影片
更多
2009-01-09
10 瀏覽
名符其實的 "小" 店早前食過這裡的碗仔翅, 很好吃, 很足料, 也只不過賣 $14. 街邊小食店, 那些難食的也要$12碗嘛. 所以, 昨晚決定再番兜~~ 但這小店, 真的太 "小" 了.第1"小" - 人手"小"可能店太小.....昨晚去, 全店只得3個人, 佢地一手包辦: 帶位, 執檯, 落單, 煮野, 水吧, 洗碗, 收錢等......所以, 好多時, 佢地顧得一樣, 又顧唔到一樣.....佢地埋單收錢, 唔係用收銀機, 而係我地拿住張單去收銀度, 佢再看張單, 用計數機慢慢計....顧得收錢, 又無人去整野食....野得野食黎, 又無人落單.....成晚住睇佢地走黎又走去, 急呢樣急O個樣, 本應都唔忍心催單...但等左好耐都無 人理, 唯有再催, 先知道原來忘記左..... 第2"小" - 太"小"家因為上次, 紅豆沙賣晒, 今次特登黎食, 所以, 先在店門口問問店內個女仔, 有無紅豆沙, 個女仔都未答, 個老闆就插嘴, 話係唔可以只係食紅豆沙, 一定要叫其他野食, 先可以再叫紅豆沙... 駛唔駛咁計算呀, 我只係問有無o者, 唔駛咁早計住呀(超汗!!!) 其實間
早前食過這裡的碗仔翅, 很好吃, 很足料, 也只不過賣 $14. 街邊小食店, 那些難食的也要$12碗嘛. 所以, 昨晚決定再番兜~~ 但這小店, 真的太 "小" 了.
第1"小" - 人手"小"
可能店太小.....昨晚去, 全店只得3個人, 佢地一手包辦: 帶位, 執檯, 落單, 煮野, 水吧, 洗碗, 收錢等......
所以, 好多時, 佢地顧得一樣, 又顧唔到一樣.....佢地埋單收錢, 唔係用收銀機, 而係我地拿住張單去收銀度, 佢再看張單, 用計數機慢慢計....顧得收錢, 又無人去整野食....野得野食黎, 又無人落單.....
成晚住睇佢地走黎又走去, 急呢樣急O個樣, 本應都唔忍心催單...但等左好耐都無 人理, 唯有再催, 先知道原來忘記左.....
第2"小" - 太"小"家
因為上次, 紅豆沙賣晒, 今次特登黎食, 所以, 先在店門口問問店內個女仔, 有無紅豆沙, 個女仔都未答, 個老闆就插嘴, 話係唔可以只係食紅豆沙, 一定要叫其他野食, 先可以再叫紅豆沙... 駛唔駛咁計算呀, 我只係問有無o者, 唔駛咁早計住呀(超汗!!!) 其實間店, 一早貼左, 每人最少消費$14 , 現在環境咁差, 街邊小店重有最低消費呢o的條款都真係....無言囉. 但$14又唔係多, 所以, 都由佢啦~ 但個感覺, 覺得個老闆看錢大過天囉.....
講番野食~
這裡主打車仔麵, 但上次食過, 無特別, 不論麵, 餸, 都係同出面車仔麵一般, 不難食, 但也不好食. =.=! 所以, 今次就沒叫了. 只要了 碗仔翅($14), 魯肉餃($28), 紅豆沙($18).
碗仔翅: 依舊足料好味.
魯肉餃: 生菜墊底, 8隻湯餃子, 面灑了很多蝦子 - 不食的時候, 覺得個名都幾特別, 應該不錯的...誰知湯是普通上湯. 餃是人手包, 味道一般, 但不及普通豬肉餃般香甜多汁....未食過的可以一試, 但無下次...
紅豆沙: 終於黎到全晚主角....食晒所有野, 等左好耐先上場....點知....大失所望.....>.<!!!!
個碗洗唔乾淨, 搞到紅豆沙一上枱, 已經見好多油花在紅豆沙個面浮住.......
點知, 一舀....重大劑........可能差不多賣晒, 所以溝左水, 碗細細的紅豆沙, 勁稀, "水流流" 似足紅豆水咁......
紅豆未食都睇得出用貴價貨, 大粒飽滿, 又起沙, 重有陳皮味....但最大敗筆係因為佢溝左好多水, 所以加番o的白糖落去, 整番甜佢, 所以, 食左兩啖, 個口已經很酸........連酒樓免費送的糖水都好味過佢......我想, 如果唔溝水, 係應該好好食....
落完單, 我先知個紅豆沙要$18, 因為, 間店最低消費$14, 而且要超過$14, 先可以另叫紅豆沙....點知, 一個紅豆沙都貴過最低消費啦. 都唔明點解可以咁矜貴.... 老實講, 我從來未食過咁貴又咁難食o既紅豆沙.我下次, 都係食番碗仔翅算喇.............
埋單2人, $60
張貼