酒肉·朋友 (已結業)

返工有點攰午餐要對自己好啲今日和同事各點了個午餐燒鯖魚及燒汁黑毛豬燒鯖魚皮脆肉唔乾黑毛豬都好淋好味份量都好足夠 午餐價錢都合理 這間公司附近既呢間店鋪 中午時段做定食🍱晚上變成成居酒屋串燒🍻唔知會唔會試到晚市🤭

呢間居酒屋喺小街裡面，今日同朋友行過見到，十二點三唔算多人，所以就入左去佢有午市套餐，定食同串燒套餐，包左小食，味噌湯同餐飲(汽水or加錢要咖啡)我就揀左西班牙黑毛豬定食。上餐時間好快，食物好新鮮，d肉冇咩雪味，d汁同肉好夾，伴碟既沙律菜都算多。唯一唔中意既係佢有小小太黑，咬落有小小硬午餐黎講都夠飽，唔夠既仲可以加飯價錢喺呢區就都ok，唔算平唔算貴下次再黎食會想試下佢d串燒，聽朋友講都幾正，仲有清酒任飲

今日係小組久別重逢的日子，本該向外走遠些... 但現實是要OT，還是打算求其附近食餐聚一聚... 心血來潮記起bookmark呢間串燒，提議試吓，當中有人話食評信唔過🙄 但都可以試吓...一行六人，概括是笑著離開，約定重來！整體好滿意，連挑剔的J先生也主動讚好，提議下次再來。上傳了收據，價錢方面可自行評價，但至少我們六位滿意😊👍🏻四款清酒任飲，每位$108，個人認為最後的「男山」太「燒酒」，反而第三款的「松竹梅」為推介。注意最後供應約是晚上11:30。燒芝士年糕六件，一人一件，趁熱食，個個都讚！😋雞尾雖然俾友人歧視我柯打，但至少嚟到清哂😎 唔騷，要求高啲的話係再燒乾身啲。其他食品質數都好高，未能一一細數，可以自己試吓😌

尋晚去咗鰂魚涌一間居酒屋度食串燒，串燒安格斯和牛幾好味，羊架整得好入味、另外仲有隻海蝦，有我手掌咁大隻㗎！都只係＄25！串燒鰻魚都唔錯、大件又厚肉，可惜今次揸咗車！如果唔係我實飲清酒，$108任飲喎！下次要試吓佢啲手工啤酒

年廿八洗邋遢, 今日就是廿八, 為房子大整潔, 雖只是小小的房子, 但也花了不少時間和氣力, 都怪自己平時懶惰…..做到天昏地暗, 不知時間, 直至肚子發出聲響投訴才發現已過了恆常晚餐時間。再沒有力氣下煮, 還是快快落街覓食吧!左看看, 右看看, 的確有不少選擇, 就被兩人騎着雙人單車的logo招牌吸引了。是一間吃串燒的小店, 有燒魚, 又有蔬菜, 岩晒我心水。拉門而入, 第一眼就見到牆上貼滿童年卡通人物圖片, 仔細看看, 有叮噹、小和尚、超人、超音速小子等等, 還有很多似曾相識, 但卻忘掉了名字, 今晚就回憶一下。店子地方不多, 只設有一排長沙發, 約有四張四人枱, 枱與枱之間有一定距離, 都坐得幾舒適自在, 加上柔和的燈光和酒吧般的設計, 是大夥兒把酒暢談的好地方。枱上有一疊下單紙, 菜式分門別類, 很清晰。細看下單紙, 店子小小, 但選擇都不少, 分別有一品料理、一品燒物、烏冬和飯、牛豬串燒、鳥串燒、海鮮串燒蔬菜串燒和飲品, 還有黑板上的期間限定新品上巿菜式。另一推介是每位$108四款清酒任飲, 的確好超值, 但可惜我只好梅酒, 下次應要帶老爸爸來, 他必定暢飲。********

星期六同男朋友遊車河無意中發現一間粉紅色既串燒店，而且牆上既海報好吸引於是我地就比個裝修吸引左。點知一試就發覺其實好好食！！串燒款式包羅萬有，睇到眼花，簡到心都亂哂haha~樣樣都想食，最後就叫左以下幾樣：1)鹽燒海蝦，多春魚，黃芥末雞肉串，免治雞肉軟骨棒海蝦好大隻，食落去啖啖蝦肉，好鮮甜多春魚就稍微燒得有少少焦，不過勝在夠香！黃芥末雞肉串，呢樣我覺得幾特別，用黃芥末去配雞肉估唔到又幾夾！味道比想像中好！免治雞肉軟骨棒d汁好香，燒得好好食，而且好厚身，$20好抵食！2)薄牛舌，串燒安格斯，鵪鵓蛋燒牛舌基本上都係串燒必食既野，個人覺得好唔好食在於d牛舌會唔會太韌！呢間就燒得岩岩好，唔會過左火令到牛舌變得好韌，加分！串燒安格斯燒到大約7成熟，d肉汁配埋香料真係好香好好食，一試難忘！鵪鵓蛋平時係街邊買就多，但燒既鵪鵓蛋就真係比較少食，一試又覺得幾得意幾好食！3)雞軟骨中意食雞軟骨既朋友一定要試下佢呢間既雞軟骨因為燒得好香好爽口，而且燒完仲係大大粒！4)明太子沙律呢個沙律有趣之處係廚師整成1粒粒正方形既明太子，食落比較有口感！5)稻亭烏冬由於個日天氣太凍所以忍唔住叫左碗熱辣辣既烏冬！起初以為無

在北角收工，行行吓去咗鰂魚涌，聽朋友講有間居酒屋傾計一流，地點唔算難搵，地鐵站出咗1分鐘就到。外面落住毛毛雨，凍凍地，好彩入到去見到仲有一張枱。環境唔算好大，但勝在好有feel，的確啱晒朋友們飲酒暢談的好地方。店舖內的裝修又幾有特色，有好多不同的經典漫畫人物做background，喚起左一些兒時回憶～一坐低便馬上點食物。我們都主要以串燒為主，香口之餘，能在這個秋冬天吃，份外窩心。燒魷魚未食已經聞到香味，本身以為燒魷魚會好乾。上碟時配以沙律醬，覺得魷魚好鮮甜，不過有少少薄，份量不大，切開around 6-7片。習慣出街食飯都要食少少澱粉質落肚，order咗一個稻庭烏冬，是正常日本冷藏烏冬的口感，就算煮耐左都唔會腍，好滑同埋彈牙。烏冬湯底呈乳白色的，較為清淡，配上爽彈烏冬，很清新。銀鱈魚口感嫩滑，又無骨，表皮香脆，連埋串燒汁一齊食，好香甜。可惜只有一小舊，梗係再encore啦😬汁燒日本帆立貝，醬汁滲入帆立貝之中，很入味。帆立貝新鮮，夠彈牙，更帶有些少鮮甜味，入口有嚼勁，味道不錯！燒鯖魚，外皮燒得很脆，有淡淡鯖魚香，是日本必食小食之一！見到串燒紙有一項叫雞皮蝦，個名好趣緻，可能因為即叫即燒的

朋友說在他工作附近有一間不錯的居酒屋，於是我跟他來試試，這間店在太古坊附近，是一間小小但很有氣氛的居酒屋。我們先點了一個酒盜芝士，名字很特別，酒盜原來是用魚的肝腸加鹽腌漬，再配上脆餅乾、芝士和沙拉，感覺很新鮮，酒盜味道是鹹鹹的，是一個可以配酒一起食的小食，給我發現了，這裏原來是有四款清酒任飲,只需$108，包括男山、黃櫻、淡麗，可惜明天還要返工，所以我們叫了西班牙菠蘿汁，果汁很清甜，之後來了個呑拿魚額頂燒，原來一條吞拿魚只有兩片，燒過後就更加香口，很特別的一個菜，紫蘇葉雞皮蝦卷，是用雞皮包着蝦來燒，雞皮是我的至愛，燒得脆脆的，可以一次過吃蝦和雞皮，是一個味道很搭配的組合，燒鰻魚的醬汁很好味，令我想起在日本的燒鰻魚最後點了清酒煮蜆和露筍豚肉卷，十分滿足，這裏很適合三五知己來這𥚃邊飲酒邊食飯吹水，下次要試試他們的清酒。

嚟到鰂魚涌，人生路不熟，所以決定瓹窿瓹罅周圍覓食。行到一條巷聞到有香濃串燒味，諗都唔諗就請佢啦！餐廳裝修非常日式，充滿動漫嘅牆壁。串燒即叫即燒，要耐心等候。玉子燒 $38玉子非常嫩滑，配上鰻魚汁非常惹。厚切牛舌 $52厚切牛舌燒得剛剛好，清酒易入口牛肋條 $28牛味香濃，非常juicy!吞拿魚額頂燒 $98天腦非常特別，唔係度度都有得食。入口即溶，每一啖都有豐富魚油口感，再食一啖蘿蔔蓉即時去除油膩感鹽燒海蝦 $28蝦身非常彈牙同大隻！明太子雞翼 $38雞肉唔會太乾身，內有大量明太子，性價比高。燒羊架 $58半架外脆內軟，跟住要encore啊！呢間串燒小店仲有清酒放題任飲，雖然串燒即叫即燒，上菜需時。但係同朋友想搵一間餐廳飲下酒食下野，無論係環境定係食物呢度都係一個非常好嘅選擇。

位於鰂魚涌芬尼街11號得發大廈地下的酒肉朋友，主打日式串燒。餐廳主打精緻串燒，適合和朋友宵夜過來吃幾串串燒和小酌兩杯。雖然食物的份量不算太大，但是質素卻十分不錯，貴精不貴多。芥辣八爪魚漬是一款餐前小吃，芥末味辣度十足，八爪魚粒頗有嚼勁。配上即切沙津菜，感覺頗清新。食物是即點即燒的，約十多分鐘後，食物便來到了。個人最愛蒲燒鰻魚，鰻魚燒得底面也是脆卜卜的，而且燒的途中掃了很多層燒汁在鰻魚表面，味道濃郁。而且串燒也是熱辣辣上枱的，冬天吃熱騰騰的串燒很正。接著點了一客牛肋條，牛肋條的肉不會太韌，而且不會燒得過乾，能把肉汁鎖在裡面，感覺頗juicy。雞肶菇切成小薄片，而且加了少許黑胡椒在面頭，熟度也是剛剛好，不會太生或過了火。最後點了一客飽肚的稻亭烏冬。鮮冬菇的size十分巨型，口感實淨。烏冬的麵條不會太軟，味道不錯。烏冬的份量一個人吃也剛剛好。餐廳提供每人$108元四款清酒任飲，可以叫店員無限添加指定四款清酒，愛好清酒人士值得一試。點了一杯菠蘿味的西班牙果汁，味道不會過甜，而且菠蘿味道天然，頗解渴。

聖誕假期朋友大多外遊，擱置的聚會只好假後再續。以往一直在北角至銅鑼灣一帶覓食，自從上個月在鰂魚涌用餐後，發現這邊大街小巷的餐廳眾多，今天再下一城，選擇小店嚐鮮。朋友提議到這家餐廳用餐，鰂魚涌地鐵站B出口轉左走幾步就到達，實在快捷便利呢！餐廳走日本居酒屋的風格，店舖很迷你，只有數張檯，門口正對著櫃檯，深沈的燈光，櫃檯擺放了不少日本燒酒，牆邊貼滿了懷舊卡通海報，讓人彷彿進入日本舊時代，竟然還看到Inspector Gadget的海報，很意外呢！餐單主要提供日式前菜、串燒和烏冬等，傳統的日本居酒屋以吃「雞」為主，這家餐廳除了提供雞翼、雞軟骨外，還有雞皮、雞肝、雞心、雞頸、雞尾等，即點即做。⭐️螢火魷魚$38螢火魷魚以醬油醃成，送入口咀嚼，滑溜溜的口感實在有趣呢！⭐️芥辣八爪魚漬$38將八爪魚爪切粒，入口有淡淡的芥末嗆味，口感不錯，如果將八爪魚的爪切半，夾起來更方便，更有嚼勁呢！⭐️日式芝麻豆腐$42這款前菜一般不會失手，豆腐嫩滑，如果芝麻醬再香濃一點能為豆腐提味，更討我歡心！⭐️七味魚翅$58坊間的七味魚翅用的不是沙鯊魚翅，而是鰩魚翅，取腹鰭和背鰭，烤過以後很有嚼勁，不過有點烤過頭了，口感酥硬，同行

點解串燒咁吸引？真係唔知道！見到居酒屋就想入去食串燒飲酒，而且小店先有個種味道。剔完之後即叫即燒。免治雞肉軟骨棒 ($20)，雞肉內有軟骨，脆脆的，配上照燒汁，很惹味。雞肶菇 ($18)和鮮淮山 ($18)好特別，蔬菜又可以為肉肉調劑下，菇肉可以再厚身D，口感會更好。淮山幾爽口。日本蕃薯仔 ($18)夠稔又夠甜。露筍豚肉卷 ($28)豚肉燒得香，露荀仍然很有水份。手作明太子雞翼 ($38)，燒雞翼香噴噴，明太子係雞翼入面充得滿滿的，吸收了雞的精華，味道濃郁。鹽燒牛肉 ($28)肉質好嫩。鵪鶉蛋 ($18)面帶點焦脆脆地，蛋香十足。多春魚 ($18)卵爆炸💥多der。燒芝士年糕 ($38)年糕很有嚼勁，芝士湧出來。手作鵝肝雞翼 ($48)非常特別，原來鵝肝加上雞肉的口感不錯，令人很滿足。鹽燒白鱔 ($58)，簡單的調味，魚皮很脆，肉質鮮味彈牙，魚肉汁都鎖係肉入面，非常美味。明太子茶漬飯 ($68)茶漬飯呈三角形，面灑上木魚碎，加兩片粉紅色的明太子，配昆布湯，仲有白芝麻香，味道適中，食完好温暖。

雖家住鰂魚涌，卻真的很少於附近覓食，因午飯人多，放工後已回家，假日時食肆會開業的不多，除非是家人雅興到想試其中的餐廳。某日經過此處，弟弟就表示想一試這裡的串燒，今天難得能準時下班，便與他來這裡碰碰運氣，剛巧幸運地仍有位置，便即管試一試這裡的串燒。店內空間細小，其實頗為狹窄，店家善用店外位置，搭蓬擴充半戶外位置，能容納多一點客人。食物的款式還不少，所有串燒為1串起計，價錢有點略貴。先來一串厚切牛舌($52)。兩塊偏大和一塊細的牛舌，真的份量比預期的少。面上灑上一點黑椒粉，牛味尚算濃郁，亦頗香口，口感脆身，幸而味道挽回分數。日本蕃薯仔($18)有四粒，輕微燒烘，外皮微脆，蕃薯仔甜度十足，推介!鮮淮山($18)有三粒，塗上少許燒汁，表皮同樣微脆，吃下去是脆身爽口的，也不錯。內臟控的我們亦點了一串雞肝($28)，有五小粒，外脆內柔軟，肝味十足，醬汁甜甜地，燒得頗入味呢!點了一碗稻亭烏冬($48)墊墊胃，不出所料，小小的一碗烏冬，配料只有一塊冬菇，魚片，少量紫菜和洋蔥；普通清淡的烏冬，口感尚算彈牙，能暖上胃便可。鹽燒海蝦($28)一隻，鹹鹹的味道，沒有留下深刻印象。汁燒日本帆立貝($48)頗為不

最近愛上食串燒經友人推介今次就黎左酒肉朋友店內有唔少清酒選擇但本人唔太愛飲酒所以就淨係食串燒玉子燒好香蛋味而且唔太油膩薄牛舌 秋葵 串燒安格斯牛舌味道唔錯但稍嫌有少少韌安格斯無燒到好熟好重牛味 推介秋葵牛肉卷係我最鍾意食既秋葵配上肥牛別有一番風味燒芝士年糕芝士控必食煙煙韌韌上面仲有d芝士粉手作鵝肝雞翼雞翼燒得好香仍然保持到juicy既感覺汁燒日本帆立貝帆立貝好大隻而且個汁好好食銀雪魚好得意第一次咁樣食銀雪魚無惺味

店舖與太古坊相距不遠，店內有居酒屋氣氛。我們於平日下班時候來光顧，也是全店爆滿。$108任飲四款清酒,其中包括男山、黃櫻、淡麗，價錢很吸引。因為今天有點感冒，所以點了一杯西班牙100%菠蘿汁。果汁唔酸易入口。先來一碗稻庭烏冬，扁平的麵身口感絲滑。薄切牛舌頗爽口鹽燒豬頸肉吃起來脆脆的，唔乾有彈性。鹹香明太子釀滿雞翼中，惹味之選。燒腦天，即是呑拿魚額頭肉。一條呑拿魚只得兩片，每晚限量供應。小小一片的腦天軟身，魚味極濃。日式煎餃子夠肉汁，餃子皮薄脆口