金不換泰國餐廳 (已搬遷) 新店位置

豬嫂寫道:大概兩個禮拜前的週末,豬和我還有媒人婆及媒人公四個去黃埔金不換食晚飯。我推介他們食咖哩海鮮金瓜,即係咖哩海鮮焗南瓜,配上蒜蓉包好好味。豬就比較鐘意燒牛肉沙律,的確係好野味。我仲叫雜菜煲同招牌炒飯,雜菜煲普普通通啦,而招牌炒飯就較為清淡,適合愛廋身的女士,一向喜歡濃味的豬自然覺得麻麻。消費大概一個人百鬆,價錢算合理,但份量不是很大,不過媒人婆及媒人公都好鐘意。另外,柚子沙律、鮮魷沙律、青咖哩及南瓜布丁(有凍熱選擇)都係心水推介。

黃埔店裝修唔錯,有兩間大房,坐16個人有好鬆動.晚飯要房最底消費$2800-.唔使講D野食梗係好食,其怪在我地食左好多野食同酒水都係食左$27xx,後尾再叫埋甜品剛剛好.......好滿足!(柚子沙律好快賣晒,要就早D order)

前言：這亦是其中一場開年飯。食物和評語：九個人，點了一個湯、三款前菜、四款主菜、兩款粉飯、三款甜點。 1. 冬蔭公湯：味道水準中上，唯蝦唔夠鮮。 2. 西施柚沙律：尚可接受。較灣仔的「綠色」的同類食品，調味汁料較淡，柚子質地較乾。 3. 炭燒豬頸肉：肉質偏肥，烤得香脆，肉汁成功地保留，水準以上。（推介！） 4. 泰式拼盤：蕉菜包雞偏乾、魚餅和蝦餅炸焦了。而春卷則未滴油！整體欠佳。 5. 鹹魚炒芥蘭：好油膩！ 6. 清炒椰菜苗：都好油膩！！ 7. 鮮蝦炒露筍：鮮蝦上粉漿後炸，跟炒露筍格格不入。 8. 青咖哩雞：調味恰當，拌飯一流，唯料少。（推介！） 9. 南瓜芋頭炒飯：吃不出南瓜和芋頭味，還以為是蛋炒飯！ 10. 泰式炒河：幼身河粉被炒到碎碎的，調味不足，濕度不足，真的是失望之作。 11. 甜品： a. 芒果糯米飯：三個字：「相當棒！」糯米飯黏度適中，口感討好。芒果夠熟，係靚貨。伴食的椰汁有些微鹹味，足以「吊」起芒果的鮮甜！（推介！） b. 千層糕：熱食的千層糕，味道一般，粉漿相當稠厚。 c. 竽頭西米椰汁糕：混

我係去黃埔果間，兩叫人晚餐叫左:1.西施柚沙律--西柚粒粒,加左d椰絲,好開胃。2.鹹魚炒芥蘭--炒得唔錯,唔會過鹹3.炒金邊粉--好抵下，用茄汁炒，幾特別4.咖哩軟殼蟹--好食，汁同蟹分開上，等d汁唔會整林果d蟹。汁好食，但係我覺得鹹左少少，蟹都整得唔錯呀不過我覺得唔太抵食，食開屋企樓下間泰國菜平d好食d。不過呢度d野食真係唔錯

去金不換有幾樣野一定會食:1) 柚子沙律2) 炸蝦餅3) 冬蔭公4) 青咖哩雞5) 咸魚炒介蘭唔使多講, 真係好食, 由其是個柚子沙律!

朋友推薦到此, 果然個個食到讚不絕口! 我是素食者, 所以點了不少素菜:-清炒椰菜苗- 很嫩滑素菜炒年糕- 煎香的年糕, 幾特別可口豆腐- 不記得名字, 煎香了表面, 裡面很滑西施柚沙律- 配了少少椰碎, 幾得意豬頸肉- 朋友說很好味南瓜芋頭炒飯- 很香美味甜品:-芒果糯米飯、木薯- 很美味!星期六晚, 好彩早到, 才有位. 之後7、8時, 很多人等位. 環境好、清潔、服務好, 不停為我們添茶添水, 菜餚上得算快, 且很美味, 略厭細碟, 價錢適中, 必定再嚐!共6 菜1炒飯加4甜品, 7人平均每人消費$85

依度嘅食物一向都有Ｄ水準。小食拼盤款款都炸得好香好，魚餅蝦餅都好彈牙。冬蔭功湯好足料，夠熱又酸又辣好野味。青木瓜沙律好夠辣，係我試咁多泰國菜館中最好味嘅。青咖喱雞好香甜，Ｄ泰國矮瓜好好味。咖喱牛腩煮得好淋，好入味。炸軟殼蟹點咖喱醬好正喎。南瓜海鮮原個南瓜上桌，個汁好濃郁，但有點漏。炒椰菜苗有點油，但味道唔錯。金不換炒飯味道較淡。食到咁熱氣，最好叫番個椰青飲，舒服晒！甜品當然係叫芒果黑糯米啦！好味道！

係經此網既好評下... 上去一試, 真係有D 失望.... 九龍城既Amporn 都正過佢多多聲!果蟹肉紗飯($60, 只夠3人份量) 一D 都食唔出蟹肉既鮮味! 另咸魚紗泰國梆菜苗, 生得制! 炸魚餅, 雖大件加好到味, 但就多油囉! 豬頸肉反而大碟都OK !TOLIET 略遠而且靜, 都幾恐怖! 講裝修,對面和民仲正過佢! 我眼見都好多FAMILY 去食, 不過就衰在冇獨立大房囉!甜品綠豆爽好正! 熱騰騰僅香!

經大佬的全力推介下﹐數天前與父母前往一試。本來估計weekdays人客較少不用預先訂位﹐但大佬建議我先預訂以作保險﹐果然所言非虛。晚上九時多依然要排隊﹐幸好聽了他勸告﹐否則恐怕要久等。此店地方寬敞﹐共分開前後兩個大廳﹔每張飯檯之間有一定距離﹐給食客私人空間。地方亦很整齊清潔。可能由於人客太多﹐員工較忙的關係﹐坐下來後要等一會才有服務員給我們餐牌﹐她有禮貌地道歉。我們商量了一會才下單﹐後來又改變主意再改了單﹐但她的態度仍然很有善﹐沒有一點煩厭(按﹕她是全晚唯一服務我們這張檯的侍應﹐她全晚亦保持著這個有善的態度)﹐真的很不錯。我們共點了魚肚羹﹐椰青咖喱海鮮煲﹐鐵板蠔仔﹐和特色炒飯。他們出菜的時間很快﹐我只去了洗手間一趟回來﹐魚肚羹已經準備上檯了(莫非之前已經預先預備好﹖)。魚肚羹非常不俗﹐魚肚夠軟﹐配料亦足﹐羹的味道頗濃郁﹐加了一點點醋之後更是惹味。椰青咖喱海鮮煲應該是將已煮好的咖喱海鮮放進椰肉被掏空的新鮮椰青之中(從椰子的外觀看得出它並非「循環再用」之物)。咖喱本身香料十足﹐頗辣之餘亦帶有少許清淡的椰香﹐應該是將掏出來的椰肉舂碎伴成椰汁煮咖喱﹐但仍嫌椰香味不足。海鮮的種類不多(主要只有魚

黎過兩次，極力推介青咖喱牛肉同串燒（雞），青咖喱好香，牛肉唔韌但又唔會係'梳打牛肉’，非常美味，用黎撈飯一流！雞肉係燒唔係炸既，肉汁豐富味道好，不過都幾油.芒果糯米飯好好味但好貴噃!魷魚沙律魷魚幾少,不過好辣,鍾意食辣既可以一試!炒雜菜就普普通通啦.紅磡分店裝修比呢間靚好多，呢度好似有啲殘舊啦

They have a new menu w/ some recommendations by Mr. Chow Lan, so we tried 3 items on the list : grapefruit salad (which is no good), the spicy beef tendon (pretty good la, but a bit too spicy for my friends) and red curry w/ chicken and vegetables (ok lor, the chicken is not tender and a bit over cooked). We also ordered Tom Yum Gon soup, and a fried seafood noodle wrapped in an egg net (ok la), and 3 drinks. The bill came to 440 which was pretty reasonable... but the quality of food is just ok,

-_-好貴同唔飽..唔得..

同朋友來吃飯，叫了拼盤、豬頸肉、青咖哩牛、烏頭魚、蝦醬通菜同炒金邊粉。總括來說食物是有水準的，但就不能說是很出色。拼盤有魚餅、蝦餅、春卷及香葉包雞，皆是油炸的，勝在夠香口；青及紅咖哩送飯最適合，個人喜歡青咖哩多少少；烏頭魚有D腥，湯底辣辣地都幾野味，算唔錯；炒金邊炒幾好食。連啤酒埋單每人80幾蚊，唔算太貴，但就覺得無論食物質數同價錢都同香辣屋分別不大。

尋日同女朋友補祝生日，原本諗住近近地去壽司亭，但打電話去問有冇得book位既時候接線既人態度勁差，所以打消左呢個主意呀…之後就去左金不換食喇，由於我地唔係好肚餓，所以只係嗌左炒金邊粉、鐵板蠔仔同紅燒豆腐。基本上三樣都好香口，尤其係個蠔仔真係好正﹔豆腐有脆皮，口感唔錯﹔金邊粉就幾黐牙下，加左檸檬好開胃…而且偠錢唔貴，值得再去呀…！

之前諗住去和民居食飯,但等位時聞到呢間d食物好似好香,所以上個week睇戲前同阿哥一行五人去食,叫個拼盤,菠蘿炒飯,炒芥蘭,燒豬頸肉,乜鬼咖喱蝦,等等,樣樣都好好味喎,拼盤個炸蝦餅好大件好多肉,燒豬頸肉個汁好正,而咖喱蝦個汁就只係食食到椰汁味,但都ok,送白飯一流(個個埋怨我做乜叫個菠籮炒飯,但我死都要堅持~),埋單300幾蚊,阿哥俾所以好鬼抵~~不過仲未食飽但趕住睇戲所以迫住走