酒窩甜品 (已結業)

我勁鍾意食原味乳酪，嗰陣獨有嘅酸味是如此的難以忘記🎵。不過出去食乳酪一係好細杯，一係好貴，今次終於俾我遇到呢個抵食又足料嘅乳酪杯！☝🏻自選乳酪杯 (可選2款生果+1款配料)原味乳酪填滿大半個杯，中間舖咗一層無糖粟米片，最頂加咗自選生果，自選配料就放喺另一個碗仔到。奇異果係膽嚟嘅，對佢敏感嘅朋友仔落單時記得提店員“走奇異果🥝”呀。生果夠新鮮夠甜，配埋微甜乳酪味道啱啱好。脆脆粟米片亦令成杯軟綿綿嘅甜品口感豐富咗。不過我揀嘅小丸子同乳酪唔多夾，下次試下揀黑糯米呢類有咬口嘅配料，效果應該會好啲🤔。想食嘅朋友仔記得晚餐要留肚呢！個人認為女仔食可以當半餐飯🤰🏻。

彈性上班時間， 返早返早， 好處係可以六點前就食晚飯。 近排疫情影響， 冇地方可以gathering, 就同朋友染上咗健行呢個習慣。 去邊度食飯都好， 食完都會行一大段路（或返屋企）， 今日想行下吐露港單車徑， 兩條友就去咗大埔食譚仔， 食完就行返屋企。 食完譚仔見時間尚早， 就食多個甜品先出發。 呢間甜品屋叫「酒窩甜品」， 佢個logo同滿記好似。 個menu有好多選擇， 而蛋糕望落去份量亦都唔小。 望到兩望就決定叫鮮果乳酪杯配芋圓同埋小丸子。 個人認為乳酪配芋圓小丸子係唔夾嘅， 但鮮果分量算多， 但唔夠甜， 攪到個乳酪篇酸。 下次會試下佢嘅蛋糕！

搬左黎大埔一排先發覺，依度附近都真係幾多好野食。平時晚晚經過依間糖水舖都好多人排隊。見佢有好多小蛋糕賣，一於外賣幾個返屋企同屋企人開心 share 下朱古力榛子蛋糕（$38）朱古力味幾濃，但都唔漏，入面既海綿蛋糕好鬆軟，朱古力迷必食。海鹽蛋糕（$38）淡淡嘅海鹽味，不過不失啦。朱古力千層蛋糕（$42）朱古力味幾濃，cream都幾滑，唯千層皮有少少乾身。藍莓Oreo蛋糕($38)冇諗過酸酸甜甜嘅藍莓加上Oreo，原來都幾夾嫁woo.加上蛋糕中間有藍莓果醬，令到成個蛋糕更清新👍🏻👍🏻

要一個紅絲絨蛋糕，餐廳職員話等一陣，要即刻砌🤔。好，等左陣。之後拎蛋糕出嚟，話要小心d拎，個底盤有d ‘線‘ 。。叫我小心d拎。🙄根本砌到歪哂。行番屋企2-3分鐘，已經好好好小心拎，都已經歪哂。 $39好平，但都唔值。至於味道，無咩特別。

見樓下新開甜品店，諗住外賣糖水試下。諗住實唔易中伏所以叫左啲熱食甜品，其中一兜係盛惠$36的雪梨燉桃膠，行左五分鐘都冇就返屋企諗住開餐。一打開試上口發現啲雪梨係凍既同酸既，完全就係即切即擲落去既，根本就唔係menu所講既燉桃膠。桃膠仲差，成兜野又淡又酸又超級微溫，唔知仲以為叫左凍食，就算明知8成熱糖水係微波加熱但呢間都真係超級冇誠意，試落口凍到忍唔住要自己再加熱先食得落口！未食過咁唔抵食又咁難食既甜品，冇諗過新開既但質素已經咁差，難食到忍唔住要出post，呢間野真係可一不可再！！！

偶爾經過翠怡, 正想吃一點甜品解悶, 盲中中俾本menu 吸引入左去, 叫了一件千層芒果蛋糕🍰 , 果然不負期望, 千層皮不太甜, 但芒果就很清甜, 自己吃哂整件也不覺膩, 從年青店員談話中估是年青人創業，勇於嘗試, 不怕辛苦, 小店我支持你們💪🏽

大埔太和有新甜品勢力掘起，終於打破甜食沙漠的魔咒，嗚嗚，身為大埔友好開心。主打玩味十足的類分子料理甜點，以漂亮特效滿足客人的眼睛，同時味道也不錯，太牛迫啦。更有預告着，推出3款玩味滿滿的甜品，再過一陣子，就可以來嚐嚐羅。熔岩富士山 ($62)朱古力慕思小火山，跟相有出入喔，配上了新鮮的草莓汁，看來應該是自家制的吧，灑汁時湧出白煙，非常好玩。自選乳酪杯 ($35)選了草莓和紅肉火龍果，果肉新鮮香甜，中間有粟米片，配乳酪就是又好吃又健康唄。

新開張，係附近。行開就去試下啦。價錢偏貴，份量又少。食完好似無食過咁。d 冰粒係大大舊（未溶解）便拿出來給客戶比較難接受。芒果用台灣品種，真心失望。芋圓10粒都無。d 奶又唔係選用日本。要賺錢都唔應該賺得咁盡。感覺唔到店鋪的用心對待食物。裝修店鋪用白色和扮雲石的牆身比整潔的感覺。賣相同圖有80%相似，好合適港女去打卡。但我唔會再去食，我連相都無影。因為份量太少唔值得幫店鋪影到大大份咁。我會寧願行遠一點去許x山食。

同女朋友食完晚餐行去太和火車站嘅路上，見到翠怡樓下有一間新嘅糖水舖，店面個設計都幾靚仔，咁今晚都好熱下，於是就同女朋友行左入去。店舖係行白色小清新裝修，十分舒適，特別一提係佢地餐牌嘅設計，裡面嘅相都影的好靚。嘢食方面，我就選擇左「小丸紫」，女朋友就叫左一個「乳酪水果杯」。小丸紫顧名思義就係紫米露加小丸子，紫米味道很好，食得出係用心煲嘅，仲有好多椰奶淋係面，再放上小丸子，搭配北歐風格的餐具，賣相非常精緻，可惜我冇影到相。乳酪水果杯就有影到相啦，哩個甜品可以自己選擇兩種水果同一個配料，我女朋友就選左西瓜，士多啤梨，同小丸子。咁個乳酪杯入面仲有玉米片，將所有野一起一口食，感覺好爽！間店舖新嘅，老闆娘乜都親力親為，今日都見佢冇停過咁，係買單個陣同老闆娘傾左幾句，原來佢地通常都係做到冇客先收，大家唔係擔心太夜食唔嘅。(P.S. 老闆娘好靚女!!!!!!!!!! )

話說同屋企人食飯，行經太和消防局對面，見到喱間「酒窩甜品」，立馬入去，點知十分歡喜鋪頭應該岩岩裝修完，好似未完全整好，但店舖簡潔，以白色為主，坐位格局蝕左少少，擺唔到好多張枱，同埋地方逼少少。正題唔記得咩名佢係好似小籠包咁上，但因為低下有乾冰既，所以會一路出煙，入面係芒果雪糕、cream，再加啲唔知咩但唔會得個死凍，係舒服既涼而且味道好味芝麻糊佢有少量中式糖水，喱個味道正常，不過不失紅絨絲蛋糕店鋪係甜品鋪，但佢有不少迷你蛋糕所以超吸引，而且唔係得個樣，雖然佢係海棉蛋糕，但唔係超軟身、好冧果隻，比較實身，味道好味推介，樣靚、味道正，佢仲有個芒果流心蛋糕自選配搭乳酪佢係生果揀兩款、配料揀一款，正常平時食開既生果都有得揀，而配料就有芋圓隻乳酪係好似係便利店買果啲啜啜乳酪咁，好味本人超喜歡火山爆發將啲紅色既汁，唔知咩汁倒落個山中間，會不停出煙，真係好似火山爆發咁，大家見到都比佢吸引