金凱小廚 (已結業)

適逢屯馬線就嚟全線通車，今日特登同朋友去大圍食下野，因為之後返屋企都好方便，即使我哋住屯門都唔使轉車，可以舒舒服服一程坐到尾，甚至乎可以瞓下覺添。大圍站附近嘅餐廳都比較多人，知道大圍美林邨以前有幾個出名嘅冬菇亭（大排檔），但係已經改頭換面，轉晒有冷氣嘅現代化冬菇亭。其中（金凱小廚）店舖門外張貼咗放題Menu，睇見都抵食，最平只需要$198一位（兩小時）冇加一，有齊任食雞煲丶串燒丶火鍋放題，呢個價錢竟然牛肉都有三款選擇，唔使諗一於去食。擁有着懷舊老冬菇亭的外型，卻頗現代化的裝修風格。燈火通明，燈光柔和，光潔亮麗，咁嘅環境一定要啤啤佢。呢個價位竟然有串燒，簡直超值。每位更可自選四款（四串），當然唔可以執輸，要叫一啲性價比高嘅海鮮啦。一次性添加麻辣雞煲，預設BB辣，喜歡大麻勁辣嘅朋友可以出去醬料區自行加醬料。蒜蓉燒生蠔，價值$18 ，淨係睇剁蒜蓉嘅精細度都知金凱嘅出品一定用心。朋友喜歡食鮮蝦，我哋叫咗鹽燒海蝦，蒲燒雞泡魚乾，五花肉，呢度嘅價值已經過$100，差唔多回本。有幾款湯底選擇，我哋叫咗花膠雞濃湯，一於飲番啖湯，補補佢先。雖然價錢經濟實惠，但係款式都好多。我哋叫到成枱都係，當然我哋會喺