越翠苑 (已結業)

有時返工食晏想食好啲既話呢，有時會揀依間越南野食，因為味道黎講係唔錯既，不過依區黎講就比較貴。今日食咗個咖哩牛腩米，因為想食濃味野，依個就0岩喇。咖哩夠香濃，唔太辣，牛腩夠淋又入味，米粉索哂啲咖哩一齊食，可以食唔停口呀。另外，值得推介既仲有香矛豬排飯同牛肉撈檬，豬排大件又夠淋，牛肉撈檬都做得唔錯，雖然食間野啲菜色無咩特別，但勝在每一道菜都有返咁上下水準。越南菜都唔少得有滴滴咖啡，鐘意飲咖啡既朋友都要試下。

喜歡越菜，說白點是喜歡越式酸魚露。香茅豬扒沾上越式酸魚露再配白飯，香咸甜酸完美地配搭著，真是一流。老公對小店特別關注，又不知從哪裡知道這間越式菜館。餐廳菜式不多，都是一些大路食物。午餐我們就點了最簡單的香茅豬肉飯及豬扒蛋餅飯。老公的豬扒飯很香，而且很淋很入味，蛋餅結實得黎又唔會太硬。豬扒亦很大塊，基本上是肉多過飯。雖然香茅不是貴價食材，大多數餐廳只會落少少的香茅，但這間真是真材實料的。香茅豬肉飯一上枱就聞到勁香的香茅味，豬肉份量多，豬肉很入味。可能是太好餸飯，不知不覺已經食曬成碟飯。餐廳有自制的芒果榚、馬豆榚、椰汁榚等。但太飽試唔到，下次要試吓。

已經多年冇寫食評，為左吾想好味嘅小店消失，所以再次執筆😁小妹已幫襯過多次，以下係心水推介：1.滴滴咖啡：峴港旅遊後一直對當地咖啡念念不忘，餐廳嚟計呢間已經係我飲過最接近嘅味道，夠濃郁回甘味重😍（好飲到我要買返屋企自己冲）2.蟹膏湯檬：雖然蟹膏係現成貨，但湯底濃郁加上勁多配料，尚算不俗😉（本人覺得份量味道好過深水埗第一X）3. 香茅豬肉炒米通粉：香茅味足， 米通係越南訂過嚟，食落煙韌彈牙😁4.咖喱牛腩配法包：份量足法包脆，但咖喱相對比較淡口🤗5. 越式豬肉鴨蛋飯：呢個有啲似東坡肉咁，我間吾中會食下🙄6.牛油果沙冰：呢個同第一X一樣咁好飲🖒（本人係牛油果怪）反而小食類法包三文治就覺得普普通通😜

一班朋友晚餐落腳，到此店消費進食。今次點選了特色牛肉炒通粉，雞翼撈檬，咖喱牛腩配法國包，越式春卷，炸蝦餅雞翼，生牛肉湯河，烤牛肉撈檬，豬扒蛋飯。牛肉炒通粉，第一次食到，通粉乾爽，好味，唔似平時食開通粉加湯。雞翼撈檬，開胃和好味。咖喱牛腩配法國包，咖喱好味，牛腩入味鬆化，再加上法國包一齊食用，正越式春卷，炸得好香脆。炸蝦餅雞翼，炸得好香脆。生牛肉湯河，牛肉美味，香茅葉加葱惹味。烤牛肉撈檬，開胃好味。豬扒蛋飯，好味。

星期日11點一開門，已有幾枱客人。本來想吃牛肉粉，但被蟹膏檬粉吸引住，一於試試姨姨服務態度很好，很友善。檬粉有很多配料: 豆卜，札肉，蕃茄，生菜，（雞）紅，蟹膏。湯底有層次，聞起來有陣咸魚味，甜中帶咸。蟹膏和我想像的有出入，我以為是平時蟹蓋裡的膏，這個口感比較實。姨姨提醒要等上層壺內的咖啡全滴進下面杯中，才可以倒入冰中。杯子底部有煉奶，可按個人喜好和咖啡拌勻。味道不錯，偏甜，可以encore店內其他甜品糕點也很吸引$6一件，下次再試!

開張至今都一直支持這小店，因同區附近没有越色餐廳，今日去買外賣，叫左法包，雞翼飯同豬肉撈檬，見待應阿姐比左少少撈檬的魚露，問佢可否加多少少，待應轉頭答，加多d要比$5,心諗唔係掛，平時老細都比我唔駛加錢，佢話老闆娘講的，望入去廚房，原來老闆娘係位20出頭的後生女，可能係老闆個女。講真$45一碗撈檬你要客人比多$5去換多d d魚露唔係太合理，咁我問堂食如想要多少少魚露都要加$5 ,待應答係，因老闆娘話唔夠人手整魚露檬汁…講真，你唔夠人整都唔關食客事，咁答好倒米，希望老闆同太子女睇到檢討下。題外話，今日食完呢餐好口渴，味精重手左

星期日訓到兩點幾，超肚餓，來呢度試吓。豬扒蒸蛋碎米飯，豬扒好 SOFT 又 JUICY，最驚喜係個蒸蛋，好似肉鬆蒸水蛋，不過呢個比較實，老闆話落左蟹肉同肉碎，唔怪得個味咁鮮啦！香茅牛肉河粉，牛肉充滿香茅味，而且份量頗多；湯底好有層次，先香後甜，老闆話用雞和豬骨肴的。魚露雞翼，對呢個頗有期望，可惜魚露下得不夠，完全食唔出魚露味，失望失望~~越式法包，一條法包開２，餡料頗多，有扎肉、烤肉、肉鬆，搭配香葉、酸菜、青瓜，好好食，下次都要再叫。雪櫃放了４款糕點，好吸引，款款都想試，就叫晒佢啦～～芒果糕、椰汁紫米糕、椰汁紅豆糕、椰汁馬豆糕，款款都不太甜，幾好，最出色係椰汁紫米糕。老闆和服務員親切健談，我最鍾意支持街坊小店，下次再來！

外賣回家，賣相還是一流！店員不用提就將湯、料分開！份量十足的配料一點也不馬虎！大大兩塊蟹膏肉，入口即化！鹹香滿口！喝一口湯，鮮甜美味！值得一讚是它的豆卜，很實在，吸滿了湯汁，簡直是不想吞啊！

之前已經吃過荃灣另一間越南菜小越廚,這天去嚐新的另外一間,感覺還有點像,越翠苑位置不算方便,所以普遍也是街坊客,踏進餐廳老闆娘已相當友善熱情,黃色的裝修格外起眼我其實是衝着牛油果沙冰和越式發包而來的點了一個大法飽,包中夾着扎肉片,醃蘿蔔絲,豬肉絲,香草和一些豬肉片,餡料相當豐富,法包焗得香脆,留意!發包即叫即整,需時較耐,法包配牛油果沙冰,是完美的配搭,相信我😇父母點了扎肉撈檬,很大的一碗!幾乎是有兩個人的份量,扎肉有數片,每片也厚切,毫不吝嗇,配上花生粹和醃蘿蔔,重點是自家製撈檬汁,這簡直幸福得要死😍他們還點了芒果沙冰,很杰身的沙冰,沒有因為將貨就價,而加入大量水打成沙冰,芒果香甜👍🏻👍🏻這些小店,我曾經說過,有的是大集團沒有的人情味和用心,老闆娘和老闆的熱情款待,為這頓晚飯增添了一種越南家的溫暖❤

今日兩個女仔去光顧食越南餐，間餐廳新開，，叫了一個蟹肉湯檬粉、一個豬肉紙米卷、一個芒果糕同紅豆糕，兩份食，女仔就一定夠飽，另外飲品有鹹檸七和越式滴漏咖啡。個紙米卷食落好煙韌，肉和粉嘅比例好好，加少少汁，夏天食好開胃。而蟹膏湯檬粉，湯好香燶，啲蟹膏加埋落啲豬肉，裏面仲有生菜、豆卜、扎肉和番茄等，份量十足，啲餸好多，$47好經濟！而店員服務好好，向他們請教食法，他們有耐心地講解。至於，甜品同樣入味，$6一件，抵食！下次還是會光顧

不知是否潮流，最近荃灣同一時間新開了好幾間越南小店，荃灣廣場對面有一間，路德圍有一間，香車街有一間，而這間在大窩口東亞。因為有天橋連接，於我而言由荃灣市中心走到大窩口感覺也不算太遠。在大快活旁邊，鋪面面積也不少，比以上提及過的小店闊落得多。茶餐廳的格局，圍繞店鋪一圈的是舒適的梳化卡位。星期一至五2:30pm起有下午茶優惠，飯$42，湯檬$38，撈檬$36，送餐飲（凍飲+$3），平時單叫一個撈檬都$45。服務很親切，無論外場內場員工都笑容滿面，很越南式的溫柔。看過傳媒介紹，此店老闆真的是越南人，以做菜給家人食的心態做菜比客人食，食材新鮮健康，不加味精。蝦卷撈檬賣相吸引，蝦餅排得整整齊齊。但整體份量略為少了一點點。蝦餅厚身，微微輕炸，香口彈牙但絕不油膩，感覺清新健康。撈檬內有很多香葉碎，金不換/九層搭的味道濃烈。少少的辣椒但也有一定辣度，不能食辣的記得走辣。碌冧酸甜度適中。食品不算驚為天人，但服務優質也是能留住客人的重點。如果全港食肆都能學習它的服務質素，在這壞與更壞的時代，至少也能找到點小確幸。

和老父二人在大窩口搵食，遇到這間水準不俗兼有住家風味的越南菜館「越翠苑」。店內裝修不豪華，但光猛乾淨，第一印象已唔錯。先點了蟹膏檬粉，食落已知應冇點落味精。蟹膏伴在蒸蛋上，是典型的越南做法，其他餸有扎肉和豬紅。湯很鮮，老闆娘問我吃不吃辣後，便給我一點越南辣椒，加入檬粉味道即起變化，有趣。豬扒扎肉蒸蛋碎米飯，感覺更有在越南家庭吃的住家味道。尤其那一小堆碎米粉，十分開胃。咖哩牛腩配法包，牛腩炆得軟得老人家也吃到，辣只是微辣，老少咸宜也。法包脆脆的，點咖喱汁一流。兩件越南米紙蝦卷中，有一件有少許黏住蕉葉弄破了，老板娘看到即幫我換掉（期間我冇出過聲），夠細心。而那個加入很多花生的醬汁很惹味，連少吃越南東西的老父也讚不絕口。總之，此店感覺相當好，價錢也合理，我肯定會再幫襯！

今日放假休息，當然要搵好野食啦。我同男友黎到新開無耐的越翠苑吃午餐。男友同屋企人之前食過一次覺得幾好，價錢又大眾化，於是就帶我來試試。我哋一點半嚟到，唔算多人。入到去茶餐廳形式，餐廳總算乾淨睇睇有咩食先，原來呢度係冇lunch set嘅，全部散叫。我地點左以下食物分量足夠春卷一共五舊，兩舊內有芋頭，另外三舊有豬肉全部啱啱炸起，熱辣辣加埋檬汁，超正！檬汁夠辣，如果可以加多啲檸檬汁酸少少就Perfect不過成本就貴啲因為而家檸檬都唔平。其實我哋點左蝦肉湯河，但果位姐姐將河粉同隔離嗰位食客嘅檬粉掉轉左分量足夠不過不失總結: 平民價錢可以食到比一般水準高嘅食物

星期六唔知食乜於是喺飲食男女睇到呢一間餐廳 就揸車出去食lunch 附近冇位泊車 入到去 裝修都ok 服務都唔錯 於是叫咗個香茅豬扒碎米飯 同埋一碗牛肉檬粉 仲有一杯越南滴滴咖啡飯嘅豬扒幾好味再加埋啲蔥油係一流 啲飯本身都幾好檬粉個湯好清都幾有牛肉味 整體嚟講份量都幾好幾多夠食 反而係啲飯唔夠 但係杯迪迪咖啡覺得有啲太甜 最後甜品都叫左個芒果糕 整體嚟講下次都會再嚟食嘅

無意中經過一間越南野食鋪頭入面裝修幾有越南feel野食都係正宗越南野食因為老闆係越南人食左個碎米飯飯唔同平時食開嘅泰國香米幾好食同幾有特色另外鋪頭附近都係一啲品牌性餐廳所以支持下小店都幾好