車品品小食 (已結業)

马来西亚黄肉大木瓜奶蛋布甸。同行的两个人坚持要吃，用骨瓷杯子装来非常别致，可满足青春期女性的品味幻想。阿姐征求我们同意之后在上面加了一层淡奶，原来其实是明黄色，可是没有木瓜应有的甜味，淡出鸟来，不多的淡奶于是就显得肥腻。非常可惜三沟碗仔翅，三温暖是也。手撕不规则的大冬菇口感异常好，生菜保持翠绿咸甜不像是被白水煮得苍白泛黄的货色，鱼肉其实是鱼蓉，紧实足料同行两人一位东北一位西北，看到桌边的咸菜就痴咗线，她们足足吃掉大半盒……我不怎么吃这类食品，因此还是不评论为好虾子白粥。光吃咸菜是不够的，她们又叫了粥，让我把上面的虾子刮掉……这里的白粥不算是纯广式的，米浆和米粒比较分明，让我们感到亲切。虾子火候炒得正好，咸香却没有干海产的臭腥味。看了之前食友分享的猪油绿豆沙，身为猪油控非常激动地下单，被告之没有且这里不是糖水店（突然严厉起来）。为了等四十六年陈皮津红，我们从1点几坐到两点半，好在边食边倾不知不觉。阿姐话当日朝早开始熬煮，陈皮完全融入了每一个原子，红豆只剩下所能达到的最轻薄的皮所有人效率第一资源最佳优化配置的时候，他们宁愿关上又小又旧的店门也不愿意使用次一等的佐料。想象明天有些食物不再是祭

我之前住大角咀, 每星期最少食1次!! 車品品嘅車仔麵同一般車仔麵吾同, 佢係"衛生車仔麵", 而且用料成本高! 吾會求其俾d垃圾人地食.我最鍾意係佢嘅.. "溏心皮蛋" 保證溏心.. "蘿蔔" 係鎮店之寶.."豬腸" 乾淨又好食.. "菜圃" 極之好味, 無限提供.."魯肉餃" 第二度真係食吾到.."冬茹" 吾靚吾會買黎整.. 好入味.."牛柏葉/ 魷魚" 亦好新鮮, 配合咖哩汁, 好味!....仲有佢d飲品好好味..例如: 梨水/ 山楂茶..and 咸肉'種', 勁多綠豆!!!!!!!!!!!!! 食到邊邊都有!!!!惟一有個問題, 就係手腳慢d, 因為人手吾夠.. 但佢為左保持食物水準, 都吾會亂來.最緊要係老板娘極之有禮, 所以我吾介意花多一點時間 去等我嘅美食!***仲有, 佢可以俾狗入去, 不過吾可以太大隻, 因為地方淺窄. ((老板也是愛犬之人))

一樣叫做PTA既學生名單搞到我Short左，七點半先閃。好野，總於有機會去呢間野食野Lu@@"叫既係車仔麵，早知叫佢走湯只要汁，雖然+5蚊。個麵既蝦籽味好得，又彈牙，反而個滷肉餃就反高潮左@@"太甜啦......個蝦籽味點都搶唔到出黎，反而墊碗既菜仲食得下"個秋梨茶夠清，雖則藥效野真係算啦，但At Least好飲=)

今晚就會和女朋友上飛機到歐洲遊玩了，所以特地要找一家夠代表性的港食來使我在到了外地後，也不會太惦記香港的美食。吃的點了四樣東西，分別有碗仔翅、蝦籽白粥、蝦籽魯肉餃及一碗五餸的車仔麵。要吃魚翅，個人認為與其吃酒樓的漿糊翅，又沒有雞湯味，翅也不多，或更甚的是腥的，那倒不如吃一碗美味的碗仔翅，碗仔翅的翅是粉絲，再加上大量的冬菇絲、黑木耳及鮮肉絲等，再加上上湯製成，是一碗比很多酒家麵出色的「翅」。蝦籽魯肉餃及蝦籽白粥說穿了其實是在魯肉餃及白粥上撤上蝦籽。先說魯肉餃，餡料不太多且個性也不太強，勝在有蝦籽的鹹香補救了，每粒的餃子也在啖着很香的蝦籽味；而白粥在上桌時已不太熱，是剛好的，但不要再等，一定要即吃，粥底挺綿也有米花，但米的香味不太吃得出，白粥的表面撤上不太多的蝦籽，對我來說是絕對可以多一點的，由於不想每口粥都差點點味道的關係，所以想出了先不要撈勻，在吃每匙粥的同時，也取自己認為夠味的份量的蝦籽同吃，最後在吃光蝦籽後，也還剩半碗粥，剛好可以讓我與放在枱面的辣菜脯同吃，簡直可以說是一粥兩吃，值回票價，說回那，辣菜脯，真的是很好吃呢，絕對令我可愉快地清掉那半碗粥，辣味足，且也漬得很入味，菜脯的香

原本只想吃一碗面，但最后叫多了兩個甜品。事緣車品品的事頭（兩隻狗狗），最近生了一隻狗女，為了慶祝小狗出生而創了新甜品 - 小金菠蘿旦布甸。老板娘推介，立即叫了。見到有馬騮頭蛋白布甸，也立即叫了，因為老板娘說榴蓮不正不賣。車仔面加雞翼和貢圓，雞翼夠味，貢圓和平常吃的不同，不彈牙，不懂得欣賞。下一些菜脯加些辣醬，仍然是一碗好好食的車仔面。接著到主角出場了。小金菠蘿旦布甸，用中山小菠蘿做，味道較清甜，一食就知不是罐頭貨 ，整個布甸都是菠蘿，料足。食完，覺得非常清新。馬騮頭蛋白布甸，終於讓我吃到了，滑，香，整個都是榴蓮，但又不會滯。選的榴蓮應該都是剛熟而不會是坊間的爛熟，因為帶著一點清新。其實只有自然的榴蓮甜和香，無花巧，食的就是選榴蓮的功夫，而且賣相很好，一點都不像榴蓮甜品。兩個甜品，不論是口感味道都是絕佳。食了多次，覺得車品品的甜品比面食更得我們歡心。絕對是驚喜，吃到了這麼好的甜品，真要多謝兩隻小狗。

數一數手指，都有半年沒有到過車品品消費。是日到奧海城工作，雖然只有半小時食飯時間，也要趕去品嚐一餐高質素的午餐。在這人人自危的時勢，對自己好一點吧！胃口不佳，不再吃招牌魯肉餃或雜麵，清清地要碗皮蛋粥，加份豬皮蘿蔔。病病地，原本想飲杯梨茶，但梨茶又沒有熱的供應，惟有放棄。熱飲似乎只有篤篤可以選擇。豬皮厚身，咬落爽脆，同時也因為吸收了醬汁的精華，十分入味；蘿蔔清甜，沒有渣，永遠是高水準。粥底又係十分綿，放上不少的瑶柱絲，皮蛋味道好，有溏心。作病既時候食一碗綿綿的粥，最好不過。篤篤即無火果桂圓肉茶，是熱飲。味道帶點甘，入口順喉、清潤，喝一杯幾舒服的。三十幾蚊的一餐，也可以很滿足。諗諗下，點解會見唔到老闆娘坐陣呢?

首先 得罪o的講句 食評似乎有啲同間店o既食物質素有所出入唔係難食 不過又唔係好食囉....連我親自食過 我都要企出o黎寫個公道o的o既食評我係大角咀工作 所以經常會去呢附近食lunch...有次同成班男同事一齊入咗去入到去睇完menu先覺得有o的後悔...因為...lunch選擇只得o的冇咩選擇o既車仔麵....唯一可取 就係...有免費寵物/ 時裝雜誌睇好~ 首先講番食物質素車仔麵簡餸 簡到我頭都痛 因為得好少o野簡(我認為係...好cheap o既料囉)好基本o既料都冇得俾人簡....唉~ 終於 我o地叫好晒o野 老闆娘係就係幾好客不斷推介我o地試佢o的小食我o地又覺得一試無妨啦o的車仔麵未到之前其中同事叫o左碟蝦子柚皮同埋唔記得o左係咩o野...抱歉 客觀o的!! 真係普通貨色....值得一讚係老闆娘推銷同比喻手法(讚到自己o的o野食天上有 地下無 一流!!)但係食物質素真係....尚需要改善....只能夠勸勸老闆娘唔好作得咁大...如果唔係只會令客人十倍失望終於 車仔麵到....好...失望囉o的料好少....連o的麵都好少....話說有同事叫o左個油麵底 叫餸時

2個人叫左蝦子白粥 : 係幾綿，清清地，應該無乜味精，不過唔係好特別魯肉餃 : 甜唔係1個問題，我覺得ok，不過皮厚車仔麵 : 蘿蔔+丸，蘿蔔好甜，不過d丸唔掂，平價凍肉舖質素藍莓蛋白布甸 : 藍莓少，又無藍莓味，都唔知食緊乜，好似食緊普通燉蛋白咁，夠滑但唔香，好失敗...服務一般la，好似好忙咁，埋單都埋左好耐...唉...我特登去大角咀食ga，點知咁一般，又唔平，好失望，好少比面既我都要比返個個人覺得未到入圍質素...(純粹個人意見)

17/2/2009 (星期二)今晚終於有機會試下呢間人氣食店，店內面積不大，已有不少客人，一般街坊食店的格局，坐位較擠迫。老闆娘態度親切，好落力介紹各款食物。 我叫咗酸薑皮蛋($10)、碗仔翅($14)、油菜($8)、小金菠蘿旦布甸($18)。酸薑皮蛋： 好食，如果有多d薑就更加好。碗仔翅： 又大碗又多料又好味，正。腩汁生菜： 清清地啱晒我口味，生菜份量頗多，算好抵食。小金菠蘿旦布甸： 本來一心想試下人氣的紅豆沙，但老闆娘話今日無紅豆沙，當堂好失望，老闆娘好落力介紹白板上面其他各款甜品，花多眼亂，我終於揀咗小金菠蘿旦布甸，老闆娘話係用中山小菠蘿做，真材實料，唔係用啫喱粉開水。小金菠蘿旦布甸賣相好靚，用有玫瑰花圖案的西式茶具上枱，真係要加分，食落口有淡淡的菠蘿香味，亦有菠蘿肉，味道不太甜，口感清新。

車品品大老板狗仔邦邦同埋淘陶生左bb飛飛作為捧場客當然要去一趟見證呢件喜事同男朋友加兩個朋友一行四人由旺角走去大角咀去到時人客都滿九成在party room坐下已經見到事頭婆忙唔停事頭婆送上幾隻包得好精美ge紅雞蛋比我地,入面有年曆卡,飛飛自我介紹我地成晚order左好多次野食叫左以下食物:兩溝x1:車品品ge兩溝無出面咁稠,個人好怕食出面o個d好鬼稠ge碗仔翅碗翅加上事頭婆自家制ge辣菜甫之後好正大雜面加腩汁加小辣x3:男朋友同朋友叫ge,我事先話左比佢地佑車品品ge小辣係好辣佢地唔相信我所以中招(好彩中招前我夾左d蘿蔔黎食)剩魯肉餃x1:呢度ge魯肉餃o係第二個地方未食過,餃子上面加上大量蝦籽配合,令餃子變得惹味蝦籽白粥x1:男朋友最愛,對於自稱味皇ge佢黎講去車品品無食蝦籽白粥就好似去壽司舖唔食壽司一樣,蝦籽白粥第一啖食落去係淡淡蝦籽味,但越食越滋味八喜撈x1:粗面加上幾種唔同配料撈埋一齊;京蔥又fresh又好味,我超愛粗面沾上魚鬆ge味道,加埋豬油落去撈..完全將幾日前非公開發表ge節食宣言拋諸腦後啡牛x3:本來想要黑牛但沽清唯有要左啡牛,咖啡味雪糕加可樂,飲完之後覺得啡牛正過

曾記得上一次去, 問過老闆娘 "妳是老闆嗎?"她指著餐牌上的兩隻狗狗, 這才是老闆.稍後時間再去過一次, 知冇糖水食, 調頭就走了...今次去到, 我未婚妻第一句問老闆, 有什麼甜品....我看著這個食物版, 有這個無花果布甸, 掂, 有得食....今次仲吾做老闆...!!食物內容:金牛 ($14): 要訣係在個杯處, 一早放在雪櫃內, 再加 忌廉 和 雪糕 (未婚妻 話)督督 ($10): 好飲, 好好味...碗仔翅 ($14): 真係好多料, 一碗都飽大雜餸粗面 ($29): 老闆娘話 d 面 全疍冇簡水, 又真係幾好味喎...不過, 老闆娘都加左句, 面餅細 d吃罷這些食物, 跟住當然想食甜品啦, 但這時才發現無花果布甸賣晒... Oh NO, 上天賜與女性兩個胃, 現在, 裝甜品的那個胃現正空著, 我涯肚子不緊要, 我未婚妻的胃可不能啊 !!然而, 雨後總有陽光, 老闆娘話有其他甜品新供應...甜品內容:呂宋芒布甸 ($20): 老闆娘話, 芒果本身夠甜, 所以冇落糖..紅豆沙 ($18): 都真係好好味, 好夠沙只得以上兩種都試晒了...在車品品內的甜品, 是可遇不可求,

睇到openrice咁多好評,一於去試一試但緊記..呢間店係逄星期一休息架..我想無咩人估到囉..因為我星期一去到摸門釘哦...於是就昨晚再去,魯肉餃~真係幾好食..餃上面有啲蝦子,好香口三满~真係好多料,從未試過啲料多到成碗都係..好"杰"嘅感覺我男朋友就叫咗車仔麵..湯底ok蘿蔔非常鮮甜,好好食總括嚟講係無失望唯一缺點係地方實在太細了。

來食的次數當然不只２次,因為次次嚟到都係叫鐘意食果幾樣無試過其它嘢!今次終於試Ｄ之前未食過嘅!碗仔翅兩溝----冬菇肉絲多得有點離譜!差不多好似街外兩三碗濃縮為一碗的版本,魚肉無腥味加少少辣菜甫撈埋食仲正！八喜撈----都幾大陣仗!有粗麵、葱、京葱、黑白芝麻、肉鬆、豬腩油、壺底醬油、酒精爐一個!食果時全部倒晒落去撈勻,唔好心急等佢加熱到開始吱吱聲,聞到豬油香味先炒番底果Ｄ嚟食,由得佢燒到燶燶地仲正！無花果布甸----又係期間限定食品!唔食唔知幾時至有,布甸質感細滑有粒粒無花果核碎,無多餘的糖份調味,食完出門口埋單果陣口中尚有少少無花果味.(其它地方很少有得食無花果,就算有都多數出現在意大利菜,用巴馬火腿包住新鮮無花果食,效果好過包密瓜！)又係同紅荳沙一樣唔係次次有,可遇不可求！

環境+服務方面:第1次去入面比我想像中大~開放式既廚房都ok光猛~油煙亦唔多~不過座位就麻麻地舒服~普通茶餐廳咁既位~我去果日人唔多~人手都算夠~不過無其他人講到咁好服務..可能因為唔見老板娘la...食物方面:蘿蔔/菠菜丸烏冬: 蘿蔔真係甜~係好食既~不過菠菜丸就認真麻麻地..無乜菠菜味..唔知食緊乜..蝦子白粥: 無想像中咁綿...水準同出面粥舖差唔多...無乜驚喜...蝦子就幾香~魯肉餃: 係帶甜味既餃~類似日本風味果隻甜味~我都接受到既~所以覺得ok~幾juicy~無冰既奶茶: 一般人應該會覺得唔夠甜~我自己覺得ok~亦唔覺澀~最大既問題係唔夠香...藍莓蛋白布甸: 呢個都幾差下...其實成餐飯都好清淡...但係我竟然覺得呢個甜品好淡...只有甜味..無乜藍莓味...呢個甜品如果肯落多d料...唔應該咁差...總結:我覺得去一次就夠la...真心...唔係真係咁好味...

名符其實的 "小" 店早前食過這裡的碗仔翅, 很好吃, 很足料, 也只不過賣 $14. 街邊小食店, 那些難食的也要$12碗嘛. 所以, 昨晚決定再番兜~~ 但這小店, 真的太 "小" 了.第1"小" - 人手"小"可能店太小.....昨晚去, 全店只得3個人, 佢地一手包辦: 帶位, 執檯, 落單, 煮野, 水吧, 洗碗, 收錢等......所以, 好多時, 佢地顧得一樣, 又顧唔到一樣.....佢地埋單收錢, 唔係用收銀機, 而係我地拿住張單去收銀度, 佢再看張單, 用計數機慢慢計....顧得收錢, 又無人去整野食....野得野食黎, 又無人落單.....成晚住睇佢地走黎又走去, 急呢樣急O個樣, 本應都唔忍心催單...但等左好耐都無 人理, 唯有再催, 先知道原來忘記左..... 第2"小" - 太"小"家因為上次, 紅豆沙賣晒, 今次特登黎食, 所以, 先在店門口問問店內個女仔, 有無紅豆沙, 個女仔都未答, 個老闆就插嘴, 話係唔可以只係食紅豆沙, 一定要叫其他野食, 先可以再叫紅豆沙... 駛唔駛咁計算呀, 我只係問有無o者, 唔駛咁早計住呀(超汗!!!) 其實間