金園茶餐廳

營業中

休息中

長沙灣金園茶餐廳千層酥皮蛋撻真正一撻難求 堂食都只限每位一隻開業20年金園家庭式茶餐廳 最近興起既蛋撻熱潮下成為名店 估唔到壽司郎要排隊,而家買件蛋撻一樣要排每一件都係由老師傅每小時新鮮出爐 而家一日賣千隻蛋撻香氣四溢酥香可口 單係酥皮已經非常酥厚 比起一般既餅店既好唔同咬下鬆化香滑 鬆脆口感同幼滑既香甜蛋漿係最配合  甜度唔重蛋味濃香醇厚配返杯香溝奶茶或咖啡已經係最佳拍檔金園茶餐長沙灣青山道314號地下平均消費$25

金園係蛋撻關注組嘅No.1🌟 個個都講到咁好食，我都特登走咗去試吓🤣 去到嗰時，離遠已經見到有條隊排緊，不過佢keep住有蛋撻出爐，所以我諗大約等咗20分鐘到。.🥚🥧 酥皮蛋撻 $8買嘅時候係熱辣辣嘅，芬香撲鼻😍雖然我本身鍾意食曲奇皮多啲，但係佢出名係酥皮，我點都要試吓🤣 酥皮好多層而且好鬆脆，冇咩油膩感👍🏻不過我覺得佢個蛋漿都好出色！蛋漿好厚又好滑，蛋味幾香濃又唔太甜！😋 如果肚餓嘅話，一口氣可以食到兩個都唔會太膩🤣

：「你先啦。」：「哦，阿姐我要埋剩低嗰三個吖。」：「天助我也。」——執著，不只為新鮮出爐。新鮮出爐的第一個蛋撻，方為老饕的念茲在茲。《案》✎「忽如一夜春風來，千樹萬樹梨花開。」✎——唐岑參〈白雪歌送武判官歸京〉✎不知酥皮於熱爐中，是否亦如花，被風催放。《品》【酥皮】♦️新鮮出爐，燙得指尖微抖，舌頭赤紅，痛並快樂著。♦️酥皮千層百褶，有牡丹盛開之姿。♦️咬下，「嚓擦嚓擦嚓」，酥皮層層脆裂，聲聲入耳。♦️入口依舊層次分明，咀嚼而碎散。♦️先鬆後化，絕非一團濕油。♦️牛油香隨之陣陣湧出，於口腔拔旗易幟。————————————————————————【蛋漿】🔸酥皮邊厚低薄，故無分薄蛋漿份量。🔸一咬，忖度著何時到底，才知蛋漿可以「高」形容。🔸表皮金黃飽滿，內裏鵝黃，嫩滑如燉奶🍶，生熟均勻。🔸入口蛋香四溢，香而不甜，正合我意。————————————————————————🔎#老饕鑑甜_上中品🗂#老饕喫_港式小食；#老饕喫_蛋撻📍#老饕赴_長沙灣🗺️長沙灣青山道314號地下

今日起身已經係下午兩點老公難得放假佢嘅朋友約佢夜晚打牌見有時間就喺附近食下野先🥰🥰🥰老公之前喺附近做嘢所以就帶咗嚟呢度食一去到門口已經見到有條長隊喺度買蛋撻驟眼見到起碼都有10個人入到去就坐低餐牌都未睇就叫咗兩個蛋撻+2杯熱奶茶之後等我睇吓餐牌先😎老公極力推介佢嘅炒意粉大碟到兩個人食都得由於我係唔鍾意食茶餐廳嘅炒粉麵飯平時去茶餐廳食嘢都係叫粉面見到佢啲牛肉寫住鮮牛肉本來想食沙嗲牛肉米粉但佢沙嗲牛肉只可以配意大利粉或者通粉或者公仔麵呢啲都唔想食唯有叫咗個新鮮牛肉河粉老公叫黑椒公司炒意粉侍應問落唔落黑椒原來黑椒可以唔落咁佢就唔要冇咁重口味都人都健康啲💪💪總括言而：🙂🐣🐣蛋撻：佢係酥皮做嘅，但係唔似出邊有啲餅舖，佢啲酥皮無明顯分開但係好香脆同埋吾似出面餅鋪食完有好油膩嘅感覺啲蛋漿都好有蛋味，唔似溝咗好多水但係$8.00個都幾貴🙈（個人覺得）95.63分☕️☕️熱奶茶：都夠熱嘅，我自己飲開就唔會加糖，都飲得出啲茶味，但我覺得吾夠滑，有啲鞋口埋單時見到，原來喺2016年呢一間餐廳係攞個米芝連奶茶大獎唔知點解我覺得太興熱奶茶好飲啲另外，可能平時要飲野都係跟餐先叫原來而家爭叫一杯熱奶茶要成$19.00真

終於成功買到酥皮蛋撻啦〰️💛次次去到 一係排好長條隊 一係就賣晒🥺酥皮蛋撻 $8講返味道先😋新鮮出爐熱辣辣🔥本人不是酥皮控 但係鍾意食酥皮嘅人應該會好鍾意🙌因為佢嘅酥皮好厚好多層 入面蛋漿🥚好飽滿😳蛋香味好濃〰️而且色澤鮮黃 真係幾正〰️💛💛💛

金園茶餐廳 @長沙灣📍長沙灣青山道314號地下🥧金園酥皮蛋撻 $8 (4.9/5)新鮮出爐既蛋撻係最吸引😍 經過望到都好難唔買🤣 今日3點幾去d去到見到已經有至少5個人係度排隊等蛋撻出爐 等左5分鐘就已經出爐 證明呢間既蛋撻真係幾咁出名！ 不過要留意返佢哋有2間金園 2間開埋一齊連住 2間都有蛋撻賣 但聽聞係唔同老細 所以大家記得買多人等同埋蛋撻放出面果間 唔好搞錯‼️‼️味道方面：蛋撻中間蛋漿漲卜卜🤩🤩 金園比較上蛋香味明顯重d!🥚 甜度適中層次分明👍🏼酥皮焗得焦香 較脆口 食落會熱氣d～

超人氣的蛋撻 之前排哂隊而家熱潮過左堂食外賣都唔使排隊🤗 使乜咁心急一窩蜂去搶🤷🏻‍♀️坐咗短短半個鐘已經見到起碼出爐左3盤 果然夠新鮮其實越多人買就做得越多 出爐越密就越新鮮越新鮮就越好食😆酥皮蛋撻 $8新鮮熱辣點都係正啲 呢個直程熱到辣口出煙個蛋撻好重手 蛋漿香滑濃蛋味又唔會太甜撻皮的確係好多層酥皮 睇得出的功夫但就沒想像中鬆化 咬落去沒有一層層脆脆的口感似酥餅個種軟腍 如果脆身啲會更好凍奶茶就一般 茶底略薄偏澀

金園依個名對於住係長沙灣嘅人嚟講係一個耳孰能詳，成日都會幫襯嘅一間茶餐廳嚟。近日因為FB嘅香港蛋撻關注組嘅熱捧，唔止長沙灣居民，全港喜愛食蛋撻嘅人都擁埋嚟依間地區小店，作為一個係當區返工，幫襯咗佢超過10年嘅食客，講真，食過佢同同區嘅另一間金華嘅蛋撻真係食唔返轉頭，遲啲會再講下金華，今日主要就係講下依間係香港蛋撻關注組排名第一嘅金園佢哋出品嘅蛋撻有幾咁好食。先講講佢嘅賣相，其實齋睇樣你就知佢無得輸，酥皮 - 底厚多層，原因店家係用兩種唔同嘅皮底，外層焗得較硬身及做得酥脆，內層脆口，咬落有層次，加上皮底係加豬油，食落好香口得嚟又完會唔會搶走蛋香，重食得到酥皮香味添。之於佢嘅蛋味唔係太甜果隻，主要食其蛋香，焗得脹卜卜剛剛好，同佢嘅酥好皮底好夾，兩者平衡做得非常好，食落完全唔油膩，食完好滿足。作為一個作成咗名嘅店，佢哋嘅服務無變差到不特止，重KEEP得到果種街坊鋪嘅親切感，無加價，就算你堂食淨係食件蛋撻佢都係咁歡迎你。抵老闆娘您發嘅。

早排經過長沙灣，知道有間茶記蛋撻好好食😋128層酥皮蛋撻 脹卜卜出爐 ，日賣700個，長沙灣茶記名物🥧今日中午時間過去，離遠已見到有4-5人排緊隊等出爐⋯好快就見到一盤熱辣辣，入面d蛋黃騰騰嘅嘅蛋撻爐🤩好快一盤清曬⋯我地堂食都叫左半打外賣🤣拎左返屋企食，就算凍左少少都仲好脆皮👍🏻果然有啲料到⋯👏🏻👏🏻⬇️秘制黑椒豬扒意粉 &豬扒好大塊，唔會好乾好「鞋」⋯啲黑椒意粉好味😋係特別啲，慢慢愈食愈多先會有黑椒嘅後勁辣⬇️秘制黑椒牛意粉 牛肉薄左啲，但都好食😋佢地仲有流心月餅🥮🌙可以到時食完飯買蛋撻再買埋月餅🤣

身為香港人的打卡點，網民熱推嘅Number one 港式酥皮蛋撻 一向鍾情酥皮蛋撻多過曲奇蛋撻。酥皮蛋撻需要的工序比較多，所以好少有餐廳賣酥皮蛋撻。呢間茶餐廳非常出名，因為佢嘅酥皮出名厚實，一層一層鬆化嘅酥皮，裏面熱辣辣嘅蛋漿。 新鮮出爐仲有飽滿的蛋漿😍 外型非常吸引！去到嗰日落超大雨，外賣姐姐非常之好，我哋唔使落車，佢行出收錢運送蛋撻，我哋買咗四個，$8 一個，其實以蛋撻來講唔算平。一上車急不及待即刻食一個熱辣辣嘅蛋撻，酥皮鬆化，但係略嫌唔夠香濃，缺少牛油味！ 蛋漿甜度OK，但係仍然都係唔夠香濃。食完仲要成隻手油淋淋😅我覺得外型就滿分💯，但係味道80分。另外聽聞佢嘅奶茶都非常出名，希望下次可以一試。

難得放假一於試吓呢間茶餐廳，屹立長沙灣幾十年。有幾個茶餐選擇，全部都全日供應➡️特餐 - 沙嗲牛肉麵 ($40)採用鮮牛肉，好有肉味，沙嗲湯底亦好濃郁火腿奄列就不過不失反而奶茶就有驚喜，茶味夠，同奶嘅比恰好➡️英式炸魚柳薯條 ($35)薯條夠脆夠香口，炸魚柳就只算一般重點一定要試佢嘅酥皮蛋撻，之前已經有媒體介紹過，由40年經驗嘅師傅主理，酥皮夠酥，蛋漿甜度恰好，不會太甜，敢講好食程度係全港數一數二 ($8)

呢日經過長沙灣想食下午茶，就諗吓食咩好。🔸酥皮蛋撻、曲奇皮蛋撻之前雪姨推介呢間茶餐廳嘅蛋撻，今日慕名而去，不過有啲失望🥲蛋味唔重，曲奇皮比酥皮好味，覺得酥皮嘅牛油味蓋過咗蛋味，蛋撻唔難食但唔特別，勝在蛋撻新鮮出爐熱辣辣。🔸沙嗲牛肉麵茶餐廳嘅另一名物，唔錯喎，比蛋撻出色好多😂牛肉唔鞋，公仔麵有咬口😂🔸熱奶茶茶味比較突出，唔算好滑。平時去Cafe就去得多，間唔中食下啲港式地道野都幾開心😛😛

岩岩寫完華南冰室我決家寫埋我最喜愛既茶記「金園茶餐廳」位於青山道，保安道街市附近。其實唔係好顯眼，不過都好。星期六日已經要排隊，再紅既話我真係唔洗食！其實呢一間既蛋撻同西多士都係頂級，不過我冇圖所以直接介紹特餐算。特餐🌟🌟🌟🌟🌟（滿分）沙爹牛肉麵+餐包+火腿奄列基本上就算拆開每一樣野都係滿分。餐包，自家製的鬆軟，有包味，熱辣辣。火腿奄列呢個係我最迷惑既地方，因為佢有一種好獨特既味好似用火燒過既味咁（知咩味既麻煩講我知）外面係脆脆地，入面係流心到底點樣可以整到咁？真係冇得輸！沙爹牛肉麵一個好既沙爹牛面、湯底一定唔可以係普通雞粉湯。當然金園既都係有誠意既忌廉雞湯！沙爹牛肉就比較Creamy既感覺唔同一般茶記比較「水」，以前都食過一個加左花生醬既沙爹牛都有呢個口感、但金園既冇花生醬味，同時都有呢個口感。返食指數 100/10 （其實我都返食左好多次）冇記錯係星期四休息有一兩次撞正休息，心都噏埋。

你哋鍾意食曲奇皮蛋撻定酥皮蛋撻？話說我入咗「香港蛋撻關注組」，成日都見到谷友介紹金園嘅脹卜卜蛋撻，前排終於得閒去朝聖！酥皮蛋撻啱啱出嚟嘅蛋撻又金黃色又脹卜卜，好靚仔！一嚟到忍唔住即刻食咗啖，熱到個嘴都損咗😂。酥皮好多層，好鬆化。蛋漿好飽滿，味道唔太甜，而且好滑、好香蛋味。整體來講係一個好食嘅蛋撻，但又未去到超級好味🤣。如果經過嘅話我會再買，但如果要山長水遠咁過去就算！沙嗲牛肉麵咁我梗係有試埋其他嘢啦。沙嗲牛肉麵好大碗。公仔麵軟硬適中，整體沙嗲味唔太濃，但勝在牛肉份量多，佢哋每日都選用新鮮牛肉！餐包及奄列蛋餐包好鬆軟，入面搽咗啲牛油。奄列表面煎熟晒，但入面有蛋汁流出來。配搭上火腿絲，好好味！熱奶茶熱奶茶就係一般茶餐廳水準，幾香幾滑，唔錯！

一心黎喱道食蛋撻好極度失望凍架！凍架！凍架！凍已經輸一半蛋唔滑，冇蛋香，皮唔夠酥脆凍檸茶超難飲又苦澀又怪味沙嗲牛肉米粉完全唔係嗰件事！米粉唔係米粉沙嗲牛唔係沙嗲牛失敗到無倫點解可以全部野都咁難食㗎，都唔明點解人氣咁高真係冇下次