因為即叫即製，所以上枱嘅時候都係好熱嘅，口感鬆脆，而天婦羅嘅顏色係比較深色，好奇問下店員用咗麻油去炸，所以都幾香口。醬汁都係餐廳調製嘅，帶少許甜味，不過雖然餐廳跟咗日本嘅做法，但係如果可以由食客自行加添醬汁都天婦羅會比較好，唔係所有嘅特製醬汁已經預先淋到天婦羅同飯上面，可能會影響少少天婦羅嘅口感呢。。最欣賞是油炸得半熟的溫泉蛋，把它拌飯真的非常好吃😋。總括來說，價錢比日本貴少少，新開張的關係，大排長龍，如果不用排隊可以一試。

今日同隻佬黎左葵芳試新野，岩岩新開一定要會一會佢！我地收工過黎葵芳好快，地點係正葵廣對面入口，好方便！等位算快，我地坐門口位置！菜單只有3樣，好快選左自己想食既野等食 😋😋 侍應妹妹放底兩杯茶，同我地解釋係黑豆茶，仲放底一大壺自己加，本來想叫野飲既我，都係飲茶養生啦 🤣🤣我地等食一路就係聞到陣麻油香，餓死人咩 🥰首先係隻佬叫果碗《上天丼》，有鱚魚、蝦、帆立貝尤魚天婦羅餅同溫泉蛋，一見到出枱都令人妹開心！大碗到呢 🤩 跟餐仲有味噌湯同漬物，呢個價堅抵食！到我果個《江戶前天丼》，我係俾佢個穴子吸引左，所以一定要叫！個魚同上天丼唔同，其他都一樣！相對之下我覺得我呢個抵食 🤣🤣🤣 因為魚我大條好多 🤣🤣 個醬汁好夾，甜甜地，唔會過咸，又唔會過多！個飯岩岩好！但我地一致覺得佢個米唔夠飯香！如果米可以轉一轉就完美喇！個溫泉蛋好正！勁香蛋味，用黎撈飯，都真係帶出另一個層次 🤩 碗飯我食到一半已經感覺好飽，但我有堅持到最後，只係俾左隻蝦隻佬食 🤣🤣

江户前天丼($138)炸物有穴子魚、鳳尾蝦、帆立貝魷魚天婦羅餅、溫泉蛋、海苔同莢豌豆。天丼($98)炸物有舞茸、鳳尾蝦、帆立貝魷魚天婦羅餅、溫泉蛋、海苔同莢碗豆。丼飯即叫即製熱辣辣上枱，天婦羅炸得香脆，加上用芝麻油炸既關係，特別香口！個人覺得金子半之助既天婦羅有點像吉列炸物，但冇咁厚粉，介乎兩者之間。不過可能我少食炸野，就覺得有點油。秘製醬汁沾滿每粒飯，再戳破半熟流心蛋，加埋蛋汁撈飯好惹味好好送飯！每款套餐均附送味噌湯同漬物，大大碗只係一百蚊左右，女士絕對可以二人share一碗！另外值得一讚既係服務好好，店員好慇勤，好有去左日本當地餐廳既感覺。

「金子半之助」我對這個名字毫不陌生，全因獨遊日本的時候已經到當地吃過。鍾情日本的我，得悉來到香港又點能夠不試呢？還記得到日本的時候，排隊近達大半小時又是值得，令我一試難忘。全因金子半之助的天丼用料相當豐富有巨型的穴子、海老、帆立貝及流心半熟蛋，吃過便知道滿足感。店外一直有很多街坊鄰里議論紛紛，相信必成人氣食店之一。入內全以木系的設計，帶點悠雅舒適。有吧檯的位置，可以看到師傅的手藝。每個位置與日本一樣都有黑豆茶，可解丼飯的膩度。餐牌上插圖精美，只有三款丼飯包括：江戶前天丼、上天丼及天丼。三款的天丼都會有鳳尾蝦、半熟蛋、帆立貝魷魚天婦羅餅、海苔等。江戶前天丼有穴子，上天丼有鱚魚，天丼則有舞茸菇。江戶前天丼 $138能夠成為店內最貴之物，全因穴子的出現。材料包括有穴子、海老、帆立貝魷魚天婦羅餅、海苔等。巨型的穴子原是「星鰻」，肥美的鰻魚肉質纖細而且脂肪少並不會鬆散出色。炸粉炸至金黃色猶如日本的感覺，炸蛋仍舊做出流心，炸的功藝與日本近乎一樣似的。飯粒沾了天婦羅汁，沒有半點的挑剔的理由。上天丼118材料有鱚魚、海老、帆立貝魷魚天婦羅餅、溫泉蛋 及 海苔等。材料新鮮、海鮮彈牙、魷魚鮮味出眾，天婦羅

香港美食眾多，當中不乏獨特的美味，然而因面對成本上升及人手轉變等原因，漸漸這些美味就會變質，甚至消失，令人扼腕。看見這個情況，不得不佩服日本人對傳承的重視。就好像今天我慕名而來的這間日本過江龍一樣，金子半之助先生將家族祖傳的醬汁配方傳及孫子，孫子金子真也先生為了使更多人可以分享江戶前天婦羅丼飯的獨特魅力，在2010年開設第一間金子半之助後受到日本及世界各地遊客追捧，所以餐廳至今已經進駐台灣及美國等地。而生在香港的我們，幸得香港團隊的引入，將這份傳承超過三百年的美味，帶到我們身邊。自從數年前首嚐日本橋本店後，每次到訪東京都必定會去朝聖一下，在香港看見這個熟悉的招牌，實在令我不禁有點期待我想念的味道！一如日本本店，香港分店亦只專注於提供天婦羅丼飯，分別為天丼、上天丼及江戶前天丼。其實三者配菜均包含兩隻海老、帆立貝魷魚天婦羅餅、溫泉蛋、海苔及豌豆，分別只是其中一款配菜，天丼為舞茸，上天丼為鱚魚，而江戶前天丼則選擇30cm長的穴子。為了可以嘗試不同的配菜，我們選了一個上天丼和一個江戶前天丼。餐廳秉持日本本店精神，即叫即製，保持每份餐點都是在最佳的狀態下讓客人品嚐。而店家亦告知，香港的廚師團隊早

有聞東京天丼過江龍到港，為食的我不得不去朝聖一番。這間天丼店分店遍及日本、美國、台灣及澳門，在各地均為食客排隊熱店。雖然連續五屆獲「日本全國天丼金賞」，但價位仍然頗為親民，天丼有三款選擇-江戶前天丼、上天丼及天丼，價錢由$98,$118及$138不等。黑豆茶這黑豆茶茶味甘香，入囗順喉，而且上網路查看，原來黑豆茶有消脂解膩的功用，配炸物一流。江戶前天丼$138這江戶前天丼絕不欺場，那穴子有成30cm 長！認真震撼！穴子即是星鰻，這種星鰻沒有鳗魚咁肥膩，肉質更為纖細，而且口感嫩滑而firm, 完全沒有細骨，正呀！除了穴子外，還有海老、帆立貝魷魚天婦羅餅、溫泉旦、海苔及莢豌豆，材料認真豐富！吃罷很飽呀！奇怪的是，吃完成碗天丼沒有太膩口或飽滯的感覺，或許是他們選用芝麻油炸天婦羅吧！大滿足！天丼$98這天丼配料大致和剛才的一樣，不同的是：沒有穴子，換上舞茸。舞茸的炸衣脆薄，炸得外脆內嫩又juicy! 還有舞茸獨有的茹香，好吃。海老天婦羅有兩件，海老肉質軟嫩，蝦肉鮮美，啖啖肉，爽呀！而那帆立貝魷魚天婦羅餅口感Q彈，用料新鮮。再刺穿溫泉旦，把旦汁和醬汁飯混和，加埋海苔、莢豌豆，好吃。米飯雖不是粘糯的

所謂「近水樓台先得月」，當得知這間日本第一天丼會在葵芳開設海外店時，已經急不及待bookmark了。這天「金子半之助」新張啓市，便立刻過來飲頭啖湯。店內是開放式廚房設計，一邊吃一邊觀察師傅們認真的製造過程。但正因如此，店舖內的油煙味會有一點大。「金子半之助」暫時供應3款天丼，配搭基本上大同小異，不同在主角而已。2款天丼都有海老、帆立貝魷魚天婦羅餅、溫泉蛋、海苔、夾豌豆。每碗飯上舖滿各款天婦羅炸物，餐牌上強調了「金子半之助」炸油用的是高級麻油，所以會感到有一陣麻香氣撲鼻。因為是新鮮現炸，天婦羅入口非常香脆，但稍嫌海老肉質不夠彈牙。江户前天丼的主角就是穴子，其實即是星鰻。據說星鰻肉質是較鰻魚纖細和少脂肪，而入口口感亦相對較實。天丼的這一條穴子足足有約30cm長，甚具打卡度。放好所有天婦羅後，再淋上秘製醬汁，令每一口白飯都充滿油香。餐牌上的教學，建議白飯吃到一半時弄穿炸溫泉蛋，香口的蛋液拌上飯粒，更令人忍不住吃掉整碗飯。至於朋友所吃的一碗上天丼，就以鱚魚為主角。鱚魚炸得香脆，原來還含有豐富蛋白質呢。每客丼飯另附上漬物、味噌湯。餐廳所供應的黑豆茶，具有養生功效。餐牌上介紹黑豆是性質溫和，既可滋

如果有朋友問我 葵芳最出名係咩諗都唔洗諗 最出名一定係"飲飲食食"所以今晚朋友約食飯 我好快就同佢講去葵芳度食朋友話想食d 香口野 做一做左功課後就決定食 - 金子半之助返查資料 原來呢間野係東京係5屆榮獲「日本全國天丼金賞」入到去已經幾多客 坐低冇耐店員就介紹眼前既黑豆茶 表示有效去除油膩感 都幾貼心餐牌上主要有三款丼飯選擇 分別係「江戶前天丼」「上天丼」「天丼」其實每個都幾吸引 我地分別叫左 「江戶前天丼」「上天丼」「江戶前天丼」丼飯包含好幾種天婦羅穴子魚、鳳尾蝦、魷魚海鮮炸(墨魚粒、干貝)由於係開放式廚房睇到廚房師傅每款都新鮮即叫即上粉即炸雖則係油炸 但係冇油膩感比較少幾會食到大大條既穴子魚墨魚粒同干貝炸物都係比較係天婦羅比較少機會食到既食材 口感上都幾唔錯「上天丼」：鱚魚、鳳尾蝦、雜錦海鮮餅 (墨魚粒、干貝)主要分別在鱔魚 同樣都係高質唔油膩肉質結實 睇得出係新鮮貨丫兩個飯其實仲配有溫泉蛋店員教路 食到一半先撈隻溫泉蛋 配合原有醬油又真係出其地match 絕對係呢兩個飯既另外一個賣點丫叫埋野飲 每人avg 消費大約係百幾蚊左右以呢個價錢食到呢個質素 其實相當抵食丫

講到日本天丼過江龍在香港試完帯広、てんや、天吉屋，等到暑假終於都試到我最期待的金子半之助了！開張第一日就朝聖老實說在學生時代留學時並不認識此餐廳窮學生時代的茶爸茶媽只認識天丼てんや(還記得那時候茶爸每天買松屋外賣給我，想吃好一點竟然是到商店街外的「意大利餐廳」薩利亞，名副其實是「那些年我們吃的平野」）到去年在日本出差時在食べログsearch「天丼」在全國ranking看到這間店第一位是まさる(3.79分）一碗飯大概¥3000-¥4000第二位是金子半之助 日本橋本店（3.77分）一碗飯大概¥1000由於看分數及人均覺得第二位性價比實在高太多因此便去了日本橋金子半之助一探虛實當然品質沒有讓人失望即使排了差不多一小時也相當值得金子半之助的天丼用料相當豐富有大大一條穴子、海鮮及流心半熟蛋整個組合實在是叫人大滿足最值得一提是她的天婦羅醬汁醬油不會只有咸、還有一點點甜和鮮說是我吃過最好味的天丼醬汁也不為過因此知道香港要開分店真的萬分期待知道過江龍一定大排長龍因此選擇了下午茶時段人少一點15:00到達時剛好只有10幾人排隊排了大概20分鐘便能進入用餐 戰略成功店舖座位非常少相信只有40席左右店內滿