越風味地道越南料理

營業中

休息中

新年前 周圍都咁多人 晚上係旺角做完野 係砵蘭街搵食 咁岩好耐冇食過越南野就試下 同朋友叫左一人一個主食 同一個小食share 蕃茄蟹肉香葉燒肉湯 Benh Da粉店員話Benh Da粉係粗少少既粉 但比平時食開既煙靭少少黎到好多料 扎肉 肉丸 豆卜 最有驚喜既係蟹肉係真蟹肉 連蟹腳個種配埋番茄湯 好甜 Benh Da粉我覺得似粗麵 同番茄湯都夾越風味珍寶火車頭湯檬 朋友叫既火車頭 都好大碗 好足料 湯頭雖然同番茄湯原全唔同 但都好甜 牛肉都勁嫩蒜蓉牛油雞翼食越南既必點 鐘意佢外面炸到好脆之餘食落又會好香牛油味 呢到都做到 叫主食可以半價加飲品 叫左杯熱檬茶解膩 又係滿足既一餐

係旺角行完街，女朋友剔起條根想食越南野，即刻openrice 下邊到有好食既越南野，見呢間食評不錯就黎左試試佢環境係不錯既，屬於男士既櫈都坐得舒服，唔會係好硬既木櫈，亦唔係面好細既斯文櫈叫左個咖喱炸軟殼蟹飯，小食拼盤，豬頸肉沙律個咖喱汁咖哩味唔濃，偏椰奶味，冇咩咖哩香味，個人偏向日式咖喱，薯仔唔夠淋，但個炸軟殼蟹係出色既，放左入咖哩汁到都仲係脆口，唔會有個油氣味，so nice，飯就略硬。小食拼盤好食既，其中個蒸粉包好既，有點似厚少少既腸粉皮包住d肉咁既，係少見既，但好食呢間既豬頸肉沙律係驚喜既大碟，好多肉，菜類係新鮮清甜，非常好

夜晚放工後去食飯，想平平哋睇下附近有啲乜嘢食，誤打誤撞之下，來到呢一間越南粉麵料理專門店，見佢門口餐牌上面嘅越南特色粉麵選擇種類非常之多，又有好多款唔同嘅小食，當然要試下啦！～平日嘅夜晚，估唔到都有幾多人客，不過好好彩，我哋好快就有位可以入座。二人份量嘅<火車頭>，非常之大碗咁樣上枱，而且材料相當豐富，有牛肉、牛丸、手切牛腩、扎肉、蘿蔔等等。牛丸非常之彈牙惹味，牛腩咬落去非常之有質感，牛肉鮮嫩，河粉入口亦都非常之細滑，個人尤其鍾意呢個越南湯粉嘅湯底，非常清甜嘅牛骨湯底，帶有微微嘅香料味道，特別又好味。二人分享呢個咁大碗嘅火車頭，份量剛剛好。呢度嘅越南咖啡，用上正宗越南的地道咖啡粉，咖啡味道夠曬香濃。另外我哋仲叫咗一份越南小食拼盤，有炸蝦餅、越南炸春捲、炸八爪魚餅、粉包同埋扎肉。炸蝦餅炸得非常之金黃香脆，入口彈牙好食。特別推薦呢度嘅越南特色粉包，因為粉包入面有滿滿嘅豬肉碎作為餡料，材料非常豐富好食。炸春捲入口夠曬香脆惹味。兩個人都係食咗二百幾蚊，抵食又好食，下次有機會我都會再來呀！

越風味地道越南料理 旺角砵蘭街108號地舖有禮貌 有介紹裡面都幾光猛 精神整齊 睇落舒服手打蝦餅 ——真係有蝦肉粒嘅蝦餅 表皮香脆 一定要配合埋個蝦餅醬一齊食 唔識講嗰種味 鹹香鹹香👍🏻😳唔會剩係得肥豬肉或麵粉 香茅豬扒牛骨湯檬粉——講左個湯底先 牛骨湯 清清地既牛肉味 檬粉係堅檬粉 終於唔係HEA檬粉（半透明果隻）呢隻係米白色 幾地道 有骨靚豬扒 愈近骨位既肉最正 香茅雞扒——勁大塊蛋白質係面前 厚肉脆口 一啖肉一湯牛骨湯底男士會飽足！女士會愛上！ 少脂之選

越南菜在旺角都有不少，而這間見新開價錢又唔貴就來試吓，坐得都舒服唔迫，食物質素都可以各自叫一個主食加一個小食和一杯飲品，不用加一，結帳$253，等不用10分鐘食物就開始來到都幾快手烤牛肉撈檬，牛肉不少再用洋蔥炒過幾香，配菜都幾新鮮，檬粉份量都可以，如男仕就可能覺得少咗啲見隔離桌叫幾吸引個蛋就叫了，豬頸肉太陽蛋飯，豬頸肉份量都幾多，邊有點微燶不錯，當然再夾蔥油一齊食仲正，蛋吸引仲加了少少胡椒，白飯份量十足一大碗小食拼盤每款真心幾好食，春卷和蒸粉包勁多料，蝦餅和墨魚餅食到入面有海鮮粒有咬口仲有扎肉，醬汁幾款辣度比心目中高幾惹味，如果有多2片生菜包春卷會更好餐加$25可叫芒果沙冰，都幾大杯而且沙冰打得幾滑甜度不太高但又有芒果味幾好

今日係旺角收工諗住同朋友經砵蘭街行去油麻地仁安大廈果邊睇吓Broad Game♟️，行下行下就聽依間餐廳老闆係到叫人入去試下，餓餓地就試下你啦😏餐廳門面好新正，鋪面綠色為主，坐落又幾舒服一人火車頭🚂🍜$88大大碗份量足，上菜果時望住啲生牛肉片慢慢咁浸熟又幾過癮，牛丸好重黑椒味，牛𦟌好腍好易咬，另外有牛筋同扎肉，食到好飽飽蕃茄蟹肉香葉卷‘Banh Da’粉🍅🦀🫕$82之前未試過Banh Da粉就叫嚟試下，麵質有少少似拉麵或者油麵，份量一樣好足，湯底唔單止有蕃茄味仲有好重蟹味，成隻長腳蟹蟹鉗相當吸引，而且仲有豆卜、扎肉、香葉豬肉，材料相當多跟餐追加有優惠豬頸肉🐷$32唔錯幾爽口彈牙，份量適中手打蝦餅🦐$26不過不失，係得一塊感覺上少咗啲🤣不過跟果個醬好惹味香葉豬肉卷🍂🐖$22雖然係湯麵入面都有，不過另外再叫一份咁，外面微脆，豬肉香而且好有質感

放假同媽咪出到黎旺角行街 , 平時愛健康既媽咪一向好少出街食飯 , 難得佢老人家賞面 , 今日小妹決定精選一間小清新越南菜一齊試下見到內在環境光猛, 家私新淨 , 原來2022年8月中先新試業 , 青綠色牆身 , 配上越南水上人家壁畫 , 簡單清新既風格正正就好似越南菜式一樣咁。餐廳主打越式粉麵飯 , 當然仲包括港人至愛越式小食(春卷﹑雙色扎肉)﹑沙律(牙車快)﹑越式法包﹑手工米紙卷等選擇相當豐富!!越式味牙車快咩叫牙車快?原來就係越南話讀音「牙」代表雞 , 「車快」代表沙律🥗所以越南經典菜牙車快即是椰菜雞絲沙律啦呢味牙車快好大碟足料 , 除左椰菜雞絲 , 仲有紅蘿蔔絲﹑花生碎 , 底汁酸甜好開胃!!黑芝麻蝦片係神來之筆 , 沙律放上脆脆蝦片上食 , 口感馬上UP香茅豬頸肉牛骨湯撈媽咪點左呢味越南菜必點香茅薄切豬頸肉 , 燒到微焦色唔會燶 , 肉質啖啖有香茅香 , 好味值得一提佢既牛骨湯係誠意之作 , 湯底用鮮牛骨每日熬製 , 啖啖都有牛肉汁香 , 配索汁粉麵一絕 , 讚!!越式雞扒太陽蛋飯小妹最愛食親子丼 , 連食越菜都要揀雞+蛋組合 , 呢味雞扒係用香茅先醃後煎 , 皮脆肉嫩 刺穿

今日約咗朋友出咗旺角行街,☺️行完街睇完戲喺附近搵啲嘢食下,喺戲院附近上openrice搜尋見到一間越南餐廳都幾吸引。🥳所以即刻去試下。越風味地道越南料理 地址喺砵蘭街108號地下,餐廳裝修得好整潔,🤩地方好闊落,喺度食嘢感覺都幾舒適, 餐廳老闆仲非常友善，介紹每款唔同嘅食物，我見老闆同每一張枱嘅客人都談天說地，夠晒親切，非常開心🥳令客人感覺良好鮮牛肉湯河,望落去牛肉好新鮮,拖一拖水牛肉開始熟,入口牛肉味好香濃而且肉質仲好嫩滑,整碗湯河都有牛肉嘅鮮味,河粉亦都好幼滑,加少少檸檬汁辣椒,令到味道更加有層次牛肉味更加突出。成碗湯都畀我飲曬味道好鮮甜，配菜仲有大量嘅芽菜，食落令口感更爽口炸軟殼蟹,軟殼蟹炸到金黃色,炸粉又唔會太厚,食落去脆卜卜,而蟹嘅鮮味亦都好突出。無論個口感同埋味道都做得好好，食落仲唔會好油膩香煎魚餅,魚餅熱辣辣入口爽口彈牙,配埋小小香蔥令到味道更加有層次。豬頸肉外脆內嫩入口仲係好多肉汁,加上豬頸肉嘅位置特別香特別滑,味道非常好。墨魚餅真係必食嘅推介,墨魚味道香濃,咬落去爽口彈牙,配埋少少醬汁墨魚味更加突出。最後梗係要嗌返杯越南咖啡試下,估唔到味道都幾香濃Drinks 我梗係

旺角砵蘭街開咗間越風味地道越南料理，阿女話要去試吓，今晚就陪佢嚟食晚餐。餐廳裝潢以綠色為主色，感覺清新，座位坐得舒適。多種調味料給客人使用。越式雞扒太陽蛋飯，雞扒煎得香口，肉質嫩滑好入味，太陽蛋中間包裹著一顆流心蛋黃，拌飯食一流！香茅雞翼湯檬，香茅跟雞翼味道非常配合，香煎後，香茅釋放獨特清爽之香氣，令人回味無窮！越南檬粉，彈牙爽口。越風味自製春卷，即叫即炸，春卷皮香脆，餡料粉絲、木耳、紅蘿蔔絲、肉碎等，用生菜包住食，爽口兼惹味！手打蝦餅，蝦肉打得很彈，食落很有口感，鮮甜美味！

趁住最後一日紅日假期，去左熱鬧嘅旺角行個圈。見到有間新開嘅越南野，幾多選擇咁，就同朋友一齊走入去一試！越風味地道越南料理喺砵蘭街，好當眼。我地兩個人叫左二人份量嘅越風味珍寶火車頭湯檬，午市追加小食 牛油果軟殼蟹米紙卷，香葉豬肉卷。越風味珍寶火車頭湯檬。有黑椒牛丸，咬落彈牙有肉汁牛展幾香，牛腩肥瘦適中生牛肉都幾新鮮扎肉厚切有咬口。湯底都幾清，飲落唔覺有味精味，整體唔算重口味，食落舒服。檬粉份量超多，檬粉爽口，唔會太硬。小食 牛油果軟殼蟹米紙卷，都幾大件，牛油果軟熟，軟殼蟹夠香脆加埋爽口嘅酸蘿蔔絲，青瓜條口感豐富，好食！香葉豬肉卷，外層香脆，裏面豬肉餡好香~飲品叫左一杯涷檸茶走甜少冰，朋友話茶底濃而不澀，有水準。一杯加配凍滴漏咖啡，咖啡味香濃，煉奶香甜，飲落幼滑。店員有禮貌，仲會推薦唔同食物比客人。座位闊落，環境企理，不錯不錯！

好耐無食過越南菜，見旺角砵蘭街開咗成間新嘅越南菜，就同朋友一齊去試吓啦。越風味珍寶火車頭湯河 $88火車頭湯河材料十足，有牛肉、扎肉、蘿蔔、牛丸，十分豐富，而湯底亦都好濃郁。蒸粉包 $58好少喺香港嘅越南餐廳見到有蒸粉包呢類特色菜式，一見到就即刻叫咗黎試。粉包皮薄餡靚，配上醬汁，令到粉包更Juice。馬拉炒通菜 $68通菜擺咗係一個心形碟上邊，有濃烈嘅馬拉盞味道，$68大大碟，好抵食。新鮮椰青 $38係餐廳飲一個椰青最少都要$60，呢度只需要$38，椰青好清甜，食完馬拉炒通菜濃味嘅菜式，飲返過椰青，就舒服晒啦。

行去朗豪坊中途經過呢間新開嘅越式餐廳，諗住天口凍，食返個熱辣辣嘅生牛肉湯粉暖下胃。見價錢okay而且又有人排隊，應該無伏就試下🐱 值得一提嘅係伙記姐姐同老闆都好好禮貌，會推介你咩啱食，佢就介紹左呢個蝦餅。手打蝦餅($62) 新鮮炸起嘅黃金蝦餅，呢個絕對有驚喜。外脆內“彈” 😍 食得出佢手打果種彈牙，而且佢配果隻汁應該都係自家調，有種芒果香，甜甜酸酸好夾~之後就係豬頸肉飯($68)，越式餐廳必備。原本諗住好standard嘅菜，但係佢嘅豬頸肉都有d 特別。入口第一反應係肥美，但唔係果種好油膩，油炸嘅肥，而係好似食三文魚佢本身食材嘅油脂香，爽爽地幾好😆 而且佢隻蛋係流心㗎！送飯正~到我期待嘅生牛肉湯檬($56)，牛肉新鮮，切得大塊，唔似其他餐廳求其比d急凍貨你。佢最值得講嘅一定係個湯。好香濃嘅牛骨味，呢樣反而湯更加似主角。岩呢個天時食，暖笠笠。🤗最後就飲品啦！椰汁西米露 同埋 青檸梳打兩杯都好清新，如果配咖哩絕對一流！ 🤣西米入面有椰絲㗎😳！新開餐廳~試試唔錯！

香茅豬頸肉撈檬($68)越南菜必食之一🤣成碗份量啱啱好，米粉唔碎，夾埋蔬菜絲食好清爽，汁就可以自己鍾意落幾多就落幾多。豬頸肉有幾塊，個面有焦香，咬落去有肉汁唔會乾柴柴，如果有多幾舊會更加夠喉🙈特級手切鮮生牛肉湯河($88)湯底清清地甜甜地唔會太油，牛肉好滑嫩，feel到肉質好過平時既餐廳，鍾意加埋辣椒仔令成個麵更加惹味。軟殼蟹米紙卷 ($62)第一次試軟殼蟹嘅米紙卷，入面除左軟殼蟹之外仲有青瓜、米粉、蘿蔔絲同埋生菜。軟殼蟹都算幾大舊，炸到脆身但無油溢味，卷皮夠薄，一啖塞落口食好滿足🤣成餐食落有肉有菜有麵又唔會太油，算係唔錯嘅健康之選，夠飽肚而且價錢都唔貴，埋單先每人差不多百幾蚊，都叫幾抵食下🙈

今日好開心同屋企人去咗油麻地站附近嘅一間越南餐廳，一間餐廳主打食越南食物，好高質素，我諗響第二間越南餐廳都未有呢一種嘅味道，水準非常之高，我住旺角嘅朋友，一定要試吓食呢一間啊，好多間越南餐廳，呢一間真係好好想像，佢呢度嘅選擇好多，我哋叫咗個肥牛河粉，仲有佢個杯紅豆冰，真係好好味，出面係好甜，但係呢度好正宗，係好友椰香味，所以呢一杯嘅紅豆冰真係物超所值，而且佢仲有好特別嘅豬肉，仲有個芒果玄學蟹，都係好好食，加埋一齊真係非常一流，而且個老闆都好熱情招呼，，會好熱情咁主動介紹嘢食俾你，唔會怕叫錯嘢食，呢度嘅餐廳好有人情味，雖然舖頭簡單裝修，但係最好就係新淨，同埋好乾淨企理，所以我覺得鍾意食越南嘢嘅朋友，一定要試吓呢一間啦

新開既一個越式餐廳🍴間野系d小街個邊，大家都可以留意下👍🏻飲品有標榜自家製西米露等等，等我下次壽試下先🤤食物款式 粉麵飯麵有！小食都有唔少選擇👍🏻🥳叫左碗豬頸肉撈檬都有七塊豬頸肉～每塊唔會太薄～不過如果可以燒燶多少少就更好👍🏻邊位最吸引🤤🤤午餐都有得加配小食，岩哂想試少少但食唔到太多既食客🤤加配左魚餅 口感唔會太實 都爽口👍🏻熱辣辣新鮮炸起燒牛肉湯檬 ，檬粉略嫌有d淋，同老闆表達，佢都願望吸納食客既建議👍🏻值得欣賞 咁就可以不斷進步👍🏻👍🏻食前加埋小小辣椒同香草 味道更昇華❣️加配左越式春卷新鮮炸‼️足料 脆口 ❣️❣️卜最後一個牛油果軟殼蟹壽司👍🏻有四個👍🏻每舊都有齊牛油果同軟殼蟹全部免加一 set lunch 凍飲都系+$3可以支持下小店‼️