金公館 (彩明商場) (已搬遷) 新店位置

今日中午同爸爸去咗彩明商場飲茶，行過見到新開嘅金公館，幾多嘢食，選擇豐富，京川滬嘅菜式都有，價錢又唔貴，就入去坐低。 午市套餐都幾抵，98蚊就有三款組合，我哋揀咗 豉汁鳳爪，雪菜鴨肉絲年糕，加白烚時蔬。另外再叫個四川出名菜式水煮牛，同埋兩個甜品，紅棗糕同蜜瓜椰汁西米露。水煮牛份量大，裏面有好多牛肉片及豬紅。牛肉片好嫩滑，又夠麻又夠辣，好惹味，配年糕食幾正。呢度環境幾舒適，枱與枱之間留有空間，部長員工服務又勤快，值得一讚，爸爸也吃得很滿意。

放假同阿爸、阿媽出街食飯，選擇阿媽最愛的中菜，決定去商場新開的金公館，未到七點已經坐滿左八成人～環境闊落乾淨，裝潢都幾特別，牆上面貼左中國特色嘅圖畫～晚市有套餐好抵食～今次我哋三個人決定單點～必食推介～北京填鴨/半隻係我食過最好食嘅北京填鴨之一，皮香脆肉厚嫩，食落肉質豐富、非常juicy～薄餅皮新鮮整出嚟，又薄又熱哄哄，包埋配菜及醬汁，好味😋點片皮鴨仲可以加$78，係五款菜中選一款，我地點左最鍾意嘅雪菜鴨絲炆年糕，滿滿嘅鴨絲淡淡鴨絲肉，年糕煮到啱啱好入口煙靱～仲有阿媽最鍾意食嘅鹹蛋黃蝦，蝦又大隻又新鮮彈牙，沾滿鹹蛋黃，非常惹味～當然唔少得飲湯啦，一人一碗青成杏汁豬肺湯，湯入口甘甜，湯料豐富，非常滋潤～

知道屋企附近開咗金公館當然要帶屋企人去食，環境舒適座位闊落。食物選擇有好多，價錢亦合理，午市仲有點心 。北京填鴨一定要食，我哋一家三口點咗半隻， 皮脆肉厚， 配埋薄餅、配料，再沾上醬汁，正。另外一定要食酸菜魚，暫時是我食過最好食的。用咗肉厚肉潤的桂花魚， 湯料非常豐富，有粉皮、萵筍等， 香辣又惹味，用嚟送飯一流。鹹蛋黃蝦非常邪惡，大大隻蝦新鮮彈牙， 外面沾滿鹹蛋黃，非常惹味。當然要點個炒菜中和下，炒菜心都幾大碟最後一人一碗椰汁西米露， 非常滿足。

假期通常都會同屋企人飲茶，上個月新開，見好多人排隊，咁就同屋企人去試下，點知中伏（個午式辣鍋）買左500蚊禮卷，送100蚊，聽落幾抵用既，不過佢大部份都要搭台，4人台，十分之細，擺一兩籠點心 已經好逼.今日飲茶 佢有個辣鍋 ，揀左鍋之後 要揀5個送 ，因為呢個垃X鍋又貴又油，一d味都無⋯全部野都係油，但係一d味都無成200蚊，以後不會再食⋯飲茶都係去酒樓好⋯不過，點心都係正常既⋯大家自行考慮⋯飲茶我就不建議，

平時都好少入嚟將軍澳今次入咗嚟將軍澳隔離嗰個站調景嶺見到商場入邊都冇話特別多咩特別嘅餐廳所以揀嚟揀去我哋都最咪揀咗中菜館呢間菜館未試過即管試吓雲吞雞煲入邊有六隻雲吞雲吞皮薄喊靚裏面有成隻雞，雞湯清甜美味，都算幾有雞味唔錯，食雞都煮得啱啱好唔會過老肉質唔會林啤啤或者好硬另外都叫咗一個胡椒蝦，蝦大大隻肉質都唔錯幾新鮮，平時食得清蒸多立原來胡椒蝦都幾特別另外甜品方面我哋叫咗桂花糕桂花糕好香桂花味食完雲吞雞之後食啲甜品非常之舒服。

今日嚟咗搵將軍澳住嘅朋友揀嚟揀去就揀咗呢間中菜店試吓，個名都幾特別喎叫金公館 。由於同朋友都好鍾意食辣野所以我哋就叫咗個酸菜魚，酸菜魚唔錯酸酸地之餘辣味適中無論食唔食得辣嘅人都唔會反感。另外魚肉都幾新鮮肉質都幾嫩滑 ，又酸又辣好下飯。另外我哋都叫咗一份炒菜心係蒜蓉炒菜心炒得都幾有鑊氣加上蒜蓉粒唔錯最尾我哋叫咗兩份糖水西米椰汁西米露西瓜芒果椰汁西米露同埋湯圓三粒$48呢間嘅主菜好似酸菜魚或者清脆炒菜心或者甜品都唔錯價位都適中，一家人落嚟食飯最啱啦

今日嚟到調景嶺呢間金公館好似係新開嘅特登帶埋屋企人嚟試吓。環境都唔錯調景嶺本身都唔算太多嘢食難得有間環境唔錯嘅中式嘢食都特登去試吓我哋就叫咗一個北京填鴨$358鴨肉即刻係我哋嘅面前切出嚟 跟住俾咗一籠嬤嬤俾我哋，嬤嬤即叫即蒸仲係熱嘅，包埋啲切得幾簿嘅鴨肉皮，配上青蔥青瓜同埋甜醬非常之唔錯。可惜我哋叫咗一食下次如果二食嘅話會有多啲嘢食另外都叫咗水煮田雞，田雞很肥美肉質很實，裏面仲有好多其他食材好似豆芽啦，鴨血啦鴨血好油或我最鍾意㗎啦，薯粉薯粉好滑不過就被夠辣左少少不過都有啲辣所以我哋就叫咗兩杯豆漿解下辣

早前在太古金公館食過北京填鴨，原來在調景嶺開了分店，有粤菜、川菜，午市又有套餐，都幾划算。茶位$10午市自選孖寶 A+B+C $98。C.手工涼粉質地軟身，辣麻味道不錯，開胃的涼拌菜，如果喜歡吃川菜一定會喜歡。連點心都有，A.薑蔥牛柏葉都幾有水準。金公椒麻雞 ($68)，雞肉嫩滑帶有椒麻味，食完嘴巴都有d麻，推薦！酸菜魚（小辣）($82)性價比高，足夠2人食，魚肉、酸菜、蒿荀、寬粉比例好，魚肉有彈性，不會散開，寬粉有咬口，入晒味，湯也很好味，小辣得宜人，不會太辣。B.雪菜火鴨絲炆米幾乾身，唔會油膩，配料豐富。

今日同朋友黎到調景嶺彩明商場飲茶都幾多人下 不過唔使等位👍🏻午市食物比一般酒樓更加多樣化碗碟靚得黎 仲要好乾淨茶壺入面仲要有茶包 包住d茶葉飲茶趕時就唔會飲埋啲茶葉落肚見到menu第一時間就比酸菜魚吸引到所以嗌咗個小辣嚟試吓酸菜魚 (小辣） $82🐠比起出面食酸菜魚平一半但係質素一啲都唔差魚嘅肉質非常嫩滑成個酸菜魚嘅配料都好豐富有萵筍、酸菜、辣椒、胡椒、姜同寬粉兩個人食都覺得好大碟好抵食蘿蔔千絲酥 $25外層酥皮好薄入面嘅蘿蔔好多食得出係新鮮出爐係我人生中食過最好食嘅蘿蔔千絲酥北方蔥油餅 $32同平時食開嘅蔥油餅唔同佢個皮係好似炸饅頭咁包住中間好香嘅蔥油食一啖都覺得好滿足煎釀茄子 $25味道Ok 幾大舊總括而言，咁嘅價錢有咁嘅質素真係非常之抵食大家一定要記得黎食下啦

調景嶺新開了一間中菜館，餐廳燈光明亮，全部都是圓檯，還有電視機，裝潢跟一般的酒樓差不多，一到晚上便要排隊等候。點了幾款菜。⭐️烤北京填鴨$188有京蔥絲和青瓜絲，跟鴨皮一起吃，口感很好呢！不過鴨肉實在太多了，吃不完。⭐️胡麻鮮淮山$42淮山口感砂，可惜我比較喜歡爽脆口感的淮山，配上芝麻醬，很香。⭐️青城山杏汁白肺湯$58 有雞腳和白肺，白肺爽滑，喝下去順口，味道較清淡。⭐️家常酸辣粉$38酸辣粉煙煙韌韌，口感不錯，跟正宗的有七成相似，但是越吃越辣，吃不到辣的還是不要吃了。⭐️金銀饅頭$38一個個外表金黃的小饅頭，炸得香脆可口。⭐️鳳梨咕嚕肉$78入口有點軟，不夠脆身。⭐️杞子桂花糕$25比一般吃的桂花糕甜。⭐️椰汁西米露$38味道不俗，也是偏甜。

無意中搵食到間正既北京填鴨👀價錢平，味道好🤩。正呀。北京填鴨(半隻) $188(美味指數: 😋😋😋😋😋)🙆🏻‍♀北京填鴨係呢間店既搶手貨。因為我地叫完腐黎就賣哂了。果時先係20:00。半隻既價錢都夠3-4個人食。😗外皮燒到漲卜卜，潤紅令身。上到上枱時香噴噴。鴨味好香，鴨肉有小小鴨酥味，潤皮包住鴨，醬料、青瓜、大蔥，配搭傳統但已經好好食。🤤食既時候，鴨皮脆油脂香，令人印象深刻。店員就推介左我哋食，佢哋出名嘅酸菜魚同埋佢覺得好食既竹笙海皇蒸蛋白。🙆🏻‍♀酸菜桂魚片 $268(美味指數: 😋😋😋😋)好似大陸咁大碗又大份。叫左小辣但感覺上都唔辣，我平時唔食辣都食到。我諗魚係微辣，但裹面既紅薯粉就有小辣。😆魚用左桂花魚所以滑溜而且無細骨。🤗酸菜有好多比魚更好食，吸左啲湯，又酸又辣辣地。好食呀～。🙆🏻‍♀竹笙海皇蒸蛋白 $118(美味指數: 😋😋😋😋)健康菜黎。蛋香蒸得比較實，上面淋上㳄汁、竹笙、菜心粒同埋蝦粒。口感豐富，用黎伴飯一流。🙆🏻‍♀小籠包(一籠) $38(美味指數: 😋😋😋😋)做緊優惠價，所以非叫不可。雞湯同肉汁充滿鮮肉味。雖然小籠包頂部既皮較厚，但整體都好好食。抵！(5分為最高)整體

#金公館酒樓式粵菜，🙂同屋企人食過幾次👨‍👩‍👧‍👦，覺得價錢大眾化而且🦢北京填鴨真係好好食。最鐘意食佢個🦢北京填鴨。$188有半隻！賣相好靚，皮片到正正方方，上得大場面。😆正方形既關係，鴨皮比平時食開既面積大所以食落鴨香重而且脆。🤩但鴨唔太肥，所以食左好多舊都唔太感到油膩。麼麼皮都有彈性，👍🏼分量岩岩好。除左填鴨，仲會食下小菜。👍🏼小菜價格都好抵。#椒鹽九肚魚無炸得好徹底，唔似平時食咁乾身。😗裹面仲好濕潤。😉即係外面加左粉漿炸但裹面仲係鮮魚。味道都無平時食咁濃味。#鹹蛋黃蝦外面炸得好脆，🤩再沽上流沙鹹蛋。好鹹香惹味。#酸菜魚勁大份，只有微辣。😆平時唔食辣既屋企人都食到。魚🐟無咩骨而且都幾滑。酸菜酸酸好開胃，令人越食越想食。我地每人叫左個湯。我飲清城山杏汁白肺湯，呢個湯屋企唔會煲因為工序繁複。✊當然要揀呢個咁滋潤既湯。🐄湯好呈奶白色，好鮮甜而且唔肥膩。仲有菜膽係入面，好健康。小籠包同套餐都勁抵呀！

黎到調景嶺估唔到都有好野食，大家去完 DI 來到對面商場既金公館。叫左幾個前菜，大家傾下計食住等，其中炸饅頭最令我驚艷，因為真係炸得好好，又唔會太油加埋練奶好正。其他小食好似胡麻鮮淮山同椒鹽豆腐粒其實都好唔錯。烤北京填鴨，即係我地平時食開既片皮鴨，幾乎每枱必點菜式，正因為turnover 高出品好新鮮d皮好脆同香口皮肉分明，加埋傳統既甜麵醬，京蔥同青瓜，絕配。另一樣既主菜就係酸菜魚，魚既分量十足，肉質嫩滑，個湯既調味岩岩好，我好多最最鐘意既酸菜。食完d重口味主菜，叫左靈芝菇炒萵筍絲同上湯杞子津，呢d清甜既蔬菜平衡番。最後都想讚下呢間店既經理同待應，好好服務同笑容。

朋友話屋企附近彩明商場開了一間新的「金公館」可以吃片皮鴨，所以今晚一齊試一試。金公館座位闊落，地方也不少，8時多去到的時候已經坐無虛設，看來很受歡迎。這裏有各種晚市套餐，小菜款式也很多，餐牌上圖文並茂，非常吸引。我們叫了一個二人套餐$338，有手工涼粉、是日老火湯、北京填鴨半隻、味菜豉汁炒豬頸肉、蒜蓉炒時蔬、白飯兩碗，還有甜品:荔枝桂花糕，感覺很抵吃。先來手工涼粉，夠麻辣開胃。再來一鍋是日老火紅蘿蔔粟米豬骨湯，潤潤喉嚨先。香蔥蔥油餅$38，金黃香口有很多芝麻，咬落很軟熟，蔥油配搭比例啱啱好，有蔥油味又不會太濃烈，這個小吃值得推介。椒鹽豆腐粒$42，外皮炸得薄脆有好吸引的椒鹽味，包著裏面軟身的豆腐，味道很好，非常好吃。片皮鴨的皮夠香夠脆，包著京蔥絲、青瓜，清解油膩，提升口感，提升鴨香，令人回味，如果鴨肉切細件些就更加完美。味菜豉椒炒豬頸肉，味菜配豬頸肉非常惹味，火喉也足夠。鳳梨咕嚕肉$78，份量夠足夠，咕嚕肉不肥膩不會有太多粉漿，味道酸酸甜甜配搭菠蘿、洋蔥，十分受歡迎。紅油抄手$42，肉味鮮味帶辣，清清爽爽，好吃。如果份量不是太大的人，基本上二人套餐可以給三個人吃也冇問題。這裏的份量很足

新開茶樓，工作日來飲茶，好多空枱，但一定要同人拼一張大枱。帶位的姊姊話「我地無論幾多人都要拼枱嗝。」咁你不如換走晒d四人枱？？？侍應完全唔專業，背唔到枱號...劃咗五個點心，落完單得番三個。個姊姊話：「你整間再劃過啦！」跟住轉身走咗....冇嗰兩個點心一個係糯米雞一個係鵪鶉蛋燒賣。我唔明點解茶樓早茶時段唔備糯米雞的料。就算唔賣，也完全唔在人客劃點心紙嗰時候提醒佢地。亦都唔say聲唔好意思，好似冇尼個點心天經地義。咁嘅態度不如去隔離x哥賣凍蓮茶？？？個腸粉根本唔滑，黐埋一起。排骨同牛百葉味道ok。咁樣質素的服務同食物水準，不買唐記x點，平得來仲好食。總之以後唔會再幫襯。