道生麵館

營業中

休息中

本人好鍾意食清湯腩，好鍾意周圍去試吓，但成個香港島都搵唔到好正嘅牛腩店，最後終於搵到道生！佢真係可以同旺角傳承媲美！不過真係要排好耐隊，今日我11點10分已經到咗，前面已經有人排隊，明明上午11:30先開門，點解可以咁早嘅呢？為咗食好嘢，冇辦法！排咗半個鐘，終於入到去食到，崩沙腩應該得好少碗，真係要好早去先有機會食到，入到去已經話冇晒！最後唯有食爽腩，不過一樣驚喜！碗牛腩真係用新鮮牛肉，完全食得出！而且湯底比較淡，肯定冇加味精！所以見到好多人都話要加腩汁，但我就唔同意，嚟到就係想食原汁原味！睇吓碗牛腩真係靚到呢！所以話港島區佢真係可以話係第一！去到九龍同新界就唔敢包！而且佢啲牛肉係啱啱好，唔會太腍，而且好有咬口，又唔會過韌！值得一提，佢嘅煎雞扒都好好食！真係去到現場先煎，去到都可以試埋！

全店得一個上年紀既樓面應付排隊，樓面，聽電話，寫單入機，外賣，咩都無系統，落個外賣單， 其實只要5秒，但單間野要等10分鐘先落到，吾等得千奇吾好嚟，先後次序完全冇系統。 亞婆年紀大， 吾摧得 ， 問佢得未， 佢答你未， 佢要做好寫哂樓面每一張枱，先得間幫你寫外賣， 間野幾好食都好， 做野咁亂一定得失客，何況香港人吾等得，咩都要快，要生存，咁既速度效率得服務，堅吾得。

今期興食牛腩，又見到人哋介紹話呢間好食。星期日 早上11:20 到，門口已見長長的人龍，已經預計崩沙腩無望。11:30 左右開門，入邊唔夠20個位，已經一次坐滿。好彩都叫做第一輪入到。11:40左右落單，已經知道崩沙腩賣晒，唯有改食坑腩。等等等等等… … 等到12:20 先有人同我哋講，啲牛腩未夠火候。🙄吓，我等咗差唔多40分鐘，你先同我講未煮好？我忍，當你細鋪慢工出細貨。又再等等等等等 … … 由落單開始，等咗成粒鐘。12:42 分碗粉先到。諗住你啲牛腩會驚為天人，牛腩質素不過不失，點知道有幾舊咬唔開😒 ，除咗個湯底係冇味精👍🏼碗粉其實同出邊啲清湯腩分別不大，我完全感覺自己喺度浪費生命。食唔夠5分鐘，就叫我轉位，話出邊啲人等咗好耐，褪啲位出嚟俾佢哋！ 你估我想喺度座咁耐，你碗粉一早到，我一早食完就埋單走🤬成碗粉唔夠10分鐘就食完，埋單走😡總結：食物冇特別，非常差嘅體驗，冇下次

今日11:50到，已有人龍。等了5分鐘，店員出來說已沒崩沙腩和坑腩，開門25分鐘巳沽清。後來在店內，店員說每天只有10份。他們備貨太少了。崩沙腩可以理解，但坑腩是很普遍的，一隻牛可供很多的。等到12:40才有位，但下了單也要到1:15才有得食。牛腩是新鮮和靚的，但湯頭一般。湯麵舖要等那麽久，運作有問題。已開了一段時間也沒改善。怕這店也做不長久。幾拾一碗粉，要等30分鐘才出貨。翻枱慢，看人手也最少有4個。如何夠本但日後客少了才作改善，恐怕也太遲了

《令人失望的道生面馆》 近日，我在道生面馆的用餐体验极差，让我不得不一吐为快。 首先，这家面馆完全不听顾客的意见。当我善意地提出一些关于菜品口味和服务的建议时，工作人员不仅没有虚心接受，甚至表现出一副满不在乎的态度，这让我感到自己的声音被无情地忽视。 其次，他们连电话也不听。我曾试图通过电话提前预定菜品或者咨询相关信息，然而电话那头始终无人接听，这给我的安排带来了极大的不便。 最让人气愤的是，下午三点去的时候，居然连牛腩都没有了。作为一家面馆，连基本的食材供应都不能保证，这实在是难以理解。 而当我向他们投诉这些问题时，他们接受投诉的态度依旧没有任何改变，依旧冷漠、依旧无视，仿佛顾客的感受对他们来说毫无意义。 总之，道生面馆在服务和经营管理方面存在着诸多严重的问题，如果不能及时改进，恐怕会失去更多的顾客。希望他们能够重视这些问题，尽快做出改变，否则终将被市场所淘汰。莫奈何實在沒有緣份。

話說小弟一如以往星期六毒L飲早茶、同台茶客互相比劍討論香港牛腩勝地，正所謂「隔Air有Ear 」即刻洗耳恭聽、竊聽了呢一間位於北角的道生麵館，唔敢講道生係全香港第一，含蓄啲表達、佢絕對係北角第一「如滄海心處埋藏像遺珠，其實你好處嗰個也不知」 我覺得應該分享給其他朋友仔試吓特別牛腩 部位在餐牌上只能看到坑腩及崩沙，幸好事前已經鄧風「工欲善其事必先利其器」在OP 上 做一些background research , 直接向店員了解，最後要驚動大廚出馬逐一介紹，有點唔好意思、幸好大廚循循善誘、耐心解釋，就這樣11:45am 完美開端就這樣開始- 腩角河，崩沙食得多、要食到咁尊嘅部位可謂男人一枝花以來第一次，腩角乃崩沙解剖其中一小幅，部位絕對冇得輸、Best Of the Best. 走過量肥膏，比崩沙及爽還要再爽多一個層次，過量骨膠原帶着少少嫩肉、真是「實食冇黐牙」，限量供應，不設淨食，勝過珍饈百味- ⁠崩沙河粉： 不切淨食、端上來單單色香味意形已經爆珠、厚切六嚿靚崩沙，正宗漢堡包外貌、外筋膜中間一層肉、底一層筋膜底、切間已經很難找到這種質素，就算你去到七X, 鏞X ，也未必能每次遇到心頭

聽同事講到呢間啲牛好好味，未開門我地一行四人已經去到等開門，點知崩沙腩得番兩份，其餘的比人預早買左，我有幸叫到一份崩沙腩，由於廚房得一個老闆打理，製作需時，等左20分鐘以上，終於等到！係我食過最好味既崩沙腩

理想  不夠腍 咬不開要吐出來  浪費了一碗牛腩河點了清湯牛腩河 $58/碗 湯頭還可以 河粉夠幼可以 唯清湯牛腩切開大約有6件 不夠腍滑屬於腩肉質地較實 食至第五件發展很實咬了很久很久 要吐出來不能食 比較失望！

之前有朋友介紹我食呢一間麵店，今日就一個人黎試下😆一坐低，見到身邊嘅食客枱上面嘅食物都好靚好吸引🤩 餐牌主要分為兩部份，一邊係清湯牛腩🥘，另一邊係蕃茄嘅湯底🍅第一次幫襯，我決定先試咗佢嘅清湯牛腩粗麵（$58）☺️。可能人手不足既問題，等候嘅時間都有少少耐，差唔多成20分鐘先有得食😖。不過佢個湯底的確好出色😋，夠鮮甜。牛腩都好厚，肉質有彈性唔痴牙，好重牛味👍🏻 另外佢哋既辣椒油都幾特別幾香的，鍾意食辣真係要加埋試下😎整體質素嚟講十分滿意😙，唔知係咪我等到太肚餓，我覺得佢個份量真係細咗少少，特別係麵底真係少咗啲😅如果下次再有機會來我會試吓佢個蕃茄湯底米線🍅，但希望到時等候食物可以改善下和個麵可以多返少少😛😛

小麵館超水準發揮，媽媽湯底配脂香牛小排，滿足🤘🏻！・・・・・・・・・・・・・・・・・・・・🐮 香煎牛小排鮮茄濃湯烏冬 HK$58・味道：睇相都知個牛小排幾正！好重肉味，煎到五成熟逼啲牛脂出嚟，好香！蕃茄湯好似屋企嘅蕃茄薯仔湯咁，正！・口感：烏冬好煙韌幾surprise，牛嘅份量都唔少，唔韌有咬口，有厚度嘅肉肉食落好滿足，超水準發揮！🥬 油菜 HK$20・味道：雖然部分有啲苦，但腩汁搭夠。・口感：淋身～🍗 香煎雞脾扒鮮茄濃湯烏冬 HK$58・味道：雞髀扒好juicy，外皮煎到焦香微脆，好食！蕃茄湯同樣出色，媽媽的味道🥰・口感：份量夠多，厚肉食落啖啖肉大滿足！・・・・・・・・・・・・・・・・・・・・🤰性價比：高～🤰9衝度：9衝～🤰結論：唔起眼嘅店舖，物超所值嘅味道，值得一戰！・・・・・・・・・・・・・・・・・・・・

今日去北角做嘢，一向唔熟港島呢邊嘅食肆，經過呢間麵館，見細細間，諗住入去快食，都唔預期有驚喜，但食完佢嘅牛坑腩河，講真，好耐未試過香港食碗粉麵會有咁大驚喜！！啲牛腩真係正到你唔信，又冧又香，久遺了嘅真係牛腩味！！一定會專登返嚟再試！！睇間舖頭應該係家庭形式經營，雖然舖內坐位有啲迫，（都係香港食肆嘅特色！😆）但枱櫈都算整整齊齊，打理整潔，樓面阿叔一個人做嘢都冇話黑口黑面，香港依家嘅服務水平來講，已經算中上服務質素！！價錢又合理，因為本人無牛不歡來說，絕對超值！！值得推介比愛食牛一族！！

餐廳主打牛腩麵 令我最驚訝既係牛腩、坑腩、牛筋、金錢肚同埋崩沙腩既價錢都非常合理 徘徊係$50-70~ (視乎你叫湯麵或撈麵)😍👍🏻 選擇又好多！留意返如果想要崩沙腩就要早少少去啦🤫 我果日大概12:45pm食 已經聽到話埋嗮！除左清湯腩麵之外 餐廳仲有蕃茄湯麵🍜 身為番茄愛好者 我就決定試試🩷香煎牛小排鮮蕃茄濃湯烏冬 ($58) 麵可以選擇烏冬或者米粉的 我選了烏冬 應該係讚岐烏冬 偏淋身 唔係超級彈牙 麵條偏粗重頭戲黎到個蕃茄湯 真係好飲到我成碗飲嗮我都無罪惡感😛 主要原因係好多蕃茄 好大塊🌟真係無咩味精 仲有少少洋蔥吊下味 令到湯底更加香甜 牛小排都非常高質 遠遠超出我期望🫶🏻 牛小排煎得好香 原本塊肉既質素都好好 肥瘦比例均勻 好重牛味！🐮味道: 🍅🍅🍅🍅/5 📍道生麵館 (北角)地址：北角英皇道560號健威坊LG樓L15號舖

呢間野由開幕至今，我都幫襯過好幾次，而每次都保持到食物質素，我諗最主要原因係食材有限供應，好食既牛坑腩當日賣哂就算，未計最好食既崩沙腩 (我咁耐只食過一次) 。下次一定要同老闆問下幾時返貨，再衝過去食。⭐️牛坑腩幼麵(加底) 配凍檸水牛坑腩係真牛坑腩，肉同脂肪既分布有致，非常有肉味同咬口，非常出色 (食左幾次都係呢隻味)。如幼麵都係好爽冇乜簡水味。食完碗熱辣辣既麵配返個凍檸水，真係perfect match。⭐️牛坑腩撈麵撈麵比湯麵類貴10蚊，牛坑腩既份量都好足，仲送左少許生菜減少食後油膩感，亦有撈麵既指定例湯，配埋凍檸茶冇投訴👌

〔香煎牛小排鮮茄濃湯米線 $58〕鮮茄湯底濃郁而不假，帶有洋蔥香，牛小排軟嫩帶有嚼感，油脂豐富，以呢個價錢食到牛小排 🉐🉐🉐米線口感一般，建議下次試烏冬〔清湯坑腩麵 $55 +$5 伊麵〕上網睇review已經見到好多好評，話肉質鮮嫩，肥瘦適中，朋友都話的確好食👍🏻📍道生麵館北角英皇道560號健威坊LG樓L15號鋪

呢間舖既牛坑腩飯真係好好食！上菜果時，我被佢既外觀吸引左。靚牛腩片襯住白飯，超級吸引。第一口入口，牛肉超級鮮嫩，嘴入面充滿濃郁的牛肉香，肉質細嫩，味道豐富，每一口都超有層次感。服務態度都好好，服務生熱情友善，用餐經驗相當愉快。總之，呢碟牛坑腩飯絕對係一場美味既享受。食物同服務都超級好！如果你係牛坑腩迷，一定要去試下呢間既牛坑腩飯。相信你都會留底美好既回憶！