越興園越南菜館 (已搬遷) 新店位置

星期五晚7點來到旺角中旅社附近好鬼肚餓，見到呢度有野食又有卡位坐，唔想再行就入來食晚飯。我地點左個法式二人套餐：頭盤選了牛油雞翼（2隻）、蒜蓉焗青口（4個）及牛肉粉絲卷（4個）：好味，尤其係青口焗得好香，我連d蒜汁牛油汁都啜埋；主菜係檸檬炸蝦：又熱又脆又好食，點埋d檸檬jam仲正！咖哩海鮮麵：ok啦，都算多料；特飲：我老公叫左薄荷朱古力咖啡，個造型幾得，味道亦好好，如果多d碎冰就好似成杯starbucks咁正；我gor杯係士多啤梨soda，都好好飲。整體都好好，套餐份量好足，d哥哥仔服務唔錯，埋單時仲有張$10 coupon送tim。