金子半之助 (利東街)

營業中

休息中

每次經過利東街E間金子半之助都好想試下, 可惜每次都趕時間匆忙經過, 今日終於有時間入去試下🤭😋!!🌟黑豆茶🍵店員會事先將黑豆放入杯入面, 自己再加入熱水, 黑豆茶味道濃郁解膩!🌟前菜漬物🌟前菜漬物🌟麵豉湯🌟江戶前天丼🍱天婦羅即叫即炸, 上枱時超級香超級熱!! 由於用左特製胡麻油, 所以色澤較平時其他地方食到嘅深色! 穴子天婦羅更加係超級大條, 有小妹前臂咁長🙈, 入面仲有海老天婦羅🍤, 小桂魷魚天婦羅餅, 溫泉蛋, 海苔天婦羅同莢豌豆天婦羅!天婦羅炸皮唔厚, 酥脆可口, 上面仲有柚子絲, 開胃清新! 招牌穴子搽左秘製醬汁, 所以食落好夠味, 而且肥美厚肉無骨, 口感軟滑! 小桂魷魚口感爽彈, 海老味道鮮嫩! 店員建議食左穴子同海老再將炸溫泉蛋桔穿, 撈埋醬汁同白飯, 味道香甜惹味, 推介!!🌟上天丼🍱兩款天丼嘅天婦羅口味大致差唔多, 唯一唔同嘅地方就係上天丼係白身魚天婦羅, 白身魚肉嫩無骨啖啖肉!

4 點幾做完正經野，特登過嚟試吓！因為時間尷尬晚飯又好似太早，午餐又過咗！開頭見到個迷你天丼加烏冬好驚超飽，但原來都係濕下個胃！我老公叫左江戶前天丼佢飽到夜晚🤣🤣🤣🤣30 cm 海鰻係唔同！其實講開天婦羅唔係我心水，因為其實我好怕食炸野，因為自己燥底容易上火！同腸胃唔係幾好！比較少食！今次溫烏冬附上寶盒一個，內有海藻，木魚絲，蔥花及天婦羅碎配埋湯底即刻將油膩感降低！而且天婦羅炸到翠口啱啱好！炸粉不厚！口感出色！Yummy

前日和媽媽去灣仔食午餐，大家商量後，決定去食她喜歡的天丼。 之前我在東涌citygate試過這家的中型天丼，好似唔夠喉！今日決定食最大碗的（有一條大鰻魚，兩隻大蝦，魷魚餅，溫泉蛋和雜菜），結果飽到上心口。全部天婦羅都是用芝麻油炸出嚟，反用日本米，超香好味，天婦羅汁淋上天丼反上，味道剛好！這家的天丼和我在日本本店吃的一模一樣。我覺得性價比超高！ 那麼大一碗充滿了新鮮材料才138元一set連湯和漬物。 誠意推介！

行過路過，假期見到咁多人排隊，見今日平日得一兩個，仲唔到我！好啦，今次等我試下啦，見人地啲食評都話佢水準有參差，都抱住試下既心態咋。今次就試咗個烏冬同飯，一開頭見到烏冬個配料盒係幾驚喜既，咁大大個木箱係檯面幾架勢呀，啲菜都好快上到檯，不過呢，真係無呃你架，啲野真係唔多熱架，炸物呢，以為日本橋金賞餐廳一定即叫即炸啦，完全唔係架，所謂有得食就俾你食，無期望就唔會有失望，係咪先。講到呢到，有啲眼濕濕，想去番日本食🥲🥲

好耐無食日式天婦羅，成日都聽人講呢間金子半之助好高質於是就同朋友嚟trytry佢由於係午飯時間嚟到所以都排隊排咗20分鐘左右我揀咗有白身魚嘅上天丼，入面材料非常之豐富包括有，溫泉蛋天婦羅(店員建議食到一半嘅時候可以整爛佢同啲飯撈埋一齊食)，兩隻海老天婦羅，帆立貝魷魚天婦羅等等。。。全部材料都好新鮮因為佢即叫即炸，特別喜歡佢哋嘅醬汁好特別，配埋加埋一齊食係好夾另外值得一讚嘅係雖然佢哋係開放式廚房咁樣，但係一啲油煙味都感覺唔到，而且環境都好有日式嘅感覺

失驚無神無啦啦好想食啲香口嘢所以行完利東街之後發覺好肚餓就比呢一間日本餐廳吸引咗睇睇你嘅Menu唔單止比佢哋嘅30 cm特長穴子鰻魚炸物吸引而且淨係喺出邊望入去裏面嘅餐廳裝修都已經令人非常之懷念去日本嘅感覺所以就拉埋朋友入去試一試今晚嘅日本餐入到去入面店員禮貌地安排咗座位之後一打開個Menu就已經選擇左我今晚嘅晚餐因為就係比佢Menu入面嘅相吸引住我揀咗就係江戶前天丼入面當然有大大條嘅星腥而且仲有大蝦而且仲有非常之咁特別嘅魷魚餅同埋溫泉蛋仲有炸海苔同埋炸豌豆點完餐之後法國枱面嘅會奉上上了一壺麥茶千祈唔可以睇小呢一杯茶非常之咁香麥味非常之咁濃郁飲咗幾啖之後就已經上咗食物了當然梗係相機食先啦大大條鰻魚非常之咁吸睛而且附近嘅大蝦仲非常之咁大條所以輕輕影咗幾張相之後就即刻大塊朵頭了第一啖食落去嘅鰻魚非常之油脂豐富而且更加係非常之細心當然係冇骨啦再配合埋少少嘅七味粉仲更加提升左味道嘅濃郁度不過就比較少少油膩所以配上了乜差就完全可以快解咗嗰種油膩感之後一碗飯上面總會有三條炸蝦炸蝦非常之咁紮實配合咪渣粉完全濃郁非常去到呢個時候我就當然整穿咗隻溫泉蛋半上啲蛋汁再加上日本米飯食非常之滿足感覺而且雖然好似

自從#金子半之助 係#利東街想食#天婦羅 就一定係食佢今日late dinner所以叫左迷你丼同稻庭烏冬set迷你都好足料 食完個丼都飽左🤣烏冬可揀凍 今日咁熱梗係食凍份量好多 沾麵汁食好滑溜舒服朋友就叫左最具人氣的「江戶前天丼」最吸睛梗係達30cm長的穴子星鰻比起一般的鰻魚脂肪較少 肉質更甘口鮮嫩呢碗巨型丼飯仲有天婦羅蝦 半熟流心蛋 魷魚等一個女仔真係未必食得晒🤭全部即叫即炸酥而不膩 淋上秘製「115年祖傳秘方醬汁」味道一流食到一半先拮穿半熟流心蛋 蛋汁撈飯大滿足🤤炸油是日本特製胡麻油 入口麻油香氣四散呢個價錢真係相當抵食🤪

近排迷上佐日本野，今次就近去佐食天丼！.天丼 $98選擇唔多，勝在樣樣都係招牌野。每個丼嘅size望落都好大份吓，今次都係食個睇落無咁誇張嘅”天丼”☺️天婦羅包括: 舞茸、海老、帆立貝魷魚外層薄身香脆唔油膩配上有百幾年歷史嘅秘製醬汁，咸甜咸甜嘅味道幾開胃。加埋溫泉蛋同紫菜更和更美味🥚特別係佢個帆立貝魷魚真係好正！味道、口感都好好😍總括食材都新鮮，份量都好夠。唔好比佢個勁厚底碗呃到，飯量唔會太多幾好😂

江戶前天丼份量十足，穴子即係炸鰻魚，仲長過手板，厚身啖啖肉，搽左古早秘傳醬汁，所以好夠味，處理得幾好唔會腥。聽侍應講佢哋用左胡麻油製作天婦羅，所以色澤會較深，而且師父炸緊既時候已經好香。天丼仲有其他炸物，海老，鱿魚，紫菜，莢碗豆，半熟蛋仲要流心既，撈飯食一流。迷你天丼就係少飯同少左穴子，鱿魚既版本，但多左茹菌，好 juicy 而且保有菇菌既清甜，推介兩個女仔係絕對可以 share 呢個 set. 因為仲有成碗烏冬，係我中意既幼面條，湯底好重鰹魚味，仲可以自己加海帶，鰹魚片，蔥花，加左大量就咁冇其他配菜都好好食，更何況仲有溫泉蛋。______________________________🏠 金子半之助 (利東街)📍灣仔皇后大道東200號利東街地下G16號舖💵 $120‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾........

與友人係灣仔覓食，最後去了金子半之助食野。江戶前天丼 Edomae Premium Tempura Rice Bowl 內裡百穴子，海老，小柱魷魚天婦羅餅，溫泉蛋，海苔，莢碗豆。友人選了迷你天丼&稻庭烏冬 Mini Tempura Rice Bowl & Inaniwa Udon江戶前天丼上檯，賣相相當吸引，尤其穴子。我選江戶前天丼，因睇中穴子。招牌穴子天婦羅好大條, 超厚肉身, 肥美軟滑。天婦羅炸粉夠薄身，顏色較深，因混入胡麻油, 所以不用點醬已夠味道，這和平日食的有不同。另外，使用醬汁，與飯好夾。一次過可以食曬多款天婦羅，非常滿足。

店餔經理真係要反省吓提供俾客人嘅食品質素& 對食品嘅品質控制！復活節嘅午餐真心好難食好失望🤦🏻‍♀️，炸物已經同當初開業時嘅品質相差太遠！飯太太太太濕，第一口已經覺得係伏⋯加上天婦羅成塊油淋淋，食到成口油⋯油膩到食一半已經覺得好反胃🤢雖然唔想浪費最後都係要放棄無辦法食晒⋯真心係好嬲好失望！呢間曾經係自己好鍾意食嘅食店，對上一次食已經係咁，再俾多次機會，連續食兩次都係油淋淋成口油嘅炸物質素⋯加上負責炸天婦羅嘅師傅係不停好大聲 ‘吸’ 返自己鼻涕聲⋯ 坐係吧台真係唔係好舒服⋯😕失望 🤦🏻‍♀️

今次去到灣仔嘅利東街食個lunch～見到呢間「金子半之助」呢間以天婦羅為主題嘅日式餐廳，留有日本傳統風格，只買不到十款嘅套餐，全部都以天婦羅為主，更以胡麻油製成天婦羅芳香撲鼻。竟然過左lunch時間都有人排隊，我有唔執輸去排下🤣🤣入到去地方都尚算寬敞，啲枱都唔會話密密麻麻，坐得都舒服嘅。. 江戶前天丼呢個丼超級大份量，天婦羅種類繁多例如鳳尾蝦、小干貝、魷魚等，天婦羅個炸粉唔係好厚，所有天婦羅即叫即炸，全部熱辣辣送上，佢個招牌穴子天婦羅30cm咁長, 超厚肉身, 肥美軟滑，底下嘅飯份量唔算大食落岩岩好，飯上更配上古早秘方醬汁，味道微甜越食越開胃🤤迷你天丼&稻庭烏冬大家千祈唔好比佢呢個名呃左🤣佢一啲都唔迷你，迷你丼嘅天婦羅份量一啲都唔小，而烏冬十分彈牙，烏冬有四類配料比客人自己選擇配上（蔥花、木魚絲、天婦羅碎及海藻）

after PT session, I had lunch in this always-long-queue tempura shop 🦞🦐 in #LeiTungAvenue: #KanekoHannosuke... and its #tendon is awesome 🎡 今日上完PT，路過 #囍帖街 「日本橋 金子半之助の天丼」，竟然冇人排隊，又試了叫 #大江戶前天丼 的招牌 天丼、美味しい、正爆！🦞🦐PS the tea served therein is with beans, which’s yummy ☕️個飯本身其實幾好食，天婦羅唔錯，最好食係炸魷魚 同炸雞蛋

金子半之助門口成日都有人排隊，令我心思思又想去試吓。今日趁餐廳啱啱開門，我就同老公去食個early lunch。餐廳唔係好大，分開兩層。每層都只係有4、5張枱。我覺得個地板好滑，好似油油地，行路要小心啲。我同老公坐上層較後嘅位置，冷氣機嘅聲音同後門有員工出出入入都幾騷擾。食物方面我哋試咗：➡️江戶前天丼 （$138）有一大條星鰻、兩隻炸蝦、一塊小柱魷魚天婦羅餅、溫泉蛋、海苔同莢碗豆，份量非常多。我差唔多全部都分一半俾我老公。炸星鰻就真係幾好食，不過對我嚟講金子半之助嘅天婦羅實在太油膩了。有部份係因為炸粉太厚，令一部份係D油唔係新鮮。➡️迷你天丼&稻庭烏冬（$118）我老公話配烏冬冇咁油膩，而且有4種配料（蔥花、海澡、鰹魚花同天婦羅碎）隨便客人自己加，令香味同口感都更豐富。侍應服務態度係殷勤嘅，時常會幫人客加茶，說話亦溫文有禮。食完lunch之後，我滯左成日。晚餐我決定只係食水果就算喇。我應該唔會再去呢間餐廳，因為實在唔係我杯茶。

第一次食天丼😍個日去到見到有人龍 長左15mins就有位 入到去見到其實有好多空位😳唔知係想quality control定想出面keep住有人龍所以唔放人入去?🤣🍚江戶前天丼 $138好足料😍有一大條饅魚🐟海老🍤小柱魷魚餅🦑溏心蛋🍳紫菜同蜜糖豆~呢度既天婦羅炸皮好薄 但唔係脆口 可能因為佢都淋左醬汁🤔個醬汁好好食😍食到一半就吉穿溏心蛋撈飯😋朋友叫既上天丼係白身魚 但食落同鰻魚冇咩大分別🤣只係細舊d~ anyway饅魚都係燒好食d😆