車輪餅小姐

營業中

休息中

【我最最最愛的車輪餅店】我係甜品控，但對甜品都幾有要求，我覺得台灣日本嘅車輪餅都唔夠呢間好味。（佢新鮮出爐果陣）呢間主打『多餡』『流心』，外脆烘到微脆，佢餅皮同啲爆餡比例簡直係天衣無縫。食果時要小心燙口同埋啲餡爆哂出來。其實間嘢仲好好多其他野買，但我次次都食兩件車輪餅已經超級飽，但由於要撐黃色經濟圈，今次我決定買埋啲凍點返去第二日先食。#流心伯爵茶麻糬車輪餅 ($15)～Earl Grey 味我第一次見到所以試下，平時最愛食香蕉朱古力或者朱古力金莎味，Earl Grey 流心略甜，但都有好強嘅茶香，加埋好軟QQ 的麻糬，中和後個甜甜度，可以一試。#流心日本宇治抹茶車輪餅 ($12)💛必食宇治末茶味！！#意大利芝士餅 ($15)～15蚊咁大舊，心諗會唔會伏呢，但係好食嘅，可以多少少咖啡味，但口感同甜度都唔錯。#軟心芝士糯米滋 ($15)#日本宇治抹茶糯米糍 ($15)#D24榴槤糯米糍 ($15)～大大粒，漲卜卜，擺到第二日先食都仲好軟，芝士味個皮有少少似雪糕糯米滋。抹茶味一定會encore，榴槤味我咬一啖，我爸爸就望住我，可惜我自私只買了一舊😂😂😂。啲餡我唔識點形容，三舊都好食唔會過甜

今次係美孚交收就順路食埋上次食到好感動既車輪餅小姐🤤，今次就叫左流心特濃阿華田麻糬味(係另一個foodie推介)($15)，朋友就叫左我上次食既oreo金莎醬麻糬味($12)🤣拎上手照舊熱騰騰既同都幾重手！但今次水準一般，勉強都可以叫做流心既，但阿華田味唔太出(一定稱不上特濃🙈)，麻糬就唔夠煙韌，太過軟😢😢朋友都話一般般，主要都係個醬唔夠濃，麻糬可以更好。水準飄忽，下次都唔知食唔食好😭

- 美孚人氣車輪餅店👧🏻《車輪餅小姐》呢間野周不時都有推出新口味、同埋每日都會唔同menu🤤點解咁遠都吸引到我去？因為又係有麻糬既蹤影😍😍提醒返大家一定要即刻出爐即刻食😌熱辣辣係最最最最好味架😤🍪oreo 金莎朱古力麻糬 （$12）一咬落去d溶左既金莎餡料就bit出黎😍咬落有d脆脆地！配搭埋Oreo夾心！甜就預左、但又冇我想像中咁過分甜！🍵宇治抹茶流心 （$12）抹茶味唔味、偏奶味偏甜、喜歡佢既口感杰身😍好濃厚！個人最鍾意同比最高分呢個味道！🍠台式芋泥 （$12）芋泥都好棉密🤤甜度適中！不過食完上面嗰個抹茶之後呢個就變得低分左好多😂😂😂冇上面嗰啲味道咁特別同埋出位！☕️伯爵茶麻糬 （$15）佢呢個伯爵茶其實食落去似奶茶多過伯爵茶🤔微微茶香！不過都唔差！都係帶少少奶味！繼抹茶味後 第二位好食啦😌

前幾日咁岩經過美孚 記明佢有間幾出名既車輪餅店 就諗住去下朝聖。我去到個時無人排隊 但買完之後就慢慢出現左條小小既人龍。當下心諗 真好彩早左少少買。🤭佢都算幾有口味，選擇困難症的我，左諗右諗，到最後買左oreo金莎麻糬車輪餅😜。等候時間約5分鐘，唔算太耐。嘩 咬落去熱騰騰的，d 金莎醬多到「咇」曬出黎 正到呢👍🏼😋麻糬就正正常常，軟軟地 一點都唔硬👌🏻👌🏻不過平時真心好少經過美孚 😢唔知幾時先有機會再食到呢😣

食完晚飯想搵千層蛋糕食，最近去左呢間去到見到個凍櫃已經完全無曬興趣凍櫃得番芒果味&榴蓮味（本身想食阿華田味）見到賣相我只見到無限色素螢光到一個極點都好耐無見過一件咁核突既蛋糕了諗住一場黎到，試埋啦拎出黎啲cream已經溶溶地，稀流流咁完全無半點芒果味，亦無cream味水流流咁，懷疑已經擺左好耐，開始變壞佢塊千層超級無敵勁厚完全唔明點解咁多like 因為個蛋糕真係我人生食過最難食既佢塊千層真心厚過腳皮

車輪餅小姐 中學時代已經食過 近呢一兩年見到好多blogger力推 勾起咗我條神經特登去美孚食😆 每次去到都懷疑自己有選擇困難症 款式有成八種 胃就只得一個 難免會掙扎一陣至決定到食咩味 今次就揀咗我近期大愛嘅芋泥💜 可能唔係新鮮整起 所以食落去雖然暖 但”淋淋”地有少少失望

首先佢嗰糖水好一般，不過死甜。芋丸份量係幾多嘅，不過口感就好一般。然後個問題竟然係個仙草到，本身以為實冇死㗎啦，但點知竟然有苦有有浸中藥味。覺得個糖水可以轉做淡奶或者其他代替🤕

📍HongKong🇭🇰🧡港式奶醬多麻糬($13)💜台式芋泥($12)💚宇治抹茶流心($12)🖤OREO金莎朱古力麻糬($12)🔻推薦指數:🌕🌕🌕🌖🌑甜度:小甜🌕🌕🌕🌑🌑質地:蓬鬆 酥皮重量:3/10體積:正常🔺星期六下午去，諗住打電話落左單先去拎，因為之前買過排好長隊，但佢話依個鐘數唔洗落定單，泥到就有，當日唔算多人，大概6個人左右，拎上手雖然熱辣辣，但見係已整好左一部分放置，落單時再翻熱，不過美味度都無減👌但如果新鮮製餅皮定必更鬆軟。-拿回去路程大約45min，醬餡切開都依然流心👍🏻我先吃抹茶流心，餅皮有厚度 鬆軟綿香有致不乾，有蛋味😚不會太軟巴巴或太濕，感覺比之前進步了！我係由($9)($9.5)($10)($11)食到依家($12)，以前係一開門就去排隊🤓漸漸都是食到已製好後翻熱，未曾試到新鮮做起🙉。抹茶味有，但不是回甘路線，偏重奶香甜嘅抹茶味，不苦澀，適合一般大眾嘅濃度~稠滑嘅醬餡很討喜，custard質地，就咁啜入口😍然後食左沒有太大期望，預左會偏甜嘅OREO金莎口味，咬落去溶心嘅金莎朱古力就湧出🤪仲帶沙沙脆脆嘅質感👍🏻配搭OREO夾心餅嘅甜，整體有點偏甜，幸好配搭有點厚度嘅

美孚有間車輪餅小店，日日都整唔同口味，早幾日經過開就特登走去買😛.🔸台式芋泥 $12雖然其他口味好似特色啲，但個人最鐘意係依個！芋泥唔會過甜，而且份量十足，滿足曬芋泥控🥳🔸流心特濃阿華田 $15依個切開既時候啲餡係瘋狂湧出黎！阿華田味都幾濃~🔸Oreo朱古力金莎醬麻糬 $12首先令我有驚喜既係入面有原塊oreo, 我本身以為會得碎碎。而且配搭幾特別，不錯🔸半熟軟心芝士麻糬 $16本身最期待係依個！但原來佢個芝士係甜🥺食落似吉士多過芝士..如果係做拉絲芝士加麻糬會更好🥺.整體黎講，佢既車輪餅口味幾特別，但餅體既泡打粉味有啲太重🙈但香港賣車輪餅既地方唔算多，久唔久諗起都係會走去食下🤣🤣

我在上手手提電話「開飯喇」戶口還在的時候，已經曾經親身來過美孚的「吉利徑」商店街裡面，購買一次「車輪餅小姐」的「車輪餅」。但是事隔兩年之後，我在黃昏時分再光顧「車輪餅小姐」，當時售賣的所有車輪餅口味，雖然還未至於全部售罄，但是有些口味「車輪餅」，例如「港式奶醬多麻糬」口味「車輪餅」，當時就已經售罄。除了「港式奶醬多麻糬」口味「車輪餅」之外，當時「車輪餅小姐」店舖裡面的店員告訴我，「流心日本宇治抹茶」口味，跟「Oreo朱古力金莎麻糬」口味的「車輪餅」都不幸宣佈售罄。當時「車輪餅小姐」剩下仍然有售的口味「車輪餅」裡面，就只剩下四款口味，包括「雲呢拿」、「阿華田」、「芋泥」跟「自家熬煮紅豆」口味「車輪餅」仍有剩餘而已。可惜我身體一向都有少許皮膚敏感，不適合直接享用「芋頭」，或者享用由「芋頭」製成的食品或者甜品，所以我無奈放棄了「台式芋泥」口味車輪餅。結果我購買一個「車輪餅小姐」裡面的「雲呢拿」口味、一個「阿華田」口味，還有兩個「紅豆」口味的「車輪餅」，勉強湊夠四個「車輪餅」，剛剛匹配「車輪餅小姐」的塑膠外賣盒。所以我認為「車輪餅小姐」裡面的「車輪餅」，還是趁店舖在日間剛剛開門營業，所有口味的

車輪餅小姐 #美孚喺香港，車輪餅嘅選擇唔多，呢間應該係我第一間食車輪餅嘅鋪頭，都已經成三年前，當時見到網上好多人推介。之後陸陸續續都試過其他鋪頭嘅車輪餅，但係依然心繫呢一間！而且佢哋每一日嘅款式都會有所唔同，仲要每個配搭都好正，重點係每一款價錢都只係10幾蚊，真心值得去食！成間小店係由一家人經營，每一個都喺度用心地製作，個個車輪餅都係新鮮出爐，有時多人再等成十幾分鐘先有得食。台式芋泥車輪餅$12冇諗過喺香港呢啲小店食到嘅芋泥都咁高質，當然未及台灣嗰啲咁香濃，我但係都會食到淡淡芋頭嘅清幽，而且好綿，亦冇加太多糖，味道天然！馬來西亞D24榴槤車輪餅 $18呢個真心好誇張，一打開個盒已經成陣榴槤味，入口好綿好rich! 正！花生奶醬麻薯車輪餅 $13呢個係花生控嘅天堂，花生醬又濃又稠，仲要有啲花生粗粒，配埋煙煙韌韌嘅麻薯，真心冇得頂！流心特濃阿華田車輪餅 $15呢個算係四個之中相對上遜色少少，雖然一搣開有好多嘅阿華田醬流晒出嚟，不過略嫌口感味道單一咗啲，容易膩，不過當然如果你好鍾意食阿華田，呢一個一定滿足到你！另外佢哋想買中式甜品、千層蛋糕等等，雖然我就未試過佢嘅其他甜品，但係見到前一個人買

作為美孚街坊咁多年，唔喺講笑，小弟真喺未幫襯過「車輪餅小姐」，事緣開檔初期，因各大媒體猛咁推，佢哋鋪面又細，好幾次經過都見到長長人龍，我就最怕排隊，整整吓就無咗幫襯嘅念頭。近日行完山返嚟，正想買啲蛋撻返屋企當下午，「多多」排長龍，過嚟「櫻島」啦，已經變咗「聖安娜」，見到「車輪餅小姐」無乜人，就改買車輪餅當下午茶。相信唔使小弟多介紹「車輪餅小姐」喇，知佢哋小小一間鋪，一家人努力經營。高峰時，曾經要等上十多廿分鐘先食得到，個個都喺新鮮出爐，雖然依家見佢哋都喺密密手製作，但一向貪新鮮嘅香港人嘅熱情好快冷卻，所以，就唔需要點等，大部分款式都製作好有存貨，即買即有，只喺部份熱門款式需要等吓。可惜喺變相食唔到新鮮出爐嘅貨色，風味會打點折扣。是日嚟到嘅車輪餅口味就寫晒晌一旁嘅黑板之上，有多達8款，都喺$12-$18一個。其實，單賣車輪餅相信都難以維生，所以，晌鋪前嘅水牌，仲見到佢哋賣埋一啲中式糖水，晌凍櫃內就放咗啲西式甜點。老婆鍾意紅豆，所以，就買咗款自家熬煮紅豆口味俾佢，而難得見到有榴槤口味，當然要試一試啦。買得4-5個，就有膠盒包裝，買得兩個，地道啲，紙袋包裝，然而，個紙袋都印咗「車輪餅小姐」個

香港有賣車輪餅鋪頭得幾間，美孚就係其中一間。之前已經食過好多次，而家先得閒寫食評！個人最推薦oreo金莎朱古力麻糬味，個朱古力味都幾濃，岩哂我呢啲甜品控🤤🤤今次試左 芋泥車輪餅 都幾足料 食得出芋泥冇另外加糖見到佢新出左芋泥麻糬蛋餅！下次要去試！

➖➖➖美孚。推介爆餡車輪餅 $12@ ➖➖➖性價比高，見到爆餡料真係好驚喜。其實好多人介紹過，不過我第一次食咋😂。▫️流心宇治抹茶車輪餅 $12▪️流心雲呢拿奶黃車輪餅$12▫️OREO 金莎朱古力醬麻糬 $12▪️台式芋泥 $12.拎返屋企途中已經覺得好香好香不過食落蛋香唔算濃翻熱後，每一個都爆餡😍😍😍😍😍.個人排名：1.台式芋泥2. OREO 金莎朱古力醬麻糬3. 流心抹茶🍵4. 雲呢拿奶黃..▪️芋泥好綿好滑，芋頭味濃▫️OREO 金莎朱古力醬麻糬幾特別味道有層次，少少鹹味（餅底）跟住食到金莎，又有朱古力醬嘅甜，麻糬Q彈▪️流心抹茶🍵有少少回甘但不算濃郁，被奶黃蓋過了抹茶的味道▫️雲呢拿奶黃不過不失 ....➖小總結：性價比超高 $12 係抵食每日的味道也不同經過也可以買黎試試啊

作為美孚居民，一直都好支持地區小店，今日朋友上屋企開Party，買左幾個車輪餅招呼朋友，佢地都大讚好好味，不得不寫個好評！當日有幾種味，包括奶皇味、抹茶、蕃薯同Oreo麻糬味，一律$12，其中榴蓮味$18，不過我就無試到榴蓮啦～車輪餅係即製，等左一陣就有食，外皮熱辣辣，富有蛋香；而且好鬆軟，裡面既抹茶醬濃郁，帶有少少回甘，好正！不過朋友最欣賞既都係Oreo麻糬味，食落好多層次，煙煙韌韌，十分推介！！