道頓堀御好燒專門店 (朗豪坊) (已結業)

呢間鐵板燒價錢親民又抵食！佢既放題選擇其實都好多一定食得飽 因為佢既時間都夠大家整好多底大板燒 上菜上得快 食材都新鮮可以加既配菜都多 有年糕、泡菜、蛋等等亦都有肉類可以任叫👹例如豬頸肉、五花腩、雞翼等等 🥓🥩🍗仲可以加埋落去個大板燒入面 更香口好味！指引簡單易明 唔會好易失敗😳相信整完一定可以好滿足地食🤤抱住一邊玩煮野食既心態 其實已經好夠做🥳整體上呢個放題好抵食值得再翻卓😎

從未試過自己整自己食，聽朋友講過這間餐廳好特別，好好玩，專程過來一試。一走入去，已有職員作詳細介紹。大约明白後，我們就分工合作，一個人看製作美味御好燒的方法，一個研究調味料，一個研究點什麼食物。最後我們點了一個文字燒和一個廣島燒，但我們都是第一次，不知怎樣煮，只好一起研究。餸菜來了，我們又分工合作，分別負責讀指示、拍照及煮，以為會好成功，怎知煮出來的賣相同照片有很大差別，不美觀。煮完後，我們把製成品分來吃，雖然賣相一般，但覺得很美味，可能是因為食物都是我們合作努力的成果。我們覺得很好玩，也覺得很有特色，下次會再來玩。

道頓堀御好燒專門店Okonomiyaki Dohtonbori 一聽到呢個名我就諗地大阪既美食啦！本身好鐘意食大阪燒既我今次挑戰一下DIY大阪燒🔥睇落都似模似樣嫁！其實一d都唔難🤣因為店家一早幫你準備好哂所有材料我地只係負責煮既部分～套餐可以整哂大阪燒&廣島燒嫁～真係過足哂手癮，最後沙律醬拉花見就見得多啦自己拉都真你第一次又有得玩又有得食！一舉兩得～P.S.用唔哂既粉醬用來整個mini版練習下🤣乂家真係要來試試！

同男朋友第一次黎食，好好玩🤣 係咁驚唔夠時間整完再食😂 所以整完一樣急急腳又整第二樣😂但其實好夠時間架，我地唔太識煮野食，又第一次黎講都好夠時間，下次應該慢慢enjoy下啦😂

餐廳設有最低消費，三歲以下小朋友唔使，同埋有用餐時限，但其實要自己燒嘢食，有用餐時限唔係咁好，好似好趕住要燒。叫咗個豬肉雞肉炒麵餐，本身已經有燒烤說明書，照住做就可以，我哋炒咗啲芽菜先，跟住再落面，啲肉類就分開煮，兩樣都差唔多熟嘅時候就撈埋一齊，我覺得個醬汁比得唔夠多。豬肉比較薄身，好快就煎好，今次脂肪比例多咗啲，雞肉冇調味，本身雞嘅鮮味都有，如果落埋醬汁一齊煮就更加入味。不過自己炒出黎又真係幾好玩，啲嘢食即煮即食，味道更加一流。

今次食放題 嗯 好容易就好飽 瘋狂叫左好多豬肉 佢隻杏鮑菇比到我意外嘅驚喜 真系幾好食 其實放題黎講 都算幾貴 食最平個放題都要每人230 埋單 仲要冇得食牛肉 不過食物方面都對得住個價錢

和朋友不知道吃什麼，就隨便找了這家，一直都想試試自製大阪燒，看起來很複雜，實則竟然不算好難，有點像變大版的章魚小丸子，味道不錯，燒烤醬喝沙拉醬桌子上都有，還要燒烤，蝦算是新鮮，豬排雞排味道也都不錯，買單兩人套餐可以三個人吃飽，才400多

呢間餐廳每次行朗豪坊都經過，今日終於去食喇。呢到主要食鐵板燒，有得揀放題既。不過聽友人講放題唔抵食，散點已經足夠。我地人唔係大食，點咗個兩人套餐，有一份前菜沙律配煙肉，一碟牛，一碟蝦，大板燒加炒麵，兩杯飲品加甜品。份量本身已經好多，加上澱粉質為主，所以三個人絕對夠食。煙肉煎幾秒就可以，之後夾埋沙律一齊食。麵包粒夠脆，味道OK。牛肉口感唔錯，但醬汁頗為濃味。蝦好大隻，味道正正常常，都多膏。主角大板燒係我最期待既。材料份量都非常多。枱上有製作教學，不過對於唔煮開飯既我地，開頭都有啲束手無策，製作過程極度懷疑做法是否正確🤣。似模似樣。炒麵教學紙板上冇提及，不過材料同大板燒大致相同，所以用同一方法煮又好似煮得唔錯。不過枱上 醬料指示不清晰。要估邊隻醬汁配塔合適。跟餐雪糕轉芭菲要每客加$10。cream普通，又唔夠凍，冇咩特別，唔轉都冇損失。整體都ok, 有得玩又有得食，是不錯的體驗。唯一挑剔，我地位個抽氣扇唔知冇開定壞，去到後期先發現所以冇問。 雖然每枱都有獨立抽氣扇，不過店內鐵板味道都幾大。

好耐無出去食自助餐,睇相 見到環境食物都ok.即管去試一試, 怎知...😤😡😫初初入場帶位, 都好正常, 有禮貌.地方清潔寬敞,👍之後間始到野食,第一次, 唔知食乜, 樣樣叫D,上菜時, 侍應只放下即走, 完全沒有講什麼來的菜,都算吧, 自己估下, 自己煮吧.當食食下, 有D碗碟已食完,下一碟菜到時, 沒有理我的枱上可收的碗碟, 照樣放下即走,叫他也沒回應.😤想叫其他侍應,四週也沒有.要再等一下個上菜的侍應才收下；想要水都好難, 望四週侍應消失了,😤要上菜時有機會見人.😫沒有人主動看顧客需要.想問下有什麼菜未到,竟然話已經出晒, 沒有單, 因我知還有很多點了仍未到, 叫侍應拿張單來對, 竟然叫我們寫過吧.就當一次意外, 算吧,樣知第二張也是好多食物點了也沒有,侍應知對我說就“夠時間”,😡🤬想要咩照講吧.完全沒有講“唔好意思” 之說話,😡總之：-這個店的食物是ok, 生鮮,👍可惜服務態度,👎不會想再來.😖

當我地舉手落單嘅時候，佢哋一字排開喺度吹水都扮睇唔到，大聲嗌佢哋，佢哋都唔理你，最後落單落多幾份肉，諗住枱面仲有兩份御好燒未整，仲有得食多陣，點知得勁少肉，落單嗌御好燒佢下面有欄可以嗌配料我哋三樣都有嗌，但係最後嚟咗嘅剩係得雞蛋。下次都唔再嚟食

​之前去過尖沙咀分店店員好好 會主動教我地整​雖然有教學manu 但係店員都會埋黎幫手​但係朗豪坊分店嘅服務態度一般當我地好疑惑有困難嘅時候見到有幾個員工一字排開企係到無野做都唔主動幫手...​我地嗌左道頓堀特選御好燒 而manu上係無教隻蛋點整... ​然後問個staff話呢個餐有啲特別 隻蛋可以選擇自己煎黎食🤷🏻‍♀️真係wtf​​另外個抽煙機十分差❗️隔離枱係可以將個抽煙管拉落吸煙 我地果個係壞嘅 搞到我地食晒煙🤦🏻‍♀️​明明大把吉枱都比張壞既我地🤷🏻‍♀️​​旺角分店真係以後都唔會去​呢間野基本上好唔好味係睇自己煮成點😂​同埋張單係無顯示我點左咩野食得價錢.....​*人均消費$100up​

個日同朋友行MK, 想話搵個靚cafe坐下，但係周圍都好多人排緊><, 所以最後去langham覓食..見到呢間大阪燒店人少少，就入左去，因為都餓到炆炆地lol 門口冇人，要行到好入先見到有staff, 佢地都好忙收拾，感覺好似唔太夠人手咁..不過staff嘅態度都ok只係戥佢地辛苦><同朋友點左廣島雜錦，大大塊嘅魷魚片都幾特別 跟住佢張教學紙，try our best啦！啲海鮮就略嫌有啲唔新鮮有味...都有啲似樣嘅right其實重點係啲mayonnaise 係幾好玩嘅~~ 之後仲點左個「富士山」，但太急忙handle都冇影到相，仲要重點係佢mt. muji呢個名只係停留係佢仲係未煮嘅時候....煮完只是一pat野lol 然後唧埋啲醬，其實啲味都差唔多..兩個女仔最後都食唔晒要打包。下次或者多d人，或者可以再試~~ btw, 我地食完冇事，所以啲海鮮係冇問題嘅，只係可能擺耐左..up住.....下次揀晚上去食佢turnover快啲，或者好啲..

去唔到日本，又想感受下日本嘅美食，所以選擇咗道頓堀御好燒！所謂自己嘢食自己整，大阪燒自己整！食得又玩得，經過朗豪坊諗唔到食咩，咁啱平日又放假，唔洗等又有優惠，基於平日夜晚等唔到，所以今次就直接入咗呢間「道頓堀御好燒」！睇睇個menu，計一計，雖然有優惠，但都係唔係特別平，平均一個大阪燒都差唔多HKD90，所以最後揀咗放題嚟食！我哋就揀咗HKD198嗰個放題嚟食，入邊包咗30幾款唔同嘅菜式，有燒肉、有唔同嘅大阪燒、文字燒，放題當然要食哂佢地嘅！但好唔好食就真係睇整嗰個人嘅手勢！整體嚟講，感覺唔錯，平日食放題有優惠又唔洗等，好過夜晚要排餐死！

慕名而來大阪燒這間專門店，中午人很少環境相當舒適，兩人已經可以安排卡座。Lunchset選擇多, 亦都可以選擇放題, 但是發現不懂怎樣燒，因此簡單選擇了鐵板燒套餐。HKD88的厚切牛肋肉有驚喜，兩塊牛肋肉對一個人來說都算多，汁多肉嫩，不需要額外醬汁都已經好好食，再配有胡麻沙律和飲品都算抵食。我們額外+15HKD追加了草莓芭菲，都非常好食，回味無窮。 Staff亦都非常耐心幫我們切牛肉，希望下次可以學會怎樣燒

整體食物質素只算合格。而生肉的質素及外觀更是一般般，若喜歡食自家燒日本薄餅系列，選擇確多，但其實入口都係同一樣味，冇特別。平日，非繁忙時間，人客不多，只得一兩枱食客。和閨密傾下計，在旺角區，坐得舒服，都算是一個不錯的選擇。