越男仔

營業中

休息中

前晚加班完，返到屋企附近，食埋晚飯先返去。點左兩個晚餐。胡志明市番茄四寶湯檬：蕃茄湯好濃味，但有啲偏鹹。全豬-扎肉、豬頸肉、豬肉、豬扒。肉唔夠入味。燒雞豬頸肉撈檬：燒雞即炸，皮好脆。豬潤肉都係無咩味，但有撈檬果啲酸甜汁就ok。蒜椒雞翼：跟餐加錢。完全無蒜椒味，雞翼入面都無味。又有陣油膩嘅味道，所以最後無食晒...飲品要另外加錢。因為食物質素麻麻，我地都唔試飲品嚕...

剛開業就經常去吃午飯，只感覺味道越來越差，人員越來越散漫。今天中午叫了個撈檬，二三十分鐘未來，問那個大叔，說已經在煮，老闆也是輕描淡寫的在煮。大哥請問你家檬是金箍棒嗎，煮二十分鐘還不行，另一杯飲品直到吃完了也沒來，最後不要了乾脆。忘了做了明明，不要了還說在做了！飲品沒來，跟那個阿叔說，阿叔崔的時候還故意酸客人，我地媽呀，以後可不來這家吃飯了。酸湯濛味道越來越差！店裡態度越來越差！以後不會去了！不去了！

作為半個越南人嘅我，見到個舖面同野食，真係太肚餓，忍不住入去食。起初，見咁多正評，應該無死，點知大錯特錯！！ 相當後悔。一坐低，乜都唔洗理，生牛肉河同春卷。樣係幾好睇，但湯底無層次，咸咸地肉味，但一定勁重味精失敗。牛肉上枱都熟咗一半，而個湯唔夠熱，唔熟果啲依然唔熟。，失敗中嘅失敗。上麵嘅同時，重上咗一啲調味料，但香葉，芽菜，乜都無！！ 同港式粉麵有乜分別？食到一半，真係忍唔住寫呢個食評。第二樣，最差劣。一上菜已經影，你見到條春卷，有一半係油林林，食落口係唔脆又韌。連炸野要用猛火谷油出黎都唔識，咩廚黎嫁？？？？無肉，得啲蔬菜，塊生菜又唔夠大塊去包住整條春卷魚露重離譜，得個酸味，無鮮味呢間絕對唔係一間越南餐廳，連Fusion 都唔係！ 係一間越南裝修嘅港式味道餐廳埋單$145, 即場打個突。生牛肉粉，原價$88 ，我覺得只值$25.春卷，原價$57, 只係值$15.請各位劣食者去打下BOSS!!

香港作為一個美食之都, 當然可以很容易找到不同國家的美食. 今天, 就到了一間越南餐廳享用午餐. 串燒雞肉有三大串, 又附有惹味的燒汁. 肉質嫩滑多汁.  軟殼蟹沙爹粉絲大脆包首先帶來視覺震撼, 包很大, 軟殼蟹亦很大隻, 軟殼蟹坐落在大包的中心, 霸氣十足. 包外脆內軟, 軟殼蟹鮮甜又香口, 中間還藏着惹味又軟滑的沙爹粉絲. 豬扒拼雞翼撈檬跟有魚露鮮甜汁, 食前可隨自己喜好添多或少. 檬粉很爽口.  凍青檸梳打很有誠意, 玻璃瓶梳打水另上, 青檸多片, 冰亦很多. 可以篤少許青檸然後加少許梳打水, 慢活一番. 凍越式拉茶茶香濃郁, 糖及奶的比例又恰當, 飲到口中, 有茶香又有奶滑, 越式拉茶比港式還多了一份清香, 但要細心才能品嚐出來. 

今日咁岩係河畔花園呢邊做完野，順便係呢邊覓食。行行下見到間食越南野既餐廳叫「越男仔」，一於就試下越南菜！時間算早唔洗等位，入到去侍應好熱情既招待，安排左卡位比我地坐，可以坐得舒服啲！睇下個餐牌，叫左個推介既咖哩海鮮粉絲大脆包，越式蛋包金邊粉，豬頸肉手絲雞米紙卷同埋一杯拉茶沙冰。等左陣先黎個咖哩包，侍應會幫你剪開佢，等你食得方便啲，值得一讚！咖哩唔算太辣，啲粉絲吸晒啲咖哩汁，食落好惹味！海鮮就有魚，青口同魷魚！個包焗得好脆，唔會話吸晒啲汁而淋左。金邊粉係蛋包既，幾特別，份量都幾多，2個人食都差啲食唔曬。越南特色既米紙卷，豬頸肉配上柚子，食落唔會話太濟，有柚子中和返，幾fresh ！個汁酸酸地幾開胃！

冬天中午温度高達23.4度，由沙田港鐵站步行至勵城花園，已熱到出汗，原來天文台報導是50年來最熱的大寒， 真係要講句 「這個冬天不太冷」。為咗降温坐低立即叫個鮮椰青， 冰凍鮮甜清新的椰青吸一口馬上清涼無比！手撕雞椰汁酸湯檬粉，侍應放下調味架的同時提醍我們要先試湯底味道才決定需要調味份量，湯底濃濃的椰香夾著微酸，非常開胃，味道豐富，雞絲滑嫩，不用再加調味，已經非常！牛肉串燒，控制火喉得宜，保持肉嫩， 食落啖啖肉並非切碎牛肉，美味極了！金菠蘿海鮮炒飯，賣相了得，蝦及炸魚放上飯，炒飯加入小量红米更健康，材料有鲜魷魚，菠蘿及紅蘿蔔， 冇腰果冇肉鬆 ，有別於食開菠蘿炒飯， 融合作西方嘅煮法，非常有心思。見到牆上貼上尖沙咀已有分店， 唔使只得新界區有得食啦， 真係一個好消息！

越男仔沙田沙田圍路1-7號勵城花園地下1號舖-----星期六日 沙田新城市廣場真係好逼 逼到搵位食個飯都難 所以B仔就決定行遠少少 試下呢間未試過ge越南野😝 B仔一向都中意食越南菜 中意個種fresh又開胃ge味道 餐牌選擇好多 B仔就揀左d自以為比較穩陣ge選擇 點知.....首先先講下佢地自稱為招牌之一ge魷魚咖喱飯（$138）魷魚都正常 不過不失 但d咖喱飯真係 無咖喱味不突止 d飯仲要一舊舊 有雪味 人地用隔夜飯炒飯 🙈🙈🙈佢地就似用隔左好多夜ge飯炒飯 🤮🤮B仔真係從來未食過甘難食ge咖喱飯 阿活咖喱飯都好食過佢200倍 然後到雞絲柚子沙律（$68）味道都正常ge 真係只係正常 你自己係屋企擺d柚子 切少少菜都可以整到 但係收68蚊 竟然得10隻手指數得曬ge雞絲份量 B仔就真係覺得有d離譜啦..雞絲都唔係好貴姐...越式豬肉生菜包（$78）都一樣 質素令人有驚無喜 又油膩又鹹 🤮🤮🤮從來都未食過甘重口味ge越式生菜包...😭😭😭真鋪真係中曬伏 絕對絕對無下次...好耐未食過甘難食ge野-----B仔整體評價：2/10個👍🏻B仔抵食程度：1/10個👍🏻B仔環境評分：5/10

又到左沙田開飯嘅時候😎原來呢頭附近都幾多越南野！越男仔之前食過銅鑼灣嗰間好正(不過執左☹️)今日再接再厲😍睇吓水準如何🤣感覺舒服左佈置又幾精緻😎👍🏻首先order佢嘅必食推介＂煙三文魚柚子檸檬紙卷＂平時軟殼蟹咪紙卷就食得多呢一個有少少fushion嘅感覺真係夠特別！小小煎香左嘅吞拿魚配合酸甜嘅柚子，恰到好處又開胃！＂法式芝心蝦多士＂聽聞呢一個係佢哋嘅得獎作品，食完又的確唔係浪得虛名😎外皮炸到好鬆化，芝麻粒好香口！咬落去已經有一層芝士喺口入邊爆出黎🤣好友有罪惡感不過超好食！而且整體感覺唔會好油膩，真係做得好出色！食得越南野梗係要試吓佢嘅＂招牌粵式火車頭＂呢一個嘅配料冇我想像中咁驚喜，不過佢嘅河粉同埋湯底就絕對值得一讚！飲落去唔會覺得好重味精，湯底香濃！呢一刻我發現兩個人食都已經好飽🤣食唔晒就梗係打包返去啦，順帶一提佢哋真係好窩心將個飯盒一分為二，方便擺兩款唔同嘅菜式👍🏻大家下次有機會一定要去試吓呢一間冇介紹錯😍

今早一清早就入了沙田陪媽咪飲個早茶，嘆完一盅二件後在沙田新城市行下街，臨近聖誕商場充滿聖誕佈置，好有節日氣氛但人流太多了。所以下午就行下出面公園慢慢hea遊，行下行下就行到河畔花園這邊，這邊住宅區比較舒服些，行咗咁耐開始肚餓了。看見這間越男仔，個名咁突出就入去試下先。這個芝心蝦多士吾錯，蝦肉彈牙芝士流心的。越南菜必叫生牛肉河粉，這個份量不少，牛肉都嫩滑，湯底香濃。越式蒸粉包，熱辣辣味道吾錯。香茅猪扒就比較咸。越式拉茶就似香港奶茶，但這個自家制香茅薑蜜就好夠薑，冬天至啱飲, 好暖身。

平時既我唔太食越南嘢，覺得淡而無味太清😂但今次朋友生日，所以由佢決定食咩，平時我揀開重口味佢今次竟然話想食越南野，我唯有捨命陪君子啦！好彩我地都係沙田附近收工，去沙田越南仔由馬鐵車公廟站行約十分鐘倒，都算易行的！遠遠的已經見到綠綠的生招牌！大約1900 都坐滿左一半客人，幾欣賞呢到既裝修同擺設，都幾有越南風味同感覺👍🏻我地叫左個原隻椰青焗咖哩另加豬仔包不得不讚豬仔包絕對外脆內軟！超讚👍🏻原隻椰青絕對唔係講笑咁大個，入面全部海鮮有蝦有魚有青口等等，最低仲有粉絲勁入味！點豬仔包黎食我一個人可以食二個😂😂牙車快沙律係柚子+手撕雞，酸酸甜甜勁開胃👍🏻👍🏻侍應推介招牌原隻魷魚釀咖哩炒飯，咖哩好香口魷魚唔太硬都不錯，再點埋個薑汁絕配👍🏻最後仲點左個煙三文魚手撕雞檬紙卷，煙三文魚十分香，紙卷有口感，包住蔬菜十分清新！另外朋友點了椰青飲，夠凍好清甜！椰肉都好好味👍🏻👍🏻👍🏻我自己點左杯拉茶認真不錯！今次食越南菜比我想像中有驚喜，但價錢就有點高。勝在服務不錯，環境一流！

次次黎呢到都係食呢個做lunch，雖然係一碗檬粉，但係份量好足，我lunch都要食好多野先夠，以呢碗粉黎計，其實都好夠飽。座位都闊落，環境都算唔錯，值得試一試。

今日交返樓比業主，跟手一齊食飯，佢話要試啲佢搬走後先開嘅餐廳，就揀咗呢間。越南汁有少酸酸甜甜，但佢呢個似係魚露加蒜蓉。個柚子檬紙卷啲味唔太突出，沙律醬太多。串燒拼盤原來豬牛雞各兩串加一串菠蘿，但本人唔食牛，餐廳幫我轉咗雞同豬各 3 串加返串菠蘿，好大串肉，食落唔靭。香茅薑蜜唔太重薑味，可能熱飲啲味會出啲。大蘑菇釀生蠔太重芝士，切開有水出，生蠔唔算大隻。原本我哋叫蟹籽蝦餅，但煮到出嚟先話我哋知無蟹籽，得普通蝦餅，所以比咗雙陪份量我哋，其實一早話我哋知可以轉其他嘢嘛！

今天來到沙田找吃的 聽聞河畔有不少好吃的便來看看 行到見到這間越男仔 好像不錯 便來試一下 餐牌上有不少都想試試 但只有兩人 為免眼闊肚窄 今次只點了三道菜加飲料。首先來的是招牌椒鹽軟殼蟹，果然是招牌野，外面炸得香脆但內裡又保持了濕潤，加上避風塘式炸蒜辣椒，有夠風味再來的是蕃茄火車頭煲配法包，這道點的時候其實是友人見名字幾吸引試試看。怎知道居然滿有驚喜，內有十多樣食材，如果只看外表是完全估不到，再加上蕃茄湯底夠濃，食材都很入味，另外配的法包，加熱了，外皮不硬，外脆內軟，很不錯最後的是招牌生蠔椰汁酸湯檬，分量足，生蠔新鮮，加入椰汁酸湯，搭配很特別。另外紙卷，拼盤好像都不錯，擇日再試。

呢晚見冇人排隊又有啲想食越南野，就入左呢間越男仔。佢個名幾好笑，食哂字咁😂坐低見到佢啲野都幾貴，一碗麵都80蚊起跳，仲要開喺河畔花園，唔怪得冇人排，同咁多位😂我叫個手撕雞檬粉係幾好食嘅，份量亦幾大。手撕雞份量好多，肉質幾滑。最正係個湯，味道帶酸，如果加埋辣味仲正！啲檬粉口感都唔錯，幼身得黎唔會太淋。我friend個牛肉粉都ok，但湯底就較清，冇我嗰碗咁惹味。好彩牛肉都幾嫩滑，同埋一定夠飽！唯一問題係價格唔係好啱個環境同地區🧐

法式芝心蝦多士 $68蝦膠打得好彈牙，而且份量亦都唔少，絕對稱得上係一件厚切蝦多士，內層芝士做到流心效果，而外層嘅麵包亦都炸得好薄脆，加上香口嘅芝麻，的確係一款好唔錯嘅小食。越南蒜香牛油雞翼 $59一碟有5隻，兩個人share足夠有多。雞翼嘅size 平均，而且好夠肉，雞皮炸得香脆，牛油都好突出，而且蒜蓉落得都幾多，啱晒鍾意食蒜蓉嘅我。金菠蘿海鮮炒飯 $88呢個炒飯我地一致覺得可以encore，菠蘿夠多汁又甜，裡面海鮮嘅款式喺一個炒飯嚟講亦都相當齊全 (當中我覺得最好味係隻蝦），而且係每一啖都一定會食到海鮮。另外覺得幾特別嘅係呢個炒飯用左紅米，食落肚會不自覺地覺得多左一份營養。