金凱小廚 (已結業)

今日同朋友經過左大圍嘅冬菇亭望到入面有間打邊爐火鍋餐廳就諗住入去食下。我哋之所以會去食嘅原因係因為佢重點標榜「不限時」 ，啱晒同朋友喺度吹水詳談又唔使俾人趕走仲可以慢慢食。呢間餐廳198可以火鍋任食仲有八串串燒送，上網見到帆立貝串燒好似好正咁但係嗰一日冇貨試唔到，唯有下一次再嚟試。我想講呢個係雞煲再加火鍋放題，一開始就咁食個雞煲覺得佢好有味道而且我哋叫咗小辣都唔係話特別辣。（尤其是本身我哋都唔係食得辣嘅人所以唔係食辣嘅朋友都可以試吓小辣）雖然啲雞唔係話特別多但係都足夠我哋兩個人食，因為食得太多一陣間就會無胃口繼續食火鍋所以份量係啱啱好。跟住，當我哋食完雞煲嘅時候職員就會走過來問我哋啲咩湯底，佢總共有三個湯底俾我哋揀而我哋最後就揀咗花膠雞湯底。我想講佢個湯底一嚟到嘅時候我哋見到勁大塊花膠同埋有好多雞件，湯底都好足料。佢有五種肉類俾我哋揀，我哋冇叫到雞件其他全部都叫哂，發現安格斯肩胛牛肉同埋梅肉片都好好食搞到我哋瘋狂叫肉類。同埋我想特別讚一讚呢間餐廳，因為通常去打邊爐或者食放題嘅時候都會見到有好多嘢飲。但係因為我係一個唔係太想飲好多糖既人，見到呢一間餐廳有水可以俾我免費拎黎飲真係好開心！仲

大圍这间冬菇亭都很特別，有我喜愛的雞煲+火鍋 放題外，还有串燒。雞煲串燒和牛火鍋放題$198，免收加一，有即炒麻辣雞煲+每位四款串燒拼盤，及火鍋任食安格斯肩胛牛肉、安格斯牛板腱、美國牛頸脊、西班牙豬梅肉片及有海鲜丸、面、类……等放題等，火鍋配料超過30款任食，啤酒汽水任飲，还免收加一！。先上的是麻辣雞煲，鸡件切得大小件適中，上枱後炒一炒再食，配料洋蔥很入味，鸡件鮮甜又麻辣，真的很惹味！食完雞煲，烧烤及串燒上抬啦。我們要了香草羊架、烧麻辣鸡中翼、安格斯牛粒串、烧秋葵……等，每款都很香香草味，烧得也很香口。当中最爱羊架及鸡中翼！食完鸡煲，我們跟著也揀埋湯底再食火鍋，湯底有花膠雞浓湯、胡椒豬肚雞煲、懷舊醉雞煲、四川麻辣湯、特濃沙嗲濃湯……等。湯底我們要了花膠雞浓湯，場底浓浓的鸡湯味，份外甜。尤其喜愛花膠，又软又滑，充滿丰富的骨膠原！食火鍋總离不开食牛，这裡牛肉都有多款，安格斯肩胛牛肉、安格斯牛板腱、美國牛頸脊……，每款切得都较薄，灼上几秒就可以食，几款都很好牛味，质素真的不错。火鍋配料还要了软滑的港岛蠔、豆腐、爽口的鲜百葉及迷你時令蔬菜藍等。至於飲品，则要了可乐，令今晚食得非常满足！！

適逢屯馬線就嚟全線通車，今日特登同朋友去大圍食下野，因為之後返屋企都好方便，即使我哋住屯門都唔使轉車，可以舒舒服服一程坐到尾，甚至乎可以瞓下覺添。大圍站附近嘅餐廳都比較多人，知道大圍美林邨以前有幾個出名嘅冬菇亭（大排檔），但係已經改頭換面，轉晒有冷氣嘅現代化冬菇亭。其中（金凱小廚）店舖門外張貼咗放題Menu，睇見都抵食，最平只需要$198一位（兩小時）冇加一，有齊任食雞煲丶串燒丶火鍋放題，呢個價錢竟然牛肉都有三款選擇，唔使諗一於去食。擁有着懷舊老冬菇亭的外型，卻頗現代化的裝修風格。燈火通明，燈光柔和，光潔亮麗，咁嘅環境一定要啤啤佢。呢個價位竟然有串燒，簡直超值。每位更可自選四款（四串），當然唔可以執輸，要叫一啲性價比高嘅海鮮啦。一次性添加麻辣雞煲，預設BB辣，喜歡大麻勁辣嘅朋友可以出去醬料區自行加醬料。蒜蓉燒生蠔，價值$18 ，淨係睇剁蒜蓉嘅精細度都知金凱嘅出品一定用心。朋友喜歡食鮮蝦，我哋叫咗鹽燒海蝦，蒲燒雞泡魚乾，五花肉，呢度嘅價值已經過$100，差唔多回本。有幾款湯底選擇，我哋叫咗花膠雞濃湯，一於飲番啖湯，補補佢先。雖然價錢經濟實惠，但係款式都好多。我哋叫到成枱都係，當然我哋會喺

金凱小廚 (大圍).198串燒雞煲火鍋放題套餐- 位於屋苑巴士站附近，由港鐵行過去大概十幾分鐘佢好似有兩個套餐，貴一點的串燒可以任食，但我地四個都唔算係食超多，以及佢火鍋已經任食，所以選擇左較平嘅$198套餐雪櫃嘅飲品係任飲，雖然選擇唔係多，不過汽水綠茶解茶都有，個人覺得都還好呢個套餐串燒每人可以揀四款，我地揀左蒜蓉扇貝，廣島蠔，日本蕃薯仔🍠，粟米，翠玉瓜，牛舌等到雞煲，份量唔多但夠好食，每件雞件相當人味，小辣但易入口，件件都好惹味又唔太肥，雞煲令我地相當驚喜咁好食😋火鍋可以成鍋換另一湯底，印象中有胡椒豬肚湯同埋另外唔記得咩，我哋揀咗花膠湯，入面有勁大片花膠，因為配料方面除咗牛肉，仲有叫咗牛柏葉蔬菜籃鴨血等，個人覺得價錢尚算合理而且嘢食都可以，絕對係可以一試嘅餐廳.金凱小廚 (大圍)大圍美田路30號美林邨熟食亭1-4號舖樓

大胃第二次嚟到冬菇亭，貪呢度打邊爐夠晒屋邨情首先就嚟個雞煲先，味道幾濃，有啲辣，份量適中，肉質嫩滑好快食完叫樓面倒湯打邊爐嚕！大胃揀咗醉雞鍋估唔到湯底同啲雞勁重酒味，啱晒啲酒鬼配料方面都係好似放題咁填紙仔，豬牛雞任叫，肉質唔係講笑，又真係唔嚡口最抵玩嘅係，廣島蠔任叫，嗜蠔如命嘅大胃開心到跳起份量方面唔好一下子寫5份10份，因為一兩份都已經好夠兩條友食尤其是蔬菜籃，一份已經食到你天荒地老同場仲包埋每人4串串燒，大胃就推薦燒蠔同雞泡魚乾，質素較為上等其他就meet返呢個放題價啦當然佢仲有得任飲嘢，呢度有汽水同涼茶，仲有唔同味道嘅道地解茶，大胃就建議大家係咁飲茶，消滯又解脂，就算食到好飽，都唔會有好唔舒服嘅感覺啲staff雖然多數係後生仔女，但服務技巧純熟，好快同好好咁serve到你另外，價錢相當屋邨，冇加一兩舊水都唔使就有得任食唔嬲

同屋企人慶祝母親節 食19:00諗住叫248食好少少 再加埋串燒雞煲任食 🙈一入去人手太少 帶位唔清楚🤔坐到埋去會先上雞煲俾你食住先 BB辣 都ok 好味食完會轉火鍋打邊爐😋但係一早落左order既串燒 燒蠔等左好耐都冇 問極都係話努力燒緊😑火鍋料都幾正常 但其實都分唔到邊啲係和牛 好食啲果啲應該係？🤔另外漏單唔齊既情況都幾嚴重 黎左兩三轉都係有啲野無黎 我食既應該係第二round但蝦已經無哂 無論係邊爐定串燒 又唔會同客講番到食左兩三round邊爐先黎到串燒同燒生蠔 燒羊肉幾好 生蠔普通到最尾食完隔離枱飽哂都仲會有野上就知甩漏太多加單會出事🙊都係食178已經夠性價比

身為沙田友都知大圍有好多好嘢食🤣今次難得入去美林冬菇亭食嘢，梗係食餐好嘅🤤就揀佐呢間金凱小廚，呢間夜晚198蚊免加一，做街坊生意，有得食火鍋放題+雞煲+串燒，價錢性價比高🤤🤤首先，職員會俾雞煲，雞煲嘅份量係跟人頭計，我地2個人就有半隻雞，雞嘅肉質嫩滑又惹味，味道唔會好辣，配上芫茜, 蒜頭, 洋蔥，好快就清晒。😎食完雞煲就另上一個邊爐🫕，我地揀佐胡椒豬肚味湯底，湯底好清，用料好足有豬肚同雞。食豬肚最驚好鞋唔新鮮，唔洗擔心呢個問題，呢個湯底豬肚味道唔錯，充滿胡椒味！打邊爐點少得牛，呢間牛肉都切得好薄好易熟，食落去爽口彈牙，呢個價錢真係抵😍😍火鍋配料，有海鮮同麵食，我地揀佐扇貝，生蠔，海蝦，迷你蔬菜藍。海鮮愛好者覺得呢3款都好新鮮，加埋自家調味料正🤣蔬菜藍雖然寫住迷你但都幾大份，2個人食最好叫1份先🤭另外，仲有提供好多款丸，包括芝士丸，龍蝦丸，墨魚丸，貢丸同牛丸！鴨血同牛百葉都唔錯～串燒係每人各有4串，我地揀佐燒扇貝，燒生蠔，香草羊架，鹽燒鯖花魚，安格斯牛柳粒，燒扇貝同生蠔都鋪滿好多蒜，食落去蒜香味濃又Juicy🤤🤤鯖花魚好鮮甜無咩骨，羊架同牛柳粒肉質嫩滑，燒得好惹味😋今餐真係食到好飽🙈

座落屋邨的雞煲餐廳，竟然做到１９８任食雞煲火鍋！而且還頗豐富！像間屋仔的設計，遠處一看便見到了環境：好普通的茶餐廳，但尚算企理服務：正常水平，比一般餐廳好一點食物：$198任食套餐雞煲的肉炒一炒便可吃，辣度default 為bb辣，可以自己加配辣椒增辣雞肉非常多，而且斬得細件，店員之後會幫你熄火，所以肉質也不會鞋之後沒有注水進雞煲，反而是換湯，這點我很欣賞，因為雞煲本身的實在太油，加湯的話會很油膩！這花膠雞煲有幾塊大花膠，超正！牛肉有幾種 全部任吃安格斯牛肩胛肉味最濃，有厚度有咬口但不韌牛板腱爽口彈牙牛頸脊脂香重但略肥，適合愛吃肥脂的人豬梅肉又是超肥美酒釀雞件，對又是雞，這個比較普通，很易過熟，不過只要不太大火，其實酒味也是挺出的丸類我沒有點海鮮的蠔 蝦等屬於正常水平另外串燒建議點選肉類或菜類，質素比較佳

今日早收工, 去大圍探朋友, 朋友帶路由大圍火車站行去附近美林邨食雞煲火鍋, 見到係好有風味的冬菇亭設計, 餐廳入面感覺光猛和乾淨, 獲安排坐卡位好舒服, 到7點左右餐廳已經開始full, 好彩我哋早去才有位見到menu有兩種放題, $198和$268, 我哋試了$198這種, 有一次性的雞煲和每位自選4款燒烤類食品, 然後火鍋配料任點任食, 燒烤印象最深係蒜蓉燒生蠔, 蒜香牛油燒扇貝和浦燒雞泡魚乾, 燒得非常入味一開始先上雞煲, 服務員好耐心教我哋把雞件炒熟, 約3分鐘就可以食得, 雞煲好香, 醬汁唔會太咸, 好滋味~食完雞煲後, 當然是享受火鍋的時間, 店員介紹了幾款不同的火鍋湯底, 款款都吸引, 我哋最終選了胡椒豬肚湯, 湯底好正, 又好足料！見到menu的火鍋配料選擇好有誠意, 鴨血、蠔、扇貝等等都是任食！！另外$198任食menu有多達3款牛肉選擇, 每一款也好好味, 我自己就喜歡美國極上牛頸脊, 我朋友就喜歡安格斯肩胛牛肉~現場汽水飲品任飲, 包括我很喜歡的碧泉檸檬茶和巨峰提子等等, 選擇都好充足！今次的$198放題已經非常滿足, 因為一次過滿足晒雞煲、火鍋和串燒三個願望！

今日去咗大圍搵個朋友食飯，佢話有間雞煲好好食，冷氣又夠，作為愛雞煲嘅我哋，就算夏天都去食！😍我哋七點前去到，唔使排隊就入得，冷氣真係好夠，所以就算好多人一齊打邊爐都唔會覺得熱。佢有幾款放題比客人選擇，我哋揀咗嗰個$198放題，係會有一個雞煲，放題邊爐，同埋每人四串串燒🤪🤪🤪可以話係一次滿足晒三個願望🤪雞煲好惹味，我哋唔係好食得辣，所以就咁食已經覺得好ok🤪👍🏼 雞好嫩滑，大小剛好☺️☺️👍🏼湯底我哋揀咗花膠湯底，佢啲花膠食落好似酒樓嘅魚肚，但份量好多，好大舊🤪👍🏼 個湯清清地，唔會有熱氣既感覺。值得推介嘅係佢嘅海蝦，用牙籤吉好咗，食落好爽單，係encore之選！😍😍👍🏼串燒我哋好鍾意佢嘅雞泡魚乾，燒得好香脆脆地，朋友同我爭食😂😂😂總括來講，性價比幾高，經開大圍又想滿足三個願望，都會再去呢間餐廳😎😎👍🏼

屋邨地區開咗一間雞煲火鍋店，除咗雞煲火鍋仲可以食串燒添一次過滿足邪惡食物嘅三種，價錢仲好抵所以今晚決定來一試。價錢可以接到串燒雞煲仲要任食火鍋，你以為佢會好求其，但係食完之後真係比想像中好。任食邊爐都邊有間好, 最多咪呢隻蝦仔, 呢度可以任食生蠔同扇貝。可惜今晚去到話扇貝賣曬， 同埋生蠔都有番咁上下質素其實你望到佢啲肥牛比其他連鎖店嗰啲更加有質素，唔會話肥到你根本就食唔落。首先一開始可以落4種串燒，種類都係正常大類，牛肉，羊架，燒蝦等等，最特別是佢有燒生蠔，你一個人叫晒4隻生蠔都得。燒肉質素都幾好，啲有少少依然味。另外，估唔到係佢生蠔上面嘅蒜蓉調教得唔錯，應該係自家製作的，令到燒生蠔出黎既result都唔錯。你等串燒嘅時間同食火鍋之前，就食咗個雞煲先啦兩個， 雞煲開下胃，雞煲整體都算唔錯，有麻，少少辣味，如果我可以揀咩辣就更好。火鍋湯底有5種，我地就揀左花膠湯底，個湯底真係有幾塊大花睇，食到我兩個都覺得 滯，用料十足。 食任食火鍋梗係要不停食佢嘅肥牛啦，估唔到佢嘅西班牙豬肉片都好有質素，我哋每人食咗十碟左右。完成左今晚極邪惡嘅一餐。

大圍一向多嘢食，喺美林熟食亭搵到間超平嘅火鍋，真係時光倒流唔知幾多年先有呢個價錢！$198任食呢度有火鍋、雞煲。餐廳夠地道，一坐低就叫咗個雞煲。雞煲好快就到，熱辣辣！一路煲住一路食，啲雞味都幾香！任食選擇算多，有串燒同埋好多火鍋配料。當然唔少得肥牛！串燒有肉類、海鮮、蔬菜類及丸類。我覺得佢啲串燒熱辣辣，燒得好夠香味！我覺得燒雞翼夠蜜味幾香；羊架肉質唔錯。火鍋配料當然唔少得炸魚皮，卜卜脆！鍾意食肉嘅我覺得呢度啲肥牛性價比高，好過唔少火鍋店。丸類都正常！基本上每樣叫少少都好夠飽! 最緊要係任食任飲，唔怕口渴！

呢度有雞煲火鍋，非常抵食！$198任食，平平哋打個邊爐，同班朋友食超級抵！我哋首先揀咗雞煲小辣。雞煲都係任食，不過我哋食一轉就已經夠，想打邊爐。雞嘅香味都夠香濃，少少辣辣地好惹味，算幾滑。最欣賞佢呢度有串燒，我哋四個人食可以叫16串。串燒種類亦都多，羊架、牛柳粒、雞翼、雞軟骨、雞腎全部味道都相當唔錯，呢個價錢真係唔要求太多。海鮮仲有燒蠔同燒扇貝，面上好多蒜蓉，好香！食完雞煲我哋就打邊爐，可以揀湯底。揀咗杞子花膠湯。湯都幾濃郁，另外呢度嘅火鍋肉類都幾好食，估唔到質素幾好！呢個價錢咁多嘢食真係冇得挑剔！

琴日同埋朋友4人去左大圍，想食下雞煲，上openrice 搵下，原來有間係大圍美林邨就有雞煲食。地點唔難搵，搵番以前冬菇亭就得，佢係個d 新裝修好既冬菇亭。入面裝修就係傳統打邊爐隔局。但入到去已經聞倒好香雞煲味。 我地叫左198蚊任食放題。我地4人，所以會先黎一隻雞既雞煲，bb麻辣味雞煲，黎到面前已經好香，食落去好入味，雞都好滑。一人仲可以揀4款串燒，總共16樣，不過串燒雖然都好食，但份量不夠大，呢個唔係任食嫁，如果要任食串燒要另加錢。食完雞煲我地叫左花膠湯底，貪佢唔洗再食辣，再叫左d野食。邊爐野唔少得牛，海鮮，丸，菜，菇啦。最值得讚既係d 蝦好新鮮爽彈，唔係林林地既蝦黎。牛柏葉都爽彈，牛肉薄切。串燒其實都好正，可惜唔可以任叫，雞泡魚乾正。198蚊食倒雞煲打埋邊爐其實性價比好高，而家雞煲野味，款式都多，仲有串燒食，值得推介。

金凱小廚 (大圍).大圍都算係幾多好野食嘅地方，今次見到呢間有得食雞煲串燒同火鍋，三樣我地都勁喜歡，叫埋男朋友住馬鞍山嘅屋企人一齊過去試下.🔹$198串燒雞煲火鍋放題套餐🔹.先講一講串燒，每人可以選擇四樣唔同嘅串燒，我地四個都叫左蒜蓉蒸扇貝同蒜蓉焗蠔，蒜蓉配海鮮對我們而言真係好有吸引力，好好食🤪之後再上左而家另外嗰啲串燒，每個人頭計所以串燒你寫一就真係只會有一件，所以呢啲貝類就要寫人頭數啦ψ(｀∇´)ψ食完串燒，上雞煲!!! 呢個雞煲好出色，夠惹味夠香夠小麻辣，又夠乾身同入味，我地好快就食完 諗住叫店員加湯，點知原來佢地係成個煲換可以叫湯底！ 有花膠湯皮蛋芫茜等，非常好👍🏻然後配料任叫，有安格斯牛板肩，肩甲牛肉，午餐肉韭菜餃蔬菜籃🧺🥬另外仲有海蝦廣島蠔等，牛柏葉都好好吃.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌 金凱小廚 (大圍)大圍美田路30號美林邨熟食亭1-4號舖樓—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foo