金不換泰國餐廳 (已搬遷) 新店位置

十一月十三日到左尖咀行街!之後...諗住食齋既,但係....最後行到過LCX發現近freshness burger開左間新既金不換~好怪呢7點幾,附近既食店都冇mud人幫襯!呢間金不換個view好靚,even我地坐卡位都見到個靚景呢!^^叫左個蛋包海鮮炒蒙粉,個樣好靚可怕冇影低到>.<甜甜地幾好食,而且有蝦^^牛肉沙律,只不過係d有炒過既牛肉加埋生菜,冇mud特別!d牛肉有d un!>.<總之聽男朋友仔話叫柚子沙律啦>.<荔枝鴨胸,wa,呢碟野真係勁呀,完全食唔出係鴨胸!不過都幾好味既~~有埋荔枝!!!!d度個環境真係唔錯呀,坐得幾舒服!

15-9-2007 晚上6個中學同學的聚會~叫左7樣野食~菠蘿焗飯(8/10)~好多料，有肉鬆起面,飯有菠蘿ga甜味同香味~個飯唔會太乾太濕~我地括埋d菠蘿肉黎食~好甜好好食~炸春雞(7/10)~炸得唔太油~不過有d(鞋)~比我唔會再食~拚盆(7.5/10)~足6個人食用~都算幾大件~有四款~魚餅偏辣~我d朋友食左兩啖唔食啦~我自己就覺得唔辣~春卷唔太好食~可能我係食肉獸~春卷餡全都係素~不過炸得幾香脆~其餘果兩款幾好食呀~鐵板蠔(8/10)d蠔真係好肥美~有蠔味~加左小小蛋汁令蠔味更出~不錯~豬頸肉(8.5/10)~肥廋適中，唔會太鹹~加埋點ga醬汁可以令你食到唔停口。青咖哩雞~(7.5/10)~偏辣~不過個汁都幾香~雞都幾滑~入面有d一粒粒好似blueburry ga野咬落口好核突~會有d酸酸怪怪ga味~勸大家唔好咁口多啦~個青咖哩用黎點蒜蓉包真係好好食~不過蒜蓉包本身都好香脆~芒果糯米飯(8.5/10)~糯米飯甜度適中，芒果好甜~暖暖地~再右埋椰醬~我地一人幾匙~armarm好~服務唔錯~服務員好主動加水~禮貌ok~不過成日叫你叫野飲~有d煩~蒜蓉包係要另叫的(以件數叫)~埋單~

　　今日睇完有關金不換的食評後，便有衝動去試試。　　我和男朋友兩人叫了四款美食：冬陰功、青芒絲沙律、迷你拼盤和菠蘿焗飯，仲有一杯青檸梳打。（因為事前已經吃了六粒章魚丸太飽，否則可以試更多食物。）　　冬陰功：幾辣，喝第二口已咳了出來，怕辣的千萬不要叫。　　青芒絲沙律：唔算太辣，酸酸的，幾開胃，仲要係大大碟的，兩個人食唔曬。　　迷你拼盤：呢個一定要吃，樣樣都好好味，唯一得荷葉包雞唔太入味。　　菠蘿焗飯：係我食過最足料而味道又好的菠蘿焗飯，份量仲好多，食得好飽，但入面的菠蘿很少。　　總括而言，食物味道和賣相都不錯，服務態度滿意，餐廳的環境好舒服，吃過之後我會再光顧。但今次因為得兩丁人，下次要多ｄ人先可以再試多ｄ野。　　　　

中午與同事吃過一次，不會再去了。因為都幾順貴囉！而食物不太..... 吃套餐... $368 ... 居然魚餅是再炸的而且椰汁湯好酸，最好是再那個加南瓜盒好香。

The food is still good and the place looks grander than before. The staff are very attentive as well.We ordered many different dishes. We loved their curry and dessert very much. Will go back for sure.

同朋友們到金不換食晚飯..首先環境好清雅.....裝修唔錯...坐得好舒服!!食物真的係超水準1.酥炸軟蟹!! 推介!! 好味又夠熱!! 不過要多人食先 得..唔係會太滯!2.炒金邊粉!! 普通...不過不失....好香濃的茄汁味..3.酥炸雞軟骨!!為真係好酥好脆..而且仲係好大碟...冇 三至四個人都唔好叫....4.冬蔭功湯!! 推介!!!每人一小碗..waitress 仲要好細 心咁一早分好一人一碗....香濃的椰汁味..酸同辣的比 例好好...一小碗就剛好!!5.青咖哩配蒜蓉包!!! 推介!! 青咖哩一點都唔辣..反而 係又香又甜....送飯或包都係一流!!!!6.鐵板蠔仔!!!! 推介!!! 加蛋一起的蠔仔...又肥又 滑....真係好好味!!!!本人最喜歡這個!!!!最開心係.....每人都係一百蚊咋!!!勁飽!!!可惜冇機會食拼盤.....下次一定會再光顧的!!!!

友人提議晚飯於此餐廳，上週五第一次來光顧。點了拼盤：炸蝦餅- 有蝦味，彈牙，不錯。炸魚餅- 同樣彈牙，但所用香料味道，本人不太接受。香葉包雞- 可以，不過這道菜通常都會太乾身，這裡也不例外。另外，加一碟濕炒牛河- 河粉有點兒像中式腸粉，很滑，牛肉鮮嫩，還有菜遠，草菇等配菜頗多，用了麵醬來炒，十分野味而不會咸，非常欣賞，比起酒樓的菜遠牛河好吃得多。服務方面- 侍應態度良好，殷勤之餘又不會打擾，恰到好處！

一班朋友聚一聚...不想打边爐ヌ不想西餐\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\長方形枱,因傾計不方便,看見各食評後便book 這裡....點了拼盤,青咖哩,西油沙律,雞軟骨,朱脛肉,泰式通菜,冬蔭公湯,炒粉及飯......有甜品及飲品....味道ok....輕輕鬆鬆又一晚了~~

同兩個朋友一齊食, 選擇了利舞台既金不換泰國菜館. 金不換一向係我食泰菜既首選, 不過今次就令我有點失望. 最唔開心就係要等一張台, 居然等了大半小時.乾咖哩燒風鱔: 咖哩好香好好味, 不過鱔就韌左少少.飛天通菜: 普通柚子沙律: 同就咁食柚子冇分別, 好似冇乜沙律source.泰皇雞: 隻雞幾滑, 汁都ok但不太特別.

真係唔明點解呢間嘢會有31一個笑面,但係一個喊面都無,真係一個謎!六月二十日光顧,懷着興奮既心情嚟食(因為有31一個笑),我同老婆兩個人點了.1)冬陰公(味道OK,但係只係OK.)2)釀雞翼(真係唔明,MENU裏面個圖明明有四隻,嚟到得兩隻都萛,味道係無味既,如果合埋眼嚟食我相信你一定唔知食緊乜.)3)咸肉炒椰菜苗(所為咸肉即係平時拜完神過咗兩日,張食唔晒嗰舊燒肉,再加一D趙到你牙軟既椰菜苗炒埋一碟,我相信老人家一定唔可以食呢個菜)4)青咖哩豬肉炒飯(兩句講完,豬肉白烚,無咖哩味)一向都有睇openrice,今次都係第一次跌眼鏡!

跟媽媽來這兒晚飯, 想吃泰菜又要坐得好好的, 都是來了這裡冬蔭公湯的味道好像咸了點, 味精味太重, 蝦有3隻, 頭都掉了的, 很不新鮮, 香料很多, 但太咸了……上次來的時候好像不是那麼差的. 青咖哩牛肉的咖哩香而不辣, 味道很泰式, 鮮牛肉煮得恰到好處, 香滑有咬口, 泰式茄子又多, 金不換加上咖哩, 送飯一流!燒牛肉沙律的燒牛肉樣子, 無論切割方法及上枱樣貌都跟豬頸肉極似, 真的忍不住要問待應們有没有上錯菜式, 燒牛肉2大塊, 有一片煮得過時, 太過鞋及un, 不好吃了, 另一件都尚可, 不過整體來說都是煮得過時了. 附送的一堆酸菜沙律十分好吃, 不會太酸, 而且有助清減油膩感覺, 可惜分量太少……由於星期一, 全場人數都不太多, service十分周到, 不過水準好像比之前下降了……..

我同朋友初次見面，好想揾一個清靜架地方食吓嘢／傾吓計！　上網睇到這間餐廳，好似都唔錯，於是就胆粗粗咁嚟到！　以下是我個朋友，VYVY架評語（佢仲影埋相）：一個二人set，湯、小食、主菜、菜都有三樣俾你揀，我地要左冬陰公湯、酥炸雞軟骨、青咖喱牛同埋飛天通菜，其實真係會食唔晒呀！咁多野都只係大約百五蚊，我覺得唔貴啦！最緊要係好食！我自己覺得幾好，環境都幾好，可能又係過咗lunch hour.　但啲嘢食真係好有水準！尤其係個冬陰功湯同埋個咖喱！有機會會再嚟！

2月7日晚飯, 睇定呢到d介紹才點菜三個女人一個小女孩叫得太多菜結果要打包回家蝦餅- 好好味, 夠熱, 好多件, 食晒酸辣鳯爪- 好味好開胃好夠辣, 好多隻, 食晒菠蘿炒飯- 好多料, 有腰果肉鬆蝦, 蝦有蝦味的...不是無味蝦, 都好味, 食晒豬肉生菜包- 好味, 菜夠鮮, 肉及汁夠味, 一半要打包回家, 隔左一晚"丁"熱d肉來食, 仍然好味泰皇雞- color好靚, 似茄汁但少少辣, 食左雞翼好味, 其他部分未食, 要打包...埋單$400有找...抵食又好食門口個知客真的好唔點, 未睡醒咁款, 無禮貌我們book左8pm, 去到佢話裡面無, 一係坐出面...我們見坐出面的人竟然要自己走去門口落order講想食咩...好自助...我們決定坐在出面, 等到入面有為止還好, 個知客起碼仲識得畀水我們飲住先, 畀埋暖水好好笑, 佢一手拿冷水, 一手拿熱水, 一次過倒4杯水, 唔想走兩回入面服務相對好好多小朋友仲有bb椅坐環境迫了一點, 嘈了一點,不過都傾到偈, 幾輕鬆

呢道D食物份量都幾大,我地3個人叫左5樣野, 所以好飽!1) 炭燒豬頸肉: 好, 個面燒得好靚,加埋個醬汁, 一流!2) 魷魚沙律: 真係幾辣下, 食多幾件魷魚都要狂飲水~ 但係幾野味,酸酸地~ 不過好多魷魚, 滯左少少! 3) 蒜蓉包: 好大塊, 但唔夠脆~~如果加咖喱可能會好D~4) 蛋網炒金邊粉: 推介! 好好味, D金邊粉唔會似橡筋, 仲有足料海鮮. 5) 咸魚炒芥蘭: 都幾好味, 2 樣野好夾,d咸魚夠香口,不過D菜硬左少少~其實仲有好多野想試,下次再黎過~整體黎講, 呢度的食物都幾好味~~

9-1-2007阿公飯, 老細定了金不換, 19:30一行7人, 坐6人檯, 剛好坐得落, 有D逼。注: 全店只有一張大檯。蝦餅: 交足貨, 食得過。春卷: 一般貨仔, 可以不吃。燒鱔: 賣相討好, 燒得幾靚, 味道就一般啦, 冬陰公: 頗辣, 幾香濃。西柚沙律: 全晚最清淡的菜串燒雞半打: 都幾好味, 七個人都食剩, 奇怪!咖哩炒膏蟹: 咖哩唔算香, 膏蟹無食, 不評。豬頸肉: 好味就說不上, 但都還可以。蝦膏辣椒炒青口: 青口算大隻, 醬汁味道都幾濃, 食得過。飛天通菜: 唔算炒得好, 同以前九龍城金不換真係無得比!泰國啤: 飲得過。