采蝶軒 (已結業)

因為同事生日,所以去豪D飲荼........結果......又失望!預先book左位,所以唔使等....坐低後等左好耐先有人得閒(大約15分鐘)落單,可能因為lunch滿座關係(理解),但待應姐姐面無表情、笑容欠奉、態度冷淡。跟住上菜時待應姐姐曾多次撞到我地,並無道歉,又冇說唔好意思,唔知係咪因為我地冇叫名貴鮑魚、魚翅菜式,所以佢都冇咪禮藐-_-總括來說食物質素、味道屬中等級,冷盤及點心較為出色,尤其义燒包,不過都幾貴(一客得兩小個)；炒飯亦炒得好乾身。最後埋單本人check單時查問收了幾多位荼錢(因平人book了12位但只到了7位),待應姐姐竟不耐煩說:【乜收你7位lor】 坦白講咁概收費+咁概服務,值唔值就見仁見智啦！不過我下次會行多幾步去金鐘果幾間酒店食！

一籠4 隻蝦, 4 隻都係穿晒既...大佬我等左45分鐘gar lar wor...排骨令立立...好油ar....叉燒包d叉燒一定好貴, 叉燒寥寥可數.....椒鹽鮮"友"...$72一碟得十幾粒, 煮得好食冇咩所謂, 但係好多粉...好似食緊面包一樣...以呢個價錢, 真係可以去好多好食既地方....

一路都係采蝶軒捧場客.年初三同女友去食晚飯.皮蛋 - 賣相奇差, 切到溶溶爛爛, "壓"味好勁.粟米蟹肉湯 - 好淡冇粟米味酸辣湯 - 正常魚香茄子煲 - 餸是熱的, 但砂煲係凍嘅.梅菜蒸肉餅 - 超咸紅燒豆腐 - 等咗 40分鐘都冇來, 取消埋完單馬上到. Waiter 仲叫我要埋佢. 我緊係唔要.咁嘅價錢 $4xx, 咁嘅質素, 想點 ?

妹話事, 卜了來這裡.上來見到喊多過笑, 都有d擔心架.都係一般飲茶啫.來到見到裝修都幾靚. 坐得都ok舒服.點心略貴.一般都四十到五十蚊一款.另叫了個粥.腸粉叫了蝦腸, 都幾大隻蝦.粥比想像中細碗, 味ok.蝦餃, 燒賣等也普通啦.服務一般, 係其中一個黑西裝哥哥串d, 叫佢換過對"立立" 地的筷子, 佢竟答:"得, 點會唔得呀".諗返轉頭, 我俾錢果陣都應答佢: "俾! 點會唔俾呀!"

采蝶軒，新派裝修，地方寛廣，位處金鐘，是不便宜的地方。這天跟客戶到此午飯，終有幸一試。五人便飯，點了以下菜色︰點心蝦餃、燒賣︰好多蝦。帶子腸粉︰好薄亦好滑。煎腐皮卷︰太油。小籠包︰皮薄，有肉汁。小菜老闆炒飯魚滑浸時蔬冰鎮花雕醉雞薑蔥爆牛柳椒鹽豆腐粒點心味道ok，但小菜無特別。作為飲茶地方，價錢ok，但晚飯絶不是首選。同意食友們對e度服務水準的意見-等等等。

Went there on a Sunday with parents, it was like no service at all, totally disappointed! Quality of food is just ok. But when I am willing to pay all this money (on average HK$ 60 per dim sum), I would rather to go a restaurant with decent food and good service.

星期日同屋企人飲茶, 一見點心紙的價錢就即時唔開胃!!!! 一碟小點要40蚊!!!!!! 太過份, 是是但但叫十碟八碟食下, 我仔仔非常鐘意食小籠包,平時閒閒地一個人食十隻八隻, 但當日食第一個後就話~~~唔好食好差!!!! 其他點心一樣, 咸水角的皮勁厚!!!! 茶唔夠茶味!!!叫一碟炒麵冇黎火氣, 一的都唔好食!!! 價錢費不在話下, 但的出品咁差, 一的都唔值咁既價錢, 金鐘區~~~~真係呃鬼佬價!!!!!! ~~~~~~~~~~~~~!!!!!! 永不再幫襯!!!!

琴日有朋友約我去金鐘采蝶軒飲茶,都好幾年冇去過. 嘩,一望張點心紙,最平的點心都要三十幾蚊,真係剔唔落手. 不過久唔久一次就算啦. 嘩,d小籠包好難食, 皮厚又冇鮮肉味. 咸水角又係好厚皮. 完全唔值呢個價錢. 朋友食完番屋企仲肚痛. 如果要俾咁既價錢,佢地真係要落d功夫.

去采蝶軒食lunch,個格局都好似幾靚咁,尤其果的綠色好似水晶既牆廉。食物方面,普普通通,最好味係雪菜芽菜炆米,個汁清清地,有雪菜芽菜之餘仲有好多冬菇絲,米粉用幼身銀絲米粉,食多幾碗都唔覺滯。另一個都唔錯既係叉燒餐包,唔油而且好香,叉燒唔肥,但係奇怪地有酒味!我地叫左個燒肉叉燒拼盤,都食得過既,起碼多肉少肥膏,脆皮亦脆,同埋仲有好多花生食添,呵呵!至於其他,有個素菜齋餃好差,三角形,白色厚身皮,裡面係菇呀筍呀果D,但係咸得好緊要,實在唔得;菜苗鮮蝦餃就唔錯,多菜,蝦又大隻,呢個食得過;春卷十分普通,細條,一碟三條切成六份,勝不油不膩;咸水角又係無驚喜;菠蘿炒飯千期唔好叫,同一般炒飯無異,得果兩粒菠蘿粒,完全無菠蘿味,只係炒得都算乾身咁囉。甜品方面,脆麻花幾香脆,咬落感覺好輕身,唔heavy,好似好多空氣咁,可以點少少糖漿食,都唔錯!椰汁馬豆糕唔知點解要等好耐先上,味道普通,椰香一般,豆唔夠多,切得亦唔靚,認為麻麻地!

We went there for my birthday dinner tonight. It was such a disappointment. We booked a table for 6, but when we got there, they gave us a table for 10. We requested a smaller table, but they insisted it was the only table available. But then don't people pre-arrange seatings for clients who've made reservations? Anyway, so we sat down and tried to converse screaming over the table. A waitress came to put down the menus, but when we asked her about a smaller table again, she left WITH THE

蒙牛老爸牛一要慶祝, 為方便大家選址金鐘采碟軒新店, 一行六人七時多, 點了很多菜, 但是很多都是沽清, 七時多便沽清, 有無搞錯……等候時間極耐, 大家都真係好餓了…….北菇燉花膠只是一般貨色, 味道ok, 但湯料只見大大隻的冬菇, 前菜的墨魚片一碟只有數片而己, 麻油味香, 墨魚片切得太薄, 口感欠缺. 釀雞翼的饀料不多, 幸好雞翼仍算大隻, 吃落都是啖啖肉的, 不過價錢不太平, 不抵食. 龍蝦芝士伊麵的麵太腍, 龍蝦的殼厚肉厚可惜煮得過時, 吃落肉質太un, 芝士味不重, 可以說是没有芝士味其他的菜式都没有太深記憶了, 都是因為不好吃, 不想記得, 招呼太差, 落菜不準, 追單不理, 付出的價錢跟收入不相稱, 很不值

到釆蝶軒總是最愛芋角, 是芋茸包著原隻連尾的蝦, 蝦尚算鮮味, 炸得酥脆, 可是只此一家. 連蝦餃的蝦是很鮮味, 大小適中, 不會爆餡. 鳳爪就不太好, 炸得怪怪的, 肉也不夠, 味道卻是可以的. 整體都可以, 也是常到的茶樓.

兩口子開開心心6:30pm坐低...若十分鐘後order了4個餸:1. 糯米釀雞翼1隻2. 醉雞3. 蝦醬蒸豬肉4. 蝦子花菇炆豆腐等了若十分鐘，有位女部長先通知"糯米釀雞翼"沽清...再等了十數分鐘，前菜"齋麵筋"小碟已經食得七七八八，於是叫待應跟單... 待應叫個女部長check... 不過冇人同我哋交待下... 到7:15pm碟醉雞終於上枱....碟醉雞冰凍到不知所謂...冇雞味又冇酒味仲要d雞有血唔熟...不過太肚餓勉強食咗大半碟...等啲其間... 1. 有位有錢女熟客不滿指定的枱俾人坐咗...擾攘咗好耐先坐低... 因為佢派利是...全店的經理;部長&待應都serve佢...say sorry... 搬枱... 而我哋(唔係有錢派啲熟客)追極都冇人理....2. 隔離枱已然埋單.... 第2枱客order完... 例湯上咗... 粉絲牛肉煲都上埋...而我哋就等了又等... 到7:40pm終於忍無可忍.... 叫肥仔經理取消其餘2個餸... 佢個樣好唔願意係電腦度取消... 我就話佢知等了1個鐘只係得碟冷盤... 佢就話d餸出緊la再幫我追(唔使入廚房就知出緊...呃鬼咩!

好耐之前(zen未搬過隔離前),去過幾次,感覺還可以.最近family gathering 再去....哇..book 10位,比張超細貼牆8位枱我地....先頭部隊去到已經坐得迫到死..我地又臨時加左2個人,叫佢地換張大D既枱比我地,千請萬請都唔多願,跟住換左枱啦..又限時限刻要我地交枱...咁局住都要答應啦..唔通叫後到既人坐上枱咩...D野食好慢到,就算質素OK,但對住D咁既態度既員工,咁樣質素既服務...真係食左都唔消化呀...以後都係去返酒店D中菜廳啦,起碼guarantee 有良好服務丫..嬲嬲嬲!!!!!!!!!!!

I name this unforgettable becoz the experience was just too horrible. The service was so unbelievable bad, the staff's attitude so impolite, the kitchen so inefficent, and most importantly, the price such a rip off.Go try it if you wanna experience what we did. Sure it will be unforgettable for you too!Feel sorry for the owner, for she has employed such a useless and inefficient bunch of staff.