車品品小食 (已搬遷) 新店位置

呢間舖已經開o左幾年,仲有一個街知巷聞的"紀錄"o吾知係佢地太好,還是其他o吾掂,成區細o既食店淨得呢間做得最耐,尤其係隔籬果間賣親都好似但就好快改名,有o係富榮往的同事話冇10都有8間咁誇!我親眼見過有3次左右,有冇o甘多就真係o吾知o羅.食過魯肉餃,好正,有創意,希望呢樣o野會越來越多人知.但我最愛是勁辣菜甫,佢仲有一隻超辣的,辣到噴火又o吾口渴,食油渣面和碗仔翅至一流!如果呢間o野開o係旺區,我敢斷言可能一早o左成名!

佢地有一個招牌：魯肉餃虾子王面。說是首創，竟然夠胆去用去油的熟餡包餃子，味道真的很像台灣地道濃烈的魯肉，更食到純正的黑豆壺油味而餃皮滑更是上品；虾子面不粗不幼又爽身，更肯用頂很的斗門虾子落湯而出奇的絕配，令整體加分。食到尾再兜起餘下的虾子食，香味留在口腔裡久久不散........$28碗，在外面食虾子柚皮都幾十元又虾子少少，肯用料又有創意，現在在唯利掛帥的社會中已屬少見！他們煲的「玉竹秋梨茶」也是一絕，少甜好潤更罕見。但地方比較細，若不慊熱在晚上卻可坐外，順便看車，我也是因為此機緣找到的。至於招呼都幾好，佢地好了解自己的出品，有問有答。當晚食的時候開始冇乜人，突然一陣好多人一陣又少翻晒，奇怪的問伙記，佢地話做屋苑街坊生意就係咁怪.....返屋企落車都一架架喇！