越萊 (福榮街)

營業中

休息中

呢日同同事去左公司附近一間越南餐廳到食lunch。呢間餐廳既lunch set好抵食，所以我地都點左幾多野。我地一人點左一碗午市三餸越式湯粉，大大碗既湯粉只係要56蚊，而且有好多餸可以選擇，勁抵食！湯式同埋麵都可以自己揀，我地都揀左蕃茄湯金邊粉，我點左唐生菜、豆卜同埋秘製豬軟骨，豬軟骨份量好多，炆到好好味，軟骨亦都好有咬口！同事食素，所以佢既餸揀左純素扎肉、蘿蔔同娃娃菜，非常健康！見啲野咁抵食，我地就再加左啲小食，加10蚊就有兩隻蒜香牛油雞翼，牛油雞翼炸到好香脆，非常惹味！素菜長春卷同樣係加10蚊就有！另外仲加左個越萊精選拼盤，入面有燒帶子明蝦涼拌茄子、蒜香牛油雞翼同埋炸春卷。飲品方面，點左椰青特飲。

深水埗下午超級抵🤩🤩下午茶價錢大約$3x唔太肚餓可以選擇迷你湯河+小食+雞絲牙快沙律🥗$36 實惠之選但我有點肚餓，所以揀番lunch set🤨午市3餸 $48牛骨湯，濃厚牛湯底😆🐮金邊粉惹味香辣豬手🐷有2-3大舊，淡淡肉，只有很少🌶秘製豬軟骨🐽大約2塊，十分冧🤤很入味咖哩魷魚🦑4塊左右蕃茄湯🍅湯底濃味，有不少鮮蕃茄生牛肉，鮮嫩牛🐮😆牛肚，大約4塊，醬汁醃製十分好食😇牛根，保留少少牛蘇味😆正小食類可無限追加♾️蒜香牛油雞翼🧈🧄$10 超級推薦❤️外表炸至金黃色，充滿牛油香味，表面有蒜容，雞翼本身應是香茅雞翼，十分惹味雞肉串燒 $10 2條沙嗲醬汁🥰炸春卷 $10外皮炸得十分香脆可口

今日黎到lee間店都3點啦，諗唔到竟然都坐滿人。 唔通真係咁好食? 好彩唔洗點等都有得入, 即刻去試下。坐底見到店舖好窩心, 竟然每張枱都預備左酒精搓手液, 真係好少見, 抵讚。雖然已經好多客人, 但員工都好有耐性招呼客人。 雖然店員都提醒左我地, 下午茶既主食都好大份，好夠食。 不過下午茶有幾犀利? 所以都照點左: 蕃茄湯底牛肉牛肚河, 香茅牛肉撈檬加脆皮蝦卷, 再加小食米紙蝦卷, 牛肉豬肉串燒, 仲跟熱柑桔蜜，再加試埋越南黑啡，叫咁多都好抵。 因為下午茶, 一樣樣加錢跟都係好平。 當野食黎到, 先發現店員真係冇講大話, 真係好大碗。 有d唔係好相信三十幾蚊點可以咁抵😅湯河蕃茄味好濃, 牛肉同牛肚都好好味。 而香茅牛肉都好香, 同串燒牛肉一樣, 都好稔又入味。 串燒真係唔錯, 唔會韌。 米紙卷算唔錯, 蝦好爽口。 脆皮蝦卷真係好脆皮。 最後, 當食到飽飽後, 見到隔離枱竟然黎左個巨型越式包, 真係好吸引。 店員話這個包都係即叫叫造, 好受歡迎。 嘩, 下次一定要試。冇諗過深水埗咁多食店, 真仲有咁出色同咁街坊價既良心小店, 下次去深水埗搵食, 真係不能錯過。

同媽咪出深水埗買餸，買餸之前就搵地方食野先～咁岩見到呢間有下午茶，30幾蚊起，所以就試下！除左下午茶仲可以叫番LUNCH，幾多選擇，有湯河，撈檬，飯麵等等～我地叫左一個湯粉，一個豬排包，加左D小食～牛油雞翼用左個好得意既架裝住，勁有越南特色！雞翼好香，好JUICY，牛油同蒜味都好勁，正！蝦餅好彈牙，配埋酸甜汁好開胃～生牛肉湯河個湯底好重牛味，好好飲，牛肉唔會韌，好好食～另外仲會有芽菜同香葉，都幾正宗～估唔到食越南野既地方都有包食，但又唔係法包！見到個豬排包呆左，超大份！而且豬排好厚好JUICY，有D似食緊日式吉列豬排，好正！！

喺車仔麵果條街度，行咗一個圈，想平平地食返個Lunch加Dinner，可以食越南野或者上海野，今次想幫襯小店，見到$32就有嘢食，一於試一試過三關先，真係好抵！估唔到$36包埋嘅A精選拼盤，都幾精緻。會有⋯蝦同帶子，下面有茄子。我以為全部都係擺到凍哂嘅炸嘢，原來都唔係，雞翼春卷炸得熱辣辣，連埋個沙律，下面有蝦餅。至於B迷你撈檸，其實都係午餐嘅份量，大概有兩個東莞米粉咁大，唔會食唔飽喎，雖然佢比嘅汁唔係好多，亦都唔係好夠味，但係真係超經濟之選，而且質素都唔錯。呢個係另一個餐：肝醬脆多士

好耐無食過越南野，有啲口痕，聽朋友介紹就黎左呢間越萊。呢間pho bo好近深水埗站，出地鐵行2-3min就到。我地4點幾去到，入面都坐爆晒人要等位，睇黎我呢位朋友無介紹錯！呢到午市、下午茶好多配搭，套餐仲包野飲添！我就叫左個豬肉撈檬，明明已經少粉，都勁大碗，豬肉都多到蓋過左啲粉，唔怕食唔飽呀！朋友叫左牛肉湯河，牛肉湯好出色！好濃味，而且河粉都索晒啲湯味，食到停唔到口。呢個蝦多士值得推廌！！面頭既蛋絲極脆、極重蛋味，中間係大大件蝦滑，底下係脆卜卜既多士，仲要件多士都好大份，食完一件覺得唔係好夠喉！春卷的的色色，可以包埋啲生菜食。最特別係個盤，好有越南style。蝦餅好脆，入面係啖啖蝦滑，無偷工減料，不過有少少油，好彩有生菜放底索油。跟餐既越南咖啡同椰青特飲，好香好好飲，整體黎講不錯！

襯仲可以出街嘅時間周圍搵下野食，行完黃金見到門口姐姐好落力介紹就入黎試下。睇menu，選擇都唔少，價錢以越南嘢計非常抵食，講緊1人餐係59蚊，有一碗粉，一個前菜，仲有一個小食，再加杯熱柑桔蜜。見到隔籠碗粉都幾大碗，所以我地決定兩個人要一個一個餐再加幾個小食試下。首先係主食越南粉，湯底有幾個選擇，餸雙拼咗豬扎肉加豬軟骨，賣樣非常唔錯呀，除咗餸之外仲有蘿蔔葱蒜，而且配芽菜，九層塔，辣椒，青檸，自由揀落邊樣。碗粉真係好大碗，一個男人係一定夠食，金邊粉煮得好淋身係我鍾意嘅口感黎。豬軟骨同平時出面食到嘅都有啲分別，煮得好淋，入口即溶。前菜鳳爪都唔錯，有兩三隻，加埋少少菜絲芝麻。小食要咗雞翼，重點係上面果pat 蒜頭，同滿隻雞翼都係嘅牛油。加咗個份豬肉串燒，配沙爹醬加花生。仲有蝦多士，呢度係用法包做蝦多士，食嘅除咗蝦膠就係油感豐富嘅法包。呢個馬拉盞炒通菜係正嘅，馬拉盞嘅香味一上碟就聞到好香，而且以$24 黎講份量都非常多。另外點咗杯椰青特飲，基本上係椰青水加椰肉加糖漿，鍾意飲椰青飲品嘅會鍾意，又有得食，又有得飲，好味。整體上呢度係抵食嘅，兩個人食咁多野先係$155，想平食越南野又係深水埗嘅係唔錯嘅

平價之選🤩價錢非常親民，仲要晚市唔洗加一今次我地2個人叫咗2人餐 $108包2個小食，一個湯粉前菜:雞絲牙車快沙律🥗🐔加入了撈檬汁，味道酸甜，挺開胃主菜: 可以選擇兩碗單款湯河/一碗大火車頭湯河河粉可以轉金邊粉/檬粉火車頭🚆即所有材料都有少量😍十分豐富牛肉新鮮，湯底由好多牛肉煲成，幾好飲個人最喜歡牛肉片，牛荕和白蘿白可自行加入辣椒🌶️青檸、芽菜和香葉小食: 炸春卷 3件 (套餐)賣相由小籃子🧺盛上，外表炸得十分香脆可以優惠價追加小食$18 3件蒜蓉牛油雞翼❤️🤤十分推薦👍🏻本身雞翼係香茅雞翼味道，之後外皮再加上蒜蓉牛油炸成，味道層次豐富🤩$22 香蔥蝦多士 2件$18 鮮蝦仁🍤米紙卷 3件加上檬汁🤤

一條友放假去黃金買完野之後去附近搵野食，最後決定食呢間越南野～ 呢度嘅pho好flexible，可以好似車仔麵咁自己揀想要嘅餸👍🏻 同埋我想講個價錢非常抵，3餸$48乍！仲要可以$10加小食添！最後因為我真係好想食蝦餅，所以除咗lunch set之外，我貪心地叫埋炸蝦餅🙊1️⃣ 生牛肉、牛筋、香茅腩肉片招牌牛骨湯湯河我真係低估咗佢🙈 好大碗、配料超足！牛筋3舊大大舊，煮得夠晒淋同入味～ 生牛肉好快熟，不過就算熟咗都唔會「銀」～ 香茅腩肉片望落已經好靚仔，食入口即溶！招牌牛骨湯好香好清，河粉吸晒啲湯都好味😋 另外蘿蔔係佢本身跟嘅，有2大舊，都夠淋夠入味。2️⃣ 蒜香牛油雞翼加$10要咗雞翼，上碟好可愛好「越南」！雞翼炸得好香脆，蒜蓉牛油味適中～3️⃣ 炸蝦餅口痕加嘅炸蝦餅，2件大大件炸得幾脆，唔會話食落口好粉。4️⃣ 熱越南咖啡餐飲加咗$8要越南咖啡☕️ 一上檯就聞到好香咖啡味，我真係一路飲一路聞，正🤤 固定甜度，但事實上係唔會太甜嘅，我覺得啱啱好。入口順滑，好飲👍🏻越萊真係平靚正，味道唔錯、價錢實惠，份量又無因為價錢將價就貨，十分足夠食到夠一夠！真係要推介鍾意食越南野嘅大家去食💁🏻‍♀️

What’s a wonderful catch up time with my friend with comfortable environment of tea 🍵 time~The decoration is special and good 👍🏻👍🏻酸辣鳳爪with lemon 🍋 sauce, the taste is good just a little bit spicy 🌶 Iced coconut 🥥 drink with coconut inside ~ sweet🥰串燒～ we ordered chicken and pork with 沙嗲醬 super delicious, must give it a try !蝦仁米紙卷～ the shrimp 🍤 is big! Very worth tryingIt comes to the main course ~ tea set ～ the size is big, just cost $36Just cost $ 148 for two ppl, very worth to eat !!!! So many

見到依間餐廳門面幾靚 又見餓餓地於是誤打誤撞入咗去去到既時候已經3點半四點左右 已經有下午茶見到啲野食樣樣抵好吸引！！！價錢又唔貴 真係想試晒佢不過你知啦 名靚相靚又唔代表好食㗎嘛！最後叫咗兩個過三關套餐套餐包括雞絲沙律蝦餅+五選一小食+三選一粉麵小食我地簡咗一個素春卷(3條)，同拼盤(有春卷、牛油雞翼同帆立貝蝦茄子 各一)而粉麵就簡咗細撈檬另外加咗鮮蝦米紙卷（3件)連兩杯凍飲🥤雖然今餐總數唔洗100蚊但係餐廳都冇揸流攤樣樣都好好食！！ 最令我地驚訝既係個細撈檬係勁勁勁大碗已經唔可以用細黎形容！係其他店既正常size而最推介既係素春卷同拼盤真係食到舔舔脷㗎！而米紙卷就屬於正常既！按個人喜好去試啦btw餐廳既點菜紙太複雜，lunch set同tea set菜單同一時間擺係枱面，容易造成混淆原來都漏咗小食，不過及時check單 解決問題而餐具方面 冇為意係咪一早擺定 抑或係坐bar枱位既設置？入座時已有餐具擺放 感覺不太衛生建議在客人點餐後先擺放餐具！最後，埋單時收銀員(抑或老闆)有細心提醒客人找續後消毒清潔雙手細心加分

越萊珍寶火車頭配清雞湯金邊粉火車頭勁大碗，足夠兩個人開心分享👍🏻清雞湯底好鮮甜，配上口感彈牙有嚼勁的金邊粉，不得了呀！豐盛嘅配料有：豆卜、金菇菜、牛腩片、生牛肉、牛𦟌、牛筋、鮮冬菇、蘿蔔、芋絲、唐生菜🥬、牛肉札肉。味道同口感都好豐富！最欣賞係牛腩片同生牛肉，肉質香軟，牛肉味道好濃郁呢午市三餸越式湯粉牛骨湯散發著陣陣牛肉香，金邊粉同樣滑溜彈牙～芋絲同木耳絲口感爽脆；牛筋炆得好軟腍又入味，充滿骨膠原感覺！熱檸檬水&熱檸檬茶🍋檸檬味道好清香，消滯解膩

和家人到政府合署一趟，找了一家餐廳吃下午茶。越式桔仔梳打和青檸梳打味道都很清新，不會太甜。招牌牛骨湯湯底鮮甜，配上辣椒和青檸更加開胃。特別選了招牌咖喱魷魚，魷魚彈牙而且入味。牛肚軟腍而不失口感，配上湯汁更可口。雞腎一貫的爽口，爽爽脆脆讓人百吃不厭。蕃茄湯底也很滋味，配上幼滑的金邊粉，一邊吃一邊忍不住喝湯。豬手膠質豐富，吃下去口感黏黏的。豬軟骨肉質鬆化，調味適中同時帶香濃肉味。生牛肉半生熟上桌，不怕灼得過熟，肥瘦也適中。每個套餐加$10可加配一款小食，分量剛剛好，賣相也很吸引。牛油雞翼有驚喜，牛油味道濃郁，香氣四溢。雞翼粉漿又不會太厚，肉質嫩滑。炸春卷配上醬汁味道酸酸甜甜，炸得脆身非常惹味。

深水埗愈唻愈多四正嘅餐廳但由價錢仍然平民見到呢種斗笠就知係越南餐廳了晚市先$68一個pho呢度最正係可以好似食車仔麵咁自己剔鍾意嘅餸牛肉非常大粒多汁同彈牙咬開好juicy清雞湯唔肥膩但味道好鮮難怪越南冇乜肥人娃娃菜係我自己剔但隨pho上嘅蘿蔔都好新鮮冇渣呢個拼盤好抵試 $25一次過可以食哂三四款小食小食都幾精緻的最後其實我最想講係呢杯$18嘅越南咖啡如果我係老細我會換隻文青風嘅杯 然後起碼收人$38實在贏啲文青cafe嘅咖啡太多了

和友人走過福榮街，看到這間越南餐廳，決定在這吃下午茶！餐廳乾淨企理，座位舒適，與朋友共聚一流。越式凍撈檬我選擇了四餸，包括香茅豬扒、炭燒豬頸肉和椒鹽豆腐和炸蝦餅。不得不讚炭燒豬頸肉肉質彈牙，很有炭香，豬頸肉的邊位燒得焦脆的，推介！另外椒鹽豆腐很有驚喜, 外脆內滑，沾上特製汁料，能帶出鮮味，超好吃的。三餸越式湯粉 它以牛骨湯做湯底，很有牛香，不馬虎。金邊粉尚算彈牙，生牛肉的肉質鮮嫩，有牛香，香辣豬手可以一試，煮得很入味，很淋。小食則選了精選拼盤，有燒帶子明蝦涼伴茄子、蒜香牛油雞翼和炸春卷。才加18元就有這拼盤，抵呀！最欣賞是蒜香牛油雞翼，蒜香濃烈，牛油雞翼很入味，啖啖肉。最後飲品方面點了越式桔仔梳打和越萊椰青特飲。我飲的是椰青特飲，啖啖椰青水，還有新鮮的椰子肉絲，好飲！