通達食店

營業中

休息中

去過旺角lee間野好多次，今日終於寫食評，因為我每個星期都要去油麻地，而附近又冇咩好食，所以個個星期都食油麻地個間..旺角魚蛋 好夠味油麻地魚蛋 d未唔夠，又有d腥旺角魚肉 魚肉彈牙，湯好正油麻地魚肉 魚肉冇咁彈牙，湯ok油渣麵 兩間差唔多旺角魚餅 好彈牙，但油左d油麻地魚餅 lee間個魚餅同旺角唔同，佢係用雲吞皮夾魚肉，冇咁好食，而魚肉又少

上星期才食過位於油麻地嘅通達，今是諗唔到去邊度食晏，於是就去咗花園街嘅通達。都係叫番碗仔翅麵，咁就可以比較兩間野的味道同用料。一送上，已知同另一間的翅麵截然不同。顏色單調，無炸蒜、無冬菜、無火腿絲，仲無冬菇絲。真正傳統的碗仔翅？成碗野除咗麵之外，就只係得木耳絲、碎濕濕的粉絲同肉絲！真係好齋吓囉！麵的份量也少，食完都無乜飽的感覺。整體感覺有點揾笨！點解兩間店用料可以差咁遠！呢間分店試一次就夠了！

上黎睇食評就睇得多喇..今次真係終於忍唔住要留一留COMMENT!!因為居然0係HK食到係重慶好出名既酸辣粉實在要為大家推介一下 XDD果日晚餐時間落到去,,未坐低已經聞到好大陣酸酸辣辣既味..見到牆上面有好多酸辣粉既牌!!就好驚訝點解呢D咁既鋪頭都有酸辣粉!!聽就聽得多,,食就未食過,,於是就嗌黎試下啦!!我猶疑左好耐應該食大辣好定中辣好,,最後我嗌左碗中辣...........一擺低..賣相好吸引,,仲好多料添,,炸菜絲,肉絲,蒜茸,花生,莞茜..辣椒油我想講既係..D粉好特別,,半透明,,食落去好滑!!再襯埋陣麻辣又帶D酸既味道..實在一絕..可惜既係食到陣不太喜歡既莞茜味,,略嫌扣分.建議唔食既記住走左佢!!個粉越食越過癮,,忍唔住問呀姐呢D係咩粉..佢話係紅薯粉(唔知有冇錯別字-__-)實在真係要試呀!!!!!!!再試下果FD嗌果碗大辣,,麻辣味亦夠!!雖然好似辣左小小!!但係亦都更加野味!!決定下次黎開呢頭挑戰大辣!!埋單一人一碗酸辣粉都係每人$18!!18蚊食到D咁既質素,,我比11個抵!!!!!!!一個字： 好鬼死正!!!E家仲回味緊..

$16。魚肉碗仔翅：=碗仔翅+魚肉湯。翅底質感很不錯，稠度適中，麻油味很重。魚肉是一粒粒的，跟別店所吃的一條條有所不同，由於是方狀形，吃起來較方便，魚肉也頗彈牙，而且配料充足，如：木耳絲、冬菇絲、肉絲、蛋花、生菜…$6。魚蛋：魚蛋口感彈牙爽口。(其彈牙情度較'津味'的好和較大粒)$6。燒賣：沒特別，不會過淋，口痕之選。(其口感比'津味'的燒賣要好，不會淋透，由於'津味'的燒賣都放在保暖爐中，焗到太淋了)以上2款小食都選擇了辣，但感覺辣味不足，其辣味不及'津味'P.S：此店為梁望峰的『香港平民米芝蓮』一書中推介食店之一

可以用什食動物嚟形容我 因為我咩都食, 特別鍾意掃街放工走左去花園街間通達食油渣麵, 再加一碗淨魚肉多麻油, 就係今晚的晚餐油渣麵有火腰, 冬菇粒, 辣的菜舖同油渣乾, 最吸引係辣菜舖, 同阿姐講多少少菜舖, 佢都無托手踭, 真係好好食o架! 魚肉比其他生菜魚肉店子的出品好味, 因為有鯪魚味一個星期, 會食兩次, 好耐無寫食評, 一寫第一間寫佢!

第一次食油渣麵, 雖然舖面就唔係太大環境唔算好坐得迫D, 但對我來講差既環境都可以有好好食既野...哈!難得黎到當然食個招牌油渣麵~有火腿,冬姑,菜甫,油渣, 將所有餸搞混食, 味道辣辣地, 幾好食!

上網搵下邊度有好味既油渣麵食，點知選擇唔多。大部分網友推介旺角花園街呢一間，所以同老公試下食。　幾經辛苦，搵到個位坐，雖預料會有好多人黎食，但係坐落真係好迫硤。我地嗌左一碗油渣麵、生炒糯米飯、碗仔翅同埋辣魚蛋。油渣麵同網友張貼的相片很似，材料有冬菇絲、火腿絲、鹹（通）菜同埋豬油渣。但係Ｄ麵同平價烏冬麵冇分別，Ｄ豬油渣好似豬什咁，一Ｄ都冇油渣麵個種甘香味。（上次經過大埔道一帶有一間仲好味過呢間（不過唔記得係乜野名））。生炒糯米飯唔熱，炒得唔夠香。碗仔翅好多味精，食完飲兩杯水都唔掂！ 較好味已經係辣魚蛋，因為魚蛋總算煙韌 。老公同我都一致認為：食過就算，難以take 2。

我以前一向食開近油麻地果間, 近日先知近公司花園街都有一間,開心~第一次去呢間試, 午飯時間非常多人,但總算找到坐位 (因為太迫了,所以一般都食完就走....食物質素同油麻地店差唔多, 食左煎釀三寶同油渣面.1.煎釀三寶足料魚肉,但一碟都係油, 好驚...2.油渣面:粉OK, 油渣好咪道唔肥,但火腿絲唔係太配合,菜脯正,湯味偏甜有D怪....但我最想講的係, 呢度D阿姐視顧客如黎乞食的人,呼呼喝喝,粗聲粗氣.我係食開大牌檔的人都頂唔順!!今日買外賣時簡直想爆粗調頭走! 堂食又頂唔順食完果一身油煙味, 放工都未散晒.好食旺場唔係大晒嘅, 老細如果仍然縱容呢D員工(基本上我留意到全部阿姐都係勁有禮貌的!)真係冇野好講,我寧願行遠D去油麻地幫趁

我都聽過好多朋友講..話MK花園街有間小食店既小食好好食,,叫通達食店,,琴日我行過呢間通達,,就入去試下啦..環境幾乾淨,,不過係D位迫D,,間鋪都幾多人下!!坐低之後,,見到同枱位姐姐叫到成枱都係野食,,D野食賣相款款都好似幾吸引咁..我同我朋友2個人..叫左一碗油渣麵,,魚肉湯,,同一碟腸粉加魚旦!!起初都好驚食唔哂,,但係到最後,,我地係將所有食物清哂哈哈首先講碗油渣麵...好多料!!有火腿,,冬姑,,菜甫,,油渣仲有D蔥D麵幾彈牙,,雖然油渣係好肥既食物,,但係加埋D火腿冬姑,,感覺上冇咁油膩!!整體唔錯!!至於碗魚肉湯,,好得意!!D魚肉係一粒粒的,,唔同出面果D一條條..口感好特別,,D湯幾好味!!值得一讚到腸粉喇!!依我見到,,好似枱枱都有叫咁..我同我朋友食完之後都異口同聲咁講左一句:呀!!哈..比對面個姐姐聽到之後佢仲話佢都係突登黎食LEE度D腸粉!!如果下次各位黎到呢間小食店,,都可以試下!推介!!!D魚旦就OK啦,,D汁夠棘,,不過D魚旦就好似太硬,,唔知係咪未熟@@(仲比我見到有個長髮姐姐好令女,,應該係太子女!!因為佢叫老闆娘做媽咪)我會再去呢間小食店!!試

(一個月前食評)終於病好, 當然要食返d立雜野同男友之前都未食過油渣麵, 上次幫襯時又見好多人order, 今次就叫左碗外賣黎試下個麵質ok, 幾煙韌, 上面鋪左唔少配料, 有油渣, 火腿絲, 辣菜脯, 冬菇絲整體味道一般, 油渣食落原來係爽爽地0甘, 唔係好香.. 個人唔太鐘意食無飲到d湯, 都覺得有好多味精.. 食完強烈口渴, 要即刻去買水飲 食完今次, 對油渣麵印象負面, 短期內唔會食了

食咗呢間嘢都好多年, 中學開始食佢既油渣面個時賣14蚊一碗, 2000年咁多年嚟我都係最愛佢個辣魚蛋同 "津味雲吞麵 "唔同 "津味雲吞麵" 所做既係麻辣啲"通達"所做既係甜辣啲咁多年嚟最唔欣賞佢啲油渣面個面底, 唔好食令人驚喜既係水煮韮菜餃 HKD$19.00就有6隻韮菜好香好好味 鍾意食韮菜餃 但又唔鍾意炸既朋友可以試吓

食完和花亭黎左呢度下半場﹐試了辣魚蛋同魚肉翅辣魚蛋唔錯﹐汁好香﹐都幾辣下! 魚蛋算彈牙﹐好食呢度既魚肉碗仔翅幾特別﹐魚肉係方形的. 叫了一碗﹐睇落都幾多料﹐魚肉更是每一啖都會筆到﹐落足料. 可惜味道一般﹐分開食好似好一點﹐但其實兩樣也不算出色.. 魚肉的甜味有點假﹐碗仔翅味道不夠﹐麻油也太重手﹐夾埋算是難食.. 不推薦給大家.. 見到唔少人食油渣麵﹐下次應該會試下 ^ ^

今日去食油渣麵同三寶.唔知係唔係d豬肉加價, 搞到d油渣都加左?! 我記憶中, 今年已經加左三次. 由$16 加到而家$20. 我好不認同一碗油渣麵要廿蚊!實在貴, 唔話加菜浦就得少少, 話加又要加一蚊, 但都唔係加多好多. 其實d野真係好一般. d客都少左好多. 她們應撿討一下水準同價錢係唔係成正比!我諗我都唔會去食過.

尋日下晝又熱又餓又渴, 加上忽然間好想食車仔麵, 咁啱喺呢區師傅當然係去明記啦, 點知去到摸門釘, 冇開檔, 極度失望下唯有行過隔離, 係咁易食少少野算啦!入到去唔係好多人, 坐底叫柯打左一串咖哩辣魚蛋同一串燒賣, 加一杯冰凍豆漿!唔使一陣杯冰凍豆漿率先登場, 喺又熱又渴嘅情況下, 呢杯冰凍豆漿可謂係及時雨, 豆漿本身幾滑, 加上唔甜, 夠凍真係超正; 而魚蛋係十分彈口, 加上又香又辣, 勁正; 燒賣一串有五粒, 幾鬆幾香, 都唔差, 可以!總括黎講小食都幾好味, 地方就一般啦, 價錢相宜, 魚蛋同燒賣一串六蚊, 凍豆漿就七蚊, 埋單都係十九蚊, 下午茶都算抵食! 飲完呢杯冰凍豆漿後, 直到令師傅返晒黎, 大熱天時黎飲一杯都幾解渴, 所以一定會再黎!

4月18日下午茶平時行街都會見到呢間鋪, 不過都無入過來食. 見佢個招牌寫住金牌碗仔翅, 所以一直都好想來這裏試一試. 終於在下午茶時段來這裏試一試. 本來只是想試下金牌碗仔翅, 但係見魚肉碗仔翅個價都係貴幾蚊, 所以最後都係叫左碗魚肉碗仔翅, 個價錢大約係$16-17元左右.個賣相一般啦, 但係D魚肉就好得意, 粒粒狀的. 而味道方面, 我覺得個碗仔翅好鹹, 都吾知係咪個師傅個日落D鹽落得重手左, 重之好鹹. 好在, 仲有個D魚肉可以食下. 但係吾知係咪同呢D魚肉做法有關, 我覺得都係傳統個D魚肉做法好味D. 雖然今次食左個好鹹既碗仔翅, 但下次我會再來, 只不過下次我會來試下佢既油渣麵, 因為在場見到好多人都有叫油渣麵. 不過, 個油渣麵都吾平, 都要成$20 元一碗.