遇見花蓮

營業中

休息中

下午茶選擇好多，都要啲時間先揀到想嗌咩野食。餐野飲唔洗加錢熱飲都好吸引，媽媽嗌左黑糖薑母茶，我就加 $8 要左杯鳳梨茶。❌❌大腸麵線太林，味道也奇怪，我地食左2啖成碗放左係度，請店員收走，竟然問都無問一聲點解唔食呀之類，服務態度竟然咁！！❌❌

公司附近最近開左間台灣野，放左工同同事去試下順便吹下水🤣主要係因為見到呢到有台式火鍋(一人臭臭鍋)，然後就走左入黎。見佢款式都多，有鍋物、小食、麵飯類，都幾多款式order! 可以咩都試下麻辣臭豆腐: 係用左台灣既黑皮臭豆腐😍超入味，個麻辣好香!一品臭臭鍋: 個鍋都幾豐富，入面有D菜類、鵪鶉蛋、豚肉、臭豆腐、新竹貢丸、米血糕、大腸、鴨血、鳴門卷同埋炸枝竹，食落少少辣，好惹味! 入面仲要有粉絲同埋薯粉，索曬D味，好正! BTW，咁樣既鵪鶉蛋原來好好食!紫薯蕃薯球: 有6小粒好的色，食落外脆內煙韌，少少似食年糕既口感，幾重紫薯同埋蕃薯味，真材實料!椒鹽魷魚: 食落好酥脆香口!自家薏米水: 無糖既薏米水，好健康，飲落又可以解渴👍仙草珍珠奶茶: 超邪惡! 但係珍珠食落好煙韌而唔膩，連埋滑lulu既仙草，正!

叫外賣後10分鐘後到自取，員工好多，並唔忙，問佢大約等幾耐佢叫我等，就做其他野，連幫我問都冇問再等15分鐘後再問，再叫我等，態度輕蔑無禮。最後要再等30分鐘才有食物到。叫了三個餐，食物質素非常一般，雞係凍既，飯都係凍既，用量亦係其他餐廳一半, 性價比極低。 所有同事都異口同聲說係近幾個月起炮台山食野最差既一間，從今以後BLACKLIST。我本人食野都冇咩所謂，好少批評一間餐廳，這一間遇見花蓮 食物，服務，價錢都咁差，應該叫再見花蓮

囡囡一向鍾意食台灣菜，知道炮台山開咗一間新餐廳，叫遇見花蓮，今晚同佢來開餐。🍽️🍴👍款式幾多，價錢抵，今次以小食為主。🥤古早冬瓜茶 🥤仙草珍珠奶茶士林鹽酥雞 炸得香脆，調味惹味。古早烤雙色香腸 大人小朋友都中意，我喜歡配蒜片食。古早花雕雞卷 清新嘅冷盤，花雕味濃，雞卷嫩滑。滷肉A菜 即係油麥菜，配滷肉食不錯。肉鬆榨菜蛋餅 蛋餅香口，材料豐富，飽肚又美味。淡水滷肉刈包好耐冇食過，係台灣嘅出名小食 。個包甜甜地煙煙靭靭。💕桃膠芋泥雪耳三色芋圓 有驚喜嘅甜品，唔會過甜，桃膠超大塊，芋泥高質。

昨晚去左這間炮台山的台灣餐廳，一肚氣。我同太太去左攞飛，之後等左一陣，見到有成幾張吉台。但佢又唔叫飛，又唔安排入坐，咁我就自己入去找空位坐，點知有個待應要返我出去。好，咁我就出去等，點知見到有其它無攞飛既人就直入有位。咁我一開始排隊黎做乜?最後被安排入去就坐，點野食。食物一般，好細份，收成60蚊但連我太太都食唔飽，D肉燥又少。之後同左餐廳反映，個負責人好似好唔耐煩咁應我，根本上就唔覺得自己安排有問題，一心想打發我走。性價比低，服務差，以後唔會再去! 

每隔一段時間 ，就會嚟到油街這邊參觀展覽， 在鬧市裏有這些特色建築， 而且會經行進行展覽實在難得。 參觀過後 ，在鄰近的aia 大廈有很多食肆， 看見這間吃台灣菜的實在吸引。午飯 過後的時間， 依然人比較多都需要等位， 到我們已經可以吃下午茶了。 下午茶時段價位較實惠， 食火鍋也只是 98元。麻辣雜錦牛肉鍋我和朋友也鍾情吃牛肉， 每人一個就不用爭了。 材料也很豐富有牛肉 ＋魚丸 ＋鴨血 ＋豬肉水餃＋ 娃娃菜 ＋沙白＋ 米血糕＋ 大腸＋ 韭菜 ＋炸支竹＋ 粉絲 ＋鳴門卷＋青豆角。 香香辣辣的 每人一鍋慢慢煮慢慢食唔使急。彰化黑麻油雞翼＋手工櫻花蝦餅另外仲嗌咗兩個小食，黑 麻油雞翼非常嫩滑， 仲好香麻油味道。 櫻花蝦餅香脆脆， 都算幾彈牙。 跟餐仲包嘢飲 ， 加幾蚊仲可以飲得飲添 ，台南鳳梨烏龍茶＋自家玩泥鮮奶。

聽到台灣花蓮，我就最開心，因為每次去台灣，我都差不多去花蓮玩。那裏我最嚮往的就是花蓮的美景及面向太平洋的海岸線。用花蓮命名啲台灣菜館，當然要試一試啦。黃昏6:30 ，已經坐滿座上客，但好快已經攞到位。薑蔥慢煮豬軟骨飯，有半隻蛋，酸菜，當然有薑蓉同埋蔥，豬軟骨入味，好味又淋。配以一個海藻湯， 十分好配搭。($62)古早花雕雞卷會手工麵，麵爽，冷雞卷雞肉爽，兼有酒味，值得一讚。($68)蜜汁滷排骨滷肉飯，塊排骨（豬排），大過個臉。外面深色叫兼脆，但裏面軟熟有肉汁，醃製功夫一流，塊排骨足夠兩人的份量，配以半隻糖心蛋，蔬菜及海藻湯＇性價比高。($62)古早芋泥肉鬆蛋餅，睇個樣已經被吸引住，差唔多有入口即溶的感覺。($39)飲品有珍珠奶茶($12)，自家芋泥鮮奶($12)，紅棗桂圓茶($8)。甜品有塗膠芋泥雪耳三水芋($45)飲品同甜品都係一個好嘅選擇。但注意⚠️入座1小時用餐時間。

遇見花蓮個店名一睇就知食台灣菜，店舖裝修清雅，座位闊落舒適👍紅燒半筋半肉麵～湯底味道濃郁，大大嚿牛肉非常軟林入味，手工麵彈牙好味😋花蓮一品臭臭鍋（薯粉）～我揀咗小辣，經濟實惠又足料，有白豚肉、臭豆腐、娃娃菜、新竹貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金菇、鳴門卷和炸枝竹，而且白豚肉好大塊，大腸和鴨血好好味😍古早芋泥肉鬆蛋餅～熱辣辣的，賣相不錯，薄薄的蛋皮包住滿滿的肉鬆芋泥，食落綿綿滑滑的👍古早烤雙色香腸～肥瘦適中，有肉汁之餘又不會太膩👍仲可以$8/$12加配黑糖薑母茶/自家芋泥鮮奶❤️

平日夜晚去到一轉角已經見到門口排晒隊等入座，全場爆滿。價錢合理選擇多，基本上所有關於台灣菜嘅菜式都有，甚至連臭臭鍋都有。不過入座起計1小時用餐，食火鍋嘅話驚唔夠時間，所以都係嗌咗飯和麵食薑蔥慢煮豬軟骨飯，豬軟骨好大件，不過肉質有少少鞋，配埋個糖心蛋好正，個紫菜例湯都幾好飲蜜汁滷排骨滷肉飯，原來係炸嘅，落咗蜜糖去炸，所以顏色較深色，口感香脆又大件，不過就剪得唔夠好，成塊仲連住咗古早芋泥肉鬆蛋餅，入邊有芋頭泥，所以食落甜甜地，好唔好食就見仁見智古早花雕雞卷配手工麵，手工麵煙靭好食，雞卷肉質都滑，不過如果多啲花雕酒味更好桃膠芋泥雪耳三色芋圓，好大碗，好多材料飲品珍珠奶茶和紅棗桂圓茶都好飲不過芋泥鮮奶甜啲會香啲

星期日去咗食下午茶(weekend 3-5:45pm)，去到唔使排隊直入。最想食嘅蛋餅竟然當日三款都冇☹️最後叫咗三個下午茶餐。飲品黎先，我叫左個普通台灣奶茶，應該係我有史以來飲過最勁香精味嘅台茶😥同行友人叫嘅薏米水佢就話冇咩味。野食方面都… ok啦，其中嘅麻辣雞腿蛋吐司我覺得幾好食👍🏻！其他野食ok正常冇乜特別。可能因為由開始杯嘢飲超重香精味，再加上每一個器皿都油lap lap… 冇幾耐我已經食到有啲炆炆地。係 每 一 個！包括個tray😒！希望餐廳可以留意下。諗住去試吓嘅朋友唔好有高期望… 😅

台式地道美食Yummy Yummy🤤 台灣風味夠哂濃厚，每一樣野都好吸引🤩涼涼地，要捉緊冬天既尾巴去食火鍋❤️花蓮火鍋🍲系列✔️可揀方便麵/薯粉/粉絲/米飯🍚花蓮一品臭臭鍋 $118 (可揀辣度)湯底香濃，有臭豆腐既風味又辣辣地咁，完全唔會有難聞感，入面配料都好豐富，浸滿湯汁又鮮甜既娃娃菜，肉感厚實既白豚肉，勁有台式感既米血糕同鴨血，仲有臭臭既主角大腸同臭豆腐等等，雖然鍋具唔大，但份量勁足料，味道好惹味，會一啖接一啖咁慢慢食哂，非常好食😋台式香濃沙茶鍋 $118湯頭比較甜咸濃香，非常順口，配料亦係非常足，CP值好高，有有口感牛肉片，牛丸，沙白，炸枝竹，鳴門卷，花枝丸等等，火鍋都有粉絲底，煲左一陣就索哂湯既精華，勁入味，整體都好味🤤古早芋泥肉鬆蛋餅 $39咸咸甜甜既味道既有層次，芋泥好綿密，口感一流，肉鬆既咸香味更加令整個蛋餅味道都更特出👍🏻芋香珍珠奶茶🧋+$12珍珠夠煙韌，奶茶茶香同芋香配合得唔錯，好有清香感自家芋泥鮮奶 +$12芋泥控必試，芋泥份量夠多，綿密感滿分💯

古早芋泥肉鬆蛋餅 39蚊熱辣辣即叫即整，蛋餅上面竟然吱左蕃茄醬同沙律醬！同蛋餅既味道好夾，好好食👍鹽酥雞滷肉飯 62蚊鹽酥雞大大粒，而且皮薄鬆脆肉嫩滑，而滷肉唔係碎肉，而係肉條，仍然保留肉塊上既脂肪層，每啖都充滿滷肉既味道，再配埋自家酸菜，好食！跟餐仲配埋紫菜貢丸湯俾你濕下口，味道清甜唔味精，可以👍🏻花蓮一品臭臭鍋小辣 118蚊超級多不同種類的食材，好適合一人邊爐/2個人share食。其中米血糕比較特別，有種去左台灣的感覺，食落好似食緊粢飯咁，又無咩怪味，幾好👍🏻另外臭豆腐都好特別，係黑色外皮下，細細粒既豆腐帶有香濃既臭豆腐味，好食！我揀左粉絲同少辣，建議大家食既時候唔好一次過放曬d粉絲落去，要分開放，因為我一次過過放曬落去又食唔切會吸曬d湯同埋越煲越辣🙈台南鳳梨烏龍茶 12蚊解辣用😂臭臭鍋雖然係少辣，煲到後面辛辣程度都幾高，鳳梨烏龍茶的茶味比較突出，鳳梨味淡淡的而有少少既清甜味，唔錯👍桃膠芋泥雪耳三色芋圓 45蚊依度既芋泥顆粒感比較重，涼粉條做底，感覺正常甜品一碗，味道唔會太甜

無返炮台山一排，AIA後面巷仔啲餐廳已大洗牌左一尋～ 後尾間既越南野原來已變做台灣野，見佢有我最鐘意既一人小鍋我當然會把握機會試試佢啦😍台式臭臭鍋 $118 味道夠晒臭～～～臭豆腐和番茄的味道結合在一起，帶出了一種很特別的風味。白豚肉肉質非常軟嫩，配合其他食材一起食用好好味。新竹貢丸同大腸的味道也非常不錯，配合米血糕和鴨血一起食用，更加增添了口感。台式沙茶鍋 $118 其中包含了娃娃菜、牛肉片、牛丸、米血糕、粟米、花枝丸、沙白、鵪鶉蛋、番茄、韭菜、金菇、鳴門卷、炸枝竹等多種食材。這道料理的特色在於其特殊的沙茶醬汁，沙茶醬汁的味道濃郁而不膩，搭配上各種食材，口感更加豐富。兩個銅再加配餐飲 分別係黑糖珍珠奶茶+水果茶我地仲加左個芝士煙肉蛋餅蛋餅熱辣辣內部鮮嫩，口感非常美味。煙肉味道非常香，芝士量仲要極多～ 正呀

上次staycation見到炮台山其實係一個隱世美食天堂，今次就同朋友逐一試下。見到依間台式店好多人買外賣，就試下依間！入咗見到都係乾淨，座位寬躺。落單就叫下主菜，甜品，同小食。起司培根蛋餅用蛋製成的外皮將流心芝士、蔥粒、火腿包起，並在外加上番茄醬作調味。蛋皮口感Q彈，蛋味香濃，同時非常薄，有更多空間放配料，使其口感非常豐富。芝士方面，芝士味道濃郁，淡淡蛋香、細滑柔軟，加上火腿咸香十足，非常惹味。呢個一定要趁熱食，只可以感受到流心芝士嘅感覺。鹽酥雞滷肉飯中除了滷肉飯和鹽酥雞外，還配有小白菜和貢丸紫菜湯。貢丸紫菜湯調味啱啱好，紫菜香氣四溢，又大大碗，非常滿足。肉燥飯內仲有咸酸菜和流心鹵水蛋，肉燥更有不少肥膏，餸飯一流。作為主角的鹽酥雞亦香脆可口，雞肉鮮美流汁。紅燒牛肉麵入面大概有三嚿大牛肉，每一舊都十分之腍而且肥瘦適中，咬落去齒頰留香，炆得好夠入味。 飲落去個湯亦都十分之濃味，證明係真係有花時間去煲，麵條選用粗麵，咬落去亦都係啱啱好夠煙韌，唔會話過時太淋，麵條亦都好索到湯汁嘅味道。古早花雕雞卷嘅雞肉大大舊，非常抵食，唔會好肥，雞肉晶瑩通透，烹調嘅時間啱啱好，多汁鮮嫩，唔會好鞋，亦香滑易入

平時見到咁多人排隊，今日就鍾意去試吓。真的試完之後有少少失望。首先服務員經驗比較淺，對餐牌有啲唔熟悉。之後叫咗個麻辣臭臭鍋小辣，嚟到之後完全食唔到，因為實在太辣了。另外也叫了一個台灣紅燒牛肉麵，麵的質地不錯，但是湯底非常之鹹。最後叫多咗個甜不辣同埋大腸冬粉。這些還可以。希望日後會有改進。