酒肉·朋友 (已結業)

Lunch time同同事出到唻遲咗少少幾間食開嘅餐廳已經full哂既然係咁索性行遠少少試新嘢本身見到呢區咁旺呢個鐘數都冇咩人有少少猶豫不過諗一諗鰂魚涌最多就係伏與其食舊伏不如試新伏於是把心一橫就入咗去其實少人係因為佢有少少貴吉列豬扒飯$68牛舌飯$78鯖魚飯$78鰻魚飯$110個前菜普普通通食咗一啖咁我就嗌咗個鯖魚啦出乎意料地好燒得啱啱好香口又唔乾魚肉仲係嫩滑而且份量都幾大白飯雖然細碗但可以任裝唔收加一咁計又唔係太貴不過$68-$78選擇唔算太多唔知轉唔轉menu如果唔轉可能食多兩轉就夠

今日中午嘅時候突然落大雨，好彩我哋行快一步，入到餐廳 酒肉·朋友 Brothers Bar & Grill 先嚟料🌨⛈ 除咗 #小秘書 我有拎遮出嚟，其他人都無🌂，所以唯有拖得就拖... 慢活一吓。咁啱師傅出來漏咗個餐比我哋，大條道理慢慢坐😝我哋已經有一排無嚟 #酒肉朋友 食飯，不過餐牌都無咩變過，但係見佢生意就好咗好多，以往嘅笑容、客套說話都少咗，規矩亦突然變得嚴厲😌 老闆喺廚房大大聲叫出嚟，吩咐啲伙記要等齊人先比啲客入嚟（佢係咪話緊我哋呀...？）一於扮借咗聾耳陳對耳... 我聽佢唔到、聽佢唔到🤣 望勻成個餐牌，我都係揀返我個常餐 #竜田炸雞烏冬 🍜 正餐未嚟之前，店員先遞上 #麵豉湯+#前菜 #蘿蔔牛腩 比我哋開吓個胃，味道都ok吖😋 之後熱辣辣嘅 #炸雞 先上枱，口味同新鮮度比以往好，可惜烏冬湯底無咩味😅 要扣佢分呀！

翠玉約左個好耐無見既朋友 咁緊係想吹水吹耐啲 又唔想去cafe喎又想可以靜靜地 慢慢食慢慢飲見到「酒肉。朋友」呢個名幾過癮 於是諗都唔駛諗就決定食日本燒烤!玉子口感有與千層蛋糕，啖啖分明，配上日式燒汁，非常出色。明太子沙律：明太子不像其他店舖散落在沙律菜上，而是一粒一粒地配上沙律醬呈上，咀嚼時粒粒分明，非常有口感。芝士年糕: 大小剛好，一口咬下，熱騰騰的芝士從年糕流下，配上煙韌的年糕，甚為絕配，值得一試。羊架：肥瘦剛好，亦帶有羊甦味，不難咬開，出色之作。鵝肝雞翼：啖啖鵝肝，加上每次串燒必點的雞翼，一拍即合，不能不試。三文魚茶漬飯：好好好好好食，個茶又唔會遮哂啲飯同三文魚味喎，同朋友爭住一人一啖。

放工同同事去食飯，呢間日式居酒屋喺地鐵站隔離，夠方便。餐廳一眼望曬，幾迷你。牆邊貼滿好多懷舊卡通海報，勾起大家唔少童年回憶呢！另外仲有一間房，人多都坐得曬。居酒屋點少得酒，點菜紙選擇都唔少，我地叫了好幾樣都幾好食。串燒安格斯$45份量雖然不算多，但肉質彈牙，味道夠，正！秋葵$15秋葵燒得岩岩好，不會太乾。厚切牛舌$52牛舌燒得啱啱好，好厚身，醃得幾入味，入口好爽脆。燒冬菇就乾左D，如果濕潤D更好食！鮮肶菇不過不失。鹽燒豬頸肉$24呢款豬頸肉比較厚身，肉質比較韌，同我地平時食一片片既唔同，但別有一番風味。鴨舌$25吮鴨舌都幾過癮，d肉不算多，但幾入味。手作明太子雞翼$38有D失望，出面好脆，但入面好乾，有d失手。鹽燒白鱔$58白鱔肉粒比較瘦小，食落唔夠喉。鮮淮山$18燒蔬菜又健康又好食，烤鮮淮山爽脆無比，好似食緊青蘋果。▪️感覺好似真係係日本居酒屋咁，因為細細間幾溫馨，如果多D客人就更加有氣氛啦。

話說前幾天試過港式風味串燒，今晚吃日式串燒，日式串燒多數以鹽調味，串燒款式較多是雞的內藏，多數以日式食材入饌，例如明太子、日式芝士等。這家餐廳是我第二次光顧，店鋪的座位不多，但環境寧靜。店員提及現在廚房師傅不夠，當晚供應串燒為主，想不到現在飲食業聘請員工那麼困難！這裡的串燒款式不少，除了牛、豬和雞肉串燒，還有海鮮和蔬菜，蔬菜的款式還不少呢！⭐️燒芝士年糕$38/2件芝士年糕胖胖的，小巧可愛！年糕外皮很酥脆，咬一口，軟軟糯糯，軟滑煙韌，還有熱騰騰的芝士湧出來，吃得不小心，很容易燙著嘴呢！芝士味較輕盈，味美而不膩。⭐️串燒鰻魚$42鰻魚很肥美，烤得焦香，刷上醬汁油光閃閃，再灑上芝麻，令人食指大動。輕輕一挾，魚肉嫩滑，入口無骨，柔嫩得入口即化。美中不足是醬汁有點鹹，吃完之後比較口渴。⭐️蘆筍豚肉卷$28/串薄薄的豬肉烤得香氣迷人，包裹著蘆筍，送入口，蘆筍爽脆多汁，中和了豬肉的油膩感。▪️日式串燒很符合我的口味，食材相對鮮美，不俗。

$108任飲清酒，真係好抵！螢光魷魚$38，味度濃郁，口感一流，亦適合伴酒蟹蓋沙律$78，好飽滿既蟹膏，既香濃又鮮甜，配搭梳打餅一齊食，係唔錯既選擇。串燒安格斯，秋葵，淮山牛肉味濃，又夠淋，肉質鮮嫩。唔係間間串燒店都有淮山，好爽脆，無揀錯！露荀豚肉卷，豬肉片包住露荀，豬肉燒得剛剛好，唔錯既配搭！魷魚鬚，紫蘇葉雞皮蝦卷每啖都蝦肉，滲透出紫蘇既香味，同埋燒得脆脆雞皮～免治雞肉軟骨棒，雞翼，鹽燒白鱔厚切牛舌，呢個係每蓬食串燒既必點項目，好味！花魚一夜干，經過一夜干處理，肉質較為結實，再配上醬汁，添d檸檬汁，更好味。

食串燒唔駛擇日 想食就去食!星期六晚係港島區個頭 見唔駛等位就入去左「酒肉。朋友」燒芝士年糕佢係麻糬質地，咬落去就有流心芝士羊架平時都唔多會嗌黎食，但朋友想試下。食一啖!呀! 又幾出色喎 唔會太重口味玉子燒我次次食串燒都必嗌，好鬆軟，同啲醬配埋一齊，一流吖明太子沙律佢啲明太子cube size 好好咬 好有口感 蒲燒鰻魚：皮好爽，好大舊，汁好味!手作鵝肝雞翼無諗到鵝肝同雞翼又夾喎，有驚喜!免治雞肉軟骨棒無諗到佢上面有芝麻麻醬，啲肉岩岩好，唔會太熟太硬!最後唔多夠飽 仲嗌左個稻庭烏冬，天氣咁熱，緊係食冷烏冬呢到既鋪位好近地鐵站 一出轉左就見到!又唔駛等位下次再同朋友黎慢慢坐慢慢食 同埋都想試下佢個清酒 : )

一段時間無食燒烤野lu，「酒肉.朋友」個名好吸引，引誘左我今晚過黎食串燒🤓。門既牆身好多懷舊卡通海報，令人滿懷回憶。🐟銀雪魚乾 $38烤得香脆，連埋蛋黃醬一齊食，非常滋味既一道「零食」。🍢黃芥末雞肉串 $20雞肉嫩滑，看似醬汁好多，但係落就覺得剛剛好。🍢日本雞腎 $28切到一粒粒，非常彈牙。🍢紫蘇葉雞皮蝦卷 $38呢個絕對係我既至愛，外層雞皮烤到超級脆，中層用帶有獨特香味既紫蘇葉包住彈牙有鮮味既鮮蝦，十分好味道，一串唔夠喉丫。🦐鹽燒海蝦 $25海蝦好大隻，外殻十分脆，鹽味提鮮。🌽粟米 $32真係好耐無食燒粟米啦，擺碟吸引，帶有濃濃牛油味。🍢鮮淮山 $18切到好似棋子甘，外面焦香，帶微脆，好味。🍢本菇牛肉卷 $30本菇同牛肉好夾，牛肉味濃，肉質鮮嫩，並且帶有菇香味。🍢鮮味魷魚鬚 $38呢個同平時出面食過既魷魚鬚唔同，除左唔乾身外，多一份彈牙感。🍢厚切牛舌 $52牛味濃，厚切關係，更加鎖住肉汁。🍢燒芝士年糕 $38炸年糕就見得多，但如果未食過燒就一定要試下，烤得非常好，入口綿綿既感覺，咬開暖流既芝士湧出，絕不能錯過，必食。整體價錢黎講唔算話平，但質素的確有水準，特別係紫蘇葉雞皮蝦卷同燒芝士

好久沒有食串燒，想起香口的串燒，便來到曾經光顧過的酒肉朋友。翠玉瓜多汁，不會乾淨淨，清甜。本菇牛肉卷，金菇卷吃得多，沒想到本菇卷也相當搭配，牛中帶爽口口感，好味道。明太子茶漬飯，明太子香口，加上芝麻海苔，清爽又有飽肚感。厚牛舌，好味道，口感軟而不淋。雞軟骨，燒得香口日式芝士雞翼，因為已去骨啖啖肉，還有濃濃芝士味燒白鱔，這是必點的，燒得有點帶脆的口感，但還是嫩而多汁，惹味之選牛肋條相比起來就比較普通反而芝士年糕有驚喜，沒想到不是炸而是燒的，一點也不油膩，芝士味道不錯。

今日係鰂魚涌放工，想搵間餐廳食下野，吹下水。去到芬尼街見到酒肉兄弟，就決定入去試下啦。飲酒嘅朋友啱晒喇，呢度＄108無限時任飲4款清酒，想傾幾耐都得。同朋友可以一邊食串燒，一邊飲酒傾計。入到去餐廳，空間細細，但係都幾多座位。裝潢好似日本嘅居酒屋咁，幾有日本特色。今次我哋就冇任飲清酒，淨係食咗串燒，但係水準都唔錯。我哋食咗魷魚、鹽燒牛柳、厚燒牛舌、烤大魷魚、芝士年糕、日本雞腎、鹽燒海蝦、日式芝士雞翼等等。魷魚超級爽口咸香十足。鹽燒牛柳，啲肉粒好有牛味，肉質鮮嫩，調味料令啲牛味更加突出。厚燒牛舌非常有口感，大大舊，值得一讚。芝士年糕超級煙韌，亦都好重芝士味，煙韌控必試！日本雞腎非常爽口，細細粒，唔會太膩。鹽燒海蝦超大隻，鍾意食蝦嘅話一定要試下！最特別嘅係芝士雞翼，雞翼入邊有芝士心，唔係周圍都有得食架！下次想約三五知己一齊食下野，傾下計，酒肉兄弟都係一個唔錯嘅選擇嚟㗎！

真係因為店名先至唻試，好細間鋪，但坐得唔迫，服務好細心，舒服，幾乎以為自己係貴賓，我預咗散叫要每位$400先至夠飽，點知埋單只係每人$330，仲有一set 六枝青島只係$148，真係好食得好開心。帶子剌身，沙律都好味。燒到剛剛熟，竟然仲好冧，有肉汁，黑椒香草味，有再番叫多一串，正。我一向唔鐘意食雞泡魚干，因為覺得又乾又硬，竟然呢碟係香軟有汁，我要對雞泡魚干改觀。蜆冇沙，湯鮮甜，海帶味好濃，我飲哂。燒白鱔，沖濃但唔鹹，食多串都得。鵝肝雞翼，真係肉嫩，鵝肝味濃，食一隻真係唔夠。$58一件，落單之前真係有啲肉赤，但食完真係覺得值，肉厚，完全冇羊味羶，大滿足，值$58。

女朋友又要ot喇等埋佢放工都成8點3，係附近搵野食，呢到啲餐廳都好早收，遠處見到呢到有間日式野有光，就去睇下。見到呢間小店滿曬座入去試下佢！原來呢到有做任飲清酒4款！但我地冇試到，淨係叫左串燒同野飲！燒芝士年糕：佢最好味既面頭啲芝士粉，跟住表皮係乾同小小脆既麻薯質地，咬落去就有流心芝士豬頸肉有4粒，鹽味好香，加上豬頸肉既油香，非常好味脆玉瓜我好鐘意食脆玉瓜架，燒香左仲正，自己加左啲七味粉銀雪魚係鰻魚既汁，放落雪魚到，又係另一番風味，魚質唔錯芝士雞翼：好大隻，一咬就爆芝士，好熱辣辣，好正！燒鰻魚：皮好爽，好大舊，汁好味雞軟骨：好香鹽燒味，粒粒爽口，串燒必點！厚切牛舌：最正係呢個，諗起都回味，有係日式燒肉店既質素日本小番薯：燒得岩岩好，好甜好粉最後整番碗熱既讚岐烏冬埋尾，兩個人食左約$400

酒肉朋友....花天酒地，知心好友....談天説地！但如果能合二為一，可以和知心好友一起大吃大喝，天南地北的𣈱談就是最美好的時光了。要找一個合適的地方，既可以無拘無束，又可大吃大喝，這間名為酒肉.朋友的居酒屋就正合我心意。三文魚茶漬飯 （$68）👍👍👍茶漬飯的茶湯味較鹹，茶的香味如果能夠濃一點就更能突出茶漬飯的特點。花魚一夜干 （$188）👍👍👍👍👍這條花魚一夜干，肉質嫩滑，仍能保持魚肉的鮮味和肉汁。一夜干的味道比新鮮魚更多層次，既有新鮮魚肉的嫩滑質感，卻又帶點鹹鮮的味道，口感和味道都能夠帶出魚的鮮甜，令人一試難忘！雞軟骨（$20）黃芥末雞肉串（$20）👍👍👍👍👍雞軟骨 - 這串雞軟骨的調味恰到好處，雞軟骨爽脆又帶點燒至甘香的脂肪，佐酒或淨食佳宜。黃芥末雞肉串 - 把燒好的雞肉串數上黃芥末，少許嗆鼻和辛辣的黃芥末令雞肉串的味道更惹味，刺激一下味蕾更令人食慾大增，喜歡吃黃芥末的朋友，一定要點。薄牛舌（$28）鹽燒牛柳（$32）翠玉瓜（$15）👍👍👍👍👍薄牛舌 - 薄燒牛舌的時間掌控剛剛好，外面燒至微焦，但內面仍保持嫩滑多汁，口感爽彈。鹽燒牛柳 - 牛柳燒至五成熟，外面甘香，裏面的肉汁仍緊

鰂魚涌附近十分多商業大廈，食肆也越開越多。相對其他區域，這裡的餐廳更富有特色，朋友介紹下，放工後在她工作的地方附近，一起緬懷到日本旅行的時光。細小的串燒店，位於芬尼街小巷之內，取名酒肉·朋友，正正亦是我與友人的寫照。串燒價錢以每一串計算，選擇也挺多。除此之外，還有一品料理、烏冬和漬飯等。所謂酒肉朋友，又怎能缺少酒品，最吸引的莫過於清酒任飲，價錢也只需$108。可惜大家明天也要上班，不然一定大吃大喝一頓。串燒方面，上菜時間偏慢，可是吃過以後就會更清楚什麼是慢功出細貨。先吃的是厚切牛舌($52@)，第一樣食物已經美味非常。一串厚切牛舌有三大件，每件約1cm厚。外層烤得香脆，又十分軟嫩，牛舌燒過後仍然juicy。分別叫了一份手作明太子雞翼($38)和一份燒雞翼($25)。雞翼漲卜卜，入面釀滿明太子，鹹香美味。至於燒雞翼，雞皮香脆惹味，也不會被比下去。喜愛鰻魚類的我倆，當然點了鹽燒白鱔($58)和串燒鰻魚($42)。兩者各有特色，白鱔外皮香脆，肥美厚實的肉質仍保留少許油脂，烤得恰到好處，鹽燒已能帶出其鮮味。至於串燒鰻魚，啖啖肉，沒有刺，蒲燒汁也非常惹味。鹽麴帶子($48)。鹽麴是日本十分普遍的

芬尼街呢一間嘅酒肉朋友，主要好似居酒屋咁， 提供日式小食，烤物串燒等等，不過午餐除咗呢啲，都有幾多選擇。就例如有吉列豬扒定食，生薑豚肉燒等等。豬扒都幾大塊， 不過炸得唔錯，唔會好厚粉，但係我就比較鍾意食佢個沙律，因為好多菜好健康，加埋我最愛嘅芝麻醬，非常好味。而生薑豚肉燒就幾好餸飯，因為都幾多汁。 但就有少少鹹，如果唔係咁濃味就好啲。而且定食亦都會配上野飲， 同埋湯，仲有前菜， 70蚊到九十蚊不等，ok啦。