軍記海鮮菜館 (已結業)

上個月某個周五夜,同幾位朋友即慶來到佐敦的"軍記".一早訂了位,假期前夕,飯店街坊市井格.食客不絕,氣氛熱烈.如果沒有訂位,恐怕要等上一個半個小時呢.菜式都是以小炒為主,價錢相宜.幾個人叫了十味菜式,再加上Chris兄的西班牙紅,白酒,另外叫些啤酒.又是一個麻甩到尾的一夜.整體來說,菜式也做得頗有水準.先來的是豉油王吊筒,用濃厚香甜的豉油皇來炒吊筒,吊筒既吸取豉油的甜味,亦不失本身的鮮味.另一道炒魚卜亦不錯,用洋荵,青椒等來炒,有別小弟在其他地方吃的薑荵爆.同樣很夠鑊氣,魚卜又爽又鮮.沒有一點腥味.市面有好多地方吃到風沙雞,軍記一樣有此味供應,此店用的是鮮雞,做得皮脆肉嫩,雞味濃郁.事前在沒有寄望下,竟帶給我們一點驚喜.如果你們說東寶的風沙雞大不如前的話,不如來軍記試一試."者者"通菜煲,上桌例牌沙沙聲,熱氣沖天.吃落夠惹味.又一道令大家驚喜的是蒸黃花魚,火路較得恰好.魚肉剛離骨,肉質極為嫩滑.叫碗白飯來撈些蒸魚豉油同吃,是小弟吃蒸魚的信條.上湯魚肚浸勝瓜,魚肚索盡上湯,勝瓜的香甜,當然好吃.最後連湯汁也不能錯過呢.唯一一道香口菜式炸鱔球,外層如肯德基的炸辣雞,吃落又幾脆口,鱔肉爽中帶

E.T發起的活動，忙了上半場後趁有少少空檔，來看看餐牌又順道試試紅燒斑尾。甫坐下看見幾支紅、白，街坊海鮮小炒好處是不收開瓶，當然亦不期望會有酒杯供應，喝到醉又醉都是手中的玻璃水杯。看看餐牌，都是大排檔式小炒，分別在於入了舖有冷氣開放，服務亦是街坊級數，漏單追菜屢見不鮮。試過幾味老式海鮮菜，紅燒斑尾、鐵鍋炸魚腸、蔥爆魚膘，其餘小菜南乳炸豬手、滷水三寶、乾煎虎皮椒、椒鹽鮮魷亦淺嚐過。老式的紅燒斑尾，看份量這條養斑該有七斤，拍上厚粉炸後備用，待客人落單再蒸，後淋淋以濃芡汁，非新鮮貨肉質單薄無鮮味，皮談不上厚，斑與汁分開處理，味道各自成文，街坊價一百五十左右，不貴，叫做見識過。鐵鍋炸魚腸，蛋與鯇魚腸及魚肝同蒸後原鍋炸，賣相自然麻麻，與bluemoon談起真正宗焗魚腸，益新、富東的勻有水準。是比較濕淋的做法，也吃到蛋香，惟魚腸及肝很腥，難得bluemoon試了兩口，自己試了小半口，放棄，已一段時間沒見過鐵鍋上的魚腸，影下實物作日後參考。很喜歡吃魚膘，蔥爆魚膘是老式做法，魚膘用上紹酒及蔥等料頭爆香，腥味已去，外黏內爽脆，是新鮮貨來的，幾好味，席間食友嫌腥了一點，自己覺得還可以吧，要吃不腥的原味魚膘

今次和一眾開飯版友在此吃了一頓中秋造節晚飯，所以之前對這間菜館沒甚麼印象，入去一看後，是一間很街坊式的菜館，食客們也很causal。基於吃得太飽，當晚實沒有很強烈的進食意慾，一切交給食友作安排好了。先來的幾毎小炒，炒吊筒和上湯魚肚浸勝瓜，都交到應有的鑊氣及火侯，惹味和清淡皆宜，炒魚飄是用上大魚的魚卜，雖然味道有少許腥，不過口感之爽脆，用來送啤酒又覺得不錯。吃完海產，怎都要有點肉和菜，來了一隻風沙雞，其外皮十分香脆，表面有點蜜汁，雖然鹹了一點，但勝在雞肉仍滑，又是送啤酒恩物；另來一窩0者0者通菜，至於南乳燒鱔，個人覺得其外皮粉漿厚了一點矣 !全晚的主角之一，非這條清蒸黃花莫屬，不重不輕，足夠七至八人食用。據店家稱是一條海魚，但現今這麼濫補，加上魚尾是齊尾的，是否海魚仍屬懷疑，但清蒸後細滑的口感和突出的鮮味，加上送飯的豉油，當晚大家都佷收貨。最後意猶未盡，來多三個東西，足料但未夠火侯的豬骨粥，口感還綿，帶點刺激味道的青芥辣牛柳粒，因味道太攻鼻，最後是吃不完的。最後一人一枝蒙古豬寸骨，下了孜然粉後，拿上手是帶點豪情的。是晚服務還算合格，每人約$115的價錢，以今天來說實物有所值。吃完一晚飯，

16/7(三) 8pm這個暑期真熱鬧,不少遠方親友返港,無一打也有半打!是次主角為組長的雙親,洗塵局不容小覷.迎合其父的口味,風味小菜乃首選.重臨軍記,八人點了香草豬仔骨$48,煙燻鴨胸$48,蘿蔔豬骨煲$38,雞蛋焗魚腸$38,椒鹽九肚魚,南乳炸脆鱔,黃金蝦,薑蔥炒肉蟹$98隻,金銀蛋莧菜,風沙雞,芥蘭薑粒蛋白炒飯香草豬仔骨--一客四件,肥碩的豬腳肉質富彈性,肉汁豐盈,入口啖啖肉,加入孜然粉挺惹味! 煙燻鴨胸--煙鴨胸肉嫩且帶煙燻香,水準到家!蘿蔔豬骨煲--豬骨煲內的白蘿蔔,芹菜及豬骨不盡入味,味道稍單調.雞蛋焗魚腸--焗得油潤甘香,魚油帶出的甘香口感,比上次進步多!椒鹽九肚魚及南乳炸脆鱔--兩者皆能做到外層酥脆,入口不膩,魚味猶存!黃金蝦--恰如其分的蛋黃及脆漿黏附於爽口鮮味的蝦碌上,同樣討好的一味!薑蔥炒肉蟹--肉蟹肉地尚厚,結結實實的;至於鮮度未至超卓,薑蔥香也略有不足!金銀蛋莧菜--嫩甜的莧菜中喫出蒜子的霸香,以及金銀蛋的鹹香;味道統一!風沙雞--縱使雞隻不算飽滿,其外脆內嫩的口感足以將功補過!芥蘭薑粒蛋白炒飯--組長老爸必點菜色;飯粒炒至乾爽,而且飽滿分明,見真章的炒飯!花

不嬲對嗰D地茂小館情有獨鐘。今次跟久未見面嘅老友記聚會，老友食家選擇咗來呢度，自己身為佐敦地膽，竟然未曾來過。老友嘅選擇，當然不反對...一行四人，因太肚餓嘅關係，照樣大叫特叫...先來胡椒勝瓜浸魚肚。胡椒味不夠濃，跟潮式風味嘅胡椒湯相比下輸了一籌；魚肚入口一陣酸味，有冇搞錯?招牌川味口水雞，賣相先聲奪人，但食落不夠麻又不夠辣；雞當然係雪藏貨，無雞味可言...本來係叫蝦醬蒸豬頸肉，落單阿姐話上肉仲正，當然照意思去做。蝦醬不死鹹，上肉果然肉質頗嫩，用嚟送飯絕對係上品，係咁多碟餸之中最出色嘅...另一味"麻甩餸"當然係凉瓜魚腸煎蛋。涼瓜份量足，不過魚腸不夠肥美，亦真的有一點過腥，睇嚟陳皮下得唔足夠...最後追加嘅支竹魽魚煲，獻汁實在杰得很，魚塊份量亦不多，支竹亦不夠入味，跟順德菜館做嘅水準差很多...水準不佳，不過勝在夠平，都尚可接受la...

ｇoodshow!! 跟現莊和老鬼到呢到慶功~ 呢間絕對係一間中式菜館! 平時我係一定唔會入黎食呢.....跟老鬼叫了相同的菜~ 炒通菜炒得好香~炸魷魚都好好味! 另外有蔥爆牛肉...呢個又係超香!! 叫左勁多個白飯黎食! 佢d汁拎黎撈飯真係一流呀!! 個咕嚕肉又係有好多汁, 唔會乾爭爭~ 有一碟唔知咩名堂的雞...味道好特別! 仲有另一味唔記得左係咩黎lu....d侍應好好人! 見我地拎左好多野又俾我地擺o係另一張上面~ 服務態度好好!! 我地叫左6碟, 8個白飯同埋一碗瀨粉, 埋單整整$400! 一個人都只係$40! 抵食!

近年搵食都完全依賴了OR，鍾意佢有各界的客觀食評，唔似坊間雜誌咁一味推介勁貴的食店，所以係時候都要貢獻一下。3.14臨時決定同媽咪係佐敦食晚飯，冇準備之下諗住到時撞一間試下。行哂成條吳松街同白加士街，見呢間門口咁多人等，媽咪又鍾意食中菜，咪謄粗粗入去試下囉！見入面坐無虛席，諗住要等好耐，點知話2個有位，好開心坐左張收銀隔離的二人枱。我同媽咪都好鍾意食生炒骨，決定用呢碟菜試下呢間的功夫。但見牆上都貼滿各樣餸菜名，一時間難以決定再叫乜餸，咪叫寫菜亞姐等陣再叫餸。猶疑左一大輪，最後叫左3款- 1. 四川口水雞半隻($55) 2. 生炒骨($48-50?!)3. 涼瓜田雞煲($55?!)首先佢碟前菜花生出奇地香脆可口，埋單先知唔收錢添！加分！先黎口水雞，肉質嫩滑，可惜冇乜雞味。好彩有自製的麻辣醬，縱然係滿碟辣油都無法唔YAM勻D醬食-- 7分再黎生炒骨，大大碟，而且唔係得炸粉同骨，醬汁唔太酸，唔似一般食肆咁狂用白醋攪到超酸又"確"喉-- 9分最後上的田雞煲就有D失望，田雞斬到好碎，係哂煲底，D醬味道幾好但太杰，黏住哂D涼瓜同田雞，涼瓜我就清哂-- 4分環境唔可以期望咁高，老菜館黎講算OK，但

與友人一聚，三個人行來行去，11時多了，還是到了軍記，來到佐敦吃小菜，多是來此．或許是平日晚，人又不多．豉椒炒聖子，很香很入味，但細隻了一點，而且隻隻都脫殼了．金沙脆肉瓜少雜菌，脆肉瓜很香甜很入味，雜菌亦很多，好味之作椒鹽鮮魷，香脆美味臘味煲仔飯，每次來一定會食，臘味的油滲在飯內，飯很乾身亦很香，臘味亦很好吃，半肥廋的臘腸，真的一食再食．服務都可以，與她們有說有笑，亦為我們加飯及好好介紹．三人吃得飽飽，十分滿足．

環境就麻麻地, 好嘈好窄. 廁所就更加不敢恭維. 不過地踎菜館就係咁既風味. 伙計就預左冇乜服務態度.蔥頭雞: 好滑, 不過同普通切雞冇乜分別咸菜胡椒豬肚湯: 好多豬肚, 不過唔夠胡椒味.咕嚕肉: 炸得好脆, 少炸粉, 好味金銀旦莧菜: 普通, 一般貨式椒鹽九肚魚: 賣相奇怪, 似kfc既炸雞樣. 不過味道ok啦.

約年前到此一吃, 其燒腩鉗魚煲, 沙薑雞腳及砵仔魚腸教人難忘. 豈料昨晚再去, 經已大跌其watt. 再吃鉗魚煲, 份量少了很多, 魚依然又滑又鮮, 燒腩真的是腩, 枝竹不韌, 但很咸很咸. 雞腳足足等了四十分鐘才到, 又唔淋, 又無味者者通菜, 成煲菜根本唔勻. 有d 好淋, 有d 好爽, 面就無味, 底就好咸, 搞mud 野呀燒汁魷魚, 檯檯都叫, 但又橙色又唔係好新鮮, 汁既味道只係最平的現成日式燒汁, 唔得炸大腸勉強OK啦, 但係又橙色, 咁多色素點食仲成間野都係油益味! 跌watt 如此, 可能只係一時失手, 唔敢比喊面, 但我已無膽翻兜了. 雖然以價錢論又絕對唔係貴.

13/4(五) 8:15pm兄長的考試大日子完結後,家母提早來個祝捷宴,可笑的是兄長已宣告重考的成數奇高!無論如何,一行五人訂了8:15這時段,甫入步眼看店內高朋滿座,而且桌椅排得密麻麻,地面濕度極之高,環境確然草根得很,不太對勁!牆上貼滿琳瑯滿目的菜式,款色也挺多元化;埋首於菜牌頃刻後,點了香草煎羊扒$58,蒜香豉油風沙雞$60半隻,蘭花帶子炒蝦仁$68,雞蛋焗魚腸$38,支竹魽魚煲$48,生菜豬手煲$48,金銀蛋菠菜$40.香草煎羊扒--肉質超腍而入味,惹味!可惜並非本人之杯中物!蒜香豉油風沙雞--雞皮脆口,入口雞味濃郁,質地嫩滑,水準甚佳!蘭花帶子炒蝦仁--炒得挺乾爽的一味;蝦仁大隻爽鮮具備,西蘭花則富爽脆質地,唯急凍帶子口感腍爛不堪!雞蛋焗魚腸--金玉其外的賣相,細嚐之下發覺焗得不太鬆軟香脆,慶幸幼身的魚腸入口丁點不腥!支竹魽魚煲--支竹冬菇入味軟腍,魽魚味鮮,質感嫩滑,味道像樣!生菜豬手煲--豬手十分膠口,而南乳香不過火位,恰如其分地滲進豬手當中,至於墊底的生菜份量尚算大方.金銀蛋菠菜--菠菜異常嚡口,金銀蛋則索然無味,還帶點不尋常的異味,教人倒胃!人氣旺盛的食店,人手不足致

星期六去完拜年，見食評講得幾好，於是一行五人就黎試下，見全部訂晒檯，好彩佢都比張角落檯過我。坐底跟食評叫左隻風沙雞，芥蘭炒牛肉，咕嚕肉，芝士大蜆，剁椒魚頭，炒豆苗。雞唔錯，皮脆肉滑，芥蘭牛肉，芥蘭一般但牛肉唔錯，一D都唔鞋口，有肉味。咕嚕肉幾鬆脆，而且D肉索晒D汁，幾正。芝士大蜆個汁好正，但蜆無大家講得咁大，不過勝在無沙。剁椒魚頭幾香，但就一D都唔辣，差左D，個炒豆苗就要鬧啦，淡得好交關，個師傅唔記得落鹽。服務明顯唔多夠人，但勝在都幾醒，埋單三百幾，好抵食下，可以再來。

之前叫好多報紙介紹過．．．話佢ｄ麻辣做得好出色....好...走去試下先... 2個人叫左... 口水雞半隻..刴椒魚頭...蒜蓉豆苗...一支大啤... d 口水雞..o係香港黎講...真係唔錯...勁麻...個咀痺痺地...除左大陸我有呢種感覺...呢度都算數一數二... ^^ 不過唔夠辣囉...^^ 個魚頭比起隻雞..已經唔算辣.不過個汁就真係好香...我地叫左小油..所以豆苗..幾好...整體唔錯...好過川味港....鐘意食辣既人不如都試下...真係估佢唔到....不過講到真正麻辣就真係要返大陸...anyway..多謝好朋友未結婚..都封一封大行是俾我.... ^^

知道尋晚要去佐敦,已經上睇定有咩好食,見軍記d食評都唔錯,所以去試!入到去,嘩好迫lor,仲點我地去角落坐,迫到死,心諗如果d唔好食呢我就......!我地3個人,叫左風沙雞,生炒骨,金銀蛋波菜and蒜容粉絲蒸元貝.嘩!d好大碟,仲驚食唔哂,點知,我地全部掃哂!好耐無食過d咁好味生炒骨喇,又夠脆,d汁又唔會太酸,正!風沙雞d雞肉好滑,碟元貝,d粉絲同蒜容夠哂多,碟菜雖然唔特別,但係好大碟,好似平時屋企煮0個d咁多!!加多個白飯同汽水先$220,真係又平天正呀,下次搵多幾個人,可以叫多d試!

前2個星期同一名女友人食番餐地茂feel既. 我已過不少次, 鍾意佢夠casual, 夠扺食, 好有大排檔feel !日點了炒蜆, 咕嚕肉, 酥炸蠔及金銀蛋莧菜.其中酥炸蠔想食了好次, 點知都冇, 今次終於試到喇! 本人甚是喜愛, 眥因炸得不太油, 蠔又肥大, 真係正!炒蜆夠大碟, 夠辣, 夠野味, 唔錯!咕嚕肉都好大碟, 但個人認為偏肥, 只屬一般金銀蛋莧菜, 穩陣之選, 難有突出可言. 但份量十足不過店內食煙人仕不少, 相信全面禁煙後會較舒適.由於店內飲料選擇不多, 故店內允許自攜飲料, 實屬可讚!不過店內阿姐非常搞笑, 成日堅持認得我, 喂邊有可能呀, 我對上一次去係成年前既事架喇啵?! Anyway, 係親切既表現, 總比吋爆老店waiter好,大家話係唔係先?此店我係會再.