越萊 (福榮街)

營業中

休息中

晏咗食午飯，又去福榮街搵食，近欽州街有呢間越南野食。淺藍配白，簡潔舒服。入到去柔和燈光，竹木都同平時去開嘅越南食肆類近裝修。舖仔細細20-30個位左右，多數雙人枱，單人有吧台選擇，方便附近返工朋友。自填點餐紙有分散點、套餐類別，每張設計排版簡單。如果要睇相點菜，就可能要八卦吓隔離枱了。枱面預先放咗餐具同個盤，應該係方便執枱，同埋影相道具啩 (哈哈~)兩個人揀咗午巿套餐三餸蕃茄湯粉、一個下午茶"過三關" (個名好搞笑!)，再單點一個炒菜芯。三餸粉都有好多配料，選擇困難症患者要留心啦~蒜蓉炒菜芯菜芯小小油，碎蒜量足，香氣夠! 莖葉都有，仲有揀返細棵嫩口部分，咬落去爽口，無過腍亦無菜渣架! 一個人食可能會多，兩個人SHARE絕對啱啱好~三餸蕃加湯粉揀咗白蘿蔔、豬肉扎肉、雞絲配檬粉，叫咗小粉都仲有好多喔~ 配埋炸蒜、蔥花、生洋蔥絲 (唔鍾意食嘅朋友建議自己MARK返走青)。侍應拎到過嚟好香蕃茄味，飲啖湯唔係好濃味，係真茄味有微微蕃茄酸味，似屋企煲出嚟嘅味道，無後天加糖加茄膏嘅感覺，唔張口。雞絲唔係大大嚿難咬開，口感嫩滑滑。豬肉扎肉都有兩三片，唔算厚身，但係都大片架。咬落去唔油膩，小小彈牙軟熟，

無論係食物質素，價錢定係份量，我對越萊真係滿意到加零一。首先講價錢先，我根本想像唔到今時今日嘅香港可以平到咁。串燒$10有兩串，牛油雞翼$10兩隻，蝦米紙卷$18三件，仲有碟蒜蓉炒菜心苗都係$24，唔好講可以喺舖頭度坐低食，喺深水埗街頭買串串燒都要10幾蚊啊，你話見到個餐牌係咪覺得好驚訝呢。味道方面，我叫嗰幾款食物都係好好好好食，絕對唔好以為平就冇質素，no，尤其個雞翼我真係念念不忘。服務態度方面，成間店舖嘅職員個個都非常之有禮貌，真心好Nice。而且店舖裝修得幾靚，望落去觀感都好乾淨衛生，為咗慳錢我已經多次光顧😂🤣，因為佢真係平靚正之選。

深水埗多嘢食就大家都知嫁啦🥴 全部都有平又好食今次就黎食過dinner🥴首先門面非常簡潔，光亮，乾淨！！ 一入到去就量體溫 搓手☺️ 雖然好多人但都好快招呼我哋並態度非常友善。 ☺️好鍾意佢個木盆🤭喺食物點餐方面，我覺得大家可以嘗試佢個二人套餐！ 好抵食！ 我哋呢度total係153就已經有兩碗面三個小食加一碟菜同兩杯嘢飲 非常抵食！ 份量超充足！ 嘢食方面，質素一流，味道非常適中，唔會超級重口味亦都唔會太淡。牛腩配金邊粉 牛骨湯同 扎肉配檬粉 清雞湯牛腩好軟熟 湯唔會感覺好重味精 我湯都飲埋🤭 仲有超鍾意食佢啲蘿蔔🤭而且份量非常足夠， 另外要大贊嘅係米卷， 覺得非常好食而且嗰個醬汁酸酸甜甜好開胃。 食完真係要大讚抵食 ！ 而且好味！香蔥蝦多士 🦞🦞入面有好多既蝦肉同蔥 不過就油左小小 雞肉串燒我浸埋落個湯粉到一齊食 😍 加餸！ 佢個跟左個類似沙嗲醬都好好味🤭總括而言真係超抵食

平時嚟開附近都唔覺，原來最近福榮街開咗間新嘅越式餐廳🇻🇳 平日夜晚嚟講都算幾多人，入面燈光光猛，裝飾有風味，尤其中意呢度啲民族式燈罩🏮一開始入嚟嘅時候都冇咩特別嘅期望，但係當睇到佢嘅價錢就覺得唔嚟錯！食物價錢平均嚟講都唔算貴，就算我哋食咗好多嘢最後埋單都只係大概$144 ，好抵！😆越式湯粉 - 生生肉牛骨湯檬粉（$34）配熱柑桔蜜睇到價錢嘅時候係有少少嚇親，冇諗過咁平就有一碗越式粉！分量合理，旁邊仲有辣椒粒、青檸、生芽菜、香葉等可以自己添加，味道唔錯😋豬頸肉煎雙蛋飯（$48）配凍奶茶（+$3）超級足料！可以自己揀要雙蛋 (當然揀要啦👻)，上菜時隻蛋仲有少少流心🤤煎過嘅豬頸肉有少少煙熏味，旁邊仲有一啲越米粉(?)同青瓜👍🏻蒜香牛油雞翼 - 3件（$18）超級推薦！熱辣辣食一流！咬落去脆卜卜，仲有陣陣牛油香味😋😋最特別係餐廳用咗個竹籃仔嚟裝住，上邊仲有越南好興嘅竹帽仔，同時滿足視覺同埋味覺😍😍雞肉串燒 - 3件（$20）蒜油香茅炒菜心苗（$24）

餐廳內裝飾配合越南菜主題，色調柔和，燈光充足，店內非常整潔，員工服務態度良好，價錢及食物份量合理，整體嚟講食物賣相吸引，加多一點越式風味會更好🙈－－－－－－1. Lunch Set 越滿足 $48 6.5/10 我揀左蕃茄濃湯配河粉、生牛肉、牛筋同白蘿蔔，湯中有少量未整碎嘅原隻蕃茄，食落偏酸🤪湯底蕃茄味不夠濃郁；生牛肉、牛筋及白蘿蔔口感均算淋身，容易咬碎2. 蒜香牛油雞翼2件 （套餐追加$10）6/10雞翼賣相吸引🥰炸完出黎金黃色嘅外表睇落香脆可口，但食落無咩蒜香同埋牛油味3. 越萊炸春卷2件（套餐追加$10）6.5/10春卷口感鬆脆，餡料足夠🤤配埋泰式辣醬一齊食，味道正常4. 雞肉串燒2串（套餐追加$10）7/10雞肉串燒係咁多樣食物中最惹味，食落肉質唔會太鞋，略帶點煙薰味😋5. 越萊精選拼盤 $18 7/10 燒帶子明蝦涼拌茄子，蒜香牛油雞翼，炸春卷各一件，燒帶子食落煙煙韌韌☺️味道帶咸味6. 越南凍咖啡（跟餐加$8）8/10呢杯咖啡算出色，同係越南飲嘅味道好似，甜度適中，飲落咖啡味濃，唔會太澀☺️配搭上面嘅食物，都幾夾

同媽媽黎深水埗買完野搵地方食野，揀左福華街呢間越南餐廳 「越萊」餐牌選擇好多，睇睇下店員話仲有幾分鐘就三點可以食下午茶，以為本身午餐都叫抵食，點知下午茶餐仲平😆我哋一人一個越萊過三關😛（下午茶餐）再加咗啲小食：🔸迷你撈檬+香蔥蝦多士(2件)$36 以為係細細碗嘅撈檬，點知係咁大碗🤣好耐無食過蝦多士，都炸得幾脆，蝦滑同多士厚度適中，加咗蔥香好多。旁邊仲有啲沙律，係蒜片雞絲椰菜。加8蚊有特飲，我要左越式桔仔梳打，鹹鹹地酸酸地好清新。🔸迷你牛骨湯河+芝士流心蝦丸(3粒)$36牛骨湯都好濃郁，冇諗過又係咁大碗，河粉都好滑。流心蝦丸咬開好香芝士味，鹹香味幾出，都唔錯！媽媽要左越南凍咖啡，同普通咖啡真係完全唔同味，咖啡味重啲，香濃好多，而且可能加左練奶，無得調較甜度，不過都唔算好甜。另外加左3個小食🔸香茅燒牛肉米紙卷$18估唔到牛肉都好嫩，燒得好香，仲有佢個汁出奇地好食😳🔸蒜香牛油雞翼$18粉漿唔算厚，面頭有啲蒜蓉，好惹味！😋😋個籃好得意，好有越南嘅感覺😆🔸牛肉串燒$20食食吓發現同米子卷嘅牛肉係一樣，不過再燒得香啲，點埋沙嗲汁食就一流！總括嚟講呢度啲食物質素都唔錯，最緊要係價錢十分親民，份量又多

見到喺黃金隔離開左開越南野，就同男友人入左去試～入到去仲係下午茶時間，我地拿拿聲叫左2個越南法式三文治，一個豬肝醬味，另一個就魚柳。呢個價錢黎講賣相都唔差，個人就麻麻豬肝味，但男友人就好鍾意，而魚柳個又炸得薄啲會更好食，個麵包咬落好香，夾埋沙律菜食真係好好味，會令人一試再試！另外叫左一人一碗越式湯粉，配料都好多款式，有生牛肉，牛筋牛腩等等，似越式車仔麵，湯底都可以自己揀，我試左牛骨湯，好濃郁，男友人嘅清雞湯都好鮮甜！仲試左啲雞同豬串燒，唔錯～蒜香牛油雞翼，炸得好香脆，幾惹味！另外加左個越萊精選拼盤，入面有燒帶子明蝦涼拌茄子，好新鮮嘅配搭～仲有炸春卷同雞翼，好豐富～最後食多碟馬拉盞炒通菜就飽哂～

今日小弟陪女友人食佢鍾意食既越南野, 佢就陪我行我鍾意既深水埗黃金, such a great deal.. 呢間餐廳d野都好底食, 唔算貴所以我地叫左好多野試.. 有越南法式魚柳三文治，越南法式豬肝醬三文治，清雞湯生牛肉牛腩片牛筋河，牛骨湯生牛肉雞腎豆卜河，豬同雞肉串燒，蒜香牛油雞翼，一個越萊精選拼盤同埋馬拉盞炒通菜.. 味道方面佢地並無將貨就價, 所有食物都好新鮮同大份.. 個魚柳三文治個醬超好食酸酸甜甜咁正過麥記d魚柳飽,個豬肝醬三文治我食唔出佢係豬肝因為佢同鵝肝醬一樣咁惹味.. 但真係有d濟, 我食左個清雞湯河粉好多料同埋d牛筋淆得好冧好正,女友人試牛骨湯河粉就明顯佢個湯咸小小同有牛香, d豬同雞串燒都唔錯， 唔會話好乾, 個蒜香牛油雞仲好大隻又多肉個皮仲燒得好脆口.. 最後食埋個馬拉盞炒通菜就飽晒啦

在外賣apps 揀了好耐越南野，二人份量好貴，試吓這間平d ，原來新開新搬來長沙灣 ， 隔日食外賣，會繼續寫食評，等大家唔好中伏，深水埗、荔枝角好多間takeaway 份量少，又超貴唔夠熱！ 這間份量ok , 不過送來時唔夠熱，味道有讚有彈，會再幫襯。先講包裝，紙盒環保，打孖兩個，可能為保暖/ 防漏讚下個汁，撈檬點春卷、豬頸肉好味😋，酸酸甜甜開胃，個小杯似jar 又cute ，屋企人仲洗乾淨keep 返，lime soda 亦好味，唔錯小食香蔥蝦多士都Ok , 底層多士軟身，咬落脆脆地兼軟綿綿，蝦同蒽味夠香口單拼炸蝦餅撈檬切粒再炸，同傳統有d 唔同，不過家人話OK, 第二張旁邊係撈檬，要加汁先夠fresh 出到味蒜肉牛油chicken wings 好味，外皮香脆，食到牛油+ 蒜香，會再叫馬拉盞炒通菜，入味好食, 真係小炒feel ,可以再order 豬頸肉麻麻唔推薦米紙卷送來時已凍，唔好食, unlike !

今日黎到深水埗行街，行行下就俾呢間越萊越式餐廳吸引住左餐廳既外牆係粉藍色，十分引人注目，經過都會停低望一望個餐牌餐廳面積吾算大，不過好新淨，而且佈置都幾有心思餐牌既食物選擇好多，而且價錢合理，我地都諗左一陣先諗好要食d咩先黎小食炸春卷。裝春卷個籃仔好精緻，真係好有地道既感覺。春卷食落十分香口，但又吾會有太油膩既感覺，點埋甜酸汁食真係十分可口見到流心芝士蝦丸就即刻流晒口水，一啖咬落去，入面既芝士即刻踴出黎，真係好滿足。蝦丸非常彈牙，而且熱辣辣，脆卜卜叫左一個下午茶size既牛骨湯檬粉。我習慣會先加檸檬汁同辣椒落去先，再試一啖湯，真係有驚喜，牛骨味重十分香濃，而且清甜，配埋檬粉一齊食，吾使一陣已經成碗連湯一齊ko仲叫左三餸牛骨湯金邊粉，真係好抵食，大大碗。特別要一讚呢到既生牛肉，十分嫩滑，而且好有牛味，真係會食到停吾到口由於我地都肚餓，最後仲叫左個越南法式吉列豬扒包。餐廳好貼心地已經將個包分開左一半。大大塊豬扒夠晒足料，而且好新鮮熱辣，配上靑瓜蕃茄，減低左油膩感，好快又秒殺左個包今日呢餐真係又抵食又美味，絕對會繼續幫襯值得一讚餐廳內侍應態度有禮細心

今日去深水埗買完野同朋友去左間越南餐館開飯，睇完菜單見價錢好抵食 食物種類及小食選擇亦多。 枱頭有一款辣醬及一款醬油可添加。 呢個帶子明蝦拌茄子好食，炸茄子味濃帶子和蝦清爽😋全部廿零蚊一款， 所以我哋淨係叫咗一個湯粉其他全部叫曬小食😁 火車頭我又嫌佢太大份，最終揀咗個越萊四重奏，$68有四款配料仲要每款三件， 湯底濃郁好味重配埋熱飲都算 闊落企理， 裝修簡約舒服。肉串燒味道唔錯肉嫩唔會柴皮。蝦餅我的最愛 蝦味唔錯彈牙鬆脆， 呢個真係勁抵食，$22兩件其他鋪頭食開都要$70左右有三仲。蔥蝦多士香囗。蓉牛油雞翼好入味皮脆香口 總括嚟講抵食好食 有下次。 丨

ㄧ間越式feel加半文青餐廳， 同朋友慢慢傾下計，食下嘢環境都唔錯點咗越萊四重奏內裏有班蘭牛肉扎肉， 豬肉扎肉，生牛肉(肉質滑)，特級龍汁牛丸( 呢粒勁好味非一般牛丸， 有白色透明一粒粒類似牛脂嘅物， 肉丸夠彈牙)， 仲有個招牌牛骨湯底清淡帶點牛味很匹配。燒帶子明蝦涼拌茄子， 茄子入味帶子燒得夠香，大粒蝦夠爽。炸蝦餅， 22元兩件大大件仲厚過手指公，新鮮炸夠脆皮蝦肉夠實。牛油雞翼，有裝飾上枱好越南feel呀， 唔會好鹹蒜香夠曬入味越萊椰青特飲， 好方便呀平時要自己起肉先有得食，呢個起埋肉放埋入杯夠方便。雞絲牙車快沙律， 兩座椰菜小山丘，蔬菜新鮮開下胃先。牛串食落好有驚喜感, 平時喺越南或者泰國餐廳食牛肉串燒有時都會韌韌 地。 但係依間上枱嘅時候仲熱，又唔韌仲要有牛味。價錢都係廿十蚊。 雞肉串燒都ok。有好多唔同款式選擇，價錢合理小吃 算平、

今日同朋友一齊去深水埗覓食，結果揀左食越南野，我地各自叫左碗粉同小食😋我食檬粉+生牛肉（食越南粉當然要食）+祕製豬軟骨+唐生菜+牛骨湯底。成碗粉幾清，唔油膩，好岩我心水，我仲加哂d辣椒+青檸+配菜落去，越南風味出哂黎！味道幾好！我最推薦祕製豬軟骨！因為有肉味得黎，又炆得好冧！唔會有過多既調味料！生牛肉肉質幾易咬，湯底亦足夠熱令生牛肉變熟！另外小食方面，我食左炸春卷，味道ok! 雞肉串燒，唔會好油，個醬係精華所在，將雞串味道提升！另外仲食左燒帶子明蝦涼拌茄子，蝦幾爽口，帶子都唔錯！另外，叫左杯椰青特飲，走甜，有好多椰肉😋總結，食物唔會油膩，岩我口味，性價比高！😋環境都光猛乾淨，服務員態度好，可以encore!

💁🏻‍♂️深水埗有好多小店，想食越南野既話，呢間真係幾抵食🙆🏻‍♂️裝修都幾新淨，坐落舒服🤩$48已經有三餸任揀，真係幾抵🤩生牛肉必點，都有好幾塊大片既原來本身碗麵已經有幾舊大蘿蔔，我又點左蘿蔔，所以有好多，☺️蘿蔔都幾入味架🥳再揀左豬肉扎肉我地再每人各加$10小食，不過小食就味道普通，不過都抵食既越萊炸春卷🥺呢個唔太建議點，春卷內餡好少，皮都炸得麻麻蒜香牛油雞翼一聞即刻諗起港式蒜香牛油粉絲扇貝🤣👌味道ok Ge

超抵食嘅越南菜丫！我哋兩個人叫左二人套餐加2個小食，都只係一百五十蚊，真係好抵食，超抵食，重要嘅事情要講3次😂😂我哋叫左眾樂樂，一個前菜，一個小食，加兩碗粉，108蚊。前菜係純素扎肉米紙卷，小食係馬拉盞通菜，粉有生牛肉牛骨湯河加豬軟骨牛骨湯河。我哋仲額外加左 蒜蓉牛油雞翼（18蚊）同埋炸蝦餅（22蚊）。個炸蝦餅好出色，炸皮唔厚，蝦肉好彈牙好大嚿，以呢個價錢嚟講，好高質，要比100分佢。湯河嘅份量都唔細，河粉幾薄身幾滑，牛骨湯唔會太咸，食完唔口湯，加左大量嘅配菜，洋蔥，香葉，芽菜，成碟野好fresh。 生牛肉同豬軟骨嘅份量都好夠。純素扎肉米紙卷幾好食，清清哋，加埋啲甜酸汁食，好開胃。蒜蓉牛油雞翼皮脆，少少牛油 蒜蓉香味，18蚊三隻，真係好平👏下次入深水埗會再去嫁！