道頓堀御好燒專門店 (朗豪坊) (已結業)

餐廳設有最低消費，三歲以下小朋友唔使，同埋有用餐時限，但其實要自己燒嘢食，有用餐時限唔係咁好，好似好趕住要燒。叫咗個豬肉雞肉炒麵餐，本身已經有燒烤說明書，照住做就可以，我哋炒咗啲芽菜先，跟住再落面，啲肉類就分開煮，兩樣都差唔多熟嘅時候就撈埋一齊，我覺得個醬汁比得唔夠多。豬肉比較薄身，好快就煎好，今次脂肪比例多咗啲，雞肉冇調味，本身雞嘅鮮味都有，如果落埋醬汁一齊煮就更加入味。不過自己炒出黎又真係幾好玩，啲嘢食即煮即食，味道更加一流。