越興園越南菜館 (已搬遷) 新店位置

成日經過呢度, 從未諗過入去幫襯,睇左呢度既食評,放工尃登去試下,未去已預左唔好對佢既服務同環境有要求(淨係對佢既食物有些少期望),坐低叫左個二人餐,可以話唔係特別好好食,只係一般,尤其係香矛雞翼,唔及永珍既咁入味香口, 金邊粉更加係淡而無味(雖然個顏色厄到下人),可能個人比較喜歡濃味既食物,成餐飯最有素質居然係個越式春卷lor ~不過順帶一提佢地既服務都唔係想像中咁差,旺角區黎講都ok wor (始終都係平平地既一餐飯,唔通要求五星級酒店既服務咩?)總括黎講只可以話,若然經過又唔駛等位既話不妨入黎食下,尃登就寧願去永珍(雖然交通唔及旺角咁方便)

今次係第二次去,食左香茅豬扒撈檬,越式炒金邊粉,鼓椒炒蜆,香茅豬扒撈檬塊扒好大同埋好香,又唔多油,清清地幾好食架,鼓椒炒蜆有d沙,唔係好多肉食,但整體都唔錯,下次要試下其他菜式

(18/11/05)同舊同學行街,佢提議越南o野,太好喇,我喜歡,但又少會吃。有沙發卡位,好...但店內燈光唔夠,感覺好似烏租D咁。叫左鮮牛肉湯河,唔太生,好唔錯喎,清清地。朋友叫個雞絲湯河,仲清。蒜蓉炒白菜,亦唔太油。是晚甜品是椰汁黑糯米,及大菜糕。當然揀黑糯米啦,凍嘅,份量唔多,都OK架。

星期五晚7點來到旺角中旅社附近好鬼肚餓，見到呢度有野食又有卡位坐，唔想再行就入來食晚飯。我地點左個法式二人套餐：頭盤選了牛油雞翼（2隻）、蒜蓉焗青口（4個）及牛肉粉絲卷（4個）：好味，尤其係青口焗得好香，我連d蒜汁牛油汁都啜埋；主菜係檸檬炸蝦：又熱又脆又好食，點埋d檸檬jam仲正！咖哩海鮮麵：ok啦，都算多料；特飲：我老公叫左薄荷朱古力咖啡，個造型幾得，味道亦好好，如果多d碎冰就好似成杯starbucks咁正；我gor杯係士多啤梨soda，都好好飲。整體都好好，套餐份量好足，d哥哥仔服務唔錯，埋單時仲有張$10 coupon送tim。

星期日(25/9) 原本黎食下午茶，入門口已經無人招呼，咁自己搵位坐啦，準備坐落張卡位度時，又話兩個人要坐其他，咁又要自己再轉位，其實0個時已經想走架啦(因為間野都唔滿，仲有好多檯，我諗住最多咪2個人坐一邊囉。但佢都唔俾)跟住睇緊食咩時，發覺間野好大陣油煙味，更加想走。後來，見隔離檯有個女人，一路食一路用野"潑"黎抖涼，更加知間野肯定越食越熱。終於決定都係走啦，咁0既服務同環境，你估唔駛錢咩!原本見下面0既食評好似都幾好，諗住一試，點知原來係咁0既!(P.S.:無食過佢D野，所以係對佢0既服務黎俾分。)

今日黎旺角睇戲睇戲前當然要醫下肚食個午飯同朋友仔share 叫左兩個set lunch烤牛肉撈檬同風味炒金邊粉飲品跟左橙汁特飲同青檸紅茶兩碟粉都好大碟份量好足烤牛肉好野味,份量亦不少但幾油下不過總括黎講係食得過既炒金邊粉炒得唔係太油料只係d雪藏蝦,魚片,芽菜仔等等普通野幸好味道都幾好酸酸甜甜好開胃飲品無乜特別不過服務認真差勁由入門口o個刻已經令人反感行入黎時即刻叫停人要人俾把遮佢仲要講得一d禮貌都無到後黎幫我落單位哥哥仔好似未訓醒咁跟餐有甜品或者飲品揀問佢有咩甜品佢竟然話唔知俾錢時又話假日lunch都要加一但明明個哥哥仔幫我落單時話無架唔係要計較少少錢而係點可以兩個侍應講野唔統一架味道再好都唔值得再幫襯呀!更何況唔係特別好呢!

叫左一個法式雞球飯(跟餐茶),原來即係咕嚕肉飯,個名好新鮮,飯都算多.餸都ok啦,d飯掂都掂唔到d汁,好有趣...味道ok,不過冇乜食過難食既咕嚕肉仲叫左個28蚊既飯,唔記得個名,menu第一頁第一個就係,個名好長,有薄燒牛肉有蛋個個,牛肉份量一般,唔濃味,少汁,飯多,蛋細,跟一杯特色飲品例如咸七咸可樂,總之姓咸既都叫特色飲品...佢地d飯既最大特色係有片菜o係碟面,令人聯想到佢唔洗隻碟.......我諗係我聯想到je兩個飯係28+26蚊,要加一,六十蚊走人總括,味道唔算特別好,唔算差啦當然,環境一般,卡位兩個人迫人坐埋一邊,好衰,又唔係多人,服務都一般......講到尾,乜都係一般,不過下次未必再去

每次來越興園都一定會叫的牛油蒜容包。四片厚厚的法包塗上勁多的牛油蒜容醬，上時熱辣辣，香脆無比，真的美味非常，還有炸蝦餅、同蒜容焗青口也是心水之選，下午茶時間來點這炸蝦餅，還包一杯飲品，可惜星期六、日及假期要收加一，但服務都不錯，加一也說得過。

琴晚一行三人黎到越興園食飯,聽講呢間食肆幾出名,但係我好少黎,因為好少食越南野,今次既印象又唔錯喎! 三個人叫左三野:菠蘿海鮮炒飯,越式春卷,生牛肉湯河。其實全都好好,食不過值得一提菠蘿海鮮炒飯,因為我覺得特別好食。用原個菠蘿上,材料唔少,有好多菠蘿,仲有蟹柳,魷魚,扎肉,蛋…而且唔係炒得好油個隻,食左幾碗都唔覺膩,呢餐最令人回味係呢個炒飯!

真係好細，尤其係門口位，一開門d熱氣係咁攻埋黎。豬扒湯河，豬扒浸到林哂，湯底淡而無味。小拼盤，只係ok牛柳粒紅飯，係整定，太酸，紅飯只係茄汁炒飯，炒得濕$48唔值。反而特價的炒通菜係最好味。加埋杯綠豆冰，埋單$193，下次咪攪，呢個價，大把選擇。

好少食到咁好味概越南菜, 尤其係沙嗲豬排煲, d汁好味, 豬排夠, 用來送飯就最正啦. 而且服務好, 價錢合理, 真係值得一去.

但逼今日去左食...但唔知係咪呢間...因為咁多間又唔知街名...只係知係中旅對面個間太細間啦...坐得唔舒服但d野食都幾好食叫左咖哩牛肉..一般(九龍城個間d咖哩正d)我朋友叫左一客咕嚕雞飯(唔記得個名..只係知有雞同有咕嚕汁)...幾好食跟手見隔離台有人叫左飽魚...好似幾正咁我地都叫埋一份...真係ok好食....真定假我唔知只係知d汁幾好食咁叫左兩杯野埋單兩個人一百六十

旺角o既食肆，質真係極其參差，越與園都叫食得過，起碼食完唔會一肚氣，依家全旺角o既分店好似翻新o左，仲經常有特價，都幾抵。每次去必食菠蘿炒飯、牛油雞翼同蒜蓉飽，記得有次叫了炸魷魚圈，不太好，食落成口都係粉漿，有點失望。其他湯河和炒粉絲都算ok。

係旺角食過有2間此比較好service & taste tea set都算抵(around $23~28)不過見佢lunch都唔算貴(around$32)dinner就唔知因為都幾多人等位toilet比較滑,小心小心!!!

我男朋友鐘意食越南野,所以有時響旺角唸唔到食咩好都會去越興園~一到晚飯時間,附近幾間越興園都幾旺~ 我同我男朋友都好鐘意食牛肉,所以十次有八次都點生牛肉金邊粉.我食過好多地方既生牛肉金邊粉,eg.九龍城金寶,全部都唔及呢度既湯底靚,但又唔係飲完口渴到死既味精湯!!成日食飽哂但碗湯仲未收,就會不其然咁飲下一啖又一啖!!而我亦幾鐘意個小食併盤,樣樣有d,d春卷都熱辣辣炸起,味道唔錯,而且都算大碟ga~~可能我地得兩丁友掛~但就坐得比較迫囉