金子半之助 (新都會廣場) (已結業)

江户前天丼($138)炸物有穴子魚、鳳尾蝦、帆立貝魷魚天婦羅餅、溫泉蛋、海苔同莢豌豆。天丼($98)炸物有舞茸、鳳尾蝦、帆立貝魷魚天婦羅餅、溫泉蛋、海苔同莢碗豆。丼飯即叫即製熱辣辣上枱，天婦羅炸得香脆，加上用芝麻油炸既關係，特別香口！個人覺得金子半之助既天婦羅有點像吉列炸物，但冇咁厚粉，介乎兩者之間。不過可能我少食炸野，就覺得有點油。秘製醬汁沾滿每粒飯，再戳破半熟流心蛋，加埋蛋汁撈飯好惹味好好送飯！每款套餐均附送味噌湯同漬物，大大碗只係一百蚊左右，女士絕對可以二人share一碗！另外值得一讚既係服務好好，店員好慇勤，好有去左日本當地餐廳既感覺。