越男仔

營業中

休息中

今晚嚟到越南仔餐廳食晚飯，餐廳以卡位為主，四週牆壁都掛起地磚圖案作裝飾，看看燈罩已經很有越南風情。我們叫了$78手撕雞椰汁酸辣湯檬粉，$138招牌原隻魷魚釀咖哩炒飯，$88會安燒雞飯和$68法式芝心蝦多士（4件）。法式芝心蝦多士是餐廳招牌推介，芝心迷自然不會錯過的，但對芝士我就緣慳了！手撕雞椰汁酸辣湯檬粉，手撕雞不似手撕似雞肉鬆，混和香蒜味道真不錯，最喜歡是椰汁酸辣湯底夠幼滑，少酸不辣吃得胃口也開了！侍應也提來多款調味料，但我覺得味道已經很足夠。未放下枱面的招牌原隻魷魚釀咖哩炒飯，烤魷魚和咖哩炒飯的香味早已經傳送到，烤魷魚和微辣的咖哩炒飯做得挺好，賣相也吸引。會安燒雞飯像我們港式炸子雞，肉質滑有肉味，畧嫌雞皮不夠脆口。我喜歡每道菜都有少許開胃蘿蔔絲伴碟。値得一讚是侍應會主動勤添暖開水，今餐人均消費是$136。

餐廳細細但幾好坐，多卡位，而且間隔夠高，坐得舒服。抬頭一望，燈罩都係用越南帽攞嚟裝飾，幾有心思喎。牆上貼左唔少標語，見到即刻笑左。以下幾樣菜式我地覺得幾好：咸檸沙冰咸檸七飮過，咸檸梳打都試過，但咸檸沙冰真係第一次飲了。咸檸同冰一齊打碎左，口感清爽，出奇好味，好有誠意，推介必試！我地每人叫左一杯，好大杯，好抵飲呀！牙車快（柚子 + 手撕雞 ）$68係越南最出名的沙律，饀料有雞絲、柚子、菜絲同花生粒等等。沙律汁唔多，但各種配料各有其獨特口感，細細碟作為餐前小食，絕對開胃好味。招牌椒鹽軟殻蟹$108第一次食咁大隻軟殻蟹，比一般外面食開的大好多，真係有手掌咁大，冇花冇假的 king size ，啖啖肉。新鮮炸，新鮮食；欣賞佢墊底的菜絲吸走多餘的油，令表面夠乾身，但內裏又保留到蟹汁，唔會乾爭爭咁。但略嫌椒鹽味唔夠，如果重手少少便正了。海膽手撕雞檬紙卷3 件 （套餐小食 +$58）越南獨有的米紙卷，內饀有雞絲、菜絲、檬粉，再用米紙卷起，一般係點魚露食。之前在其他越南餐廳都食過。但呢間創新D，on top 加左海膽，又係另一種食法。米紙卷口味偏淡，加入左濃味的海膽，味道幾夾喎！海膽夠新鮮而且份量不少

平時好少黎呢邊，原來呢度都有好多野食，呢間越南仔好多人食，就一於試下~點左芝心蝦多士，牙車快，燒菠蘿同沙爹粉絲炸軟殻蟹麵包~見到好多人推介芝心蝦多士，有好厚既蝦膠！食落彈牙，下面有脆身既多士，夾住芝士，味道唔錯而且平時少食到有質素既蝦多士~牙車快好大份，入面有青瓜絲，手撕雞，柚子同椰菜絲等，酸酸甜甜，爽口開胃。而燒菠蘿有3大件，燒得好甜好juicy!沙爹粉絲炸軟殻蟹麵包見到好多枱有點，賣相好吸引，原隻軟殻蟹好大隻而且多膏，啖啖肉好正~下面有粉絲，而沙爹汁係另上，所以麵包keep到脆身~不過都係覺得配叻喱汁會夾d~整體呢度野食唔錯而且選擇夠多！

食越南菜，大家會諗到既係清新，夏日，消暑之選。呢間越男仔，早前大大台曾有飲食節目介紹過，早已book mark 好想一試這間fusion 越南野。碰巧一家人不知食乜好，便滿心帶住期望一試！去到，還早未到7點，餐廳已大半滿，看到食評有14個笑面，理應係好好食！ 餐廳內有電視，但播放的全都是不同電視台的飲食節目介紹呢間餐廳，原先還心想原來呢間餐廳係咁出名，但現在就明白哂......講下我地當日食咗乜先，我地叫的既大部份係推介菜式，諗住實冇死⋯⋯最先上的係牛油雞翼，都幾難整得難食，佢未至於難食，但就唔香口，雞翼唔飽滿，好明顯係有翻炸過。而且您睇圖就知，成碟雞翼水準不平均然後就係炸軟殻蟹，睇餐牌既圖片看似好大碟，來到後就好失望，好細碟不難食，但咁細碟收我$108再加一真係去食軟殻蟹手卷冇咁嬲性價比超低！然後再上就係呑拿魚米紙卷$108，得6件，我唔記得咗影相，個外皮好乾身，舊呑拿魚係放在米紙卷上面，再有沙律醬，講真，成件事真係唔多match, 又唔係勁好食，性價比極低！比較正常少少算係蝦餅併豬頸肉撈檬的再來就係期待的魷魚咖哩炒飯，賣相係👌🏽的，但食落，魷魚係乾身但就冇燒魷魚既香味，咖哩炒飯係會

沙田城門河邊的河畔花園有很多餐廳，3點鐘時段既下午茶餐，下午茶餐有很多選擇，粉麵飯都有，天氣熱熱地想食金邊粉，餐廳環境舒服，冷氣温度很好。約5至10分鐘就上菜，可以見到是即叫即炒，不是凍冰冰的炒金邊粉，食物外觀一流，雖然天氣熱，見到熱呼呼的金邊粉，胃口都返晒來。材料有紮肉條、雞蛋等，炒金邊粉既火候不錯，沙律絲酸甜到位。凍飲拉茶加3元，大大杯既飲品，是輕食及休息好地方。眼見既地方都清潔，沒有油油穢穢的感覺，可以再試。注意: 有加一服務費。

午餐時間，到越男仔吃了一碗生牛牛骨湯河，喝了一杯越式拉茶，十分滿足。這間叫越男仔的餐廳，裝潢有身處異地的感覺，很有層次。越男仔生牛牛骨湯河味道很清新，湯底尚算濃郁，生牛肉放到湯中，不消一會兒就熟了，剛剛熟的牛肉非常美味，一點也不韌，牛肉切得不太厚，很容易咬；而河粉份量很多，這裏的河粉是幼身的，口感亦很滑，但味道很淡，配合湯汁一起吃會較好。越式拉茶味道很像香港的奶茶，但感覺茶味較重，而且很香濃，值得一試。

一個人星期五OT收工已經十一點，除左麥當勞仲有咩揀 沙田圍有間越男仔就成為我的食堂.......一碗生蠔椰汁酸湯檬粉加一碟蒜香牛油雞翼就成就了我的happy Friday 生蠔都幾新鮮大隻 應該係廣島蠔 不過生蠔都唔係重點 重點係個湯底稱得上一試難忘 個味好特別 酸得黎好開胃 好岩夏天食 加左椰汁除左香仲令個湯底好滑 會令你係甘飲😂😂😂蒜香牛油雞翼個炸粉稍為厚左小小硬左小小，不過帶黎脆卜卜的感覺又ok🤣🤣🤣

我同女朋友都唔係沙田友💁🏻‍♀，聽人講開河畔果邊開左好多餐廳，😋都有好多好野食😋，於是星期日放假就去睇下，越男仔就係我地當日選中的餐廳🍴我地叫左海南雞飯同越式紅米炒飯，仲有一個小食蝦多士，侍應話係招牌同得獎菜而幅圖都真心幾吸引就叫埋啦。海南雞飯d黃薑飯比其他餐廳做得好，d雞都相當嫩滑，配埋個汁好惹味，總算唔會失望🙍‍♂紅米炒飯就等耐少少，星期日多客多單我們都明白☺，個炒飯好足料有獲氣，有埋紅米生色不少，而份量好多，最好两個人share 再add 其他👍🏻侍應無fake我地，芝心蝦多士係必試！我見店內電視宣傳片都有推介，入面的夾心芝士一咬會流出黎你就知咩事😍😍 滴漏咖啡☕雖然貴少少，不過都值得試下，最好攤凍少少先倒入冰杯，如果唔係好快溶哂...

同一大班朋友食野有時真係好難諗食咩好~今次去完沙田踩單車正好就去到河畔花園o個頭，即刻係哩區試左間新式越南菜 - 越男仔！平時食開越南野都係離唔開越南春卷同串燒等等，估唔到今次叫左一啲新穎配搭都幾有驚喜~招牌原隻魷魚釀咖哩炒飯真係好足料！好似平時比較少食既檬紙卷都有好多款式，幾有驚喜。我地除左試左燒吞拿魚檬紙卷外，店員仲推介左我地食海膽檬紙卷，啲海膽食落好有口感，一份真係唔夠皮！一大班人食野最驚唔夠分，所以我地另外都叫左珍寶拼盤B，特別推介佢既芝心蝦多士，以為兩件事唔Match但咬落唔會覺得好突兀。自己平時好少食蔗，但佢既順化蔗蝦真係好甜～鐘意食串燒既真係必食串燒菠蘿！！真係燒得好入味，啲菠蘿汁鎖哂係啲菠蘿肉到，咬落真係啖啖汁，超正！臨走前都有叫番杯越式咖啡，慢慢滴要等15-20分鐘先飲～耐心等待換來香味十足既好咖啡。完滿咁完成左今次既單車聯誼，去開沙田區既不妨過黎食下，真心有驚喜～

平時好日都唔入嚟沙田，原本都係諗住隨便食嘅，誰知有驚喜。嗰日路過沙田朋友話要食嘢。但係揸咗車，要搵地方泊位，一時三間唔知係邊度食到，上網搵到越南仔。鋪頭出面就有街拍，好方便。我哋幾個人，一開頭叫咗啲普通野，點知老闆好熱情，知道我哋好遠水路入嚟，特登介紹咗幾款fusion 菜式，又幾特別，小妹覺得完全值得推介。我個人首選就係呢個芝士燒蘑菇釀蠔，簡直係人間美味。大蘑菇加芝士燒平時都食得多，原來加埋生蠔海水鹹味，鮮味可以提升好多。我打算以後去朋友屋企燒烤，就用呢個食譜另值得一提嘅就係釀魷魚筒。唔知咩原因最近突然興食魷魚筒飯。之前試過日式燒魷魚筒，有試過泰式釀榴槤嘅魷魚筒飯，今次係 fusion 越式咖喱+粵式炒飯底，釀入魷魚桶，滋味更多層次。 值回票價。仲有個亮點就係 海膽春捲。越南春捲炸下，上面配一舊新鮮海膽，火槍燒一燒，鮮甜漏入甘脆，香嫩無比。個人覺得fusion得好, 老闆幾有唸頭。下次來沙田一定再來🌹

星期天和朋友一起去沙田逛街，剛好發現了這間新派越南餐廳就試一下。雖然餐廳店面不大，但環境舒適，裝飾品也很有創意。侍應服務態度很好，很熱心解釋各款菜式。和朋友們點了數款菜式，生蝦沙律裡的蝦鮮味很足，而且自家製醬料很惹味。另外，豬頸肉也味道不錯，肉質很嫰滑，沒有很“鞋”的感覺。小食拼盤中，個人最喜歡的是蝦多士，表面鋪滿芝麻，非常香口，而內裡滿是芝士和蝦肉，用料很充足，一點也不吝嗇。吞拿魚和三文魚手卷，像是日，越的fusion 菜 ，內裡是粉絲，對比普通的日式手卷，個人更喜歡這個。芝士蠔沒有腥味，而是濃濃的芝士味，如果是喜愛吃芝士的人，這是必點之選。另外，軟殼蟹沙爹粉絲包也是驚喜之作，面包索滿了蟹汁和自家製醬汁，蟹肉也相當好吃。如果大家有空來沙田，一定要試試!

沙田越南菜食開泰菜黎食個越南菜若不在市區 呢間可以on the list首先，餐廳環境幾喜歡小貓幾隻黎食野 太多人就唔好喇燈光剛剛好 燈飾與牆飾幾有格調舒服不焗束然後，重點當然系食物串燒豬頸肉 - 味道剛剛好，唔會柴口，夠juice生蝦 - 個人覺得一般，反而系墊底的沙律真系幾好食拼盆B - 個芝心蝦多士真心好食，啲芝麻滿到似煎堆，你以為蝦多士系多士，錯喇蝦膠先系主角，個角士真系綠葉咁上下墊一墊，個芝士又唔會漏。海膽手撕雞檬紙卷 - 個海膽認真鮮甜！入面手撕雞檬又唔會太搶，系略嫌乾左少少同埋重口味既會覺得差少少味道，面頭加少少鹽會加分。芝士大蘑菇釀蠔 - 重口味既人一定會試下，味道夠岩key，味道層次好豐富。薄荷青檸梳打水 - 呢個真心要讚，出面似一般都系成杯上，好少何成樽梳打水另外比，呢個認真讚！成件事值返曬。唔長篇大論做總結，上面列點夠方便易睇，無論個人系咪身處沙田，呢間系可以去試一試食一食。

今日跟朋友去沙田搵嘢食，佢住附近，帶咗我地去呢間越南嘅餐廳，初時心諗越南野，黎黎去去應該都係咁上下，不過冇所謂啦，我地成班朋友食咩都開心，點知有驚喜喎！我地一共7個人，入到去，佢拼埋比張長枱我地，望下周圍，見到啲燈係好似越南嗰啲尖頭帽，環境都坐得舒服，而且燈光又夠光猛，四周圍都乾乾淨淨。牆上嘅佈置幾得意又新穎，寫住「不准影相，如要影相放低銀両。」🤣好肚餓呀！嗱嗱聲拎個餐牌睇吓有咩嘢食先😛我地叫左魷魚藕苗沙律順化遮蝦三色雞翼拼盤串燒菠蘿燒吞拿魚柚子檬紙卷珍寶拼盤B招牌椒鹽軟殼蟹海膽手撕雞檬紙卷其實佢每一款都好好食，但最令到我深刻嘅有三款，而我覺得係必食推介。第一，串燒菠蘿，菠蘿燒得很好，好香又很多汁，最緊要係一d都唔酸！第二，招牌椒鹽軟殼蟹，軟殼蟹又香又脆，用麵包載著有粉絲加沙嗲汁一起食，一流！第三，三色雞翼拼盤，拼盤排法又唔辣到辣，三隻味都各有特色，唔辣嘅係牛油雞翼，好香好脆但唔油。 大家都食到好飽，但價錢都唔貴，下次可以再去。

之前聽朋友介紹越南菜”越男仔”啲嘢食正，於是捉咗幾個朋友一齊去試吓食.我哋去咗沙田嗰間試食,這裏裝修十，分舒適,好有越南風味,外面有好多泊車位，好方便！餐牌上選擇嘅食物非常多，於是我哋揀了餐牌上皇牌推介!越式生蝦沙律$98這個沙律非常醒胃，生蝦好新鮮，加上佢個酸味醬汁做頭盤一流，作為開胃菜適合不過！越式海南雞 半隻$138 /一隻$248雞肉嫩滑，特別喜歡它的醬汁是用20種鮮果整出嚟的，味道特別有新意！越式生蝦沙律$98這個沙律非常醒胃，生蝦好新鮮，加上佢個酸味醬汁做頭盤一流，作為開胃菜適合不過！招牌原隻魷魚咖喱炒飯$138這個是必食皇牌菜，咖喱飯樣入原隻魷魚內，用上多種咖喱味道特別，不會太辣，魷魚味道有炭燒味道，食起來特別野味！窩蛋烤牛肉生菜包$88又是一個必食招牌菜，食之前要將窩蛋撈勻牛肉，牛肉鮮嫩好味，用生菜包來吃，味道不會太鹹，這個價錢十分抵食！招牌椒鹽軟殼蟹 $108 賣相一流蟹味新鮮椒鹽野味 是必食之選！燒芝士有機珍寶大蘑菇醸生蠔$88 此菜式是老闆誠意推介有一隻大生蠔樣入珍寶大蘑菇🍄芝士放面一齊焗上枱賣相一流切開生蠔蘑菇，非常多汁芝士提升食材味道非常邪惡！三色雞翼拼盤 $

今天晚上同一班朋友仔試食沙田新開的越南餐廳，位置在沙田圍店出面也可泊車非常方便揸車人士,（試業期間星期五六服務至零晨一時點）小店經營難裝修環境也頗花心思,入到店內坐低睇 menu 非常多選擇花多眼亂唔知食乜好嘅時候 侍應即刻嚟介紹 太貼身的服務 因為我哋人多所以點多幾個招牌菜試真啲海膽炸春卷燒吞拿魚柚子檬紙卷窩蛋烤牛肉生菜包三色雞翼拼盤生蝦沙律軟殼蟹沙爹粉絲大脆包招牌原隻魷魚咖喱炒飯招牌椒鹽軟殼蟹海南雞蒜椒茄子燒芝士有機珍寶大蘑菇醸生蠔我特別鍾意食魷魚咖喱炒飯因為佢燒魷魚至半脆 好似以前戲院燒魷魚🦑燒芝士有機珍寶大蘑菇醸生蠔 相當邪惡佢連芝士生蠔一齊焗，芝士面好食而生蠔不失鮮味海南雞看上平平無奇但重點係個汁到普通海南雞是提供辣汁豉油薑容，但呢度啲海南雞汁係有30多種食材組成酸酸甜甜很醒胃招牌椒鹽軟殼蟹 殼真的好軟 而且體積比較小 經油炸後 蟹殼特軟，可連殼一起吃，非常香脆其實今晚食咗好多熱氣野但也不覺得太油膩原因係每度菜也有秘制酸菜伴碟 醒胃之餘去除油膩咁啱老闆 David 也來巡視業務熱情招呼及介紹每道菜做法 明白現在經營小店也相當困難 所以香港人要撐香港小店呀