越翠苑 (已結業)

次次黎親必食蟹膏檬粉，好足料，好好食，d 料好入味😙最鍾意入面d豬紅，真係好好食，朋友就叫左個飯，都好滿意😙仲叫左烤肉串👍真心讚👍食完檬粉再嘆返碟糕點，紫米糕必食呀😍😍其餘三隻味都ok，仲外賣幾件糕點帶回家😋😋😋

同媽媽去食中午，因為聽人介紹話唔錯，同埋自己幾鍾意食越南菜，就簡咗呢間食晏。人唔多，坐得幾舒服，有卡位空咗仲主動叫我地轉枱。兩個人叫咗蝦肉卷撈檬粉同扎肉河粉，加六蚊有凍飲，叫咗杯凍檸茶，就唔係話太特別。但係份量好夠，我地兩個都食到好飽，蝦肉卷好香口，河粉個湯底好有鮮味，同另外啲舖頭唔同，真係好食唔少。本來想叫甜品食，但太飽所以放棄咗。價錢都ok，檬粉45，河粉47，對比同區嘅越南菜十分抵食。整體嚟講好滿意，又近屋企，會再去食

我係一個食野好清淡嘅人，好少會係出面食。今日行街咁岩經過一間越南餐廳，好似新開左個幾月。由餐廳出面望入去環境幾舒適，啲裝飾好有特色。睇完餐牌之後我決定入去試下，我叫左牛油果沙冰同埋豬扒碎米飯。飲左淡牛油果沙冰，我就❤上了，入口好滑，味道啱啱好，唔會話好甜。至於豬扒碎米飯簡直啱晒我口味，先講豬扒，佢地D豬扒跟出面餐廳唔一樣，出面餐廳會用好多梳打粉黎整豬扒，食落口好似食緊好厚嘅炸粉一樣又好油膩，而佢地嘅豬扒食落去好唔同，口感啱啱好，唔會好油，而碎米飯係係越南進口，同我地平時食嘅米飯有D唔同，佢地嘅碎米飯好細粒，食落口煙煙銀銀加上佢地秘製嘅魚露好好食。聽聞餐廳嘅老闆娘係越南人添，怪唔知得啲嘢食咁正宗啦！十分推薦呢間越南餐廳，大家可以黎試下！👍

最近經過大窩口，附近有好多餐廳，好多都係港式餐廳，發現開咗一間新嘅鋪頭，原來係越南菜，寫住正宗，由於我好少食其他菜式，於是就入去試吓係唔係真係正宗越南菜，需要等候的時間唔係好耐，環境幾舒適，食物十分有驚喜，有越式椰青，好好飲，啲湯底十分之靚和新鮮，特別係蟹膏檬粉，材料十分之豐富，還有各種越南小吃，特別是越式春卷，用生菜包住食，特別有口感，點埋魚露，真係好好味，魚露十分之香，超底食，真係好好味，值得一試！

已經係熟客仔，超鍾意食佢哋嘅蟹檬，酸酸地好開胃，仲有勁多料：豬紅，蟹糕，豆卜，番茄etc...我次次都連湯飲，必食!!仲有米紙卷 ，勁鍾意個啡色醬，出面好小見。仲有個三色飯，有豬扒，豬肉絲， 同埋越南蒸蛋，佢哋d飯係用越南米，細細粒，好有特色。至於飲品通常我會飲越南滴滴咖啡，即係煉奶溝咖啡，好香濃，飲完醒晒。唔小得飲埋牛油果沙冰，so fresh!最後佢哋d甜品糕點都好好味，如果仲食到就必試，似小時候茶樓食嘅味道，真材實料

今日聽朋友講荃灣開左間越南菜就膽粗粗試下入到去先知原來老闆係越南人就叫左自己最愛嘅扎肉撈檬後尾經覺得點解同出面食啲檬粉texture吾同同埋吾會碎濕濕，好食過越棧果啲碎到夾吾到重有羅勒有切碎到可以令到平均撈向檬粉入面吾似出面果啲脾成塊葉你又出吾到味啲料重好重手超多花生碎重叫左一個春卷個春卷加埋老闆秘制魚露真係好食過出面果啲多多聲吾知係米食慣左連鎖店嘅越南嘢，所以一向對越南嘢冇乜信心，但可以話利間嘢令我對越南嘢有翻好大信心整體而言幾好，可以下次去試下其他嘢食