逸之燒 (已結業)

今日去咗元朗食晚餐，是一間日式的小店，距地鐵站也是5-10分鐘的路程，十分之方便!叫了三文魚壽司,帶子壽司,三文魚手卷。帶子壽司十分之好吃，帶子肉厚身，新鮮。三文魚手卷的三文魚肉用料十足，性價比很好！串燒是我的最愛，各款肉類都叫了點！七味雞軟骨串好正，雞軟骨好有咬感，七味粉不太辣！另外，有個豚肉芝士年糕更是大推，芝士年糕半溶，加上豚肉的油脂，入口即化味道好夾！三文魚刺身厚道十足，也好新鮮，是推介之一！再叫了個海膽炒飯，是大大碟的，飯底加入了豚肉，紫菜，炒出來好香不會太單調。海膽堆在飯面上，份量不太多 但海膽好新鮮好食。一口海膽配上蛋香的炒飯，食2碗都不夠！小店都不會太嘈吵，朋友與我慢談一晚上，店員都好nice, 不錯！

朋友聽聞逸之燒大受歡迎，見佢book定枱咁有誠意 ，今日就同友人來呢間日式小店來晚膳。叫左以下幾樣野無一中伏，仲要上菜速度好快。安格斯牛壽喜燒可自行較準烹煮的火候，將牛肉滾成半生熟狀態，配合打發了的蛋漿同吃。味道一流。鵝肝多士鵝肝表層油分充足，配以乾烤多士。入口騷味濃。食鵝肝的最佳方法。黃金燒帶子炙燒表面，仲食到焦香醬油味道，非一般的享受。芝麻雞翼偏瘦雞肉燒得略為乾身，口感上更為乾硬。燒粟米味道爽甜，略帶焦香，味道不俗。

元朗真係好多野食選擇今次呀媽話事食乜佢竟然係揀日式😂真係估佢唔到我就揀左逸之燒門口都幾靚呀媽次次都一定要食蟹子沙律首先緊係叫呢個先份量都幾大蟹子又夠多絕對唔吝嗇再黎係安格斯牛小排壽喜燒牛肉都好靚完全唔會韌好新鮮個湯底就平時壽喜燒甜甜地蔬菜都算多佢可以另外追加烏冬牛蔬菜但我地覺得份量OK唔洗另加黎到緊係要叫串燒如果你唔想諗就可以揀佢地個set我地兩個人就揀咗雜錦串燒10本D野食都幾岩食真係即叫即燒覺得最好味同特別就係鹽燒豚肉荔枝食落去好Fresh個配搭好好其次就係汁燒免治雞肉棒佢仲另外上埋個汁比你點好特別呀媽好鐘意其他串燒就保持一貫水準夠熱就已經贏左一半全部都恰度好處最怕啲串燒好乾佢就燒得岩岩好我地另外叫咗個黑松露和牛炒飯好足料又夠鑊氣味道好好一上枱時已經聞到好香大碟到爭d食唔晒最後加多個甜品菠蘿雪葩成個菠蘿上食完晒成餐飯再食雪葩味道甜甜酸酸好清新簡直為餐飯劃上完美句號連我阿媽成日出街食飯彈啲嘢都覺得呢間逸之燒好味所以下次去元朗想食日本野都會再黎另外特別想讚下呢度d服務侍應都成日加茶又會即刻收返d碟(因為我地叫咗個壽喜燒都佔咗半張枱)細心自動波比碗好nice見佢同d熟客打成一片食物同質素

是夜媽媽沒空下廚，我們便到附近的逸之燒食日本菜。餐廳選擇很多，刺身、壽司、串燒、主食等都有不少款式。我先點了土佐豆腐，真是很好吃！豆腐炸得外脆內嫩滑完整，還有很多炸木魚碎，酥酥化化，口感豐富！而銀鱈魚西京燒是季節限定，性價比高。燒魚很滑很好味，甜甜香香的，還有蛋黃醬配搭。之後叫了三款串燒試試，七味雞軟骨雖然不大串，但味道不錯，七味粉令雞軟骨味道更突出更惹味。而明太子雞翼脹卜卜，餡料很多很足料，雞翼亦燒得香脆。最好食是荔枝豚肉卷，是用五花腩片包住荔枝去燒，卷起來食荔枝十分Juicy香甜，整個配搭很好！我們亦點了份皇帝蟹膏，用一個很大的蟹殼盛著，裏面都是蟹肉和蟹膏，份量十足，而且很足料，每啖都食到濃濃嘅蟹味和絲絲蟹肉，燒香後更加齒頰留香！最後繼續蟹的享受，點了份松葉蟹粥，份量二人食很足夠。除了有生雞蛋，還有很多蟹肉、菇、娃娃菜等，所以食起來很豐富，粥底是濃稠口感，但蟹味很突出，蟹粥很鮮甜，配搭本身蔬菜也很好吃！整體來說，餐廳食物質素都不錯，價位合適。

近年元朗越黎越多人, 越來越多好餐廳要係咁多間好餐廳再成為最TOP果幾間仲難, 而逸之燒就可以做到, 元朗街坊都推薦黎朋友係典型元朗仔, 就帶我黎食啦門面都幾日系, 睇黎都係幾正宗既日本菜蟹籽沙律-$52係超爽口既青瓜絲上面, 鋪滿滿滿的沙律醬, 同埋好脆口, 鮮味既蟹籽, 係越黎越食既天氣下, 係一樣好好的開胃菜芝麻雞翼-$48外皮幾脆口, 好香口, 但入面既雞肉仲可以保持到好多肉汁, 太美味了芝士年糕-$18D個係我一樣好鐘意既小食, 煙煙靭靭咁, 好好口感, 而芝士又係邪惡的代表, 夾埋真係好吸引我安格斯牛肉串-$30牛肉好易咬, 牛味重, 個汁甜甜地咁, 兩啖食完, 真係令人食唔停口西京燒-$58銀雪魚好嫩口, 魚肉好滑, 而魚皮又煎得好香口, 油脂入口香口, 我覺得係必食炸軟殼蟹手卷-$28D個上台一定要即刻食, 因為軟殼蟹係即炸的, 唔即食塊紫菜好快會淋, 令個口感唔好, 所以一上枱我一啖放入口, 軟殼蟹既香口+紫菜既香脆+壽司飯既組合在口中共舞, 係非常合拍的壽司-海膽$72,腐皮$16, 蟹肉$28到大家都好期待既壽司, 海脆係滿滿地鋪滿壽司上, 好鮮甜, 1D都冇腥味

終於又黎逸之燒食晚飯。之前已經吃過，因為好吃所以又來光顧。今晚點了平日來這裡最愛吃的，包括有海膽花之戀、海膽壽司。軟殼蟹手卷、清酒煮蜆、黃金燒帶子、豚肉荔枝燒、安格斯牛小排壽喜燒和甜品菠蘿雪葩。首先來到的是海膽花之戀和海膽壽司。海膽份量多，而且鮮甜好吃、三文魚肥美，如果喜歡吃三文魚和海膽真的要點這個海膽花之戀。清酒煮蜆份量很多，清酒味濃！黃金燒帶子上的汁燒至金黃色，帶子挺大粒呢！軟殼蟹手卷即點即炸，上桌時熱騰騰的。豚肉荔枝燒是必點的，沒想過豚肉加上荔枝竟是這麼配搭呢，因為荔枝的鮮甜中和了豚肉的油膩。牛小排壽司燒則是湯鍋煮的，份量也不少，牛味濃郁！鍋裏還有一些娃娃菜。最後選擇了菠蘿雪葩作甜點，為晚餐畫上完美句號，菠蘿雪葩的份量足夠二人食用！

今晚去左元朗逸之燒食晚餐，就喺元朗雞地，yoho行過黎5分鐘就到。餐廳店外店內裝潢都充滿日本居酒屋風情，元朗巿區少見咁有日本感覺的餐廳，最喜歡餐廳入面嘅天花採用木條作橫樑，濃濃日本味道帶有自然又溫暖的感覺，勾起去日本旅行的回憶🌅食物款式有好多唔同種類嘅選擇，刺身、串燒、炭爐燒、一品料理、壽喜燒、飯團、麵食，另外仲有便當同春祭推介。既然係推介當然試下，叫左個銀鱈魚西京燒同香葱吞拿魚腩蓉手卷。老公本身好喜歡食日本居酒屋先會食到嘅食物，所以佢對於呢個日本料理裏面嘅經典菜式～鱈魚西京燒～好有興趣，燒魚表面燒至金黃色，白味噌味道溫和，帶d甜味，好適合配海鮮，加入清酒同味醂調味，非常入味，沙律是可以不用的。香葱吞拿魚腩蓉手卷，滿滿嘅吞拿魚蓉幼細香滑，軟綿綿嘅口感加上碎吞拿魚嘅脂香，一口一啖，豬覺得唔洗要咁多蔥。三文魚刺身，色澤鮮明呈橙紅色，每件厚身肥美，脂肪紋分佈鮮明，紋理清晰，而且肉質堅挺，非常新鮮。燒三文魚頭係我地嘅最愛，非常多肉，而且魚頭嘅膠原都好多，所以入口非常嫩滑，魚味香濃，帶有輕微鹽燒嘅鹹味，一d腥嘅味道都冇。炸軟殼蟹嘅份量頗足，炸得乾身，咬落香脆唔油膩，都唔錯！上枱時幾靚仔，砌返個蟹

逸之燒 (元朗)元朗鳳攸南街9號好順利大廈2座商場地下 57 號舖三文魚子手卷$30三文魚子鹹香，大大粒三文魚子佈滿飯卷上，紫菜脆卜卜。黃花魚一夜干燒$68與干煎的處理方式一樣. 新鮮黃魚從背部對半剖開。黃魚的肉質鮮美，無刺、少鱗、且魚骨軟口感鮮甜細嫩，適合老人、小孩。七味珍寶帆立貝串$52很多汁，味道很濃郁和強烈，帆立貝又大又彈牙。 芝士啡菇$30牛排菇的菇味浓郁，用来烤焗就最适合。加了水牛芝士及香甜的洋葱一起焗，簡單又好食。海膽炒飯$98用上一整板海膽來炒飯， 這個做法令炒飯除了香氣，還可實在的吃到海膽和雞蛋， 感覺奢侈但吃下去非常滿足。 滿口都是來自海洋的鮮味。磯煮鮑魚刺身$43「磯煮」即是用醬汁加海苔以慢火炆煮，海苔的甘甜滲入肉質柔嫩的鮑魚中，加上新鮮鮑魚 的鮮甜口感，絕配！咬下去非常有彈性，鮮嫩多汁，爆Juicy！沖繩赤蝦刺身$98好新鮮，蝦大大粒！我吃了兩大顆, 非常鮮甜! 再來再來, 赤蝦刺身! 三文魚腩刺身$88脂肪豐富鮮美的三文魚，粉紅色的魚肉，香味及濃郁的味道，又帶有豐富的油質。鹽燒安格斯牛肉粒$48牛肉質感有咬感，肉味好香濃，鹽燒略帶bbq味！

元朗好食嘅餐廳有好多，今次想食日本野🇯🇵所以簡左呢間小店逸之燒🍢店內嘅日式裝修，好似去咗日本餐廳一樣。菜式都有好多，有刺身，壽司，串燒，鍋物🤟🏽首先一坐低已經送上細碟嘅開胃小食中華沙律。雞泡魚乾- 想試吓其他食物，淨係叫咗半份，燒得夠乾。沖繩赤蝦刺身- 擺盆好靚，新鮮爽口彈牙，肉質實而鮮甜😋燒黑松露餓肝多士- 細細舊，餓肝煎得好香，淡淡黑松露味唔會搶走餓肝嘅味道，多士減低餓肝嘅油膩感🤩芝士大啡姑- 經典嘅做法，大啡姑非常多汁加上芝士汁燒魷魚筒- 外皮燒得好香，肉質爽嫩🦑安格斯牛小排壽喜燒- 湯味道較濃，配菜入味，牛肉雪花平均，唔會太多，份量足夠🥩鹽燒牛脷串- 海鹽提升牛嘅味道，咬薄肉汁滿滿汁燒鰻魚串- 肉質彈牙，柔軟但夾落去唔會鬆散鹽燒雞翼- 燒得香脆可口，外脆內嫩炸軟殼蟹- 炸到香脆金黃色，唔會太多粉，食唔去唔會好油😋整體餐廳環境寬躺，菜式豐富，刺身新鮮，值得再試👍🏼

雖然疫情既威力仍然持續，但日日屋企煮都唔係辦法，今日就同女朋友出去元朗搵食，相信做足安全措施都唔太怕！一入餐廳，安心出行同埋量體溫呢啲指定動作當然唔少得。坐低之後就睇餐牌叫野食，見到個春祭推介餐牌幾吸引就叫左啲岩食既試下！叫咗個鹽燒日本赤雞心串，一開頭以為係雞肉串，點知嚟到再睇返餐牌先知道係雞內臟，對內臟麻麻嘅我食咗落口反而有啲驚喜，雞心爽口彈牙，內臟味唔濃烈可接受唔錯。仲有叫咗個香蔥吞拿魚腩蓉手卷，吞拿魚腩蓉唔會雪到似冰一樣，食落口感順滑，加些少芥辣豉油食就一流！至於銀雪魚西京燒，魚身燒至香脆，但內裏嘅魚肉就好軟熟，有外脆內軟嘅感覺！跟住落嚟就係極推嘅海膽花之戀，海膽食落極之新鮮、鮮甜而且無腥味，就咁空口食少少已經好滿足，再加上肥美既三文魚同埋魚子，一次過放入口既個種滿足真係好難用文子黎形容，真係一定要試！壽司黎講整體都唔錯，但個鰻魚壽司真係唔講唔得，望落去好似平平無奇，但原來係有兩舊鰻魚，十分足料！燒三文魚飯團又係試過番唔到轉頭，飯團身燒至脆身，有啲似食煲仔飯既飯焦，再加啲熟既三文魚係飯團入面，而外面就再加上汁醬，令到飯團唔會變得乾身而又食到脆脆既飯焦，口感特別！仲有不得不提既就係

今日重遊舊地，朋友半年都沒有到元朗了，想起這間日式居酒屋，座位舒適，聊天好地方。品嚐串燒之前，來一客炸軟殼蟹手卷，店員細心地提醒我們剛剛新鮮炸好，要馬上食，軟殼蟹份量不少，香脆帶甜。🥰串燒肉類鹽燒雞軟骨串，口感爽口。七味日本赤雞雞心串，燒過後還有水份保留，非常推介必食！鹽燒豚肉鵪鶉蛋串，如果只食鵪鶉蛋感覺很膩，但加上薄薄的豚肉，蛋味濃香，口感馬上昇華。鹽燒牛舌加海鹽調味已足夠，牛舌入味軟熟，另一款黑椒相比，味道更突出！😋😋汁燒安格斯露荀串，牛肉略帶爽口，加上露荀口感分明，中和油膩感。炸沖繩芝麻雞翼是我的最愛，夠香口，雞肉又爽口！😚海鮮類牛油燒海虎蝦，牛油香味帶出鮮甜虎蝦的味道，非常惹味又大隻！鹽燒墨魚仔鬚，外脆內軟，富有鮮味。燒鮮菠蘿夠水份又甘甜。燒三文魚頭是朋友最喜愛的菜式，油脂分明同時魚肉滑口。😉😉

今次來到元朗的鳳攸南街這間「逸之燒」的和式小店。星期四晚上，餐廳都坐了不少人，幸好也不需要等位。餐廳裝潢樸實，環境乾淨，以木系棕色為主調，給人很自在及舒服感。打開餐牌，花多眼亂。有前菜、壽司、刺身、燒物、鍋物等等，很多元化。先叫了一些壽司和刺身，帶子壽司、三文魚壽司、火灸三文魚壽司、厚切吞拿魚刺身等等。火灸三文魚壽司一直是我的至愛，三文魚的外皮微微燒至金黃色，肉質嫩滑又軟熟，油而不膩，口感豐滿飽滿。帶子鮮甜美味，口感嫩滑，入口鮮甜甘香。而厚切吞拿魚刺身入口軟滑脂香，魚肉厚肉飽滿，食落甘甜。銀雪魚西京燒這道銀雪魚西京燒，份量都很足料。銀雪魚西京燒整條連魚鱗魚皮一起燒，揭開魚皮後，可見中間白雪雪的魚肉仍很滑溜，魚肉鮮美多汁，肉汁四溢，再沾附上的蛋黃醬，簡直是錦上添花。銀雪魚不算有太多碎骨，很方便拆肉食用。燒松葉蟹膏是滿分誠意之作，燒松葉蟹膏一上枱相當吸睛，用巨型的松葉蟹殼盛著蟹膏蟹肉，松葉蟹已經起肉，混入蟹膏一起燒，很輕鬆地食到一梳梳的蟹肉，每一啖都吃到新鮮的蟹肉，蟹肉滲出陣陣鮮甜味，蟹肉口感爽滑，一口一口都滑溜溜，讓人齒頰生香，回味無窮。我們再加了一份燒飯團，燒飯團外層燒得香脆，有點似煲

第四波終於完了，是時候出來吃飯放肆一下。今次選了日式燒店，店內來裝修像日本的居酒屋，感覺置身日本，有家鄉的感覺。皇帝蟹炒飯炒飯吃落有淡淡的蟹肉香味，而且飯粒粒粒分明，加上勁多蛋和香蔥配料，鮮味得來非常美味可口。烤牛肉串雞軟骨這間店出名的是烤物，吃落真是沒有失望，肉質香而且多汁，加上淡淡的炭燒味，一試上癮。烤魚這道菜我最喜愛，魚皮烤得外脆內軟，加上魚肉鮮嫩多汁，可以看得出廚師的功力。烤魷魚今晚的重頭戲就是這條魷魚，size不用說，味道才是值得稱讚的地方。魷魚肉質鮮嫩，配上炭香，肉質爽嫩多汁，停不了口。

真的很久沒有寫過食評，這次忍不住要寫一個食評，因為真的覺得這兒的丼飯是超級讚！來過這兒兩次食LUNCH，第一次食的是雜錦刺身飯，有三文魚、劍魚、玉子同埋一種唔知咩名的白魚，佢D刺身同飯係分開上，刺身用冰載住以保持凍，一食落去感覺刺身非常新鮮，厚薄亦適中，份量也不少，一個女仔食完好夠飽！第二次食的是極上刺身丼，呢個一黎到真係不到了，心裡禁不住嘩了一身，除了因為佢擺得好靚外，刺身種類也很多，包括三文魚、蟹肉、大粒魚子、帶子、大隻赤身蝦，全部都係超鮮味超好食！隻蝦仲係包埋蝦頭有好多蝦羔，食完真係會覺得好滿足好不得了！美中不足的是我覺得這兒的飯有點偏硬不夠軟熟，不過也有可能是個人口味的問題。這兒的侍應笑容很好，服務十分好，也會主動加茶。最最最正的地方是這兒的丼飯CP值真的是超高！上面兩個飯分別是$88同$128，簡直是物超所值啊！試過元朗雞地另外兩間日式餐廳的丼飯，還是覺得這間最好！一定有下次！

有時返完一個星期工，就係想夜晚好好食餐飯，飲下野，已經好開心。原來元朗都有呢種日式居酒屋，入到去唔算多人，寧靜既環境好舒服。一開始飲返枝波子汽水先爽呀打開餐牌，都見到呢到有好多款串燒，諗起都流口水！一於叫幾款試一試！燒菠蘿好爽甜，完全唔酸，微微既焦香味令佢更好食墨魚仔好正！外脆內軟。蠔串大大隻，每隻蠔都肉厚。安格斯牛肉一樣好嫩滑，所有肉汁鎖晒入面。最特別既，莫過於鹽燒豚肉荔枝串，輕輕燒過既豚肉片，包住大粒清甜既荔枝。一入口先有鹹香味同焦香，然後就係爆汁既荔枝甜味，味道又出奇地好夾，值得一試！另外再叫左劍魚腩刺身，新鮮，好厚身 肥美。安格斯牛小排壽喜燒，見到每片牛既紋理好靚，細滑美味。湯底好濃郁，微微既香甜味。追加稻庭烏冬，非常彈牙！