遊園

營業中

休息中

本週帶媽媽到戲曲中心逛逛，然後到遊園吃晚飯；因為，上openrice，遊園的食評好好。上一次吃了芫茜湯拉麵，芫茜湯簡直濃稠到似青苔湯，真材實料，童叟無欺。故此，今天和Honey再來一次。在這裏，一定要試Signature Dish三文魚芫茜蛋治。可能是周末，食客好多。我點了Honey喜歡的酸菜魚拉麵 $88雖然餐牌標示有兩隻辣椒，但是不太辣，微酸微辣，酸辣調配得剛好。魚塊好滑。喝了湯，也不會覺得口渴。還以為是車厘茄，原來是原粒酸辣椒。不辣，不過好酸。另外，當然要試試這裏的signature dish煙三文魚 $48芫茜蛋治，這個簡直冇得彈！就算連這兩片白麵包，都非常鬆軟，有韌性。而且，芫茜打成蓉，加上蛋漿，炒成滑蛋，仍保留了莞茜的「青」香。由於比較「青」，配上煙三文魚，剛剛好，簡直一流！你看看，那份蛋治，好厚的煎蛋，就知道莞茜份量都不少，雖然不便宜，但物有所值！試試這裏傳統港式茶餐廳的懷舊飲品。我點了黑牛 $28Honey點話梅陳皮梳打 $28黑牛一般。但話梅陳皮好飲，酸甜度剛好。陳皮味好「出」。今天的午餐，好好，一定會再來！

以前帶過媽媽黎食芫茜湯底車仔麵今次同我高太行過，同距靜靜地黎個無酒精happy hour 先得高太岩岩打完針，唔太適合飲酒住，飲住凍檸水少甜先遊園裝修幾有中國古典風有啲户外坐位，感覺幾寧靜有別於其他茶餐廳甘熱鬧而且部份坐位望到維港景，不過日頭有地盤開緊工，啲機器会遮左個維港，夜晚地盤收左工靚好多嗌左個鮑魚撈麵同好似叫炒爽爽既炒菜鮑魚撈麵隻鮑魚唔韌，個鮑魚汁都唔太咸，調味幾好個炒菜有馬蹄，洋葱，荷蘭豆全部爽口野都還好埋單278有啲貴不過如果嗌下野飲慢慢坐下又幾清靜舒服既

I know Peony Garden and want to try it for a long time. Finally, I have a chance. We order many famous dishes, Bean curd skin roll with mushroom, Barbecued Spanish Iberico pork with pineapple caramel sauce, Peony Garden coriander soup with noodles, Boiled giant garoupa fillet with pickled cabbage and chilli. And the drink too, Honey Pomelo tea with lemon & lime and Kyohou Grape soda. The greatest dish is the Spanish Iberico pork with pineapple, the meat melt inside my mouth. The size of pickled

燒味飯都好好食我見大部份人黎到遊園都係推介食芫荽，可惜朋友係唔鐘意食芫荽，反而話食話燒味飯覺得好好食，一定要試下。餐廳裝飾好古色古香，而且環境好闊落～如果講價錢的話，遊園嘅燒味飯一d都唔便，我叫左個四寶飯（＄88）－ 叉燒。佢有小小濃邊，同埋有小小半肥瘦，食落肉質都好綴！－ 豉油雞。 雞肉好滑，豉油味唔會好多，但又會惹味－ 燒肉。燒肉皮好脆，肉都唔會太肥－ 鹹蛋雖然唔便，但有質素嘅～唔收加一，值得一試。

之前見到朋友post莞茜嘅麵相，所以星期五同同事特登過黎戲曲中心嘅遊園食lunch因為時間都算早13:00前我地已經黎到唔算多人，我地點左幾個午餐莞茜湯麵- 一碗滿滿嘅莞茜山，對莞茜控黎講簡直係睇到已經好滿足呀😌食神叉燒煎蛋飯- 叉燒肥瘦適中好味道😋雪菜火鴨絲炆米- 味道比較濃味沙爹金菇肥牛炒河- 肥牛份量多，河粉香口野味大家食飽飽之後覺得都唔錯，下次會再過黎試其他野😄

為茜麵而來，小菜同茜麵都有驚喜環境衛生，裝修簡潔有心思服務不錯，有位姐姐特別nice食物價錢合理，與酒樓相約茜麵:濃湯唔係青味，十分香濃，湯較少，太好飲，頂頭好多新鮮茜，湯浸唔到所有茜，拉麵因拍攝太耐少許軟，配料一般(4丸加2魚片)，份量足夠酸菜魚:少辣少酸少辣，一出枱嚇親，個大碗好巨型，份量十足，需要3人享用，配料有大量芽葉同寬粉，魚新鮮大件，唯一不能維持熱辣辣苦瓜煎蛋：同餐牌賣相一樣，味道ok，家的味道

餐廳在劇曲中心內，有點難找，也有點塵世外的雅緻感，又帶點古色古香。入正題～《遊園素鵝》素鵝中間夾雜一些蘿蔔雜菜，一層層的，頗有心思。《焦糖菠蘿西班牙黑豖叉燒》見到賣相已經覺得好吸引，擺盤像一邊菠蘿，厚切叉燒中間開一刀放菠蘿片，頂層鋪上菠蘿蓉，再加上焦糖一起焗。菠蘿燒至入口即溶。叉燒肉質軟嫩，脂肪比例剛好，加上焦香、油光和肉汁纏繞，必點之選！《芫茜湯牛丸墨魚丸潮州魚片拉麵》首先是高高的生芫茜山😳😳綠悠悠的湯底是攪拌成碎的芫荽湯，入口細膩，可以將生芫茜浸入湯中，芫茜湯味道也不會太重。拉麵煙韌，另外牛丸、墨丸和魚片各兩件，牛丸最驚喜，彈牙之餘充滿肉汁。《濃湯酸菜龍躉球》超大盤，酸菜湯酸辣度剛好，一口接一口也不會覺得咸。龍躉都是大大件的，口感厚實而彈牙，和一般酸菜魚的魚件是超大分別。另外加入了薯粉，掛湯而煙韌，其他配料也份量充足。紅豆冰加奶茶雪糕友人的青檸梳打～奶茶雪糕奶茶味超濃郁，配紅豆冰正！每道菜都份量十足，真材實料，推薦！

💥傳統中國文化為主題 環境靚 食既係廣東創新懷舊菜 店員亦會著古代店小二制服 玩味十足😁🌟芫茜湯底車仔麵 成個湯底都好多芫茜但好奇怪，飲落唔係特別濃😅不過佢嘅餸係好好食，全部都好入味亦都非常之特別佢唔係普通麵線今次叫咗個薯粉，晶凝通透底下反映到碧綠色既芫荽，唔覺唔覺成碗連湯食晒🤤🤤🌟 脆脆阿華田 阿華田加入可可脆片👍🏻呢個組合係我兒時嘅時候自己喺屋企都會咁樣食，估唔到大個咗喺餐廳遇到我嘅回憶。

今日黎戲曲中心並唔係睇戲曲係黎游園·茶記 試試佢地既芫茜拉麵！餐廳位於戲曲中心內 裝修帶點古樸藝術氣息芫茜湯拉麵麵上鋪滿芫茜山 湯底亦係用芫茜調製，味道非常濃郁，真材實料，而成個麵既顏色係十分翠綠🤣，絕對係芫茜控必食之選配料有牛丸、墨丸同魚片老公鐘意牛丸 我就鐘意墨丸 焦糖菠蘿西班牙黑毛豬叉燒呢碟叉燒係誠意之作叉燒肥瘦均勻 中間夾一層薄薄既菠蘿帶點酸酸地 中和一下肥膩感之餘加上菠蘿蓉同焦香的焦糖味道很特別 值得一試遊園素鴨素鴨貌相精緻 偏向甜口入面有小小素菜酸菜龍躉球有別其他餐廳用薄薄的魚片佢地係用啖啖肉的厚切龍躉球 魚皮煙韌 富有膠質 好好味份量真係好多 無論龍躉肉定配料都超足料 2人都食唔哂見到隔離枱飲燉湯 好吸引 下次一定要試下

戲曲中心就經過很多次，裡面有餐廳真的不知道！戲曲中心像大學裡的新教學大樓，相比新光戲院少了一份古典味，那就專注在餐廳部分！今次到了遊園·茶記主打中菜，格局surprisingly與茶餐廳有點相似(或許高級一點點🤣)，但菜式是正規酒樓啊，吃過返尋味！.開始瘋狂點菜🙋🏻‍♀️- 羊肚菌烏雞燉湯：才$42一盎！CP值很高！略有一點鹹，可能是金華火腿吧，當它是足料而扣分😂- 醉雞：是雞脾部分🤩感謝！小酒鬼喜歡任何酒類食品😆- 水煮牛：🌶‼️️是超級大的湯碗承載着花椒、八角、辣椒、寬粉、芽菜與牛肉，嘴巴被麻辣感包圍，很上癮！牛肉很滑，不斷吸入冬粉😂- JJ通菜煲：惹味10分，以蝦醬於熱鍋中烹調😋- 台山興哥手工黃鱔煲仔飯：太好吃了🥲黃鱔很彈口，像糯米飯的口味（老抽？）配莞茜香味yum yum🤤 - 甜品：薑汁撞奶，燉奶是滑的，薑汁有點失手，不是薑味而是苦澀，所以大家不用下重手把全部薑汁倒下去⚠️

之前有食過酸菜魚拉麵 依依不捨～所以今次食酸菜魚加埋水煮魚酸菜魚同水煮魚都好多魚下午茶$88蚊超抵食！不過水煮魚個味唔算好好味，我首選麵係酸菜魚但邊款配料麵好！佢個拉麵一定係重點又爽口又彈牙😜真係誠意推介！

朋友喺粵劇發燒友，話今日嚟戲曲中心，帶我食好嘢咁話喎。不過，這次真係令我喜出望外。原來佢帶我嚟呢間食店“遊園。茶記”。聽嗰名真係幾特別，有d藝術感。。。我們人不多，點了幾個菜式就好夠，因為個個菜都份量十足呀嘛😆😆😆第一味菜～遊園素鵝素鵝中間夾雜一些蘿蔔雜菜，一層層的，口感很好。💗💗💗芫茜湯牛丸墨魚丸潮州魚片拉麵（必食）🌟🌟🌟🌟🌟呢個真係主打菜式，作為芫茜控嘅我一定會叫，一嚟到，見到成座芫茜山，我心想“超正”ⁿ，芫茜攪碎混入湯，難怪湯味超強芫茜味，而且可能有上湯底，非常夠味，一絕。牛丸和墨丸彈牙，所以整個菜式各方面都處理得好好，真心覺得好味。酸菜魚～配料十足，有豆芽提升味道，而且加入有透明薯粉。薯份吸收左湯，而且煙煙韌韌，幾有特式。魚件都是大大件的。蕉糖菠蘿西班牙黑豚肉叉燒🌟🌟🌟🌟～呢個菜，嗰樣就相當討好。菠蘿都做左兩種煮法，一個是蕉糖煎香，一個是磨蓉，然後夾在叉燒中間，令你更易食到菠蘿味道，叉燒同菠蘿甜味碰在一起，又異常夾。真係特式之選。👍仲叫埋雪糕紅豆冰，懷舊之餘，又好味道。💗💗💗而且，呢度環境好舒服，有機會，會再嚟幫襯。

秋風起，又就嚟到食煲仔飯嘅季節啦～ 聽講係戲曲中心有間好好食嘅黃鱔煲仔飯「遊園．茶記」，咁啱有日同男朋友經呢頭，所以去咗食~ 怕無位同男朋友早早就去到，可能疫情緣故，成個戲曲中心都比較寧靜，人煙比較稀少，無聽講中咁熱鬧！餐廳午市都唔算多人，得零星幾枱人！ 餐廳裝修融合中式戲曲文化，成間餐廳都好古香古色，有氣派，如果要同長輩一齊食飯，呢間餐廳都係一個唔錯嘅選擇~ 🧡台山手工黃鱔煲仔飯（$168）同傳統煲仔飯唔同，呢間嘅煲仔飯有炒過，黃鱔好入味，飯粒粒分明！芫茜好調味，層次豐富，成個黃鱔飯好香好惹味！ 🧡肉絲炒麵（$75）麵底好大個，炸得好香脆！一大班人嚟食可以嗌呢個~ 🧡絲襪奶茶（$19）不愧係用絲襪拉出嚟嘅奶茶，超級絲滑但又唔會好奶，好香濃！

因為落大雨所以留咗戲曲中心，就係戲曲中心搵嘢食， 一上電梯就見到個電子屏幕上面 芫茜拉麵，有好多芫茜，就俾佢吸引咗入去一定係叫個芫茜拉麵， 然後叫咗個蕃茄，一份例牌燒鵝，一個小炒王呢個話梅番茄，睇落個色係有伏，但係食落好好食，非常入味而且食到好重話梅香，而且蕃茄仲要去曬皮，感覺都幾手工菜叫咗一份例牌燒鵝，唔貴$158 , 比想像中份量多， 面嗰層啖啖肉，充滿油香味， 非常收貨食得太多肉，想叫菜，店員話小炒王有啲菜，咁就叫咗呢個，感覺都不錯都，不算很油重頭戲就今日入嚟食嘅主角芫荽拉麵 ，上面有勁多芫茜，個湯底初頭覺得有啲淡，食落唔係，越食越有芫茜味， 去到尾直情飲曬啲湯唔捨得畀阿姐收 同埋啲拉麵係似日本拉麵，有彈牙，唔係中式嗰種拉麵好好食食完返到屋企仲令我不斷諗起嗰個芫茜拉麵，我自己就肯定經過會再食八十幾蚊一碗拉麵， 價錢同平時嗰啲日本拉麵差唔多，但非常鍾意食呢個 呢個芫茜拉麵完全冇令人失望爽歪歪食完行返落去柯士甸站， 唔使行番出街，爽

Green West Grows Up Fast🐛. 想變西唔一定要黑面既，嚟依間自稱係「茶記」既靚餐廳，食佢最近力推既名物芫茜拉麵同樣可以！（利申我本身唔鐘意都唔特別抗拒芫茜，純粹係因為我fd生日話想食所以去食，請大家唔好誤會我鐘意食this thing ☺️) ok well扯遠左，等我講返正題😀. 依度既拉麵（$82)足料到核爆，啲芫茜多過我戶口裡面d錢 lol 而係一眾配料之中，以牛丸來講最出色，彈牙得來餘蘊強勁，我同個fd都勁鐘意！. 至於焦糖菠蘿西班牙黑毛豬叉燒（$208)真係唔食枉為人☺️話佢係全港最top 叉燒我又唔敢（聽聞逸東軒同明閣仲有某間高級黃店酒樓都好好食，未fact check🥴) ，但我夠膽話佢係top 5！叉燒入囗即溶係基本，但我最佩服係佢創新煮法，先擺碟擺到成塊菠蘿咁，再夾d用焦糖燒香左既菠蘿蓉係叉燒之間，真係好完美呀🥰.另外遊園素鵝（$52)都係好開胃而且性價比高既前菜，宣稱為遊園招牌既濃湯酸菜龍躉球（$328)雖然都符合期望，但相比起前三碟，反而令人無乜驚艷之感，或者酸菜魚本身係太難做得出色的菜餚，食到後期感覺有點太膩。. 但無論點講都好，如果你經過戲曲