車輪餅小姐

營業中

休息中

之前在網上見過有人推介，想試好耐，今日反正經過就去睇下。7點多去到見門口有兩三個人等緊，店員話如果係紫薯味車輪餅就即刻有，正正打算食紫薯，岩晒！拎上手暖的，撕開一半睇，真係勁多紫薯蓉，但食落就無咩味⋯⋯其實我本身都唔係食好甜既，但我都覺覺得無咩味，我諗鍾意食甜既朋友就更加唔岩了。而個餅可以重少少蛋味就好了。如果唔洗排隊都可以試下既，但如果要等半個鐘的話個人就覺得唔值喇。

去美孚探朋友，經過車輪餅小姐無理由唔試下，之前睇網上介紹講幾好食，又每日限4種口味，幾乎日日唔同味，不過入去一問，最快一輪出餅要等9個字，但心諗都未天黑，等下啦，比左錢拎左飛就周圍行下等食餅等左9個字返去遞左張飛仔，仲要識答個落order阿姐，你order左幾個，乜嘢口味先比餅你架唔記得唔知比唔比餅我呢😄

$10 Oreo 阿華田麻糬車輪餅十一個讚‼️‼️食落好軟熟有蛋香，阿華田流心，加埋個麻糬多重口感❤️老闆會蓋著整好待售既車輪餅～防止好快變乾～但個Oreo就有畫龍點精既感覺....好淋，口感有d奇怪😂

註︰之前完全唔識呢間店諗住買少少野搭車慢慢食，見到有車輪餅就去望下，咦，有款流心伯爵奶茶好似幾吸引，買左2個，20蚊。真係餅如其名，流心不特止(差D爆出黎咁滯)，奶茶味道清香而不過甜，食落去仲暖架，值得一試再試!

之前網上見到覺得好吸引, 一直都好想去食, 但美孚對我嚟講真係好遠, 所以一直都無去到.  直到前幾日見到有Oreo阿華田麻糬車輪餅, 只係睇相都已經吸引到我為佢請一日假山長水遠走去買一件嚟食！由於實在太大雨，成身濕晒唔想企係街到食，買左外買返屋企食。店員介紹返到屋企大火叮25秒就可以食, 但我叮25秒後感覺重係凍的, 所以再加左25秒.  D阿華田好似流心咁流晒出嚟呀!  麻薯好Q, 可惜OREO已經淋晒, 阿華田味亦唔係太重, 個皮甜夠剛好, 唔會太甜, 但可惜蛋香味不足.  另外都買左阿華田奶凍大福, 呢個個皮真係唔得, 未食已經爛左, 唔夠Q, 好似雪左好多日咁怪怪的... 如果下次再過開美孚, 可能都會再買車輪餅食, 但大福就真係唔會再食

久仰大名一路都想試下 今日終於去到一去到見到有流心抹茶 聽過友人既介紹即時點左 另外因為好鐘意紫薯都試一試 同埋like左佢facebook 不過無意米水 加左玫瑰花茶一拎上手熱熱的 顏色金黃而且形狀飽滿 好好賣相睇唔睇到呀 流心架 我鐘意佢甘同甜兩者平衡做得好好 唔會太甜太漏 又唔會苦到好似食緊綠茶粉咁紫薯就比較淡口 不過都食到係一絲絲 唔係坊間用色素開果種 如果唔太好甜食既朋友 可以試一試呢個 我諗你會鐘意加3蚊既玫瑰花茶 顏色好好睇 飲落好似紫背天葵咁酸酸甜甜 唔錯 而且3蚊有杯凍飲一路行一路飲 算係好抵呀

之前聽朋友話哩間既車輪餅好好食今日經過順路一於過黎試下鋪頭有啲啲隱蔽係商場既小巷到 搵左一陣先見到鋪面行到埋去老闆已經好好客咁介紹今日有咩口味話有啲口味賣哂要等十零分鐘咁我同男朋友就決定行下附陣返轉頭等佢新鮮出爐買左兩隻味試下 可能我地無企定定等 所以車輪餅出爐之後可能已經攤左陣 拎上手個下只係暖暖地外皮唔算脆 質地尚算鬆軟 不過蛋香味唔重饀料的確好多 帶點抹茶既苦澀味奶味比好立克味重 甜甜地幾好食雖然無想像中咁好食 不過十蚊一個唔貴 加上成日都轉款如果順路都會再試下佢其他口味

今日約左時間去美孚按摩, 係按摩前唸住食啲小食, 上 OPENRICE 見到佢排美孚第一位, 就去試下啦! 見到門口有個牌寫左今日有咩車輪餅口味, 唔知其他口味冇寫既可唔可以叫佢即整呢? 今日有五款, 但當日去到時, 已經有一款已賣晒, 即係淨返四款, 我棟左"流心軟滑奶皇"! 如果係FACEBBOK LIKE 佢地既PAGE, 仲可以+$3 換檸檬薏米水 (自家制), 咁抵當然LIKE 埋啦..唔使等, 一叫完就即有啦, 拎上手熱辣辣食左一啖, 見到啲奶皇真係流心架...GOOD, 唔太甜, 但我覺得唔夠奶皇香, 個餅都好鬆幾好味!自家制檸檬薏米水, 唔甜, 剛剛好, 但係檸檬味較重手, 較酸, 啲薏米煲得好淋, 自家制果然唔錯呀!

有日facebook見到朋友食好西。咦！間店舖正正係男友返工地點附近!即刻提議去接男友放工，做個乖女友先！店鋪每日都會有限定口味，真係要碰碰運氣，看看當日有沒有自己的心水口味呢！朋友推介抹茶、咖啡口味，但當日無咖啡口味了（哭），就試試流心雲呢拿奶黃、流心宇治抹茶吧！流心宇治抹茶！超超超流心！！！要小心呢！我只咬了一口，餡料便完全失控了抹茶味香濃！拍得上出名吃抹茶甜點的日本店鋪呢！超好食呀！在失控的情況下勉強拍下的照片流心雲呢拿奶黃：甜度恰到好處，可惜是雲呢拿味略蓋過了蛋香，但仍算出色。總結：好欣賞店主諗出咁多唔同嘅口味！有些味道都頗有特色呢！店主叫我搵日再黎過，因為日日都唔同架！如果不是快要吃晚飯，我還有好多味想試試呢！下次吧！過幾日再黎！

今日約左朋友交收，但我又好想去試下呢間出左名既車輛餅，咁就約左佢係美孚喇 ~~ 點知...朋友發夢 ~~ 行錯出口，好在最後佢都識過黎搵到我咋...呢道都易搵，去到門口...睇到得 3隻味...有少少失望 !! 雖然都有我想食既 綠茶 !! 但...佢唔係綠茶紅豆囉 ~~ 有應該會好好多 !! final 我買左每樣 2個 !!個盒可以放到 4個 ~~ 另外2個用紙袋 ~~ 說真的...3個味我食完...都真係有d怪 !! 哈哈 ~~ 可能個人口味問題 !! 我現場食左個珍珠奶茶...勁怪 !! 唔係怪有珍珠 !! 係隻味好怪...個餅好似帶出左一D怪味...另外一提既係現場食都唔係脆架下 ~~ 蛋糕仔咁既口感 !! 奶茶餡係流心既...仲好熱添 !! 呢個綠茶味我就放左落雪櫃，我係第2日既中午時間食，我覺得個皮好食過尋日...雖然係硬左D !! 唔係鬆軟 !! 但其實脆皮應該好食D !! 我懶得開爐整熱佢 !! 個餡料好濃綠茶味 ~~ 唔太甜 !! 適中 ~~ 但其實...佢如果係流心...我覺得會幾甜下...另外我就買埋紫薯添 !! 呢個紫薯完全冇味...我唔識形容...

黎過幾次都無開或者關左門，今次中午黎到終於比我試到鼎鼎大名既車輪餅小姐喇！！黎到一個人都冇，可能因為平日同埋十二點呢啲時間，有四隻味揀，見到有紫薯就梗係即刻叫，同埋店主係咁推介十勝紅豆所以都試埋~不過唔洗等即刻有，本身覺得好開心，但拎上手涷哂都知出事佢個 size大過平時出面既車輪餅，但厚身加埋涷冷冷更突顯泡打粉味，而且蛋香味完全失蹤 ，同想像中既味道差好遠喎唯一個饀確係唔錯，紫薯食得出由真紫薯整出黎，無加人工香料亦無話加好多其他沙塘或者油令佢軟綿，紅豆蓉既綿滑亦都抵讚，不過略嫌甜香度差dd，可惜佢太厚身，個皮既失敗完全扣哂分，為幫佢平反我決定食多個流心抹茶，但同樣咁結果... 我真係好中意食車輪餅，點解想食個比台灣或者日本好食會咁難可能下次等佢新鮮出壚會好啲芒果大菜糕就不過不失，可惜芒果唔太新鮮

因工作的關係來到美孚，我對此地確是非常陌生。真定不知道此處的美食，但在港鐡站直上，向左走向右走之下；驚見一間小店大排長龍，真的不知道有何吸引力。 給我一種店鋪雖小五臟俱全的感覺，白色的小板寫上今日車輪餅的四種口味·包括：流心伯爵奶茶、流心日本宇治抺茶、高纖紫薯及香蕉朱古力。 除了車輪餅更有夏日糖水及糯米滋系列，為炎炎夏日做足準備功夫。車輪餅才是此處的主打，與朋友一同點了兩件作品嚐。 自家製的食物永遠是需要久等，小廚房中看到車輪餅小姐的細心製作真的令人期待。而且人流愈來愈多，不知道這股熱潮從何由來？ 流心伯爵奶茶$10新鮮出爐的車輪餅，外層熱乎乎而且十分鬆軟。輕輕一拉開中間位置，流心程度已湧出蛋糕並鬆軟。第一口已滿有蛋香、甜度不高；奶茶味道有但未算強烈，不過甜度得宜而且流心的關係加了不少分數。 香蕉朱古力$10濃郁的朱古力配上香蕉簡直是完全組合，切開一半香蕉連絲拔起；足見用料認真亦不會太甜。朱古力味道呈流心，真的令人大愛。 蛋糕鬆軟而且即叫即製已值回票價，只需$10的下午茶大滿足。如有機會再次到訪必試流心日本宇治抹茶。

2016/8/13星期六晚大約7點9經過佢門口，見未關門，去買2個紫薯車輪餅，佢話只剩3個，我仲比左錢先，我話轉頭十分鐘後過黎攞。之後返去攞，我再強調要2個紫薯，佢亦都有回應我2個紫薯，包好之後我就攞走。點知大約8點四我攞黎食，不是紫薯，里面是淺啡色的，可能是奶茶之類，我食唔出，本來諗住佢地可能只係包錯1個，第2個係紫薯都算啦，點知都係同第1個相同的味道，2個餅都比錯。肯定不是忙中有錯唔小心，因為比錢同攞餅的時候都只有我一個客，根本佢地因為就夠鐘關門，求其賣晒啲貨。講真大多數人都會拎走食，唔會係佢鋪頭門口食，錯左都唔會返去換。咁同屈人買野有咩分別，咁唔老實做生意，唔會做得長久。我係第1次幫趁，但唔會再有第2次。

今日去朋友美孚屋企玩, 諗住上去之前再食多少少野, 佢就推介左呢一間, 佢話好多人食架, 每日仲要有唔同款今日就係呢4款, 我揀左香蕉朱古力, $10 就有交易黎,大大個熱辣辣一咬開入面d朱古力流曬出黎, 鬆軟既餅皮, 充滿朱古力味仲有微微蛋香,配合香蕉, 熱辣辣味道一流

🍴宇治抹茶車輪餅$10再次光顧車輪餅小姐，第一次食時無咩人知唔洗排隊✌️今次食熱潮開始減退唔洗排隊✌️好幸運即買就有個熱辣辣車輪餅係手😋宜加一日只限4款唔同口味既車輪餅。勁想試宇治抹茶味～仲見到流心牛乳車輪餅，馬上急不及待食啦😋meet開發現抹茶醬好流心😍而且抹茶醬都好多，食落口車輪餅既邊邊係帶微脆既。外層尼part做得幾好，但內裡就比較濕潤，相對第一次食就麻麻地啦🙈抹茶醬個味都ok ga，幾真實既抹茶味，帶有小小苦澀，都係上次食既紫薯味好食😋