重慶雞公煲 (已結業)

某夜和友人路過女人街，見到重慶雞公煲，就入去試試。我們決定吃牛煲，吃時就覺得不辣，牛肉幾夠味，沒記錯的送一些自選配料。另外奈何加湯後，味道就由小辣變了做勁辣!吃到連咀都麻痺了....(早知就不加了...)雖然可能一試，但要再幫襯就要想想了。順帶一提，他們雪櫃中的某些配料不新鮮，要小心選擇!題外話，晚膳期間有兩位外國遊客進來，看到一位年青的職員很努力地介紹，這點值得一讚。

2008年2月4日是晚我有個朋友返香港，諗住帶佢去依間試吓雞煲。之前去過啲伙計態度差，諗住比多次機會，點知今次比上以更惡劣。我們一行四人叫咗個套餐，個伙計不停話我哋唔夠食。係敢話叫多一個煲，但個餐已有兩個煲，咁我哋咪散叫多一個薯條，佢就話薯條夠我哋食。食物份量比以前少咗好多。食物不在話下，但D伙計態度嚴重惡劣。埋單時問張單問題，又話我們唔會明白佢哋點計。上次我重見到個計趕客走，話比人聽食唔切，就關門。當時仲有一個鐘頭有多先關。有另一伙計問點解個客走，仲講大話，話個客自己唔食。下次我都唔會再嚟，會選擇灣仔和佐敦分店。

與朋友到旺角買衫及吃晚飯，因為他到達時已六時多，所以趁人流還未多時，先吃飯，後逛街。到了通菜街內一間名為「重慶雞公煲」的食肆。在那兒當然是叫雞煲，所以我們叫了一個餐\，有一個雞公煲和一個辣蝦煲，再加兩碟配料當火鍋，兩個白飯和砍罐汽水。雞煲的味道不錯，果然是招牌菜，配飯煮配料一流，再辣一點會更加好味。不過，辣蝦煲更好味，蝦是炸過的，鹹鹹的又有點辣，加一些炸薯條和辣油青瓜塾底，炸薯條新鮮炸起，好香口，辣油青瓜就太油了，不過幾爽口，又不是太辣，吃幾舊也不錯。用煲內的汁來煮配料也幾特別，又不會浪費汁料，不錯，服務亦不差，可以再來試他們的牛魔皇煲。

好普通啊.來過2次。一次係痴姐姐食的。一次同2個FD黎。D雞撈飯OK,咁一定唔飽嘛.....但其他野又唔係太好味.叫左牛丸.烏東~~~~~~好普通.係幾抵.80蚊唔使.不過唔滿足嘛~出到去仲要食章魚小丸子。

之前經過幾次哩間食店,所以有印象,尋晚就去左食,我地3人去, 因為第1次食所以都唔清楚份量會點同會叫一個雞煲試下先, 原本唸住叫個$128 套餐(大雞煲+4個$8以下配料,2個飯,2杯飲品), 個侍應阿叔就話我地3個人可以叫特大雞煲$105會夠食D ,但哩個就要散叫(但散叫煲係門口攞張$10coupon)就平$10,我計算過其實散叫仲抵過叫餐,因為d餐送$8以下配料,大部份配料都係$5,而$8個d通常都係烏冬等..我地最終叫特大雞煲,要小辣,個侍應阿叔話如唔夠可以到時再加辣,個雞煲都ok(d雞肉份量就唔夠多),唔夠辣要再加辣,d湯底都夠濃,雖然得2個侍應,叫加湯同加單都ok快,除了叫特大雞煲外,我地另叫配料$8(1款),$5(7款),$3(1款),白飯1個,4罐飲品連加一共$195,大家都好飽,雖然間鋪係細同乍左d,d環境同服務未算最好, ,但如每人$65 這個價錢食另類小小既打邊爐,我覺得都算抵,如果要環境同服務都要好好的話,價錢相對下又會貴呢.. 我地會再去食

煲餐$128 呃人, 散叫連係門口拿哋coupon, 足足平$20....員工又唔主動加水, 攪到個煲有陣羅味!阿叔好似成日迫人叫嘢....勁唔掂!!!! > <無下次...

地方細, 張枱根本唔夠位放食物, 而且員工們顧住傾計, 唔識得主動加水, 攪到個煲有陣"火羅"味!招牌菜雞公煲(大辣) - 幾好味, 同大陸d雞煲差無幾, d汁夠濃, 不過雞肉好似少左d, 唔係幾夠喉! (特大size都唔係幾大架咋, 如果多個2個人以上, 就記得一定要叫特大喇) 蝦煲- 唔夠辣, 蝦唔新鮮, 有d"梅梅"地, 估唔到薯條仲好味過蝦, 下次唔會再點呢個蘿蔔- 都未食過咁難食既蘿蔔, 煲好耐都唔淋, 而且苦苦地紅薯粉- 呢個真係正, 索哂d湯, 又彈牙*如果唔係個雞煲好味, 我係絕對唔會俾笑面架!

18/10(四) 6:30pm大考於今日結束,這個週末終可給腦袋留白一下.下午到上環兼職過後,晚上跑回九龍會合於旺角的男友吃飯.是晚由男友引路到了躍躍欲試已久的重慶雞公煲.六時許店內僅有食客一大枱,到離開時亦不過四枱,估計此店活不到半年!我倆坐下後點了二人餐$168:雞公煲,辣蝦煲,自選2款$8以下的配菜,白飯2碗及餐飲2杯.雞公煲--走了辣,大蒜,洋蔥,花椒,芹菜及大量香料敖成的秘汁惹味而不辣,味道有幾分沙爹之味,雞件談不上極具雞鮮,但肉地很是彈口!辣蝦煲--麻辣醬十分油膩,但味不太麻!莞茜芹菜花椒青瓜墊底;中間夾雜著大量粗身脆口薯條;而最上層的中型蝦經炸過後,肉質依然彈牙.配菜要了粗薯粉及唐生菜;粗薯粉入口滿滑口的,唐生菜份量吝嗇,新鮮度也可以!服務方面,侍應生像是不太懂廣東話,有點教人摸不著頭腦!$168還要加一的非主流快餐店格局,恕我不懂欣賞!

總共幫襯了2次，唔會有第3次，因為完全不配用重慶個名，麻辣唔夠班！自問唔係食得十分辣，都覺唔得！第1次試中辣米線，我仲以為畀錯小辣。第2次決定試招牌菜，即雞公煲，今次叫大辣，都係...唉！如果你當做普通港式茶餐廳的辣度就ok！但我係抱著食重慶麻辣鍋的期望去食，咁就失望到極點！總之奉勸各位食得辣的人，好似抱著想食重慶麻辣鍋心態的期望。否則，一定大失所望！

之前係灣仔食過覺得都幾好味，經過旺角見到有分店於是就入去食啦,入到去好似打仗咁，但入面得幾檯客，但張張檯都未執既,又無人理，等有人終於見到我喇，叫我坐底，跟住又行左去無幫我執檯，行左去,等左我幾分鐘都無人出黎，火都黎埋,有個阿叔既人行黎行去叫佢都唔認人既，都唔知佢唔憂做定唔想做生意，我見幾檯客都火滾走左去就算，但佢地依然無動於衷.....我唔知經濟係唔係真係好成咁，有生意都唔想做...真係爆哂場都唔怪佢，得4-5檯都咁....依一世都唔洗旨意我再去依間野

26/8 叫碗中辣牛飯食,碗牛飯D餸料同牛魔王煲一樣有牛腩,牛根,牛丸,蘿蔔,蒜子,洋蔥,D汁香,濃,辣,野味即煮餸料熱辣辣好食,餸面加有芝麻,芫茜,美觀又好食喜歡濃味,香辣的我好欣賞尼個飯,$30幾仲有野飲正....

十分之唔得, d waitor 完全冇training唔知自己做咩, 唔係話佢地冇做野, 但好明顯唔知咩時候做d 咩冷氣機滴水, 枱好油, 碗有上手o既飯粒叫左埋單9 世都未黎一定冇下次

比起灣仔& 佐敦~ 佢味道可以拍得住灣仔最好~而且呢個場無咁多人,所以下次可以近D黎呢間食.今次發現餐牌多了D套餐選擇~點了一個牛魔王大煲餐128有4個八蚊或以下自選既配菜兩個白飯& 兩罐汽水~其實一男一女食就真係食得好飽好夠~埋單加埋一141~仲有個自選新煲係88蚊選兩個主菜(雞/牛/海鮮等等) + 兩個配菜~下次真係要試下

tried the one in WanChai and I dont know why there were so many people. I would say that the taste is special but not so impressive. Most importantly, hardly found any large piece of meat. Most of them are just bone and skin, small chopped pieces. Lots of oil. Tried beef hot pot as well. Beefball few pieces only. Definitely not worth for >$90.

來得早,不用等位,但發現店子實在小,桌與桌之間,人與煲之間,空間都不多.但個客都有一包密封的餐用品,感覺頗衞生,內有筷子,紙巾,濕紙巾及牙簽.奇怪的是,濕紙巾是乾的!?點了一個大的牛魔王煲,份量都只是一個煲仔菜般,並不大,但味道不錯,牛筋,牛腩及牛栢葉都稔兼入味,汁料即使不辣,亦很惹味.食完隨後加湯,再點了一碟肥牛及拿了數碟菜.其實這餐整體還算可以,個煲是最好味的,下次兩個人我都會叫個特大size的煲,招呼亦算周到.