野見拉麵

營業中

休息中

#MC帶你去太子.香港都開咗唔少拉麵店，雞白湯更係近年熱門推薦口味！今日就試一試位於太子嘅小店。➖✨ 野見拉麵.餐廳行簡約和風格調，昏暗燈光效果配以木系餐桌，典型日系氛圍。雖然拉麵店座位數不多，但有吧檯及二人小方枱。➖🍽 標準配料.每碗拉麵內配有：3件慢煮雞胸肉、1片叉燒黑豚片、1隻味玉、香蔥；可額外追加配料或刪去不需要嘅配料。➖🥢 雞白湯拉麵｜$98.湯底呈黃牛油色澤，質地比較濃稠厚身，但又唔會太鹹。叉燒肉片比較薄身，口感軟腍唔韌；而雞白湯拉麵另外仲有蘆筍及粟米筍。建議重口味朋友一定要試試！➖🥢 雞鹽味拉麵｜$108.湯底比較清澈透明，味道較清甜。慢煮雞胸肉較厚身，肉質幾嫩滑；幼麵麵條口感軟滑彈牙。整體口感溫順清爽。➖🥢 追加—味玉｜$15.味付雞蛋蛋黃呈溏心狀，啫喱口感非常濕潤，食落有香濃嘅蛋香味，而且雞蛋有醬漬過，所以入味鹹鮮。➖🥢 追加—香蔥｜$10.絕對唔建議追加！除咗價錢上比較昂貴，香蔥味道亦算偏淡。➖⚠️ 服務費.全店沒有加一服務費。➖⚠️ 營業時間.每日16:00-18:00會落場休息；逢星期一全日休息。➖➖➖➖➖➖➖➖➖➖➖➖➖➖#Ming_Course #油尖旺區美食

朋友們知道感小姐好鐘意食拉麵之前網上面有唔少人介紹呢間拉麵店佢哋都即刻share咗俾我，叫我去試試睇相見啲湯好似幾濃，搞到我勁期待！🤩平日lunch time時間嚟，可以直入唔洗等不過其實啲人keep住turn over，間舖一路都差唔多8成滿今次兩個人叫咗兩款拉麵試🍜先講吓啲拉麵麵同配料拉麵係幼麵，麵質食落爽口麵條會清楚見到一粒粒小麥，不過食落唔算太大分別而不論口味，每碗拉麵入面default有豬肉片有雞胸肉片，兩樣都好柔軟特別係雞胸肉，都算厚切，但仲係嫩滑係接近西式三文治嗰種火腿片或雞肉片，冇過多嘅烹煮，口感幾清新溏心蛋調味剛剛好，入面蛋黃甜甜哋又流心仲要特別一讚啲䓤，切得夠認真，有時啲䓤切得唔好真係好影響成碗麵口感重點講埋湯底😋✨️雞白湯 5🧡/5個湯好好味呀係感小姐鐘意嘅濃雞白湯🥰相比起其他拉麵店，佢湯底係濃但係唔會膩飲落仲有少少似忌廉湯，𣎴過當然冇咁杰配合其他食材簡簡單單，好似等個湯做主角咁而真係正！👍🏻✨️雞醬油 3.5🧡/5呢款湯底相對清淡啲，但醬油味都好香唔知算唔算淡麗系？配料係好味嘅，啲䓤絲同個湯都好襯不過整體嚟講都係白雞湯個味道岩我多啲醬油味唔係我杯茶，唔特別推薦總結：

野見拉麵有三款拉麵選擇：1）雞白湯拉麵$982）雞鹽味拉麵$1083）雞醬油拉麵$108期間限定有蝦湯拉麵$108可選全店沒有加一每碗拉麵都配有：3片雞胸肉🐓、1片叉燒🐖 、1隻味玉 🥚、香蔥，落單時，可以額外加配想食的配料，或者劃走不想食的配料。我們叫了一碗雞白湯拉麵和一碗雞鹽味拉麵🍜～雞白湯拉麵🍜，湯底較濃郁，質地黏口厚身，但不會太鹹太膩，一啖拉麵一啖咁食，會好飽肚～喜歡重口味的朋友，可以選擇雞白湯～雞鹽味拉麵，湯底較清甜清新～雞胸肉🐓嫩口，不會柴露筍和粟米芯好新鮮爽口叉燒薄身，長長一片味玉🥚好出色，糖心蛋好嫩滑，帶甜甜的香味，好好食～😋店裡不太大，有bar 枱同普通二人枱可以坐星期四6:20左右去到，不需要等位，到食完大約6:50，見到門口已經有4-5人在排隊等位兩款拉麵也各有特色，個人比較喜歡雞鹽味拉麵🍜～清清地滲慢慢出雞味，好清新，會不自覺地飲咗好多啖湯～

又老老實實，日本拉麵黎講，呢間應該係主打清淡風？白湯無試過，醬油同鹽味都係清淡果隻，湯底三款，麵就只得一款，白湯98，醬油同朢鹽味都要108，典解架呢？唔知…以呢個價，一碗麵只有一件叉燒，三款細雞肉，一隻蛋，加上麵底，可以講得上係細碗同少料果隻，上台賣相唔錯，所有飲品價錢都有點小貴，如果你係清淡派掌門人，咁應該會適合你既，裡面座位唔多，反而煮麵位就比較大，只收現金，喂…大熱天時，冷氣唔夠真係好熱，再加上係食麵，食完就熱上加熱，雖然已經加埋風扇，當然唔夠啦，想無咁辛苦就等無咁熱先去囉。

#野見拉麵 近期食過最好食的拉麵！喺太子的一間小店 座位唔多大概十幾個 十二點開門 大家預時間排隊我當日十二點開門就到 所以唔使排隊．雞白湯拉麵 ($98)先講湯底 係一個濃郁雞湯 不過佢唔似其他雞白湯 唔係creamy個種 係有啲似花膠雞湯個種 所以一直飲都唔會覺得膩 可以飲曬成個湯🥹配料有叉燒同雞胸肉 雞胸肉真係好嫩同多汁！完全唔柴 煮得啱啱好 叉燒就不過不失 有啲多肥膏位拉麵都好煙靭 有少少唔係咁掛湯 不過唔影響整體表現絕對會再番去食🥹

平日放工6半去到門口 無需等位或等齊人就可以入去👍🏻餐廳內部唔大 大概有10個位 我地坐bar枱對住師傅 都算坐得幾舒服唔逼餐牌只賣3款拉麵：雞白湯/雞鹽味/雞醬油 無小食雞白湯味道$98湯底濃郁得黎唔會太厚身 唔會愈食愈膩雞胸亦好滑好淋雞醬油拉麵$108湯底口感幾清爽 唔會太咸太濃味不過雞湯味就唔算好出麵條幾彈牙 蛋都好出色試晒2款都覺得很不錯 會想再番去試埋鹽味😋後黎有再推薦比其他朋友 大家一致覺得佢幾出色

俾拉麵關注組吸引而到訪呢間拉麵店🤣一向喜歡雞白湯拉麵既我對我黎講好吸引🩷好在勝在人唔係好多坐Bar檯都唔會好迫😛 湯底果然不錯有水準👍🏻比起雞叉燒本身出色 但係呢間價錢來說CP值算係不錯💰⭐️ 雞白湯拉麵 🤍一飲落去雞味都好濃郁🫶🏻脂肪咁唔算多唔會太厚身 飲耐左稍嫌Creamy既口味比起雞味濃郁😅 雞叉燒本身口感偏淋🐔 肉味更濃會更好⭐️ 雞鹽味拉麵 🧂比起雞白湯個人覺得鹽味更有驚喜🥹 湯底比較清澈感覺似無咁鹹既中式雞湯🍲更能凸顯雞肉既味道🤪 順帶一提味玉都好出色 溏心既蛋黃充滿鹹鮮🍳

因為本身諗住要排隊，所以星期六5:50已經企定定係門口好好彩6:00直入，不過見到6:15就已經全滿雞白湯拉麵一上檯已經熱到焫手♨️先試一試個湯底，湯底非常濃郁，而且唔係死鹹麵條係幼麵，但同坊間其他拉麵店唔同，麵條上有一點點嘅小麥粒🌾而配料有豚肉叉燒，雞胸叉燒，味玉，蘆筍，粟米芯同埋青蔥最驚喜嘅係雞胸叉燒真係好嫩滑😋飲品類就覺得冇咩特別，不過店家同其他日本餐廳一樣，檯上都附上冰水🧊食完夜晚返到屋企都唔會覺得好口渴註: 店家4:00-6:00會中場休息，大家呢段時間唔好去摸門釘啦📌

突然間好掛住日本 拉麵癮起 行過深水埗就決定試吓呢間野見拉麵選擇其實唔多 只係得三個湯底嘅選擇 包括有雞白湯，雞鹽味，同埋雞醬油另外有今日Special嘅蝦湯拉麵我男朋友比較鍾意清湯 所以揀咗雞醬油 而我就揀咗蝦湯拉麵一個湯底係成個拉麵嘅靈魂第一啖飲個湯底已經俾佢震懾左 個蝦湯係濃到不得之了 係飲過最濃既蝦湯 我個人覺得比起一幻仲更加好食我上面中鋪住少少櫻花蝦做點綴啲面黐埋啲湯汁一齊食，真係一流而且個蛋都好驚艷 一咬開個蛋黃，竟然係紅色 平時嗰啲都最多係叫做橙色 🫨 留心嘅蛋黃就梗係必然碗拉麵仲有雞胸同埋一塊叉燒 啲雞胸都滑既 舊叉燒就有少少肥 但係點埋啲湯汁就一定好食最後真係忍唔住飲晒成個湯底 總括嚟講雖然一碗拉麵都要$100 但喺香港嚟講呢個都係均價 而且呢碗拉麵都係物有所值 所有食材都配合得好好 所以回頭率係100%

對食拉麵一向高要求嘅我，平時喺香港真係唔敢亂咁食，尤其係新開，因為好多時都有好多味精，湯底不單止死鹹，價錢亦都唔平，簡直係俾錢買難受😮‍💨呢間雞白湯拉麵，主打嫩質薄切雞胸肉，雖然賣相唔係出眾，配料亦都唔係特別多，粒蛋就正正常常糖心蛋，不過勝在啲麵真係好好食，好彈牙，平時細食嘅我都忍唔住加咗底，廚師即叫即煮，所以等待煮麵嘅時間都比較長，但以$98食到一碗咁高質嘅拉麵，唔會太油膩，又唔會死鹹，感覺好健康，叫物有所值☺️可惜朋友嗌咗雞醬油拉麵，醬汁淡而無味，小失望，總結係可以唔嗌😂

泓一同野見，上次試左泓一既雞白湯 。今次試試野見雞白湯 ，野見湯底冇泓一咁濃咁”傑”。湯底我會buy野見，而且我都好欣賞佢嘅配料雞胸肉同叉燒都好食同個湯好夾 。但係我果隻流心蛋不似預期，雖然佢未去到熟蛋黃但係啲蛋黃已經凝結，蛋白都偏熟咗 。佢地雞白湯配嘅麵條唔係普通既幼拉麵，唔知係咪混左啲小麥係裡面 。不過我食唔到麵既香味，麵條既質地偏爽，掛湯一般 。呢款麵條唔算係最佳配搭 。整體嚟講呢個拉麵都唔差，又有蔬菜我喜歡 。醬油配料方面佢地只有七味粉胡椒粉提供 。沒有醋，蒜，檸檬汁 。我係醋人，本身拉麵都比較滯，喜歡最後幾啖加幾滴醋解膩 。希望餐廳未來可以有醋/檸檬汁提供 。所以最後未有飲晒成個湯 。我個人很喜歡小店因容易同佢地交流食物上心得，好可惜今次我坐bar table但未有機會 。anyway, 比心機，你哋仲有進步既空間 。

最近都幾多人介紹嘅太子低調雞白湯拉麵\ 野見拉麵 / ✫彡 喺𝑜𝑝𝑒𝑛𝑟𝑖𝑐𝑒評價唔多、喺拉麵關注組好壞參半嘅小店雞白湯偏黃 質地杰身 濃而不膩 飲得岀有乳化嘅湯頭感覺拉麵有小麥嘅味道同韌性但彈性就普通 掛湯不足以$98 一碗拉麵嚟講配菜算幾豐富 包括有叉燒、雞胸肉、粟米仔、味玉、露荀當中雞胸肉似慢煮方式製作 係意想不到的軟嫩 有驚喜！感覺野山拉麵係比較平實嘅小店平心而論𝑃𝑟𝑒𝑠𝑒𝑛𝑡𝑎𝑡𝑖𝑜𝑛唔算好精緻但係味道幾合口味 個人都滿意𝑶𝒓𝒅𝒆𝒓𝒆𝒅⁂雞白湯拉麵 $98忌廉梳打 $15📍野見拉麵 𝙽𝚘𝚖𝚒 𝚁𝚊𝚖𝚎𝚗太子柏樹街6號地下地鋪#eatwithrachel太子 #香港拉麵 #太子拉麵

看社交平台介紹呢間位於太子的白雞湯拉麵，個雞湯非常正，舒服好味厚身，仲唔多覺味精（本人對味精有敏感），雞胸肉非常soft, 好滑好食，叉燒是黑豚，又係另外一個亮點。我們也試左紅色的蝦湯，是期間限定，也是不錯，但要我們選擇，還是老老實實的白雞湯拉麵。無得輸，天花板級數。

之前經過見到門面幾企理就已經有啲心郁想試下，但平日去親都要排隊。卒之今日就膽粗粗再過去睇下啦，點知竟然唔駛排隊，入到去只係得2枱客，咁就諗都唔諗，求其搵位坐低啦。當我地填緊紙仔既時候，店員就行埋黎殷勤講解，態度讚呀👍🏻。叫左2碗麵加多碟餃子，3樣野都有驚喜。1）雞白湯拉麵 - 湯夠清，味道夠；2）限定拉麵（好似） - 今期即係蝦湯拉麵，正常蝦湯，至少無失望；拉麵 - 麵爽得黎夠淋，1整粒既糖心蛋（似蘭王），1塊慢煮豚肉，3塊雞肉3）日式餃子 - 餡料豐富，有咬口，另外個豉油好似加左七味粉，好特別，同餃子都好夾。1碟5隻，但食左先發現唔記得影😝環境企理乾淨，一般拉麵價錢，唔會特別貴，性價比都高，會再試埋另外2款拉麵🍜。

🍜🍜周圍試拉麵系列🍜🍜「雞白湯拉麵」湯底：飲一啖，都算有雞味，質地比較杰，好似打左個芡果種。鮮甜度來講，呢間唔算特別鮮甜，連埋拉麵一齊食，會顯得比較清淡。麵：麵條爽口彈牙，有少少小麥嘅質感。雞胸肉：三片慢煮嘅雞胸肉，都好嫩滑。叉燒：有一片好嫩滑慢煮嘅叉燒，唸得來有d彈牙，口感唔錯！溏心蛋：都OK入味。「醬油拉麵」湯底比起上面雞白湯嘅味道較重。飲第一啖，會覺得幾濃郁，係清湯加濃郁嘅醬油味道。不過食食吓，去到中後段，就會覺得比較鹹。食到後面，好難將湯加麵咁一齊食，因為較鹹。其他麵條、雞肉、叉燒都係同上面雞白湯嘅材料味道一樣。環境： ★★★☆☆ 食物： ★★★☆☆ 推介指數： ★★★☆☆