金子半之助 (利東街)

營業中

休息中

呢個係期間限定嘅炸蠔海老天丼之前去東京嘅時候都已經食過金子半之助但由於嗰次實在係太多人排長龍等唔切所以轉咗外賣今次可以食到熱辣辣即炸既食嘅效果不得不說即食嘅好味程度又level up作為過江龍佢保持到粉漿薄但海老肉厚彈牙嘅感覺同埋天婦羅嗰個沾汁冧滿晒個飯勁好食冧完先擺天婦羅上去唔會影響到佢脆嘅口感天丼對於咁大食嘅我嚟講都有啲大份雖然話佢唔會炸到好油膩但咁大份食到尾係真係有嚟膩同濟所以定食有配埋醃蘿蔔呢啲小食食到一半解吓膩就十分好啦最後再飲埋個麵鼓湯完美收尾滿足嘅一餐！

😌好耐冇黎依間餐廳，之前黎既時侯都冇咁多款式😍既野食簡😙依家竟然有刺身同好多小食，例如刺身拼盤🤓同巻物都有🥰岩曬怕悶既我，唔洗一路食天婦羅，一路怕熱氣🤣一黎到店員仲會比杯黑豆茶~超好味值得一讚🤩天婦羅丼飯都依舊保持水準好味，最鍾意佢個汁係少少甜味，唔會好膩，亦保持到天婦羅少少脆身既感覺😋🤭三文魚他他帶少少辣,鍾意濃味既人要試🤗最最最~出色竟然係個甜品🤩伯爵茶布甸配雪糕🤩本身食唔到好甜既我但又鍾意食甜品🤭既係必食啊！！！！！😍😍😍因為伯爵茶布甸有茶味，😚雲呢拿雪糕仲要有雲呢拿籽😋睇得出係用心去調配，價錢仲要唔貴同出面$100杯冇咩分別，但只係40幾蚊去到一定要叫😍😍😍🥳做一個完美既Ending

間唔中都會想食啲香口野呢個時候我就會去食天丼日本過江龍金子半之助係我嘅必然之選利東街嘅金子半之助有兩層下層係開放式廚房但餐廳唔會有油煙感覺有多個單人吧枱位一人獨享都無尷尬我特別喜歡金子家嘅古早秘傳醬汁醬汁著重重現江戶時代風味入口唔會過鹹但又有提鮮作用而金子家嘅天婦羅香脆得黎感覺唔會太熱氣用上日本特製高級胡麻油製成嘅天婦羅脆衣色澤會較深麻香撲鼻今次都係食我最愛嘅天丼入面每款天婦羅我都鐘意食😍食材同白飯比例剛好添上醬汁每一啖天婦羅都可以配上香軟日本米飯轉眼間就可以清空飯碗！跟餐仲有味噌湯同日式漬物非常滿足男朋友就揀江户前天丼個招牌穴子天婦羅長達30cm！！勁厚肉超肥美🤤差啲一條穴子已經塞飽佢絕對可以兩個人share！我地仲加點左鮮果汁放題有幾款鮮果汁我試左芒果鮮果綠茶鮮甜夠味相當抵飲！

排左約15分鐘，有位中年女店員帶位，我地一行3人，入到去先話得返吧枱（唔明點解唔係出面問聲介唔介意坐吧台），而我地入到去見仲有兩張吉嘅3至4人枱，但女店員話要留俾員工（而當時係無員工係度食野），叫我地出去再等。出到去，店員又唔同後面啲顧客講聲，搞到後面d人以為我地插隊。跟住等多15分鐘，果名女店員又出黎叫位，完全無視我地，直接帶後面班顧客入去（連一句唔好意思，暫時未有吧枱都無講，感覺完全唔想做你生意）。等左半個鐘心情已經好差唔想食，後黎去左街頭間日本餐廳，一開始又係無3至4人枱，因為人地真係有員工食緊飯，但都主動讓出座位。同樣係日本餐廳，態度真係一天一地。

🤩稻庭烏冬＋炙燒鮭魚迷你丼烏冬湯底清甜，帶有淡淡嘅昆布香，飲落舒服又滿足。稻庭烏冬嘅質感真係夠滑，咬落有少少彈牙，口感唔錯。炙燒鮭魚迷你丼嘅鮭魚薄薄一層焦香，但內裏保持嫩滑，味道唔會太重，配埋飯一齊食，簡單但唔失美味。🤩伯爵茶布丁布丁夠滑，茶香濃郁但唔會過頭，甜度啱啱好，食落去幾清新。底層嘅焦糖帶少少苦味，提升咗整體層次感，唔會膩口。呢個甜品份量適中，食完之後唔會覺得太 heavy，算係一個幾平衡嘅收尾。🤩穴子&日本產牡蠣天丼天丼整體炸得幾香脆，唔會覺得太油膩。穴子嘅肉質算係鮮嫩，配埋天丼汁食味道幾豐富。至於牡蠣，炸得外層夠脆，而內裏仲保留咗鮮味，咬落去啲汁仲有少少海水嘅味道，幾特別。飯底帶有少少甜鹹嘅天丼汁，味道唔算太重，整體食落幾滿足。

今日天氣很熱，突然很想吃冷烏冬！所以醒起去囍帖街食天婦羅🍤1️⃣江戶前天丼（穴子・海老・小柱魷魚天婦羅餅・溫泉蛋・海苔・莢豌豆🫛）完全係俾30cm穴子吸引🤩穴子其實是「星鰻」，肉質鮮嫩甘口，且脂肪較少、口感緊實！還有炸蝦🍤口感爽口彈牙！套餐還附上附上漬物及味噌湯👍🏻2️⃣迷你海老天丼·冷稻庭烏冬（菇菌•海老•南瓜•海苔•溫泉蛋•莢豌豆🫛）今日想輕食所以食迷你丼！點估到有一碗飯及冷烏冬😂😂還有幾款蔬菜天婦羅！好彩仲有一隻炸蝦🍤冷烏冬還可以出去拎配料！可以冇咁單調！3️⃣牡丹蝦刺身新鮮大大隻的牡丹蝦，味道鮮甜😋

今日到利東街食正宗日式天丼，即是天婦羅+日式米飯或烏冬，點套餐最理想，價錢實惠可以吃多幾款。這裏的組合非常靈活，各種天婦羅，可以揀魚、蝦、茹、素等，然後可以組合烏冬、丼、壽司，肉方面有月見雞肉漢堡、牛肉等，價錢都是百多元一份，有漬物、湯，又可以追加雪糕或飲品自助餐。環境清潔舒適，食物即點即做，我們二人點點了兩個餐及追加穴子分享，整體吃得滿意。稻庭烏冬配天婦羅及壽司定食烏冬很順滑，非常好吃，牛肉片夠嫩；天婦羅有蝦及素菜，炙熱的三文魚壽司兩件，樣樣都處理得好，好食。月見雞肉漢堡及天婦羅御膳遇見雞肉漢堡很吸引，漢堡裏面有雞軟骨，口感唔錯，天婦羅款式多，米飯香，再配一個麵豉湯，吃得飽。穴子天婦羅另加這個店之名物，超長的穴子，非常香脆，但不油膩。

朋友話想食天婦羅，於是我就帶佢嚟到呢間日本天婦羅丼飯專門店～～餐廳主打各款天婦羅丼飯，材料由日本新鮮直送！全部丼飯都好吸引，啱哂鍾意食香口嘢的朋友🔥🔥🍱江户前天丼✨包括有穴子、海老、小柱魷魚天婦羅餅、溫泉蛋、海苔同莢豌豆，整體好豐富！！天婦羅全部即叫即製，口感好酥脆！招牌穴子天婦羅長達30cm， 肉質肥美軟滑、啖啖肉，一定要試🤤🤤🍱上天丼✨賣相都唔錯，包括有白身魚、海老、小柱魷魚天婦羅餅、溫泉蛋、海苔同莢豌豆～～白身魚肉質鮮嫩、無骨，炸到脆卜卜好香口！食到一半再將溫泉蛋吉穿🥚，撈飯食一流👍🏻👍🏻🦪牡蠣天婦羅✨另外仲叫咗款小食同朋友share～～牡蠣天婦羅外層薄脆，裡面包住肥美飽滿的牡蠣，咬落去仲會爆汁！好邪惡😋😋

喜歡去利東街，特別是晚上掛滿燈籠的氛圍，閒逛一會再去晚飯。初嚐金子半之助是兩年前在日本，原來香港也有，一於試試。半之助沙律 - 丼飯多是炸物及碳水，先食些新鮮沙律，配有炸蝦、海葡萄及蕃茄，開胃健康。江戶前天丼 - 最吸晴莫過於穴子(即星鰻)，原條足料，肉質細緻，另外海老彈牙，小柱魷魚天婦羅餅、溫泉蛋及海苔等令整個天丼更豐盛。迷你天丼(牡蠣) - 蠔身肥厚，外脆內香軟，還有本菇天婦羅及充滿蛋香的溫泉蛋，迷你但豐富。配上冷蕎麥麵，簡單沾少許麵汁，更能嚐到蕎麥香。欣賞天婦羅能做到表面香脆，內裡仍保留食物味道的功力，又夠飽肚，抵食。

最近，我和O先生再次光顧呢間餐廳。呢間餐廳既天丼一直係我地既最愛！這次我特意點江戶前天丼，讓我來和大家分享一下這次的美食體驗。這碗天丼的外觀就十分誘人，金黃酥脆的天婦羅餅讓人垂涎欲滴。江戶前天丼的配料相當豐富，包括穴子（鰻魚）、海老（蝦）、小柱魷魚天婦羅餅、溫泉蛋和英碗豆。穴子的肉質軟嫩，略帶甜味，搭配上酥脆的外皮，口感相當絕妙。而海老的鮮甜更是讓人驚豔，咬下去時那種鮮汁瞬間在口中迸發，讓人回味無窮。小柱魷魚的天婦羅餅也毫不遜色，脆度與鮮味完美結合，讓整碗天丼更添層次感。溫泉蛋的搭配更是為整碗天丼增添了豐富的口感，蛋黃的滑順和醇厚的味道，與天婦羅的酥脆形成了絕佳的對比。而英碗豆則為整碗飯增添了一絲清新的綠意，讓整體視覺更為誘人。整體來說，金子半之助的江戶前天丼絕對值得一試！每一口都是對味蕾的極致享受，無論是味道還是食材的新鮮度都讓我和O先生讚不絕口。如果你也是天丼的愛好者，千萬不要錯過這間餐廳！#美味子食評 #金子半之助 #灣仔天丼 #美食分享 #日本料理 #食在香港

情人節去左利東街影相，順便搵好野食，見街尾勁多人排隊，原來開咗日本過江龍天婦羅丼飯專門店，我咁鍾意食天婦羅就算排隊都要試吓啦🤣天丼的天婦羅不是脆口?傳統做法嘅天丼會把新鮮炸起的食材放上飯面，然後再均勻淋上天丼醬汁，目的是要每件天婦羅都能沾上醬汁。所以天丼的天婦羅並不像一般天婦羅脆口，而追求的是每件天婦羅都能適量沾有醬汁，金子半之助使用古早秘傳醬汁，更能重現江戶時代風味江戶前天丼 （$138）招牌穴子天婦羅長達30cm, 超厚肉身, 肥美軟滑除左穴子重有海老、小柱魷魚、天婦羅餅，溫泉蛋海苔莢豌豆，超豐富💕迷你天丼配稻庭烏冬（$118）喜歡食烏冬揀呢款兩食就啱曬，稻庭烏冬凍食更好味，仲可以自選配料：葱花,海藻,鰹魚花,天婦羅配搭海老,菇菌,南瓜,海苔,溫泉蛋,莢豌豆天婦羅，香脆又夠曬滋味期間限定獺祭清酒雪糕($28)幾特別，重要雪糕喺日本製造，用咗北海道嘅鮮牛乳，食落有微微清酒香氣，口感軟滑！鍾意清酒或者雪糕嘅你又點可以錯過，仲有伯爵茶布丁奶香十足、茶香洋溢

🍤金子半之助🍤.開始習慣二寶+返工生活，可以復出約朋友食飯喇🙋🏼‍♀️今次去灣仔金子半之助食天婦羅🍤好耐冇來利東街，餐廳出面啲燈籠好靚🏮食完飯可以打咭📸.鍾意天婦羅嘅朋友可以來試下，除咗常見嘅蝦天婦羅，仲有穴子、松葉蟹，同埋蠔😍 總有一款鍾意，又可以散叫，咁就可以試多啲款☺️.這家天婦羅賣點並非脆口，而是著重每件天婦羅都沾上醬汁，這才是古早風味的食法呢👍🏻天婦羅的顏色比較深，原來是採用了日本特製高級胡麻油，特別香口👍🏻.🦪穴子&日本產牡蠣天丼$138穴子即係星鰻🪱，油脂不多，但肉質軟嫩細緻，風味醇厚👍🏻加埋鮮甜又重海水味嘅牡蠣🦪❤️配上餐廳嘅秘傳醬汁，唔會好濃味，係清淡嘅美味，總之好食😋.🍱迷你天丼+🍜稻庭烏冬$118選擇困難症推薦呢個set，有烏冬又有飯，乜都有得食😎有菇🍄蝦🦐魷魚🦑天婦羅，還有溫泉蛋♨️👍🏻熱稻庭烏冬麵質彈牙，又可以自己加配料😆🍨獺祭雪糕$28不嬲鍾意飲獺祭清酒🍶竟然出咗雪糕😍即刻心花怒放🥰用獺祭純米大吟釀酒粕+北海道鮮牛乳製作，食落冇酒精味，有啲似甘酒，食過返尋味🤤.🍵茶水都好有心思，每枱都有一壺黑豆水🤤

金子半之助有「日本第一天丼」美譽，是日本過江龍天婦羅丼飯專門店，連續七屆榮獲日本全國天丼金賞。食材、醬汁等均是由日本進口；而炸油亦選用日本特製高級麻油精製而成，故能散發出陣陣麻油香。今晚專程到灣仔利東街品嘗它的風采，順道在這囍帖街感受下新春熱鬧氣氛。海老(2尾)🍤和日本產帆立貝(2個)   8/10炸皮十分薄身而香脆，海蝦肉質彈牙而帆立貝鮮嫩大隻；兩者皆非常新鮮。白身魚   7/10買相呈心形，亦似大蝦開雙飛；原來是白身魚天婦羅頗為別緻。海花天押壽司🍣    8/10壽司以長方形式呈現，與其他不一樣。炸蝦天婦羅卜卜脆，夾上紫蘇嘅淡香和自製醬汁創新好味。迷你天丼(牡巁)和稻庭烏冬   8/10迷你丼一D都唔迷你，有蜜糖豆、菇、南瓜、茄子等天婦羅。還有主配料的牡蠣🦪，鮮嫩肥美；最重要係炸漿又薄又鬆化不覺肥膩。另外米飯軟硬適中，可加入温泉蛋🥚令人回味。烏冬🍜 煙韌彈牙，隨餐跟上配料箱可讓客人揀選配料；如木魚絲、葱、海帶和天婦羅脆等加強口感和味道。 "

半生熟烤牛肉沙律烤牛肉，蕃茄，生菜，海葡萄沙律醬混合芥辣，十分之惹味。清爽開胃沙律。季節前菜三點浸漬茄子，海老豆腐煮，柚子大根江戶前天丼穴子，海老，魷魚，溫泉蛋，海苔，豌豆一件酥化嘅天婦羅由製造，上枱到嘴裡，控制時間非常重要。天丼上枱時撲鼻而來係胡麻香氣。穴子，蝦……..,,酥而不膩，流心蛋液溶入飯內，滿足到味蕾。獺祭清酒雪糕採用獺祭純米大吟釀酒粕製造，完美平衡酒香同 甜味，口感非常獨特，濃郁滑順。

我自己3年之前已經食過幾次他們的天丼飯，食飯非常之大件夾飽肚，炸物的醬汁更加是其他地方從未嘗過的，所以真係值得一試，好味！特別推薦：🔹海老天押壽司：天丼x🍣，全晚最好食，非佢莫屬😍推薦度100分🔸半之助沙律，海葡萄愛好者必點🔹辣味鮭魚他他半蛋黃同埋其實佢喺利源東街呢一個位置，都方便去用膳，即係個感覺其實實行利東街就已經可以去到最尾入餐廳食嘢，只不過係佢有啲隱蔽，要落多幾眼眼力先至見到佢嘅位置如果同朋友兩個人一齊食飯，輕輕鬆鬆傾吓偈嘅話，都會推薦呢一間餐廳呀