遇見小麵 (荃新天地)

營業中

休息中

假日經過「荃新天地」，經過呢間遇見小麵，聽聞喺內地有接近 400 間分店，好受歡迎，午餐一於試試佢！紅碗豌雜麵 ：湯底麻香夠層次，豌豆淋甜肉碎惹味，麵質掛湯唔糊，果然係招牌銷冠！ 蔥油拌麵拼脆皮雞：有驚喜，蔥油夠香唔膩，雞皮香脆，肉嫩多汁，蘸辣粉食到舔手指！ 澳洲羔羊串同安格斯牛串：即燒上枱，孜然香爆，羊肉冇膻、牛肉焦香爆肉汁，抵讚！ 茉莉凍凍酸梅湯：解辣一流，茉莉花香撞酸梅冰涼，飲完成個人爽晒！ 雖然佢哋價錢好抵，但食材同出品冇偷工減料，$60食到咁高質，難怪香港開到咁多間分店！

係香港想食到正宗既重慶菜都唔係咁易，好彩有呢間大陸過江龍 - 遇見小麵，我先揾得番上次大陸食嘅味道👅～餐廳有飯有麵都好多選擇，而且又可以配套餐，下午茶時段仲好抵食添，全部 30 蚊內有找，呢啲價錢係邊到揾，我今日就試左個小鍋冒菜，配料選擇好豐富又抵食，勁吸引我。🐒軟骨丸子小鍋冒菜💰$53👉🏻凍檸檬茶+$12佢小鍋冒菜都有幾款，我今次就揀左軟骨丸子🧆因為感覺好少見，而佢嘅小鍋冒菜入面都有唔同配料，好似豆卜，豆皮，魚腐等等，配埋啲湯其實好爽，加上佢小鍋形式，下面都有火熱住，所以一啲都唔怕凍左會好膩，酸酸甜甜嘅檸檬茶勁消暑又解辣，夏天必備！。🐒澳洲羔羊羊肉串(3串)💰$19另外佢地串燒都只係 $20 就有3串，仲要係羊肉，咁緊係要試啦🔥羊肉肥瘦適中，加埋上面既調料都十分惹味，唔使2，3下功夫都畀我清哂！🥢遇見小麵（荃新天地店）📍 地址：楊屋道 1 號荃新天地一期地下 G30, G32 & G36 號舖 （中庭花園旁）

途經荃灣，見時間仲早又唔算太餓，同朋友叫碗小面再加 D 小食坐低傾下計。招牌菜金碗酸辣粉點可以唔點一碗黎試下。酸辣粉酸辣煙韌，有唔同配料，好似菜、花生咁，非常配合，回味無窮。接著是脆皮半只雞番茄湯麵套餐。雞皮酥脆，肉質鮮嫩，與番茄湯麵十分搭配。小麵有彈性，湯底帶有番茄的酸甜，一個人食份量剛剛好 (唔夠仲可以續麵!)。另外也點了串燒雙拼，有羊肉串同安格斯牛肉串。牛肉半肥瘦，烤制得恰到好處。羊肉串調味豐富，調料的香味深深滲透。最後有鍋巴土豆，脆炸土豆，配以特製醬汁，十分惹味!

红碗豌杂麵即係好似拌麵撈埋食很不錯金黃色賣相好好食落又惹味酸辣粉一樣係王牌酸辣煙韌！配以榨菜花生層次豐富.見到好多台都有order嘅安格斯肥牛小鍋冒菜有大量豆皮、寬粉、金菇等好足料而且價錢都好合理仲有配飯絕對係好滿足嘅午餐或者晚餐.雖然好鍾意食辣但係對住四種唔同嘅辣度第一次食都係先試咗微辣～都接受到喎！下次可以越級挑戰.琥珀冰粉好啱食完辣嘢清一清喉嚨冰粉好滑嫩有少許茉莉花清香

荃灣真係好多嘢食又平，前排經過商場見到原來都開咗大陸嘅遇見小麵，我同朋友都鍾意食，所以就去咗食！人均$100都唔使就可以食飽，性價比好高，而且舖頭面積都大坐得幾舒服。-天府鴨血小鍋冒菜🦆鴨血嫩如豆腐帶彈牙，驚喜是底層暗藏好多配料，裏面仲有少少酸辣粉。加$6仲要包埋白飯同嘢飲，好似打咗個邊爐咁！-金碗酸辣粉🍜平時閒閒哋出邊一碗酸辣粉都要$30起跳，依度竟然$19就已經有交易！紅薯粉掛滿辣椒碎，陳醋比例精準，炸豆與肉末加埋一齊幾好食。-酸菜肥腸麵🥬顛覆港式豬腸，肥腸咬下咔吱爆油，肥得嚟好惹味！面嘅份量都幾多-鍋巴土豆🥔溏心質地，係喺香港好少食到嘅味道。-酸梅湯 ｜凍檸檬茶🥤烏梅香和檸檬茶都意外中和甜膩感！

今次要介紹一間喺荃灣荃新天地地下有一間重慶美食叫「遇見小麵」，呢間餐廳面積算好大，我隔離枱有老人家教我一個隱藏食法，就係麵可以加底，見到佢食得幾開心，佢仲準備一個吉盒，將一半麵帶返屋企食，呢個老人家真係好精明！1.秘製脆皮半隻雞+麻辣小麵（+$1）（重慶味）+凍檸茶$36（9/10）叫咗脆皮半隻雞+麻辣小麵呢個套餐，脆皮半隻雞肉汁唔算好嫩滑，麻辣小麵辣度啱啱好，味道仲有少少甜，個麵幾彈牙，吸哂麻辣湯底，套餐飲品揀咗凍檸茶，唔會好甜！2.紅碗豌雜麵套餐（重慶味）+凍檸茶$49（9/10）呢個紅碗豌雜麵套餐個麵有炸豌豆、花生同肉醬等，個麵撈一撈就吸哂所有味道，辣度啱啱好，味道仲有少少甜，套餐飲品揀咗凍檸茶，唔會好甜！3.蜂蜜芥末雞扒$14（9.5/10）呢塊蜂蜜芥末雞扒好好食，味道有少少辣同甜，無咁乾身，唔錯！4.琥珀冰粉（凍）$13（10/10）呢一碗琥珀冰品夏天食真係一流，冰粉凍凍地，食落滑嘟嘟，再加埋花奶底，唔算好甜，解辣一流！ 2 人總共價錢 $124個人口味總評分：9.1/10 地址：荃灣楊屋道1號荃新天地地下G30, G32 & G36號舖Please follow me🙆‍

好似乞食！不是做生意的。坐很久揮手服務員執枱，很久都不理會！然後去執幾轉那些沒有人的枱. 大聲叫都不理！ 繼續執冇人嘅枱！以前食過，食物一般！但係咁嘅服務，以後唔會再去！乞衣先會去！

遇見小面在內地有眾多分店，之前出去玩都試過幾次，見香港開了分店就過來捧場。理所當然我哋點了招牌的金碗酸辣粉。酸辣粉酸辣煙韌，配以榨菜花生，口感層次豐富。接著是老麻抄手套餐，抄手皮薄餡多，抄手的餡料鮮美多汁，搭配麻辣湯底，麻辣味十足。另外也點了爆漿豆腐串，外皮金黃酥脆，內里豆腐依然保持嫩滑。之後是安格斯肥牛陽光番茄湯麵，湯底帶有番茄的酸甜，肥牛份量十足，還可以續麵，性價比極高，我見在場都好多人點。最後是琥珀冰粉，冰粉滑嫩，帶有茉莉花清香的味道，搭配花奶，十分清新，很適合食完麻辣主菜 Refresh 一下。

遇見小面是一家讓人驚喜的餐廳，以其獨特的麵食和濃郁的湯頭而受到廣泛喜愛。進入店內，簡潔的裝潢讓人感到舒適，服務人員親切熱情。銷魂擂椒滷肉麵：鹵五花肉搭配擂椒和香菇，鹵汁和擂椒結合，拌面香辣入味*湯頭則是使用新鮮食材熬製，鮮美而不油膩，讓人一口接一口。特別推薦他們的配菜，特製的醃製菜脆爽可口，為整體風味增添了不少亮點。香嫩牛肉串（3串）：牛肉，肉質肥瘦相間，鮮嫩多汁，營養豐富。此外，餐廳的價位合理，性價比高，無論是單獨用餐還是與朋友聚會，都是不錯的選擇。總之，遇見小面是一個值得一試的美食地點，讓人流連忘返。

遇見小面北上就食得多。估唔到香港都有，點可以唔試吓！今日收左工正值下午茶時間同朋友去遇見小麵。滿滿既食客，等了一會才能入座。設有自助吧，有水和調味料,酸豆角,黃金豆等配料添加，下午茶價錢分量抵食！醬香滷牛肉小窩冒菜🔽可選清湯／辣🌶熱辣辣既一窩放在爐上充滿紅油。滿滿的菜、豆皮、土豆、魚蛋片同蓮藕底部還有薯粉。第一次吃冒菜，最愛魚蛋片，湯汁惹味 ,薯粉非常掛汁。還可加個白飯🍚配鍋料來吃。紅碗豌雜麵🔽大大碗麵上佈滿碗豆醬、肉醬、菜和花生，朋友還加了醋撈麵一齊食 , 麵質彈牙 。鍋巴土豆🔽份量多外炸得外脆內軟爆漿豆腐串🔽爆汁嫰滑如果唔太油會好啲白玉厚椰乳🔽椰香甜而不膩好解辣。白玉酸梅湯🔽朋友話唔會太酸甜度剛好消暑解渴。**店內會以掃碼落單同付款🥢遇見小麵（荃新天地店）📍 地址：楊屋道 1 號荃新天地一期地下 G30, G32 & G36 號舖 （中庭花園旁）#遇見小麵 #重慶地道美食 #紅碗豌雜麵 #金碗酸辣粉 #川菜 #荃灣美食 #黄埔美食

💫酸菜牛肉麵湯底香辣濃郁, 胡椒同辣椒油嘅香氣充滿整碗湯, 酸菜爽口, 牛肉片嫩滑有咬口, 麵條富有彈性, 充分吸收咗湯底嘅味道, 湯底濃郁而不膩👍💫金碗酸辣粉+鴨血+安格斯肥牛安格斯肥牛肉質細嫩, 入口即化, 湯底酸辣適中, 非常開胃, 鴨血嫩滑, 酸辣粉柔韌順滑, 吸附咗湯底後更加入味, 每一啖都極尚滿足🤤💫原味酥脆雞扒外皮酥脆而不會過硬, 入口即有滿足嘅脆感, 而內裡雞肉嫩滑多汁, 口感好豐富, 好正💫蜂蜜芥末雞扒呢款多一種蜂蜜芥末口味, 每一啖都可以食到到蜂蜜芥末嘅濃郁甜香, 輕微辛辣, 滋味💯💫脆皮大餃子外皮炸至酥脆, 內餡係蔬菜同肉類, 兼具鹹香同鮮嫩感, 每一啖都好豐盈, 又唔會過於油膩🥤凍檸茶, 茶底不錯🥤白玉厚椰乳椰乳香滑濃郁, 白玉有少許米香, 與椰乳嘅濃厚味道夾的好好, 甜度恰到好處, 入口清爽

終於今個嚟到荃灣遇見小面，過到嚟嘅時間咁啱係下午茶嘅時間，所以我哋點咗下午茶嘅紅碗豌豆雜麵配白玉酸梅湯、安格斯肥牛小鍋冒菜微辣、白玉厚椰乳、鍋巴土豆、將爆豆腐串😋紅碗豌豆雜麵非常大碗，豌豆醬、肉醬、菜和花生都好多，撈勻啲麵一齊食，面質非常彈牙，感覺超滿足好好味😋安格斯肥牛小鍋冒菜有肥牛、豆皮、菜、土豆粉、類似豆腐卜嘅豆腐丸，湯汁非常惹味，肥牛非常大片，而且唔韌唔嚡，其他配菜亦都好好味，其實叫多個白飯更加好😋值得一試。鍋巴土豆真係炸得非常香脆好味，外脆內軟。爆漿豆腐串口感非常得意，真係有爆汁，配合辣汁，真係非常惹味可口。白玉酸梅湯白肉滑嘟嘟，酸甜度適中，夠凍。白玉椰乳椰漿味濃。CP值高地方企理服務一般

📸遇見小麵為食妹由佢係黃埔開第一間鋪果陣已經開始食次次去到都要排隊🤣因為真係價廉物美！講緊酸辣粉都只係$19一碗街邊企係度食果啲酸辣粉都做唔到咁平🥹宜家仲開咗2間分店 分別係旺角Moko同荃灣荃新天地今次就黎咗荃灣店原來宜家有下午茶餐 低至$28難怪差唔到2:30已經有人龍係門口今次想試吓啲唔辣菜式 於是叫店員推介幾款🥢 陽光蕃茄牛肉麵 配 半隻脆皮雞 $56仲包埋飲品 不過我就加$2升級做冰粉店員話平時佢自己都係叫呢款估唔到真係唔錯😌 蕃茄湯底香濃 帶微酸 食落開胃啲牛肉片都算嫩滑最正都係隻脆皮雞🐓 基本上每次黎都要叫一份🤭外皮香脆 咬落又有肉汁 肉質又唔柴 調味又唔會太濃因為佢唔係炸 食落無咁油膩🥢酸菜滷肉飯 $38本身以為咁平應該比較細碗點知成塊面咁大兜🤣🤣🤣滷肉肥瘦均勻 唔會太咸溝埋酸菜食幾開胃最後都係食唔曬啲飯🙈🙈🙈🥢串燒拼盤招牌豆腐串x旋風大麵根x自選牛肉/羊肉串豆腐串又係次次黎都要食 搽上咸香調味醬豆腐外皮香脆 入面爆汁大麵根同羊肉串都係第一次食 又幾好食喎衰鬼🥹📍遇見小麵黃埔花園荃灣荃新天地1期旺角Moko

早兩日放工同謙謙去荃新天地搵野食， 原來最底果層開左遇見小麵我都唔知，貪新鮮的謙謙拉左我入去食。✡️ C1安格斯肥牛陽光蕃茄湯麵套餐 ～個湯麵加$5有菜，謙謙話個番茄湯酸酸地幾開胃， 肥牛份量適中，麵質係佢鍾意嘅幼麵掛湯力强。佢話個套餐幾抵唔飲野轉食琥珀冰粉都係加2蚊，冰粉清清涼涼帶微甜。✡️ A4脆皮半只雞麻辣小麵套餐 ～ 跟滋潤八寶茶，加$13有肥腸加$5有滷蛋。為食的我見個套餐有半隻雞即叫，個雞炸得香口，謙謙忍唔住爭左我個雞髀食， 滷蛋肥腸滷得夠入味，我個麻辣湯底，夠哂濃郁， 味道幾正宗。✡️ 大草原羊肉串 ～ 羊肉串燒夠惹味。

呢間位於荃灣嘅全國連鎖小面分店，真係夠晒抵食🥰！午市套餐份量大大份，味道夠晒惹味，仲可以自己去自助吧攞配菜同埋茶飲添😋。安格斯陽光蕃茄牛肉麵套餐，裏面牛肉份量幾多，而且蕃茄湯底超級正💖！湯底裏面有濃郁嘅蕃茄酸甜香味，配埋牛肉嘅鮮味真係超夾🫶🏻。脆皮半隻雞麻辣小麵套餐，就更加滿足！本身麻辣小面嘅辣到啱啱好，超級香口惹味，食到停唔到✨，仲要加埋脆皮雞，隨口嘅感覺同滿足度都滿分。仲可以加配小食，今次揀咗原味酥脆雞扒，炸皮夠晒酥脆，調味好香口🤤。白玉厚椰乳又有濃郁椰香味，又有好滑好Q彈嘅口感，超夾濃味嘅嘢食🙂‍↕️。💰安格斯陽光蕃茄牛肉麵套餐($52)💰脆皮半隻雞麻辣小麵套餐($56)💰原味酥脆雞扒(加$12)💰白玉厚椰乳(加$4)